ფანჯრებში დანთებული სანთლები შობის ღამეს - უკვე რამდენიმე წელია მოსახლეობა დღესასწაულს ასე ხვდება.
პატრიარქის ლოცვა-კურთხევით, შობის დღესასწაულზე სანთლების ფანჯარასთან დანთება მართლმადიდებლებისათვის ტრადიციად იქცა და ეს მაცხოვრის დაბადების სიმბოლოა. ტრადიციას საფუძველი ილია მეორემ ჩაუყარა.
ღამის 11:00 საათზე დაიწყო და დილამდე გაგრძელდა საზეიმო მსახურება ტაძრებში. წირვა სამების საკათედრო ტაძარში მღვდელმთავრებთან ერთად აღავლინა სრულიად საქართველოს კათოლიკოს-პატრიარქმა.