18 ნოემბერს ევროპაში და მათ შორის უკვე მეორე წელია, საქართველოშიც აღინიშნება ანტიბიოტიკების შესახებ ინფორმირებულობის დღე. ღონისძიების მიზანი ანტიბიოტიკებისადმი რეზისტენტრობის ცნობიერების ამაღლებაა, ხაზგასმით აღინიშნება, რომ ანტიბიოტიკებთან რეზისტენტობა საზოგადოებრივი ჯანდაცვის ერთ–ერთი ძირითადი გამოწვევაა. ანტიბიოტიკების რაციონალური გამოყენებისადმი მიძღვნილი დღე ევროკავშირის ქვეყნებთან ერთად ჯანმრთელობის მსოფლიო ორგანიზაციის ევროპის რეგიონში შემავალ 53 ქვეყანაში აღინიშნება. თემაზე სასაუბროდ გადაცემის სტუმრები არიან აკადემიკოსი ვახტანგ ბოჭორიშვილი, ბოჭორიშვილის სახელობის სეფსისისა და ინფექციურ პათოლოგიათა კლინიკის სამსახურის უფროსი, მედიცინის დოქტორი მარიამ გიგაური, მედიცინის დოქტორი, დაავადებათა კონტროლის და საზოგადოებრივი ჯანმრთელობის ეროვნული ცენტრის წარმომადგენელი გიორგი ჩახუნაშვილი და მედიცინის დოქტორი, დაავადებათა კონტროლის და საზოგადოებრივი ჯანმრთელობის ეროვნული ცენტრის წევრი დავით წერეთელი.