საქართველოში არცერთი ინფრასტრუქტურული პროექტი არ შეჩერებულა,_ამის შესახებ საქართველოს პრემიერ-მინისტრმა, ირაკლი ღარიბაშვილმა მთავრობის ორწლიანი საქმიანობის ანგარიშის წარდგენის დროს განაცხადა. მისივე თქმით, კოალიცია „ქართული ოცნების“ ხელისუფლების სათავეში მოსვლის დღიდან, არაერთი მნიშვნელოვანი პროექტი განხორციელდა ამ მიმართულებით, რომელსაც ჯამში, 2,4 მილიარდი ლარი მოხმარდა. ბოლო 2 წელიწადში აშენდა 16 ხიდი, რეაბილიტაცია ჩაუტარდა 554 კილომეტრ გზასა და 87 ხიდს. დაიგო E60 ჩქაროსნუული ავტომაგისტრალის 40 კმ, ხოლო წლის ბოლომდე, ამავე მაგისტრალზე, კიდევ 18 კილომეტრი გზის გახსნა იგეგმება. „ამ სიმართლის გადამოწმება ძალიან მარტივია, ყველაფერი ხელშესახები და გამჭვირვალეა“_აღნიშნა პრემიერ-მინისტრმა.