დღეს სასტუმრო „შერატონ მეტეხი პალასში“ იუსტიციის მინისტრმა თეა წულუკიანმა „ადგილობრივ თვითმმართველობებში ელექტრონული მმართველობის დანერგვის“ პროექტის შედეგების შემაჯამებელი კონფერენცია გახსნა. ღონისძიებაში მონაწილეობდნენ საქართველოს რეგიონული განვითარებისა და ინფრასტრუქტურის მინისტრი დავით ნარმანია; საქართველოში ევროკავშირის წარმომადგენლობის ხელმძღვანელის მოადგილე ბორის იაროშევიჩი; სახელმწიფო სერვისების განვითარების სააგენტოს თავმჯდომარე ლევან სამადაშვილი; დიპლომატიური კორპუსის, საერთაშორისო ორგანიზაციებისა და მუნიციპალიტეტების წარმომადგენლები.
დავით ნარმანია: ,,ელექტრონული მმართველობის დანერგვა გააუმჯობესებს ადმინისტრირებას ადგილობრივი თვითმმართველობების დონეზე, დოკუმენტთბრუნვას, ადგილობრივი სერვისების მიწოდებას ადგილობრივი მოსახლეობისთვის. განსაკუთრებით ისეთ პირობებში, როცა რეგიონებში ეტაპობრივად იმატებს კომპიუტერიზაციის მაჩვენებლები, მნიშვნელოვანია, რომ თვითმმართველობაში ეს სერვისები დროულად იქნეს დანერგილი.''