ჰემორაგიული ცხელებით მიმდინარე დაავადებები - "ებოლა" და "ყირიმ კონგო" - ამ ვირუსების პრევენციულ ზომებზე იმსჯელეს აჭარის სამედიცინო დაწესებულების მედიკოსებთან. შეხვედრაზე დაავადებათა კონტროლისა და საზოგადოებრივი ჯანმრთელობის ეროვნული ცენტრისა და ინფექციური პათოლოგიის, შიდსისა და კლინიკური იმუნოლოგიის ცენტრის მიერ სპეციალურად მომზადებული ონლაინ-ლექციაც მოისმინეს. შეხვედრის მონაწილეები ამბობენ, რომ ამ ეტაპზე საქართველოში ებოლას გავრცელების საფრთხე არ არსებობს.