დუშეთის და ფასანაურის სკოლებს დღეიდან ელექტრონული ლაბორატორიები ექნება. ამის შესახებ დღეს განათლების მინისტრის მოადგილემ ლია გიგაურმა, მხარის დეპუტატმა ირაკლი ტრიპოლსკიმ და საქართველოს ტექნიკური უნივერსიტეტის რექტორმა არჩილ ფრანგიშვილმა თანამშრომლობის მემორანდუმი გააფორმეს.
ელექტრონული ლაბორატორიის დახმარებით სკოლის მოსწავლეებს საშუალება ექნებათ ჩაატარონ ცდები ქიმიასა და ფიზიკაში, ამოხსნან ამოცანები მათემატიკაში და გაასწორონ გრამატიკული შეცდომები ქართულში. ელექტრონული ლაბორატორია პირველად ამოქმედდა დუშეთის 2 სკოლაში და ფასანაურში.
ელექტრონული ლაბორატორიების ფუნქციონირება საპილოტეა და პროექტი თბილისის სკოლებშიც უახლოეს მომვალში განხორციელდება. დღესვე პროექტის პრეზენტაციის მიმიდინარეობისას ტექნიკური უნივერსიტეტის მიერ შექმნილი რობოტის პრეზენტაციაც გაიმართა. მანქანა ინგლისური ანბანის ასოებს წერს.