საქართველოს რეგიონული განვითარებისა და ინფრასტრუქტურის სამინისტროში დღეს გამყოფი ხაზის მიმდებარე სოფლებში დაზარალებული მოსახლეობის საჭიროებებზე რეაგირების დროებითი სამთავრობო კომისიის სხდომა გაიმართა.
სხდომას კომისიის თანათავმჯდომარე, საქართველოს რეგიონული განვითარებისა და იფრასტრუქტურის მინისტრი, ელგუჯა ხოკრიშვილი უძღვებოდა. სხდომის მუშაობაში სხვადახვა სამინისტროების წარმომადგენლები მონაწილეობდნენ.
დღევანდელ სხდომაზე კომისიამ სამი საკითხი განიხილა: კონფლიქტით დაზარალებულ რეგიონების ეკონომიკური მდგომარეობა; საერთაშორისო დონორ ორგანიზაციებთან და დიპლომატიური კორპუსის წარმომადგენლებთან მიმდინარე მოლაპარაკებები; დამატებითი ინფრასტრუქტურული პროექტები გამყოფი ხაზის მიმდებარე სოფლებში.
გამყოფი ხაზის მიმდებარე სოფლებში დაზარალებული მოსახლეობის საჭიროებებზე რეაგირების დროებითი სამთავრობო კომისია გასული წლის 1 ოქტომბერს შეიქმნა.