12 დეკემბერს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ალექსი პეტრიაშვილმა მონაწილეობა მიიღო ბელგიაში, ქ.ბრუსელში გამართულ საქართველო-ევროკავშირის თანამშრომლობის საბჭოს მე-14 სხდომაში, რომელსაც, როტაციის პრინციპით, წელს ქართული მხარე, კერძოდ, საგარეო საქმეთა მინისტრი მაია ფანჯიკიძე, თავმჯდომარეობდა. სხდომაზე ევროკავშირის დელეგაციას ხელმძღვანელობდა ლიტვის რესპუბლიკის, როგორც ევროკავშირის საბჭოს ამჟამინდელი თავმჯდომარე ქვეყნის საგარეო საქმეთა მინისტრი ლინას ლინკევიჩიუსი.
თანამშრომლობის საბჭოს სხდომაზე საქართველო-ევროკავშირის ურთიერთობები, ქვეყანაში მიმდინარე რეფორმები დემოკრატიის, კანონის უზენაესობისა და ადამიანის უფლებების დაცვის კუთხით და რუსეთ-საქართველოს კონფლიქტის მშვიდობიანი გადაწყვეტის თემატიკა განიხილეს.