საქართველოს პარლამენტის შენობის წინ მიმდინარე აქციაზე სიტყვიერი და ფიზიკური დაპირისპირება. დაპირისპირება აქციის მონაწილეებს შორის მოხდა, რის შემდეგაც აქციის მონაწილეებმა და სამართალდამცველებმა ერთ-ერთ მოქალაქეს ტერიტორია დაატოვებინეს. #TbilisiToday #თბილისიდღეს
ახალგაზრდა გოგო, რომელიც სამსახურს ეძებდა, ტრეფიკინგის მსხვერპლი გახდა. როგორც თავად ყვება, რამდენიმე წლის განმავლობაში ის სექსუალური ექსპლუატაციის ქვეშ იყო. სავარაუდო მოძალადე 56 წლის ქალია. ლია გაბისკირია პოლიციამ უკვე დააკავა. ბრალდებულს 15 წლამდე პატიმრობა ემუქრება. #TbilisiToday #თბილისიდღეს
სამშენებლო ბუმი, რომელმაც დედაქალაქი მთლიანად მოიცვა, შესაძლოა, დამანგრეველი აღმოჩნდეს. გეოლოგები და სეისმოლოგები იმ საფრთხეებზე საუბრობენ, რომელიც შესაძლოა, ძლიერ მიწისძვრას მოჰყვეს. პრობლემა ქაოსური და უკონტროლო მშენებლობებია. სპეციალისტები ამბობენ, რომ ახლადაშენებული კორპუსების დიდი ნაწილი საშუალო დონის მიწისძვრასაც კი ვერ გაუძლებს. პრობლემა გეოლოგიური დასკვნაა, რომლეიც კორპუსის მშენებლობამდე გაიცემა. გეოლოგიური რევიზია აჩვენებს გრუნტის სახეობას, სიღრმეს. ის არის მთავარი სახელმძღვანელო სამშენებლო მასალის, ტექნოლოგიის, მთელი პროექტისათვის მომავალში. დედამიწის შემსწავლელ მეცნიერებათა ინსტიტუტისა და სეისმოლოგიის ეროვნული ცენტრის დირექტორი, თეა გოდოლაძე, ამბობს, რომ გეოტექნიკურისამუშაოები ყალბდება და 100 ლარად ნებისმიერ ფურცელს იყიდი. ამასთან, გეოლოგების ლიცენზირება არ არსებობს და შესაბამისად, ამ პროფესიის ადამიანების კონტროლის მექანიზმი სახელმწიფოს არა აქვს. თბილისში არსებული სამშენებლო პოლიტიკის თანახმად კი, დამკვეთი ვალდებულია, არქიტექტურის სამსახურს, სხვა საბუთებთან ერთად, წარუდგინოს გეოტექნიკური დასკვნაც. დასკვნაზე კი კერძო კომპანიები და ფიზიკური პირები მუშაობენ. ქანების შესწავლის პროცესს და შედეგს სახელმწიფო არ აკონტროლებს. ის ექსპერტს უპირობოდ ენდობა. არამხოლოდ გეოლოგიურ ექსპერტიზაზე, მერია პასუხს არც მშენებლობის ხარისხზე აგებს, რომელიც საქართველოში უკიდურესად მოძველებული ნორმებით რეგულირდება. 4,5 მაგნიტუდის სიმძლავრის მიწისძვრა თბილისში 2002 წელს დაფიქსირდა. სეისმოლოგები ასეთ რყევას სუსტი მიწისძვრის კატეგორიაში მიითვლიან. მიუხედავად ამისა, თბილისში 12 000 შენობა დაზიანდა, უკლებლივ ყველა სკოლა, რის გამოც სასწავლო პროცესი შეჩერდა. იყო მსხვერპლიც. გარდაიცვალა 7 ადამიანი. #TbilisiToday #თბილისიდღეს
“პატრიოტთა ალიანსის“ თბილისის მერობის კანდიდატმა, ირმა ინაშვილმა ვაკის რაიონის მაჟორიტარი დეპუტატობის კანდიდატად მაია დათუნაშვილი სიმღერით წარადგინა და აღნიშნა, რომ გამარჯვების შემთხვევაში ის საკრებულოში განათლებისა და კულტურის მიმართულებით იმუშავებს. #TbilisiToday #თბილისიდღეს
პირველი ნოემბრიდან საპატრულო პოლიციას ურჩი მძღოლების გამოვლენაში ჭკვიანი კამერებიც დაეხმარება. უკონტაქტო პატრულირების ელექტრონული სისტემის დამონტაჟება თბილისის მასშტაბით თითქმის დასრულებულია. #TbilisiToday #თბილისიდღეს
GEORGIA MADE BY CHARACTERS Guest of honour at the Frankfurter Buchmesse 2018 Animation created by JWT Metro Music by Niaz Diasamidze #TbilisiToday #თბილისიდღეს
„ქართული ოცნება – დემოკრატიული საქართველოს“ თბილისის მერობის კანდიდატმა, კახა კალაძემ საზოგადოებას, პროგრამული ხედვის ფარგლებში, სატრანსპორტო პოლიტიკა და მისი ძირითადი მიმართულებები წარუდგინა. პროგრამაში მოხვდა მარშალ გელოვანის გამზირიდან სამტრედიის ქუჩაზე გამავალ ე.წ. დაკიდულ ხიდი, რომლის განხორციელებაზე „ქართულმა ოცნებამ 2013 წლის თებერვალში უარი განაცხადა. მოგვიანებით გაირკვა, რომ პროექტი აუცილებლად განხორციელდება. სრულად წაკითხვა: http://tbilisitoday.ge/rogori-iqneba-vefkhvi-da-moymis-dakiduli-khidi-video/ #TbilisiToday #თბილისიდღეს
უახლოეს მომავალში თბილისს განახლებული და ახალი საბაგიროები ექნება. ამის შესახებ ინფორმაციას 1tv ავრცელებს. თანამედროვე სტანდარტების შესაბამისად აღჭურვილი, ეკოლოგიურად სუფთა და მთის რელიეფისთვის მოსახერხებელი ტრანსპორტი ქალაქის რამდენიმე წერტილში იმოძრავებს. როგორ განვითარდება დედაქალაქის საბაგირო ქსელი უახლოეს წლებში – გენგეგმაზე მომუშავე ჯგუფის წევრები ამბობენ, რომ უნდა მოხდეს როგორც უკვე არსებული საბაგირო გზების აღდგენა, ისე ახლების დამატება. რა კონკრეტული გეგმები აქვს მერიას ამაზე კომენტარი არ კეთდება, თუმცა გენგეგმის ავტორებს იმედი აქვთ, რომ მათი გეგემა დამტკიცდება და ქალაქის მთავრობის მომავალი ხელმძღვანელებიც აღნიშნული დოკუმენტით იხელმძღვანელებენ. სრულად წაკითხვა: http://tbilisitoday.ge/uakhloes-momavalshi-tbiliss-ganakhlebuli-da-akhali-sabagiroebi-eqneba/ #TbilisiToday #თბილისიდღეს
თბილისში მდებარე ძაღლების ორ ცნობილ თავშესაფარს დახურვის საფრთხე ემუქრება, მიზეზი უსახსრობაა. თამაზ ელისბარაშვილი დახმარებისთვის საზოგადოებას და ხელისუფლებას მიმართავს. პრობლემები აქვთ ცხოველთა დაცვისა და გადარჩენის საზოგადოებაშიც. მიუხედავად იმისა, რომ ორგანიზაციას რამდენიმე შემომწირველი ჰყავს, საჭირო ხარჯების მხოლოდ 5-ი პროცენტის დაფარვას ახერხებს. თუ პრობლემა ვერ მოგვარდება, ათობით შინაური ცხოველი ბედის ანაბარა დარჩება. #TbilisiToday #თბილისიდღეს
ELLE Magazine-ის ამერიკულმა ჟურნალმა Facebook-ის ქავერად თბილისში დრონით გადაღებული ვიდეო დააყენა. ვიდეო საქართველოს მოდის შესახებ ჟურნალში გამოქვეყნებული სტატიისთვის შეიქმნა. სტატიაში საქართველოში ე.წ. აუცილებლად სანახავი ადგილების შესახებ წერია, რომელთა ფონზეც მოდელებია არიან გადაღებულნი. #TbilisiToday #თბილისიდღეს
შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს დამნაშავეთა სამყაროს წინააღმდეგ ბრძოლის სამმართველოს თანამშრომლებმა, 1952 წელს დაბადებული, წარსულში რამდენჯერმე ნასამართლევი, რუსეთის ფედერაციის მიერ დეპორტირებული მ.გ., კანონიერი ქურდობის ბრალდებით, თბილისის საერთაშორისო აეროპორტში დააკავეს. სამართალდამცველებმა მ.გ. თბილისის საერთაშორისო აეროპორტში იმ დროს დააკავეს, როდესაც რუსეთის ფედერაციიდან საქართველოში ჩამოფრინდა. გამოძიებამ დაადგინა, რომ მ.გ. 1980 წლიდან ე.წ. ქურდულ სამყაროში აღიარებულია „კანონიერ ქურდად“. ასევე დადგინდა, რომ იგი ბოლო წლების განმავლობაში უკრაინასა და რუსეთში იმყოფებოდა. გამოძიება კანონიერი ქურდობის ფაქტზე მიმდინარეობს (საქართველოს სსკ-ს 223-ე პრიმა მუხლის მე-2 ნაწილით). #TbilisiToday #თბილისიდღეს
გიორგი კვირიკაშვილმა თბილისის საკრებულოს მაჟორიტარობის კანდიდატების სია ცოტა ხნის წინ, ბოტანიკურ ბაღში წარადგინა. პრემიერმა სულ 25 ადამიანის სია წარმოადგინა რაიონების მიხედვით. მათ შორის როგორც ძველი, ისე ახალი სახეები არიან. მთაწმინდა- ჯაბა ჯიშკარიანი; ვაკე- გიორგი მუსხელიშვილი და გიორგი ბირბიჩაძე; საბურთალო - ავთანდილ ცინცაძე, დავით უთმელიძე, ვახტანგ შაქარიშვილი; კრწანისი - თემურ გორგაძე; ისანი - ილია ჯიშკარიანი, ნინო ლაცაბიძე, ლევან დავითაშვილი; სამგორი - რევაზ სოხაძე, გიორგი ტყემალაძე, გიორგი დოხტურიშვილი, ქეთევან მამულაშვილი; ჩუღურეთი - რიმა ბერაძე; დიდუბე - ვლადიმერ ძნელაძე, ტარას შურღაია; ნაძალადევი - თამარ ტალიაშვილი, დავით ჭელიძე, მიხეილ ამაშუკელი, ალექსანდრე ხუჯაძე; გლდანი - შალვა ოგბაიძე, ოთარ გრიგოლია, გულია გოცირიძე, ქეთევამ ჯოხაძე. კანდიდატების დასახელებამდე, პრემიერი ბოლო დროის მთავარ თემას - ხანძრებს ემოციური რეპლიკით გამოეხმაურა: “წვიმა არ მოვიდესო და... ამ ხანძრების ფონზე ისე შემიყვარდა წვიმა... ყოველთვის მიყვარდა, მაგრამ დღეს უფრო განსაკუთრებულად მიყვარს, არ გვაშინებს არაფერი“. ბოტანიკურ ბაღში მალევე გაწვიმდა. ადგილობრივი თვითმმართველობის არჩევნები 21 ოქტომბერს გაიმართება. #TbilisiToday #თბილისიდღეს