თვითმმართველობის კოდექსს სტრასბურგში, ევროსაბჭოს ადგილობრივი და რეგიონული ხელისუფლების კონგრესში განიხილავენ, სადაც ვიზიტით საქართველოს რეგიონული განვითარებისა და ინფრასტრუქტურის მინისტრის პირველი მოადგილე თენგიზ შერგელაშვილი და ირაკლი მელაშვილი იმყოფებიან. ვიზიტის მიზანია საქართველოში დაგეგმილი თვითმმართველობის რეფორმის დეტალური განხილვა და ის რეკომენდაციებია, რომლებსაც ევროსაბჭოს ოფიციალური პირები,ასევე საექსპერტო წრეები ქართველ კოლეგებს უზიარებენ. შეხვედრის დროს გაირკვა, რომ ევროსაბჭოს დელეგაცია მთავრობის მიერ ინიცირებულ კანონპროექტს იცნობს და დეცენტრალიზაციისა და თვითმმართველობისთვის რეალური უფლებების მინიჭების თაობაზე მის ძირითად პრინციპებს იზიარებს .