გერმანიის ქალაქ ლაიფციგის ერთ-ერთი რადიოს, რადიო mephisto 97.6-ის ყურადღების ცენტრში ორი ქართველი ახალგაზრდა მამაკაცი მოექცა, რომლებიც ლაიფციგში თავშესაფარის მოთხოვნის დაკმაყოფილებას ელოდებიან.

რედაქტორი იოანა კისლერი: "იაშა და მირკო ქართველები არიან. რამდენიმე თვის წინ ისინი ჯერ კიდევ საქართველოში ცხოვრობდნენ. მათ იქ უმაღლესი განათლება მიიღეს, სამსახურიც იშოვეს და ჰქონდათ საერთო ბინა. შემდეგ კი ისინი გერმანიაში ჩამოვიდნენ, თუმცა არა შვებულების გასატარებლად, არამედ, თავშესაფარის სათხოვად. ამის მიზეზია ის, რომ იაშა და მირკო ჰომოსექსუალი წყვილია. მათი სიყვარული და პარტნიორობა მათ სამშობლოში წარმოუდგენელი ამბავია. დისკრიმინაციის და ძალადობისგან თავის ასარიდებლად ისინი გერმანიაში ჩამოვიდნენ და ამჟამად ცხოვრობენ ლაიფციგში თავშესაფარის მაძიებელთა საცხოვრებელში."

თავშესაფრის მაძიებელთა საცხოვრებლის თანამშრომელი ფრანზისკა იოკიში, როემლიც ქართველი ბიჭების შესახლების დროს იქ იმყოფებოდა:

"როდესაც ეს ბიჭები აქ მოვიდნენ, სხვებთან შედარებით, რომლებიც იმავდროულად შესახლდნენ ამ საცხოვრებელში, ძალიან ჩუმად და წყნარად იყვნენ. მხოლოდ მაშინ, როდესაც ჩვენ მათ თავათი ოთახი ვაჩვენეთ, გვთხოვეს, რომ ისეთი ოთახი მიგვეცა მათთვის, სადაც სხვა ქართველ მამაკაცებთან შეხება არ ექნებოდათ, კერძოდ, არ ექნებოდათ საერთო გასასვლელი, ანდა უკეთეს შემთხვევაში ისეთ შენობაში მიგვეცა ოთახი, სადაც ქართველები საერთოდ არ იქნებოდნენ."

რედაქტორი: "იაშას და მირკოს სინამდვილეში არ ქვიათ ეს სახელები. იმის შიშით, რომ არ იცნონ, ისინი თავს იკავებენ საჯაროდ თავათი ნამდვილი სახელების თქმისგან, მათ ასევე არ სურთ მიკროფონში საუბარი."

ფრანზისკა იოკიში: "მათი ემოცია და შიში, როემლიც მას შემდეგ გამოიკვეთა, როდესაც მათ შეიტყეს რომ ქართველ თავშესაფრის მაძიებლ მამაკაცებთან ერთი გასასვლელის მქონე შენობაში მოუწევდათ ცხოვრება, ნათლად აჩვენებდა, თუ რა შიში ქონდათ მათ გადატანილი თავიანთ სამშობლოში."

მოდერატორი: "შეზრუდვები, მუქარები და თავდასხმები - ეს ის ჩამონათვალია, რაც ქართველ ჰომოსექსუალებს თავიანთ სამშობლოში - საქართველოში ემუქრებათ..."

წყარო: http://mephisto976.de/news/niemand-darf-es-wissen-44522