2013 წლის ნოემბერში საქართველოს სხვადასხვა რეგიონში 9 ახალი საჯარო სკოლის მშენებლობა დაიწყება, სკოლების მშენებლობის პრეზენტაცია განათლების სამინისტროში გაიმართა. მას განათლების მინისტრის გარდა, რეგიონული განვითარებისა და ინფრასტრუქტურის, ენერგეტიკის, ფინანსთა და სპორტის მინისტრები ესწრებოდნენ. როგორც თამარ სანიკიძემ აღნიშნა, სამინისტროს შესაბამისმა სამსახურებმა, სკოლების ინფრასტრუქტურული ვითარების შესწავლის მიზნით, რამდენიმე თვიანი მონიტორინგი განახორციელეს და გადაუდებელი საჭიროებიდან გამომდინარე 9 სოფლის სკოლის მშენებლობა გადაწყდა.