■ საქართველოს პრემიერ-მინისტრის ირაკლი ღარიბაშვილის განცხადებით „ნაციონალური მოძრაობა“ 20 კაციანი სექტაა.

ამის შესახებ პრემიერმა „ექსპო-ჯორჯიაში“ გამართულ შემაჯამებელ პრესკონფერენციაზე მედიასთან საუბრისას განაცხადა.

მისივე თქმით, საქართველოს მთავრობა პასუხისგმებლიანია და რუსეთთან მიმართებაში მთავრობის ხელმძღვანელმა ისეთი განცხადებები უნდა გააკეთოს, რომელიც ხალხისთვის კეთილდღეობის მომტანი იქნება.

„ჩვენ ვართ პასუხისმგებლიანი მთავრობა, ჩვენ პასუხისმგებლები ვართ ჩვენი მოქალაქების წინაშე, მთელი ფილოსოფია იმაში კი არ არის, ვინ უფრო გაბედულად ისაუბრებს მტერია თუ არა რუსეთი, შეაგინებს თუ არ შეაგინებს, საქმე იმაშია, რომ ჩვენ უნდა ვიყოთ პასუხისმგებლები ჩვენს თითოეულ განცხადებაზე.

მე მთავრობის მეთაური ვარ და ისეთი განცხადება უნდა გავაკეთო, რომელიც იქნება კეთილდღეობის მომტანი ჩვენი ხალხისთვის და არა ის, თუ რომელი უფრო დააზიანებს ჩვენს ქვეყანას და „ნაციონალური მოძრაობის“ 20 კაციანი სექტა ვასიამოვნო ამ განცხადებით? სექტად ჩამოყალიბდა ეს მოძრაობა. რეალურად იქ დარჩნენ იდეოლოგიურად შეკავშირებული ადამიანები, ყველა ყოფილი ხელისუფლების თანამშრომელი ჩემთვის მისაღებია, ვინც სახელმწიფოს სამსახურში დგას“,- განაცხადა პრემიერმა.
ავტორი:
ეკა გაფრინდაშვილი