რა არის ყირიმ კონგოს ჰემორაგიული ცხელება? როგორია ებოლას ვირუსის საფრთხე და რა ზომებს უნდა მივმართოთ ცოფის დაავადების თავიდან ასაცილებლად. რჩევებს, გადაცემის დასკვნით ნაწილში, დაავადებათა კონტროლის ცენტრის დირექტორის მოადგილე ეკა ქავთარაძე და იგივე ცენტრის გადამდებ დაავადებათა დეპარტამენტის უფროსი სპეციალისტი ნანა მამუჩიშვილი გვაძლევენ. ეკა ქავთარაძე: "მიმდინარე წლის აპრილის თვეში მთავრობის განკარგულება გამოიცა, რომლითაც განისაზღვრა სოფლის მეურნეობის სამინისტროს ადგილობრივი თვითმართველობების როლი, რომელიც არის ერთერთი ყველაზე დიდი და მნიშვნელოვანი მთელს ამ პროცესში". ყირიმ-კონგოს ჰემორაგიული ცხელება მსოფლიოში ფართოდ გავრცელებული დაავადებაა, რომელსაც იწვევს ვირუსის ერთ-ერთი სახეობა. ეკა ქავთარაძე: "ყველა მაღალი რისკის ქვეყნებიდან შემოსულ მოქალაქეებზე ზედამხედველობა ტარდება, მეტიც შედგენილია სამოქმედო გეგმა თუ რა დოზით უნდა იყოს ჩართული ესა თუ ის უწყება მიმდინარე პროცესში, აქ არის როგორც შსს, შემოსავლების სამსახური, ინფრასტრუქტურის სამინისტრო, სერვისების განვითარების სააგენტო, დაავადებათა კონტროლის ცენტრი".