დღეს, მთავრობის ადმინისტრაციაში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი ევროპის რეგიონების ასამბლეის პრეზიდენტს ჰანდე ოზსან ბოზატლის შეხვდა.

შეხვედრაზე ერთობლივი რეგიონალური პროექტების განხორციელების შესახებ ისაუბრეს. განსაკუთრებით, ყურადღება გამახვილდა ისეთ პროექტებზე, რომლებიც ხელს შეუწყობს საქართველოს რეგიონებს ევროკავშირში ინტეგრაციის პროცესში. მხარეებმა, ასევე, ისაუბრეს ენერგოუსაფრთხოების საკითხებზე და ამ მხრივ რეგიონში არსებულ პოტენციალზე.