საპატრიარქოსთან არსებული ფონდის ,,გაამწვანე საქართველოს" დახმარებით, რუსთავში 1000 ძირი შავი ფიჭვის ნერგი დარგეს. რუსთავის მერიის ინიციატივითა და საქართველოს საპატრიარქოსთან არსებული ფონდის ,,გაამწვანე საქართველოს" დახმარებით, ქალაქში გამწვანების ფართომასშტაბიანი აქცია გაიმართა. აღნიშნული ღონისძიებით, თვითმმართველი ქალაქი რუსთავის მერია, საქართველოს კათოლიკოს–პატრიარქის ილია მეორის ინიციატივას ეხმაურება გარემოს გამწვანებასთან დაკავშირებით, რომლის თანახმადაც, სპეციალური ფონდი "გაამწვანე საქართველო" შეიქმნა.
აქციაში მონაწილეობა მიიღეს: პარლამენტის ვიცე-სპიკერმა, რუსთავის მაჟორიტარმა დეპუტატმა ზვიად ძიძიგურმა, საქართველოს რეგიონული განვითარების და ინფრასტრუქტურის მინისტრმა დავით ნარმანიამ, საქართველოს გარემოს დაცვის მინისტრმა ხათუნა გოგალაძემ, სპორტისა და ახალგაზრდობის საქმეთა მინისტრმა ლევან ყიფიანმა, რუსთავის მერმა დავით ჯიქიამ, ეროვნული სატყეო სააგენტოს ხელმძღვანელმა ბიძინა გიორგობიანმა, რუსთაველმა მიტროპოლიტმა მეუფე იოანემ და პატრიარქის ქორეპისკოპოსმა მეუფე იაკობმა.
გამწვანების აქციაში დღეს რუსთავის საპატრულო პოლიციის, ხანძარსაწინააღმდეგო სამსახურის თანამშრომლები, რუსთავის მორაგბეთა გუნდი ,,ხარები", სტუდენტები და სკოლის მოსწავლეები, მედიცინისა და კულტურის სფეროს წარმომადგენლებიც იღებდნენ მონაწილეობას. ლეონიძის სკვერის რეაბილიტაციის პარალელურად დღეს 1000 შავი ფიჭვის ნერგი დაირგა.