მეზობელი თუქრქეთი საკონსტიტუციო ცვლილებების მოლოდინში. რეფერენდუმის შედეგები, რომლის მიხედვითაც პრეზიდენტის უფლებამოსილება უპრეზედენტოდ იზრდება. არსებობს თუ არა იმის საშიშროება, რომ თურქეთი დემოკრატიული განვითარების გზიდან გადაუხვევს, რა გავლენას იქონიებს მეზობელ ქვეყანაში მიმდინარე პროცესები ევროატლანტიკური კურსის მქონე საქართველოზე. თურქეთის ელჩი საქართველოში, ზაქი ლევენთ გუმრუქჩუ სტარვიზიაზე.
საქართველოს პარლამენტის ვიცე სპიკერი 2012-2016 წლებში. აქტუალური თემა სტარვიზიაზე.
პოლიტოლოგი გია ხუხაშვილი სტარვიზიაზე
ანექსიის გაგრძელება - ე.წ. სახელმწიფო ალანია და საპრეზიდენტო არჩევნები საქართველოს ოკუპირებულ ტერიტორიებზე. ამ თემაზე გადაცემაში სტუმრად შერიგებისა და სამოქალაქო თანასწორობის საკითხებში სახელმწიფო მინისტრი, ქეთევან ციხელაშვილი.
პარლამენტში გიორგი მარგველაშვილის ყოველწლიურ ანგარიშზე პრეზიდენტის საპარლამენტო მდივანთან, ანა დოლიძესთან, ექსკლიუზიურ ინტერვიუში ვისაუბრებთ. სტარვიზია. აქტუალური თემა.
რუსთავი 2-ის საქმე. დავით დვალი - რუსთავი 2 - ის დამფუძნებელი. აქტუალური თემა სტარვიზიაზე
"საქართველოს დემოკრატიული ინიციატივის" თავმჯდომარე გიორგი მშვენიერაძე სტარვიზიაზე
პარლამენტარი, ფრაქცია "ევროპული საქართველოს" თავმჯდომარე
მედიაგრუპ "სტარვიზიის" გენერალური პროდიუსერი ეგორ კუროპტევი. Генеральный продюсер медиа-группы Starvision Егор Куроптев о деле Rustavi 2. General producer for Starvision media group Egor Kuroptev on Rustavi 2 case.
პოლიტოლოგი გია ხუხაშვილი სტარვიზიაზე
ძიუდოს საერთაშორისო წესები იცვლება, როგორ აისახება საქართველოზე ცვლილებები და როგორ ვითარდება საქართველოში საბრძოლო ხელოვნება. „აქტუალური თემა - სპორტის“ შეკითხვებს საერთაშორისო კატეგორის მსაჯმა ძიუდოში ვლადიმერ ნუცუბიძემ და საქართველოს საბრძოლო ხელოვნებათა საერთაშორისო სპორტული ფედერაციის პრეზიდენტმა კახაბერ მარკოზაშვილმა უპასუხეს. უყურეთ „სტარვიზიის“ ეთერში და უსმინეთ რადიო STAR FM-ზე, ყოველ ხუთშაბათს 21:30 საათზე, გადაცემას „აქტუალური თემა - სპორტი“. #სპორტი
"ფინანსთა მინისტრის განცხადებებიდან ერთი დასკვნა შეიძლება გამოვიტანოთ მხოლოდ - ჩვენი მთავრობა და ფინანსთა მინისტრი აცდენილია იმ რეალობას, რომელიც დღეს ქვეყანაშია. მთავრობა აკეთებს სულ სხვა განცხადებებს, რეალურად სულ სხვა სურათს ვხედავთ...რეალურად ქვეყანა ღრმა კრიზისშია და ამ კრიზისიდან გამოყვანას ვერ უზრუნველყოფს მთავრობის ოთხპუნქტიანი გეგმა, მით უმეტეს უარესის მოლოდინები ჩნდება ამ გეგმიდან გამომდინარე...ხოლო ბიუჯეტ, რომელიც ხელისუფლებამ წარმოადგინა, არ არის ქვეყნის უკეთეს მომავალზე ორიენტირებული" - განაცხადა "პატრიოტთა ალიანსის" პოლიტიკურმა მდივანმა, გოჩა თევდორაძემ, "სტარვიზიის" ეთერში. უყურეთ "სტარვიზიაზე" და უსმინეთ რადიო star fm-ზე, "აქტუალური თემის" შეკითხვებს გოჩა თევდორაძე პასუხობს.
"დებულება, რომელიც პარლამენტმა მიიღო საკონსტიტუციო კომისიასთან დაკავშირებით, არის აბსოლუტურად დისკრიმინაციული. პარლამენტი ვერ ხსნის, თუ რატომ მოხდა ასე დაყოფა. კანონით გვაქვს სრული უფლება, რომ ვიყოთ ამ კომისიის შემადენლობაში, მაგრამ გამოვიდა ისე, რომ პარლამენტში ვიღაცის ხუშტურზე, ვიღაცას მოუნდა და ვინც იყო ბლოკის დებულებით ნომერი პირველი, ის იყოს მხოლოდ კომისიაში და ნომერი მეორე არა."- განაცხადა პარტია "ახალი საქართველოს" წევრმა გურამ ჩალაგაშვილმა "სტარვიზიის" ეთერში. უყურეთ "სტარვიზიაზე" და უსმინეთ რადიო star fm-ზე, "აქტუალური თემის" შეკითხვებს გურამ ჩალაგაშვილი პასუხობს.
"თუ გავითვაისწინებთ იმ პოლიტიურ რეალობას, რომელიც დღეს საქართველოში შეიქმნა, რომ ერთი პოლიტიკური ძალა ფლობს საკონსტიტუციო უმრალესობას და მას აქვს შესაძლებლობა, დამოუკიდებლად მიიღოს გადაწყვეტილება კონსტიტუციის შეცვლასთან დაკავშირებით, ამიტომ ხდება აქტუალური და მნიშვნელოვანი საკონსტიტუციო კომისიის ფორმატის შექმნა. მან უნდა შექმნას იმის შესაძლებლობა, რომ პოლიტიკურ პარტიებს, არასამთავრობო სექტორს და პოლტიკურ ინსტიტუტებს ჰქონდეთ საშუალება, მიიღონ მონაწლეობა ამ უმნიშვნელოვანესი დოკუმენტის შექმნაში. კონსტიტუცია არის არა ერთი პოლიტიკური ძალის შესაქმნელი დოკუმენტი, არამედ ფართო კონსენსუსის შედეგად მისაღები დოკუმენტი." - განაცხადა კონსტიტუციონალისტმა კოტე ჩოკორაიამ "სტარვიზიის" ეთერში. უყურეთ "სტარვიზიაზე" და უსმინეთ რადიო star fm-ზე, "აქტუალური თემის" შეკითხვებს კოტე ჩოკორაია პასუხობს.
„გამომდინარე იქიდან, რომ ძალოვან სისტემას გიორგი კვირიკაშილი არ შეხებია და ძალოვანი სისტემის მინისტრები მის გუნდად არ მოიაზრებიან, ბუნდოვანება დარჩა იმის შესახებ, თუ სად არის ძალის ცენტრი, სად მიიღება გადაწყვეტილებები, პრემიერ-მინისტრი არის თუ არა გადაწყვეტილების მიღების უნარიანი და შესაბამისად, არის თუ არა პროცესებზე პასუხისმგებელი.“ - განაცხადა პოლიტოლოგმა გია ხუხაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გია ხუხაშვილი პასუხობს.
„რა თქმა უნდა ის საშიშროება, რაც ე.წ. რუსულ პროპაგანდას თან ახლავს, ეს არ არის მხოლოდ საქართველოს გამოწვევა. ამას დღეს აქტიურად ვუპირისპირდებით და მეტი ინფორმირებულობით ვცდილობთ, რომ გავუმკლავდეთ არა მხოლოდ საქართველოში, არამედ აღმოსავლეთ ევროპის ქვეყნებიც, ამავდროულად, ევროპა ამერიკა და ზოგადად მსოფლიოც კი. შესაბამისად, მნიშვნელოვანია, გააზრებული გვქონდეს ეს საფრთხეები. ერთადერთი საშუალება, რითიც პროპაგანდას შეიძლება გავუმკლავდეთ, არის ინფორმირებული საზოგადოება. შესაბამისად, როდესაც ადამიანს აქვს ზუსტი ინფორმაცია, რას ნიშნავს ნატო, რა ტიპის პოლიტიკა აქვს მას, რა ურთიერთობა აქვს ჩვენს ქვეყანას ნატოსთან, მისთვის სასაცილოც კი ხდება ის მითები, რომლებიც ამ საკითხთან დაკავშირებით ვრცელდება“ - განაცხადა „ ნატოსა და ევროკავშირის შესახებ საინფორმაციო ცენტრის“ დირექტორმა, ქეთევან ჩაჩავამ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ქეთევან ჩაჩავა პასუხობს.
„ჩვენ ვფიქრობთ, რომ ცესკოს თავმჯდომარის 22 ნოემბრის განკარგულება, რომლითაც პოლიტიკური გაერთიანებებისთვის დაფინანსება განისაზღვრა, გარკვეულწილად არასწორ ინტერპრეტაციას ეფუძნება მოქალაქეთა პოლიტიკური გაერთიანების შესახებ კანონში, რაც ფაქტობრივად პრივილეგირებულ მდგომარეობაში აყენებს ერთ პოლიტიკურ გაერთიანებას -ეს არის „მრეწველობა გადაარჩენს საქართველოს“ - და ასევე უგულებელყოფს მეორე პარტიის ინტერესებს - ეს არის „თავისუფალი დემოკრატები“. განსხვავებით „თავისუფალი დემოკრატებისგან“, მრეწველთა პარტიამ 2016 წლის საპარლამენტო არჩევნებზე ვერ გადალახა დაფინანსების მოსაპოვებლად დადგენილი მინიმალური სამპროცენტიანი ბარიერი.“ - განაცხადა „ახალგაზრდა იურისტთა ასოციაციის“ საარჩევნო პროექტების კოორდინატორმა, ლელა ტალიურმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ლელა ტალიური პასუხობს.
„თამარ ჟვანიამ კანონის დარღვევით გაანაწილა სახელმწიფო ბიუჯეტი კონკრეტულ პარტიებზე. ჩვენ საუბარი გვაქვს იმაზე, რომ პარტია „მრეწველებმა“ უკანონოდ მიიღეს 300 000-იანი დაფინანსება...ეს იყო არაკანონიერი გადაწყვეტილება, თუმცა ჩვენთვის და ზოგადად საზოგადოებისთვის ყველაზე საფრთხის შემცველი არის ის, რომ ყველაფერი ეს ემსახურებოდა, რომ 2017 წლის თვითმმართველობის არჩევნებზე კომისიაში არ იყოს წარმოდგენილი „თავისუფალი დემოკრატები“, როგორც ოპოზიციური ძალა და „ქართულ ოცნებას“ კიდევ ერთი დამატებითი ხმა ჰქონდეს, რათა აკონტროლოს საარჩევნო პროცესი.“ - განაცხადა „თავისუფალი დემოკრატების აღმასრულებელმა მდივანმა, თამარ კეკენაძემ „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს თამარ კეკენაძე პასუხობს.
„საკონსტიტუციო უმრავლესობა არის დიდი პასუხისმგებლობა, რადგანაც ჩვენს გუნდს აქვს იმის შესაძლებლობა, რომ დააკომპლექტოს მთავრობა, შეცვალოს კონსტიტუცია და ფაქტობრივად ყოველგვარი ხელისშეშლის გარეშე მართოს ქვეყანა. დღეს „ქართულ ოცნებას“ სრულად აქვს შესაძლებლობა, თვითონს განსაზღვროს ვინ რა თანამდებობაზე უნდა იყოს, როგორ უნდა იყოს ქვეყნის მოწყობა და შესაბამისად უნდა აიღოს პასუხისმგებლობა წინასაარჩევნო დაპირებები და პროგრამა შეასრულოს. 4 წლის მერე ჩვენ არ გვექნება არანაირი გამართლება იმისა, რომ ეს დაპირებები არ შესრულდეს. ამიტომ გვაქვს უდიდესი პასუხისმგებლობა დაკისრებული.“ - განაცხადა „ქართული ოცნების“ წევრმა, ილია წულაიამ, „სტარვიზიის“ ეთერში. უყურეთ „სტარვიზიაზე“ დაუსმინეთ რადიო star fm-ზე, „აქტუალური თემის“ შეკითხვებს ილია წულაია პასუხობს.
„საპარლამენტო მოდელი შეიძლება ძალიან კარგად ჟღერდეს დასავლეთ ევროპის ქვეყნებში, მაგრამ ჩვენს რეალობაში პარტიები რამდენად არიან მზად ამისთვის, ამას მხოლოდ დრო გვაჩვენებს.თუმცა წინა ოთხი წლის გამოცდილებას თუ გავიაზრებთ ამ კუთხით, შეფერხებები იყო რა თქმა უნდა, მაგრამ პარლამენტი მაინც ახერხებდა გარკვეულ საკითხებზე შეჯერებას...რაც არ უნდა ცვლილება განხროციელდეს დღეს მმართველობის ფორმაში, უკვე არჩეულ პრეზიდენტს, რომელიც 5 წლის ვადით იქნა არჩეული, მის უფლებამოსილებას საფრთხე ვერ დაემუქრება.“ - განაცხადა „საერთაშორისო გამჭირვალობა - საქართველოს“ იურისტმა, გიორგი ბერაიამ „სტარვიზიის“ ეთერში. უყურეთ „სტარვიზიაზე“ დაუსმინეთ რადიო star fm-ზე, „აქტუალური თემის“ შეკითხვებს გიორგი ბერაია პასუხობს.
„ის პოლიტიკური ელიტა, რომელიც ავსებდა პოლიტიკურ მოზაიკას საქართველოში, სრულიად გაკოტრებული იყო. მას შემდეგ, რაც პოსტსაარჩევნო პერიოდში თამაშგარე დარჩენილმა პარტიებმა კიდევ ერთი სტრესი მიიღეს, ისინი ახლა ცდილობენ, რომ გადაჯგუფდნენ რამენაირად, მოახდინონ რებრენდინგი, იფიქრონ ახალ პოლიტიკურ სტარტზე., ვიღაცამ საერთოდ ჩაიქნია ხელი და ხელისუფლებას ეპრანჭება, იქნებ სადმე დანიშნოს...ეს ჩვეულებრივი პროცესია პოსტსაარჩევნო პერიოდისთვის.“ - განაცხადა პოლიტოლოგმა გია ხუხაშვილმა „სტარვიზიის“ ეთერში. უყურეთ „სტარვიზიაზე“ დაუსმინეთ რადიო star fm-ზე, „აქტუალური თემის“ შეკითხვებს გია ხუხაშვილი პასუხობს.
„ნაკლებად სავარაუდოა, რომ რამე შეიცვალოს არჩევნების მეორე ტურში. საკმაოდ ადვილად პროგნოზირებადია მეორე ტური გამომდინარე იქიდან, თუ რა ხდებოდა აქამდე. გარდა იმისა, რომ სახელისუფლებო კანდიდატებს პირველ ტურებში ჰქონდათ საკმაოდ დიდი უპირატესობა, მეორე ტურებში განსაკუთრებით მნიშვნელოვანია ადმინისტრაციული რესურსი. გარდა ამისა, მეორე პოლუსზე რომ მხოლოდ ნაციონალური მოძრაობაა დარჩენილი, ესეც გარკვეულ უპირატესობას აძლევს ხელისუფლებას იმიტომ, რომ არჩევანი ცუდსა და უარესს შორის ჯერ კიდევ არის ქართული ოცნების სასარგებლოდ." - განაცხადა პოლიტოლოგმა გია ხუხაშვილმა "სტარვიზიის" ეთერში. უყურეთ "სტარვიზიაზე" და უსმინეთ რადიო star fm-ზე, "აქტუალური თემის" შეკითხვებს გია ხუხაშვილი პასუხობს.
„შავი ზღვის აკვატორიაში არსებული მდგომარეობა, რუსეთის სასარგებლოდ დისბალანსი, რომელიც იქ არსებობს სამხედრო პარიტეტის თვალსაზრისით, ყოველთვის აწუხებდა ალიანსის სახელმწიფოებს, აწუხებდა თურქეთს, რუმინეთს, არა მარტო შავი ზღვის ქვეყნებს, არამედ შავი ზღვის მიმდებარედ არსებულ ნატოს წევრ ქვეყნებსაც. აქ არის საუბარი იმაზე, რომ ნატომ გააძლიეროს თავისი ყოფნა იმისათვის, რომ მოხდეს ბალანსის აღდგენა შავ ზღვაში, რომელიც განსაკუთრებით დაირღვა რუსეთის სასარგებლოდ, ყირიმის ანექსიის შემდგომ.“ - განაცხადა ევროპული კვლევების დირექტორმა, კახა გოგოლაშვილმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს კახა გოგოლაშვილი პასუხობს.
„რამდენიმე ადამიანმა, რომლებიც არიან პრატიის დამფუძნებლები და საკმაოდ დიდი წვლილი მიუძღვით პარტიის განვითარებაში, არჩევნების შედეგების გამოყვენებიდან მეორე დღესვე დატოვეს პარტია. მათი საჯარო განმარტების მიხედვით, მათ აირეს პასუხისმგებლობა იმ შედეგებზე, რაც დაგვიდგა, რომ პარტიამ ვერ გადალახა ბარიერი. ეს არის ნორმალური პროცესი დემოკრატიულ ქვეყნებში. საქართველოში კი ეს იშვიათობაა და ამიტომაც მოჰყვა ამხელა აჟიოტაჟი. რაც შეეხება შემდგომ ბრალდებას „ნაციონალურ მოძრაობასთან“ ჩვენს პოტენციურ თანამშრომლობასთან დაკავშირებით - ეს არის აბსურდი. ჩემთვის გაუგებარია, რატომ აპელირებენ ისინი ამ ყველაფერზე, თუმცა ისინი უკვე აღარ არიან „თავისუფალი დემოკრატები“ და ეს არის მათი პირადი პოზიციები.“ - განაცხადა პარტია „თავისუფალი დემოკრატების“ აღმასრულებელმა მდივანმა, თამარ კეკენაძემ „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს თამარ კეკენაძე პასუხობს.
„კონსტიტუციური უმრავლესობა შეიცავს გარკვეულ რისკებს თავის თავში, მაგრამ ეს იმას არ ნიშნავს, რომ აუცილებლად ბოროტად იქნება ეს ყველაფერი გამოყენებული. თუმცა ასეთი რისკები, ბუნებრივია, არსებობს და ამას სჭირდება თავისი დამცავი მექანიზმები. პრობლემაა ის , რომ საკონსტიტუციო უმრავლესობა მიდრეკილია ძალაუფლების უზურპაციისკენ, ანუ ის ნელ-ნელა იწყებს სხვის ბოსტანში გადასვლას, ნელ-ნელა უჩნდება სურვილი, რომ აკონტროლოს ის ინსტიტუტები, რომლებიც არ არის მის კომპეტენციაში. ჩვენ მაგალითიც გვაქვს მიხეილ სააკაშვილის სახით, რომელმაც ეს აბსოლუტური ძალაუფლება გამოიყენა ისე, რომ გაეთელა სხვისი ბოსტანი.“ - განაცხადა პოლიტოლოგმა გია ხუხაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გია ხუხაშვილი პასუხობს.
„ჩვენს კონტიტუციაში, ცხადია, არის დაუბალანსებელი მომენტები, თუმცა ეს იმიტომ, რომ პრემიერს აქვს იმაზე მეტი ძალაუფლება, ვიდრე უნდა ჰქონდეს. რაც შეეხება ამ სისტემაში პრეზიდენტის ირიბი წესით არჩევას, ეს კიდევ უფრო დაუბალანსებელს გახდის ჩვენს კონსტიტუციას და კიდევ უფრო გააძლიერებს საპარლამენტო უმრავლესობის როლს. დღეს ხალხი ირჩევს და არის თეორიული შანსი, რომ სხვა პოლიტიკური გემოვნების იყოს პრეზიდენტი და სხვა პოლიტიკური გემოვნების იყოს უმრავლესობა. პრეზიდენტის არაპირდაპირი წესით არჩევის შემთხვევაში მთლიანად ეს იქნება უმრავლესობის გემოვნებასთან თანხვედრაში მყოფი“ - განაცხადა კონსტიტუციური სამართლის სპეციალისტმა, ვახუშტი მენაბდემ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ვახუშტი მენაბდე პასუხობს.
„შთაბეჭდილება მრჩება, რომ საკონსტიტუციო სასამართლოს თავზე ცისფერი კვამლი ამოვიდა. საუბარი დიდი ხნით ადრეც მიდიოდა თუ ვინ განიხილებოდა საკონსტიტუციო სასამართლოს თავმჯდომარის პოსტზე. არ მაქვს განწყობა და შთაბეჭდილება იმისა, რომ საკონსტიტუციო სასამართლო გათავისუფლდება ხელისუფლების მარწუხებისგან. ბატონმა თავაძემ გააკეთა განცხადება, „საქმემან შენმან გამოგაჩინოსო“.. ვნახოთ, მე მომხარული ვიქნები, თუ არ გამართლდება ჩემი სკეპტიციზმი. წინ გვაქვს კაბელების საქმეზე გადაწყვეტილების გამოტანა.“ - განაცხადა „თავისუფალი დემოკრატების“ წევრმა, ლევან სამუშიამ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ლევან სამუშია პასუხობს.
„ქართული ოცნებისა“ და „ნაციონალური მოძრაობის“ მიზნის ერთ-ერთი ნაწილი იყოს ის, რომ „პატრიოტთა ალიანსი“ იმის გამო, რომ მაღალრეიტინგული იყო ეს პარტია, წარმოეჩინათ, როგორღაც, რომ ეს არ არის ევროპული ორიენტირის მქონე პარტია, რომ ეს არის პრორუსული ძალა. სააკაშვილს და „ნაციონალურ მოძრაობას“ სურდათ სწორედ, რომ „პატრიოტთა ალიანსისთვის“ ეს იარლიყი მიეკერებინათ. ჩვენ არაერთხელ გვიტქვამს და დღესაც ვადასტურებთ, რომ ჩვენ მომხრე ვართ ქვეყნის ევროინტეგრაციის...ძალიან კარგია ნატო ჩვენი ქვეყნისათვის, მაგრამ ჩვენ უბრალოდ გვინდა, რომ რეალობა ვუთხრათ ჩვენს ამომრჩეველს... ნატოში ჩვენი ნამდვილი წევრობის საკიტხი ორ ათეულ წელიწადზე მეტია დგას. გვეუბნებიან, რომ ნატოს კარი საქართველოსთვის ღიაა, მაგრამ ჩვენ ამ კარში ვერ შევდივართ...“ - განაცხადა პარტია „პატრიოტთა ალიანსის“ პოლიტიკურმა მდივანმა, გოჩა თევდორაძემ „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გოჩა თევდორაძე პასუხობს.
„ცალსახად, ეს არჩევნები იყო უპრეცედენტოდ თავისუფალი და სამართლიანი, სადაც ჩვენს მოსახლეობას ჰქონდა საშუალება, დაეფიქსირებინა საკუთარი თავისუფალი ნება და არჩევანი. ასეთი პოზიტიური და ობიექტური შეფასება პრაქტიკულად ყველა საერთაშორისო ორგანიზაციამ გამოაქვეყნა... წინასაარჩევნი პერიოდში ჩვენ ყველას მოვუწოდებდით, რომ მაქსიმალურად კონსტრუქციულ რეჟიმში ჩაეტარებინათ თავიანთი წინასაარჩევნი კამპანია. სამწუხაროდ, ადგილი ჰქონდა ინციდენტებს, მაგრამ ზოგადი სურათი ამას არ დაურღვევია.“ - განაცხადა „ქართული ოცნების“ წევრმა სოფო ქაცარავამ „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს სოფო ქაცარავა პასუხობს.“
“საკონსტიტუციო უმრავლესობის არსებობა, რა თქმა უნდა, დამაზიანებელია ნებისმიერ შემთხვევაში, დემოკრატიული სახელმწიფოსთვის. ჩვენ ერთ-ერთი ყველაზე მაღალი კვორუმი გვაქვს საკონსტიტუციო ცვლილებებთან დაკავაშირებით, პარლამენტის ¾. ეს თავდაპირველად იმიტომ იქნა მიღებული, რომ არ მომხდარიყო მხოლოდ ერთი პარტიის მიერ გადაწყვეტილებების მიღება. ქართული გამოცდილებით, ის პოლიტიკური ძალები, რომლებიც ფლობდნენ საკონსტიტუციო უმრავლესობას საქართველოში, არა მხოლოდ კონსტიტუციის შეცვლასა და მორგებას საკუთარ ინტერესებზე, არამედ ამ კონსტიტუციური უმრავლესობით გაეკონტროლებინათ ყველაფერი - სასამართლო ხელისუფლება და მედიაც მათ შორის... რაც შეეხება კონკრეტულ საფრთხეებს, ეს არის - მთელი ძალაუფლების კონცენტრირება ერთი ხელისუფალის ხელში და სავარაუდოდ ეს იქნება პრემიერ-მინისტრი.“ - განაცხადა კონსტიტუციონალისტმა კოტე ჩოკორაიამ „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს კოტე ჩოკორაია პასუხობს.“
„მიუხედავად სხვადასხვა მხრიდან მცდელობებისა, კრიზისის ფორმირება არ მოხდა. შეიძლება ითქვას, ყველაფერი მშვიდობიანად დამთავრდა და შესაბამისად, ვფიქრობ, რომ უკვე დალაგდა მეტ-ნაკლებად პოლიტიკური მოზაიკა. ფაქტობრივად პირდაპირ თუ ირიბად ყველამ აღიარა ის ვითარება, რაც შეიქმნა პოლიტიკურ ველზე. „ქართულმა ოცნებამ“ თავისი გაიტანა. მათი წინასაარჩევნო კონცეფცია ძირითადად აგებული იყო ორპოლუსიანობაზე, ანუ „კეთილი ძალა ვარ მე და ბოროტი ძალა არის ნაციონალური მოძრაობა“. ეს გააძლიერა შეთქმულების თეორიითა და ჩანაწერებით, რითაც ამომრჩეველი დატოვა ფაქტობრივად მესამე არჩევანის გარეშე.“ - განაცხადა პოლიტოლოგმა გია ხუხაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გია ხუხაშვილი პასუხობს.“
„საფრთხე რეალურია იმიტომ, რომ „ნაციონალური მოძრაობა“ რომ არ იკადრებს ისეთი ნაბიჯი ძნელი წარმოსადგენია. კარგად ვიცნობ მე მათ მოდგმას და ვიცი, რომ ისინი ყველაფერზე წამსვლელი არიან, ოღონდ კი ხელისუფლებაში დაბრუნდნენ. მეორე საკითხია - რამდენად შეუძლიათ მათ ამ ყველაფრის განხორციელება. მე ვფიქრობ, რომ ძალიან ცოტა შესაზლებლობა აქვთ მათ ამ ყველაფრის გაკეთების, თუმცა რა თქმა უნდა, სურვილი დესტაბილიზაციის და 2016 წლის საპარლამენტო არჩევნების არევა მათ ინტერესში შედის.“ - განაცხადა ფრაქცია „ქართული ოცნება - კონსერვატორების“ წევრმა, ზვიად ძიძიგურმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ზვიად ძიძგური პასუხობს.
„ჩემთვის მთავარი იყო გაგვევლო საკითხები : რამდენად მართლა არის ღირებულებითი თანხვედრა ბლოკში, მეორე, რომ ხომ არ არის რაიმე ზეწოლები და ვართ თუ არა დამოუკიდებელი გაერთიანება. ამ კითხვებს პასუხი გაეცა და ვფიქრობ, დავრჩი იმიტომ, რომ მნიშვნელოვანია ერთიანობა და ასევე მნიშვნელოვანია რეალური ალტერნატივა ახალი პოლიტიკური ძალისა. მნიშვნელოვანია, რომ ძალამ, რომელიც ჩამოყალიბდა ჩვენთან ამ ბლოკის მეშვეობით, 8 ოქტომბერს მნიშვნელოვანი შედეგი აჩვენოს. ჩვენ გვაქვს პროგრამა, გეგმა, გუნდი, რომელსაც შეუძლია ქვეყანა კრიზისიდან გამოიყვანოს.“ - განაცხადა საარჩევნო ბლოკის „პაატა ბურჭულაძე - სახელწმიფო ხალხისთვის“ წევრმა, გიორგი ვაშაძემ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გიორგი ვაშაძე პასუხობს.
„ამერიკის ელჩის და იგივე ევროპელების შეფასება გასაგებია იმიტომ, რომ ისინი უფრო გარეგანი ფაქტორებით აფასებენ ამას ყველაფერს. ხედავენ, რომ არც კარვებია ქალაქში, არც ქუჩის აქციები და გამოსვლებია, ყველაფერი არის პოლემიკაში და მედიასივრცეში ჩაკეტილი. მით უმეტეს, იმის ფონზე, რაც ამერიკის ელჩი ხედავს რა ხდება ამერიკაში ტრამპსა და კლინტონს შორის, ბუნებრივია, ეს პოზიტიური კონტრასტია ჩვენთვის. თუმცა პარალელურად ხდება ის, რომ ყოველ დღე გველაპარაკებიან სახელწმიფო გადატრიალებაზე, იარაღის საწყობების აღმოჩენაზე და ხელისუფლებაც აპოკალიპტურ სურათს გვიხატავს, ეს სიმშვიდის საფუძველს არ უნდა გვაძლევდეს. რა თქმა უნდა, წინააღმდეგობაში მოდის ხელისუფლების ეს გზავნილი საზოგადოებაზე და უცხოელების შეფასება - ცხოვრება მშვენიერია და ყველაფერი წყნარად მიდის.“ - განაცხადა პოლიტოლოგმა გია ხუხაშვილმა „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს გია ხუხაშვილი პასუხობს.
„ყველასთვის ნათელია, რომ დღეს ჩვენი ქვეყანა არის თავისუფალი. არავის არ ეშინია დაჭერის, უკანონო მოსმენის, აზრის გამოხატვის და ეს არის ჩვენი ძალიან დიდი მონაპოვარი... საარჩევნო გარემო, რომელიც ახლა გვაქვს, არის უპრეცედენტო ბოლო 25 წლის განმავლობაში. ამას აღიარებს არა მარტო ჩვენი გუნდი, არამედ ნებისმიერი ჩვენი ოპონენტი. ვერ უარყოფენ იმ ფაქტს, რომ თითოეულ ოპონენტს შეუძლია გავიდეს მოსახლეობაში, ესაუბროს ხალხს. არავის არ ეშინია იმის, რომ ვინმე ოპოზიციური პარტიის წარმომადგენლის ან მაჟორიტარი დეპუტატობის კანდიდატის შეხვედრაზე გავა და შემდგომ მას დაითხოვენ სამსახურიდან ან რაიმე სახის პრობლემას შეუქმნიან. ეს უპრეცედენტო წინასაარჩევნო გარემო რომ იყოს შენარჩუნებული სწორედ ეს არის ე.წ. მშვიდობის მემორანდუმის მთავარი მიზანი. - განაცხადა „ქართული ოცნების“ დიდუბის მაჟორიტარი დეპუტატობის კანდიდატმა, ილია წულაიამ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ილია წულაია პასუხობს.
ამომრჩეველს ხშირად ჰგონია, რომ დეპუტატი უნდა იყოს პიროვნება, რომელმაც თავისი ფულით, სახსრებით უნდა მიუყვანოს მათ გაზი, დაუმუშავოს ნაკვეთი, მისცეს სოციალური დახმარება, დაეხმაროს ავადმყოფებს და ა.შ. მე ვუხსნი, რომ დეპუტატის მოვალეობა ეს არ არის. დეპუტატი უნდა იყოს საკანონმდებლო ორგანოს წარმომადგენელი საარჩევნო ოლქის, რომელმაც უნდა შეიმუშავოს კანონები, რომლითაც უზრუნველყოფილი იქნებიან სოფელში დასახლებული ადამიანები, დასაქმებულები იქნებიან და სწორად მოხდება სახელმწიფო სახსრების გადანაწილება რეგიონებს შორის.“ - განაცხადა ქარელის რაიონის მაჟორიტარი დეპუტატობის დამოუკიდებელმა კანდიდატმა, ვასილ ხანიშვილმა, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ვასილ ხანიშვილი პასუხობს.
„ ჩვენ „თავისუფალმა დემოკრატებმა“ ივნისის თვეში შევიმუშავეთ ე.წ. ქცევის კოდექსი წინასაარჩევნო გარემოში, სადაც ძალიან მრავლისმომცველად არის ჩამოყალიბებული ის, თუ რა არ უნდა ვაკეთოთ და რა უნდა ვაკეთოთ, მათ შორის ორიენტირი იდეოლოგიებზე, პროგრამებზე, კონკრეტული პრობლემების მოგვარების გზებზე და არა იმაზე რომ ჯოხებით ვსდიოთ ერთმანეთს. ახლა ეს ე.წ. მშვიდობის მემორანდუმი ახალი ველოსიპედის გამოგონებად მიმაჩნია, რადგან არსებობს უკვე ასეთი დოკუმენტი. ყველა საპარლამენტო პოლიტიკური ძალა და სუბიექტი, გარდა „ნაციონალური მოძრაობისა“ შეუერთდა ჩვენ მიერ შეთავაზებულ „ქცევის კოდექსს“ და რაში გვჭირდება კიდევ ეს ახალი. მიუხედავად ამისა, ჩვენ „თავისუფალი დემოკრატები“ ვამბობთ, ათი დოკუმენტი რომ იყოს კიდევ და ნებისმიერი ინიციატივა, რომელმაც შესაძლოა ხელი შეუწყოს წინასაარჩევნო გარემოს გაუმჯობესებას, ჩვენ მხოლოდ და მხოლოდ მივესალმებით“ - განაცხადა პარლამენტარმა, „თავისუფალი დემოკრატების“ წევრმა, ვიქტორ დოლიძემ, „სტარვიზიის“ ეთერში. უყურეთ „სტარვიზიაზე“ და უსმინეთ რადიო star fm-ზე, „აქტუალური თემის“ შეკითხვებს ვიქტორ დოლიძე პასუხობს.