საქართველოს რეგიონული განვითარებისა და ინფრასტრუქტურის მინისტრის მოადგილემ, თენგიზ შერგელაშვილმა, ევროსაბჭოს ადგილობრივ და რეგიონულ ხელისუფლებათა კონგრესის წარმომადგენლები მიიღო. შეხვედრაზე რეგიონების ფინანსური და ინსტიტუციური დამოუკიდებლობის ზრდის, მათ შორის არსებული ეკონომიკური უთანასწორობის შემცირებისა და სხვა აქტუალური საკითხების შესახებ ისაუბრეს.
დელეგაციის ვიზიტის მიზანს საქართველოში, თვითმმართველობის რეფორმისა და ევროსაბჭოს რეკომენდაციების შემდგომ, მიმდინარე პროცესის მონიტორინგი წარმოადგენს. მიმდინარე წლის 15 ივნისს გამართულ სესიაზე, ევროსაბჭოს ადგილობრივ და რეგიონულ ხელისუფლებათა კონგრესმა დადებითად შეაფასა საქართველოში 2014 წლის ადგილობრივი თვითმმართველობის არჩევნები, რომლის ჩატარებაც თვითმართველობის ახალი კოდექსის მიღების შედეგად გახდა შესაძლებელი.