„თავისთავად უმნიშვნელოვანესია, რომ ევროკავშირმა მიიღო გადაწყვეტილება, კიდევ უფრო მეტად დაჩქარდეს ხელმოწერა საქართველოსა და მოლდოვასთან. ორი გარემოება განაპირობებს ამ პროცესის დაჩქარებას. ბუნებრივია, რეგიონში მიმდინარე მოვლენები ძალიან სერიოზულ პოლიტიკის გადახედვას განაპირობებს, რა თქმა უნდა, ევროკავშირის, ევროატლანტიკური თანამეგობრობის მხრიდან. ხაზგასმით მინდა აღვნიშნო, რომ ჩვენი ქვეყნის, ჩვენი ხელისუფლების მიერ განხორციელებული წარმატებული რეფორმები და ურყევი ნება, რომ საქართველო გახდეს ევროკავშირის, ევროატლანტიკური თანამეგობრობის- კონკრეტულად ნატოს სრულუფლებიანი წევრი და ყველა გადადგმული ნაბიჯი ამ მიმართულებით მნიშვნელოვნად განსაზღვრავს ევროპის ლიდერების გადაწყვეტილებას, მათ მხარდაჭერას საქართველოს ხელისუფლებისადმი და მე ვთვლი, რომ ასეთი სიმტკიცით, ასეთი ერთსულოვნებით საქართველო ნამდვილად მიაღწევს თავის საწადელს.“-განაცხადა ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ალექსი პეტრიაშვილმა ევროკავშირის საქართველოსთან ასოცირების შეთანხმების ხელმოწერის დაჩქარების თაობაზე მიღებული გადაწყვეტილების კომენტირებისას.