"ერთიანი ნაციონალური მოძრაობის" საარჩევნო შტაბის თავმჯდომარემ, გიგი უგულავამ მისი პირადი მიმოწერის გამოქვეყნება გააპროტესტა.
მან დღევანდელ პრესკონფერენციაზე საკუთარ შვილთან საუბრის ამონარიდი წარმოადგინა, სადაც ის ქალიშვილს შეხვედრას უთანხმებს.
"...პროკურატურამ ჩემს საქმეს, რომელიც ხვალ იწყება, ჩემს საკუთარ ქალიშვილთან საუბრის ჩანაწერი დაურთო. ამ საუბარს არანაირი შემხებლობა არ აქვს არანაირ საქმესთან. ეს არის მამისა და შვილის საუბარი...", -- აღნიშნა გიგი უგულავამ.