სოხუმის დაცემის დღისადმი მიძღვნილი ღია გაკვეთილი ბორჯომის პირველ საჯარო სკოლაში პოლიტიკური სკანდალის მიზეზი ხდება. ღონისძიებამ სახელწოდებით „აფხაზეთი ჩვენი ტკივილია“, რომელიც მეშვიდე კლასის მოსწავლეებმა 27 სექტემბერს მიუძღვნეს, „ქართული ოცნების“ დროშების ფონზე ჩაიარა. მეშვიდე კლასელმა მოსწავლეებმა კედლები და ქუჩები მოხატეს, რა დროსაც მათ ხელში მმართველი პარტიის დრო
საქართველოს დიდ ქალაქებში მაღაზიების მძარცველი მოზარდები დაუსჯელები რჩებიან. „კურიერმა“სათვალთვალო კამერით გადაღებული კადრები მოიპოვა, სადაც ჩანს, რომ თბილისის ცენტრში, კოსტავას ქუჩაზე მოზარდები სავაჭრო ობიექტის ვიტრინას ამტვრევენ და ძარცვავენ, თუმცა ამის მიუხედავად ქართული კანონმდებლობა მათ წინააღმდეგ უძლურია. არასრულწლოვნები სავაჭრო ობიექტებს ძარცვავენ რუსთავში და ქუთაისშიც. ირკვევა, რომ ახალგაზრდები სხვადასხვა შემთხვევაში ძარცვის განსხვავებულ მეთოდს მიმართავენ.თითოეულ მათგანზე საშუალოდ 20 ობიექტი მოდის, მიუხედავად იმისა, რომ ყველა შემთხვევა გახსნილია და ყველა დამნაშავე მოზარდი იდენტიფიცირებული, სასამართლო პროცესის შემდეგ ისინი დანაშაულის ჩადენას არ ერიდებიან. მოზარდებს პასუხისგებაში ვერ აძლევენ რადგან, ქვეყანაში მოქმედი არასრულწლოვანთა კოდექსი ამას ზღუდავს. არასრულწლოვნების მიერ გახშირებული ქურდობის ფაქტების გამო, „კურიერის“ ინფორმაციით, შინაგან საქმეთა სამინისტრომ პარლამენტს ლიბერალური კანონმდებლობის გადახედვა მოსთხოვა, თუმცა მმართველ გუნდში ამის აუცილებლობას ვერ ხედავენ. სისხლის სამართლის კოდექსის გამკაცრების ინიციატივით, ძალოვანმა უწყებამ უახლოეს მომავალში შესაძლოა პარლამენტს ოფიციალურად მიმართოს. რადგან „კურიერის“ ინფორმაციით, ბოლო პერიოდში ქურდობის ყველაზე მეტი შემთხვევა სწორედ 14 წლამდე მოზარდების მიერ არის ჩადენილი.
#პოლიტიკა #სასაცილო #გუგავა
iPhone-ის პირველი თაობის ბაზარზე გამოჩენის 10 წლისთავის აღსანიშნავად კომპანია Apple-მა საიუბილეო iPhone X წარადგინა. ახალი მოდელის განსაკუთრებულობა უსადენო დატენვის ფუნქციასა და გაუმჯობესებულ ორმაგ კამერაშია. მნიშვნელოვანი სიახლეა ისიც, რომ სმარტფონი საკუთარ მფლობელს სახის სკანირების მეთოდით ამოიცნობს, რითაც ჩანაცვლდება თითის ანაბეჭდის სენსორი. ტელეფონის ეკრანს აღარ აქვს მთავარი ღილაკიც. iPhone X მაღაზიებში 3 ნოემბრიდან გამოჩნდება და მისი ღირებულება iPhone-სთვის ჯერჯერობით რეკორდული 999 დოლარი იქნება. iPhone X-თან ერთად კალიფორნიაში, სტივ ჯობსის სახელობის თეატრში ახალი iPhone 8-ისა და iPhone 8 პლიუსის პრეზენტაციაც გაიმართა. მათი გაყიდვა 22 სექტემბრიდან დაიწყება, ფასი კი 699 და 799 დოლარი იქნება.
#რუსთავი2 #Rustavi2 #ახალიამბები #პუტინი - ვლადიმერ პუტინი 11 წლიანი პაუზის შემდეგ იაპონიაში ჩავიდა. რუსეთის ლიდერმა ვიზიტი ორ საათიანი დაგვიანებით დაიწყო. ის საკურორტო ქალაქ ნაგატოში ჩავიდა, სადაც იაპონიის პრემიერთან შეხვედრას მართავს. სინძო აბემ იმედი გამოთქვა, რომ მოლაპარაკება მშვიდ გარემოში ჩაივლის და კონსტრუქციული იქნება. იაპონიის და რუსეთის ლიდერების განხილვის მთავარი თემა კურილიის კუნძულები გახდება. მხარეები სამშვიდობო შეთანხმებაზე იმსჯელებენ და შეეცდებიან ტერიტორიული დავა მოაგვარონ, რომელიც ორ ქვეყანას შორის მეორე მსოფლიო ომიდან გრძელდება. უთანხმოებების გამო ვლადიმერ პუტინის ვიზიტი იაპონიაში ბოლო ორი წლის განმავლობაში ორჯერ გადაიდო. სწორედ ამიტომ, ანალიტიკოსები დღევანდელ ვიზიტს დიდ მნიშვნელობას ანიჭებენ.
#რუსთავი2 #Rustavi2 #ახალიამბები - როგორი იქნება ახალი წლიდან ელექტროენერგიის სამომხმარებლო ტარიფი. უკვე ცნობილია, რომ თელასსა და ენერგო-პროს შესასყიდი ელექტროენერგია 3 თეთრით გაუძვირდათ, თუმცა ენერგეტიკის მინისტრის განცხადებით, ქვითრებზე ეს ცვლილება არ აისახება. ”სხვა ჰიდროელექტრო სადგურების განხილვა უნდა მოხდეს მომავალ კვირაში, ასევე თბოელექტროსადგურების წარმოების ტარიფის ზრდა, გარანტირებული რეზერვის საფასურის და გადაცემის და დისპეჩერიზაციის ტარიფის. დასკვნითი ნაწილი იქნება განაწილების ლიცენზიებისთვის განაწილების ტარიფის დადგენა და სამომხმარებლო ტარიფის დადგენა საბოლოოდ. ასე, რომ ერთიანობაში უნდა მოხდეს ამის გაანალიზება,“ - განაცხადა თელასის საზოგადოებასთან ურთიერთობის სამსახურის უფროსმა ვალერი ფანცულაიამ. სემეკის ტარიფებისა და ეკონომიკური ანალიზის დეპარტამენტის დირექტორის გივი სანიკიძის თქმით, უნდა მოხდეს ამ ხარჯების გადახედვა და თუ ეს ხარჯები აკმაყოფილებს იმ შემოსავალს, რაც საჭიროა ელექტროენერგიის საყიდლად, ამ შემთხვევაში დარჩება და თუ ხდება ისე, რომ რაღაც ნაწილში ვერ თავსდება ეს ხარჯები, შემდეგ მოხდება მიმართვა სემეკისთვის და დაითვლება რამდენი უნდა იყოს ტარიფი. ნაციონალური მოძრაობის წევრის რომან გოცირიძის თქმით, ხელისუფლებას ჰგონია, რომ პოლიტიკური შეფასებებით ან მარეგულირებლის დაშინებით რაღაცას მიაღწევენ. “არ არსებობს ფასების შეკავების მექანიზმი თუ არა სახელმწიფოს უხეში ჩარევა და ბიუჯეტის ხარჯვა ანუ სუბსიდირება. ბიუჯეტს ფული არ აქვს და თუ სუბსიდირებას ვერ აკეთებ და ტარიფები არ იზრდება ეს ნიშნავს რომ დარგი ინგრევა. არ იციან, ჰგონიათ პოლიტიკური შეფასებებით ან მარეგულირებლის დაშინებით რაღაცას მიაღწევენ. თუ ხელი არ გაანძრიეს თავისით არაფერი არ სწორდება “ - განაცხადა რომან გოცირიძემ. ავტორი: თეონა ცხომელიძე.
#რუსთავი2 #Rustavi2 #ახალიამბები პარლამენტის პლენარულ სხდომაზე საკონსტიტუციო კომისიის დებულება 96 ხმით მიიღეს. დეპუტატებს დოკუმენტი ირაკლი კობახიძემ წარუდგინა. მისი განმარტებით, საკონსტიტუციო ცვლილებებზე კომისია 30 აპრილამდე იმუშავებს, რის შემდეგაც დაიწყება საჯარო განხილვები. საკანონმდებლო ორგანოში მსჯელობამდე კი პროექტი ვენეციის კომისიას გადაეგზავნება. პარლამენტის თავმჯდომარის განცხადებით, ფორმატი ითვალისწინებს სამივე საპარლამენტო პარტიის, ასევე კვალიფიციური საარჩევნო სუბიექტების, მესამე სექტორის, ექსპერტებისა და ყველა კონსტიტუციური ორგანოს მონაწილეობას, მათ შორის დასახელდა პრეზიდენტის ადმინისტრაციაც, თუმცა მხოლოდ ადმინისტრაციის ხელმძღვანელის, საპარლამენტო მდივნისა და უშიშროების საბჭოს მდივნის დონეზე.
#რუსთავი2 #Rustavi2 #ახალიამბები პარლამენტის პლენარულ სხდომაზე საკონსტიტუციო კომისიის დებულება 96 ხმით მიიღეს. დეპუტატებს დოკუმენტი ირაკლი კობახიძემ წარუდგინა. მისი განმარტებით, საკონსტიტუციო ცვლილებებზე კომისია 30 აპრილამდე იმუშავებს, რის შემდეგაც დაიწყება საჯარო განხილვები. პარლამენტის თავმჯდომარის განცხადებით, ფორმატი ითვალისწინებს სამივე საპარლამენტო პარტიის, ასევე კვალიფიციური საარჩევნო სუბიექტების, მესამე სექტორის, ექსპერტებისა და ყველა კონსტიტუციური ორგანოს მონაწილეობას, მათ შორის დასახელდა პრეზიდენტის ადმინისტრაციაც. ძირითადი კითხვები სწორედ პრეზიდენტის ადმინისტრაციის ჩართულობას ეხებოდა. საპარლამენტო უმცირესობამ ადმინისტრაციასა და საპარლამენტო უმრავლესობას შორის არსებულ უთანხმოებას „კინკლაობა“ უწოდა. „აბსოლუტურად არ არის საზოგადოების ან ჩვენი საქმე ვარკვიოთ მტყუან-მართალი, მაგრამ ძალიან კარგად ვიცით, ამ დარბაზშიც ძალიან ბევრი ადამიანია, რომელიც შეურაცხყოფას აყენებდა პრეზიდენტის ინსტიტუტს. ძალიან კარგად ვიცით, რომ იმ წამიდან, როდესაც ბიძინა ივანიშვილი გამოვიდა და თქვა, რომ ის აღარ მოწონს პირდაპირ ერთმანეთის ჯინაზე გადაწყვეტილებების მიღებად იქცა ჩვენი პოლიტიკური პროცესი. ბატონო ირაკლი ჩემი თხოვნა იქნება, მორჩით კინკლაობას და ნამდვილად აღარ ვიხმარ სიტყვას არასდროს,“-განაცხადა ელენე ხოშტარიამ. კითხვაზე ჰქონდა თუ არა პარლამენტის თავმჯდომარეს და საქართველოს პრეზიდენტს კონსულტაციები, პარლამენტის თავმჯდომარემ განაცხადა, რომ პრეზიდენტის საჯარო შემოთავაზებამ აღარ დატოვა სივრცე კონსულტაციებისთვის. „იყო შემოთავაზება საჯაროდ გაკეთებული კონკრეტულ ფორმატთან დაკავშირებით, კონსულტაციების გარეშე გაკეთდა ეს შემოთავაზება, შესაბამისად ჩვენ არ დაგვრჩა სივრცე კონსულტაციებისთვის და გამომდინარე იქედან რომ ფორმატი არ იყო აბსოლუტურად არარაციონალური და არ იყო შესაბამისობაში კონსტიტუციის ლოგიკასთან, ჩვენ არ შეგვეძლო ფორმატზე დათანხმება,“-აღნიშნა ირაკლი კობახიძემ. პრეზიდენტის მიერ შეთავაზებულ ფორმატთან დაკავშირებით ოპოზიციის კრიტიკას უხერხული უწოდა იურიდიულ საკითხთა კომიტეტის თავმჯდომარემ. ეკა ბესელიამ კიდევ ერთხელ განმარტა რომ საკონსტიტუციო ცვლილებებზე მუშაობს საკან
#რუსთავი2 #Rustavi2 #ახალიამბები ამ წუთებში ევროპარლამენტში მიმდინარე წლის ბოლო პლენარულ სხდომაზე დროებითი შეჩერების მექანიზმს უნდა უყარონ კენჭი. დეპუტატების თქმით მრავალკვირიანი, საკმაოდ დაძაბული, მოლაპარაკებების შემდეგ საბოლოო გადაწყვეტილება მიღბულია და ძალიან პოზიტიურად მიიჩნევენ იმ ფაქტს, რომ ამ საკითხის განხილვა მიმდინარე წლის ბოლო პლენარულ სხდომაზე მოხდა. დეპუტატების თქმით, საქართველო უვიზო მიმოსვლას დიდი ხანია იმსახურებს. „საბჭოსა და პარლამენტს შორის რამდენიმე კვირიანი ერთგვარი ბრძოლის შემდეგ ჩვენ მივაღწიეთ მიზანს და შევთანხმდით შეჩერების მექანიზმზე. ახლა ყველასთვის ნათელია, რომ ჩვენ გვაქვს მექანიზმი, ამიტომ საქართველოსა და უკრაინას ვიზალიბერალიზაცია სწრაფი ტემპებით უნდა დავასრულოთ. უვიზო მიმოსვლა საქართველოსთვის სიგნალი და სიმბოლოა, რომ ქვეყანამ გაატარა რეფორმები, იმუშავა და არის სარგებელიც. ეს პროცესი იქნება წინგადადგმული ნაბიჯი საქართველოს ევროკავშირში გაწევრინების გზაზე. ვფიქრობ ეს არის ერთ-ერთი სიგნალი,“ - აცხადებს ევროპარლამენტარი მიხაელ ბონი. უვიზო მიმოსვლის საკითხზე ევროპარლამენტში საბოლოო კენჭისყრა იანვრის ბოლოს ან თებერვლის დასაწყისში შედგება. ავტორი: თამარ ნუცუბიძე.
#რუსთავი2 #Rustavi2 #ახალიამბები #ალეპო #ტერაქტი #მსოფლიო ალეპოში მშვიდობიანი მოსახლეობის ევაკუაციას კვლავ გეგმავენ, რომელიც შესაძლოა რამდენიმე საათში დაიწყოს. ამბოხებულები აცხადებენ, რომ მათ მიერ კონტროლირებადი რაიონებიდან ხალხის გაყვანის გეგმა ისევ ძალაშია და მზად არიან პროცესი დილიდან დაიწყონ. მეამბოხე ძალების განცხადებაზე ოფიციალური კომენტარი ჯერ არ გაუკეთებიათ არც ასადის ხელისუფლებაში და არც რუსეთში, თუმცა ვრცელდება ინფორმაცია, რომ შეთანხმება ამ საკითხზე უკვე მიღწეულია. გუშინდელი ზავის ჩაშლისა და სამხედრო მოქმედებების განახლების შემდეგ, კონფლიქტში ჩართულ მხარეებთან მოლაპარაკებები მთელი ღამის განმავლობაში მიმდინარეობდა. მსოფლიო ლიდერები პასუხისმგებლობას რუსეთს, ასადის რეჟიმს და ირანს აკისრებენ და ცეცხლის შეწყვეტისკენ მოუწოდებენ. ალეპოში ზავის ჩაშლის გამო მორიგი სხდომა გაიმართა გაეროს შტაბბინაში. გაერომ მშვიდობიანი მოსახლეობის მიმართ ძალადობის ფაქტებს სამხედრო დანაშული უწოდა.
#რუსთავი2 #Rustavi2 #ახალიამბები
#რუსთავი2 #Rustavi2 #ახალიამბები #სრიქია
#რუსთავი2 #Rustavi2 #ახალიამბები
#Rustavi2 #პოლიტიკა #ბობოხიძე
რუსეთი ნატოსთვის დღეს ყველაზე დიდი საფრთხეა - ასე შეაფასა არსებული ვითარება ატლანტიკური საბჭოს საერთაშორისო უსაფრთხოების ცენტრის ხელმძღვანელმა სენატის საგარეო ურთიერთობათა კომიტეტის სხდომაზე. იან ბზეჟინსკიმ სენატორ კრის მერფის შეკითხვის საპასუხოდ განაცხადა, რომ რუსეთი სხვადასხვა ქვეყნების მიმართ აგრესიის დემონსტრირებას ახდენს. სენატორი კრის მერფი დაინტერესდა რა გამოწვევები ჰქონდა მსოფლიოში ჩრდილო ატლანტიკურ ალიანსს. საკომიტეტო მოსმენაზე მიწვეულმა უსაფრთხოების სპეციალისტმა კი განმარტა, რომ რუსეთი, რომელსაც საქართველო და უკრაინა აქვს ოკუპირებული, ისლამურ სახელმწიფოსთან შედარებით ბევრად მასშტაბური საფრთხეა. „რუსეთმა გაზარდა სამხედრო ძალების რაოდენობა და განალაგა ნატოს აღმოსავლეთ საზღვრებთან, ის სხვადასხვა ქვეყნების მიმართ აგრესიის დემონსტრირებას ახდენს. ბოლო ათწლეულის განმავლობაში რუსეთი ორ ქვეყანაში, უკრაინასა და საქართველოში შეიჭრა. განაგრძობს მოლდოვას ნაწილის ოკუპაციას. თუ გადავხედავთ რუსეთის პროვოკაციულ ქმედებებს, ბოლო 2 წლის განმავლობაში ისინი უფრი თამამი და რისკიანი გახდა. დიახ, ISIS ქაოსი და საშინელებაა, თუმცა არ ვთვლი, რომ ისეთივე არსებით საფრთხეს წარმოადგენს, როგორც პუტინის პროვოკაციები,“ - განაცხადა იან ბჟეზინსკიმ. კომიტეტზე მთავარი განსახილველი თემა ნატოს ვარშავის სამიტი იყო.
#რუსთავი2 #მერაბიშვილი #სასამართლო ვანო მერაბიშვილის დაკითხვა მიმდინარეობს ამ წუთებში სასჯელაღსრულების მე-9 დაწესებულებაში. გამომძიებლებს ყოფილ პრემიერთან და ნაციონალური მოძრაობის გენერალურ მდივანთან კითხვები აქვთ ევრო სასამართლოს გადაწყვეტილებაში მითითებული საქმეზე. მერაბიშვილი ჩვენებას იძლევა 2014 წლის დეკემბერში ციხიდან მისი გაყვანის ფაქტთან დაკავშირებით. “ვანო მერაბიშვილი მისცემს ჩვენებას. ეს მან ერთხელ უკვე გააკეთა, როდესაც ღია სასამართლო სხდომაზე დეტალებში აღწერა გაყვანის ეპიზოდი. ახლა უკვე დაკითხვის ოქმშიც დაფიქსირდება ყველა ის გარემოებები და, რა თქმა უნდა, სტრასბურგის სასამართლოს გადაწყვეტილებას ვადა არ გასდის, და ეს საქმე აუცილებად იქნება გამოძიებული,“ - განაცხადა ადვოკატმა, ოთარ კახიძემ.
#რუსთავი2 #ავარია #მსხვერპლი მსხვერპლით დასრულდა ავტოსაგზაო შემთხვევა თბილისში, მარცხენა სანაპიროზე. დიდი სისწრაფით მოძრავი მოტოციკლისტი ტაქსს შეეჯახა, მოტოცილკის მძღოლი ადგილზე გარდაიცვალა.შსს ინფორმაციით, პოლიცია შეეცადა დიდი სისწრაფით მოძრავი მოტოციკლისტის შეჩერებას, თუმცა სწორედ ამ დროს მოხდა ავარია.საქმე აღძრულია 276 მუხლის 5 ნაწილით, რაც ავტოსატრანსპორტო საშუალების ექსპლუატაციისა და უსაფრთხოების წესების დარღვევას ითვალისწინებს.
საარჩევნო კანონმდებლობაში შესატანი ცვლილებები, რომ პოლიციელებს ექნებათ საარჩევნო უბნებთან ყოფნის უფლება და ასევე საარჩევნო უბანთან ძალადობისთვის სასჯელი 2-დან 5 წლამდე იქნება, იურიდიულ და ადამიანის უფლებათა კომიტეტებში უკვე განიხილეს. ცვლილეებების გარკვეულ ნაწილთან დაკავშირებით საპარლამენტო უმრავლესობას შენიშვნები აქვს. მათი აზრით, როდესაც საარჩევნო უბანთან დაპირისპირების დროს სხეულის მსუბუქი დაზიანება ხდება, ეს დაპატიმრების საფუძველი არ უნდა გახდეს. „გალახული ყოველთვის მართალი არ არის,“- განაცხადა ფრაქცია ქართული ოცნება-კონსერვატორების წევრმა, გიგა ბუკიამ. საპარლამენტო უმრავლესობის წევრები საარჩევნო უბნებთან მიმდებარე ტერიტორიაზე პოლიციის პატრულირებას არ ეწინააღმდეგებიან. ეროვნულ ფორუმის წევრმა, ანი მიროტაძემ კი განაცხადა, რომ კენჭისყრის შენობაში, როცა პოლიციელი გამოჩნდება, ამან შესაძლოა ამომრჩევლის ნებაზე ირიბად, გარკვეული ზეგავლენა მოახდინოს. კანონმდებლობაში გარკვეულ ცვლილებებთან დაკავშირებით შენიშვნები აქვს შინაგან საქმეთა სამინისტროსაც. შსს-ის იურიდიული დეპარტამენტის უფროსის ინიციატივით, უმჯობესია, რომ კონკრეტულად იქნას განსაზღვრული, პოლიციელებმა ზუსტად სად უნდა განახორციელონ პატრულირება. თუმცა, იუსტიციის მინისტრის მოადგილე ამ ინიციატივას არ დაეთანხმა და ამ ცვლილების განხორციელებაზე უარი განაცხადა. ავტორი: ნინო სამყურაშვილი.
კორცხელის ინციდენტში მონაწილე პირებისთვის, კომპანია KALA KAPITAL LIMITED-სგან თანხის გადარიცხვის დოკუმენტების შესახებ, ნაციონალური მოძრაობის წევრებმა დიპლომატიური წრეებისა და საერთაშორისო ორგანიზაციების წარმომადგენლებთან ისაუბრეს. ოპოზიციის წევრებმა უცხოელ სტუმრებს ვანო მერაბიშვილის საქმეზე და რუსთავი 2-ის გარშემო მიმდინარე მოვლენებზეც მიაწოდეს ინფორმაცია. მსჯელობის საგანი იყო არჩევნებისთვის ქვეყანაში თავისუფალი და დემოკრატიული გარემოს უზრუნველყოფის აუცილებლობა. “განხილული იქნა საკითხები ბოლო დროინდელი ევრო სასამართლოს გადაწყვეტილების გარშემო. მერაბიშვილი საქართველოს წინააღმდეგ, ასევე ბევრი ვისაუბრეთ კორცხელის ინციდენტზე და სწორედ იმ პრობლემებზე, რომელიც თან ახლავს ამ ინციდენტის გამოძიებას და დამნაშავეთა სათანადო დასჯას. ვისაუბრეთ ასევე რუსთავი 2-ის გარშემო განვითარებულ მოვლენებზე და ასევე იმაზე თუ რა მძიმე შედეგი შეიძლება მოუტანოს ქვეყანას რუსთავი 2-თან ბრძოლამ“ - განაცხადა გიორგი ტუღუშმა.
გიორგი მარგველაშვილმა თბილისის სახელმწიფო უნივერსიტეტში პირველი პრეზიდენტის, ზვიად გამსახურდიას სახელობის აუდიტორია გახსნა. პრეზიდენტმა სტუდენტებს საჯარო ლექციაც წაუკითხა თემაზე დამოუკიდებლობა და თავისუფლება. ახალგაზრდებთან შეხვედრისას გიორგი მარგველაშვილმა შიდა პოლიტიკურ პროცესებსა და 2016 წლის საპარლამენტო არჩევნების დემოკრატიულად ჩატარების აუცილებლობაზე ილაპარაკა. სტუდენტებმა პრეზიდენტს კითხვები რუსეთთან ურთიერთობის საკითხებსა და ვიზალიბერალიზაციის პროცესთან დაკავშირებითაც დაუსვეს. “ჩვენი საზოგადოების დიდი ნაწილი ამბობს, რომ ისინი არ წავლენ არჩევნებზე, ან მათ არ აქვთ გადაწყვეტილი ვის მისცენ ხმა. თითოეული ამომრჩეველი, რომელიც არ მიდის არჩევნებზე, არ ეგონოს, რომ რაიმენაირად არ მონაწილეობს პოლიტიკურ პროცესში. თითოეული ხმა, რომელიც არ იქნება დაფიქსირებული ამა თუ იმ პოლიტიკოსის მიმართ, ფიქსირდება თავისუფლების წინააღმდეგ,“ - განაცხადა გიორგი მარგველშვილმა. პრეზიდენტის თქმით, საზოგადოებაში არსებობს ევროსკეპტიკური პოზიციები. მისი ვარაუდით, მსგავსი დამოკიდებულების პოლიტიკოსები საკანონმდებლო ორგანოებშიც იქნებიან. მისვე თქმით, ამ ვარაუდის საფუძველს ამ მიმართულებით ჩატარებული გამოკითხვები აძლევს. "პრო რუსული ან ევრო სკეპტიკური, ევროატლანტიკურ სკეპტიკური პოზიციები ჩვენს საზოგადოებაში ნამდვილად არის, მე ვვარაუდობ, რომ ასეთი პოლიტიკოსები იქნებიან საკანონმდებლო ორგანოში," - აღნიშნა გიორგი მარგველაშვილმა.
კორცხელის ინციდენტში მონაწილე პირებისთვის კახა კალაძის კომპანიიდან თანხის გადარიცხვის შესახებ, ცოტა ხნის წინ განცხადება, ინციდენტში მონაწილე პირების ადვოკატმა გააკეთა. ადვოკატის თქმით, ვლადიმერ გეგეშიძეს უფლებადამცველისთვის მსგავსი ფაქტი არ დაუდასტურებია. „ჩემი დაცვის ქვეშ მყოფ გეგეშიძესთან მქონოდა ამ თემაზე საუბარი. მას გაეცინა, მსგავსი არაფერი არ დამიდასტურა. ესეთ ფაქტს ის უარყოფს,“ - განაცხადა ადვოკატმა ზურაბ ბელთაძემ. გეგეშიძის ინტერესების დამცველის თქმით, დოკუმენტაციას უფრო დეტალურად გაეცნობიან და გამოძიების დაწყებისთვის შესაბამისად იმოქმედებენ. გარდა ამისა ცნობილი გახდა, რომ შინაგან საქმეთა სამინისტროში გამოძიება დღეს გასაჯაროებულ ინფორმაციასთან დაკავშირებით ცალკე არ დაიწყება, თუმცა საგამოძიები უწყება დაინტერესდება ამ ინფორმაციით, კორცხელის ინციდენტზე მიმდინარე გამოძების ფარგლებში. შეგახსენებთ, რომ თანხის ჩარიცხვის შესახებ, ინფორმაცია ერთიანი ნაციონალური მოძრაობის წევრებმა გაავრცელეს. პარტიაში სპეციალური ბრიფინგი გამართეს და ალფა ბანკის ოფიციალური დოკუმენტები გაასაჯაროვეს.
წყნეთის ხევის ქუჩიდან 13 ივნისის წყალდიდობით დაზარალებული ოჯახის საცხოვრებელი ვაგონიდან გამოსახლების ფაქტს, თბილისის მერი გამოეხმაურა. დავით ნარმანია ამბობს, რომ გუბელაძეების საკუთრებაში აღნიშნულ ტერიტორიაზე არსებული არც ერთი მიწის ნაკვეთი არ იყო. შესაბამისად, დედაქალაქის მერის განმარტებით, კომპენსაციის საკითხი არ განიხილება. თუმცა, ნარმანიას განცხადებით, თბილისის მერია იმსჯელებს საკითხზე და მათთვის ალტერნატიული ფართის შეთავაზებაზე. „ზედამხედველობის სამსახურმა დადგენილი წესით მას გაუგზავნა გაფრთხილება. მას არ ეკუთვნის ეს ტერიტორია, ამ ტერიტორიაზე დატბორვის ზონაა და შესაბამისად, ცხოვრება არის შეუძლებელი. გარდა ამისა, როცა სტიქია მოხდა, ეს ვაგონი იქ არ იდგა, მან თვითნებურად მოიტანა და ჩადგა ის ვაგონი, როგორც ჩვენთვის ცნობილია. ამიტომ, ის დადგენილ წესებს არ ექვემდებარება და აუცილებელია მისი დემონტაჟი,“ - განაცხადა დავით ნარმანიამ.
რუსთავი 2-ის საქმესთან დაკავშირებით დღეს მიღებულ გადაწყვეტილებას გაერთიანებული დემოკრატიული მოძრაობის თავმჯდომარე ნინო ბურჯანაძე ეხმაურება. ბურჯანაძე ტელეკომპანიის საქმესთან დაკავშირებით, პოლიტიკურ პროცესებზე საუბრობს. „ყველაზე ცუდი ის არის, რომ ნაციონალური მოძრაობის ძალიან ცუდი ტრადიცია გააგრძელა დღევანდელმა ხელისუფლებამ. ჩემთვის სრულიად ნათელია, რომ დღეს რაც სასამართლოში ხდება, ეს რა თქმა უნდა, არის პოლიტიკური პროცესი რუსთავი 2-ის წინააღმდეგ. არჩევნების წინ, ის რეალობა, რაც დგება რუსთავი 2-თან მიმართებაში, რაც დგება ჩვენს პარტიასთან მიმართებაში, როცა თავისუფალ საეთერო დროს გვართმევენ, ნიშნავს, რომ ეს არჩევნები ნამდვილად ვერ იქნება დემოკრატიულ და სამართლიან არჩევნებად გამოცხადებული,“ - განაცხადა ნინო ბურჯანაძემ. ავტორი: ელისო ჯარიაშვილი.
რუსთვი 2-ის წილის 100 %-ის ქიბარ ხალვაშისთვის მიკუთვნების გადაწყვეტილებას ეხმაურება რესპუბლიკური პარტიის წევრი დავით ბერძენიშვილი. მისი თქმით, არჩევნებამდე რუსთავი 2-ის სარედაქციო პოლიტიკის ცვლილება არ მოხდება. “მე არ ვარ დარწმუნებული, რომ პოლიტიკური შემადგენელი არ იყო განმსაზღვრელი რუსთავი 2-ის თაობაზე გადაწყვეტილების მიღების დროს, ისევე როგორც კაბელების საქმეზე მიღებული გადაწყვეტილების დროს. არ ველოდები, რომ არჩევნებამდე მოხდება რუსთავი 2-ის ჩაჩეხვა და მისი სარედაქციო პოლიტიკის ცვლილება“ - განაცხადა ბერძენიშვილმა. ეროვნული ფორუმის წევრის ანი მიროტაძის თქმით, რუსთავი 2-ის გარშემო მიმდინარე პროცესები აზარალებს წინასაარჩევნო პერიოდს. “მინდა ვნახო სამოტივაციო ნაწილი, რომელსაც აუცილებლად გავაკეთებ ამ დღეებში, როდესაც ვიქნები თბილისში, გამოვითხოვ და მინდა ვიცოდე როგორი არის ამ გადაწყვეტილების მოტივაცია. მიუხედავად იმისა, რომ შეიძლება მაქვს გარკვეული მოსაზრებები მაინც თავს შევიკავებ იმისგან, რომ არის თუ არა ეს პოლიტიკური გადაწყვეტილება. თუმცა მინდა გითხრათ, რომ როდესაც გამოცხადებულია არჩევნები და ქვეყანა გადასულია საგანგებო წინა საარჩევნო რეჟიმზე, ზოგადად ასეთი გადაწყვეტილებები აზარალებს ამ რეჟიმს,“ - აღნიშნა მიროტაძემ.
რუსთავი 2-ის საქმესთან დაკავშირებით დღეს გამოტანილ გადაწყვეტილებას ვიცე პრემიერი კახა კალაძე გამოეხმაურა. კალაძე ისევ ორ კერძო სუბიექტს შორის დავაზე მიუთითებს. ენერგეტიკის მინისტრი ამბობს, რომ სასამართლო დამოუკიდებელია. „ყველას კარგად გვესმის, რომ ახლოვდება არჩევნები და პოლიტიკურად გაკოტრებულ ზოგიერთ პარტიას, სუბიექტს აქვს შესაძლებლობა, რომ მოსახლეობას რაღაცით შეახსენოს თავი. კონკრეტულ პროცესს რაც შეეხება, მე კიდევ ერთხელ ვიმეორებ, აქ არ არის რუსთავი 2-ის საფრთხეზე საუბარი და რუსთავი 2-ის წინააღმდეგ სასამართლო პროცესზე. აქ არის ბატონ ხალვაშს და ძმებ ყარამანიშვილებს შორის დავა. სასამართლო რა გადაწყვეტილებას მიიღებს, ვიცე პრემიერის, პრემიერმინისტრის გასასჯელი არ უნდა იყოს. სასამართლო არის აბსოლუტურად დამოუკიდებელი. ჩვენ გამოვედით იმ წლებიდან, როდესაც ერთ დღეს ხდებოდა დაკავება, ბრალის წაყენება,“ - განაცხადა კახა კალაძემ. ავტორი: ელისო ჯარიაშვილი
სააპელაციო სასამართლომ რუსთავი 2-ის მფლობელად კვლავ ქიბარ ხალვაში დატოვა. სააპელაციო სასამართლოს გადაწყვეტილებას პოლიტიკურს უწოდებენ არასამთავრობო სექტორში. საქართველოს დემოკრატიული ინიციატივის გამგეობის წევრი გიორგი მშვენიერაძე ამბობს, რომ რუსთავი 2-ის წინააღმდეგ ბრძოლა დაიწყო არა ხალვაშის, არამედ ხელისუფლების ნებით. „სამართალწარმოება რუსთავი 2-ის, სიტყვის თავისუფლების და გამოხატვის თავისუფლების წინააღმდეგ და არა მისი მეპატრონეების, მესაკუთრეების წინააღმდეგ დაიწყო არა ბატონი ხალვაშის, არამედ ამ ქვეყნის ხელისუფლების ნებით და რაც ყველაზე მთავარია, გადაწყვეტილება დაიწერა მანამდე, სანამ დაიწყებოდა დავა,“-განაცხადა გიორგი მშვენიერაძემ. სამართლიანი არჩევნებისა და დემოკრატიის საერთაშორისო საზოგადოების აღმასრულებელი დირექტორის მიხეილ ბენიძის თქმით, რუსთავი 2-ის საქმეზე კითხვები არსებობს, როგორც ქვეყნის გარეთ, ასევე შიგნით. ყოფილი პრემიერის ბიძინა ივანიშვილის ინტერესებზე ამახვილებს ყურადღებას ადვოკატთა ასოციაციის თავმჯდომარე. „შემიძლია ერთმნიშვნელოვნად ვთქვა, რომ ეს იყო ხელისუფლების ძალადობა დამოუკიდებელ ტელეკომპანიაზე. ეს იყო გამოხატვის თავისუფლებაში უხეში ჩარევა. გადაწყვეტილება იყო სავსებით უკანონო და ვინც ნახა ივანიშვილის გამოსვლა ორი სამი დღით ადრე ამ გადაწყვეტილებამდე, ყველა მიხვდებოდა რა გადაწყვეტილებას გამოიტანდა სასამართლო,“-განაცხადა ზაზა ხატიაშვილმა.
“არ მომწონს რომ ეს ყველაფერი წინა საარჩევნო პერიოდში ხდება" - რუსთავი 2-ის წილის 100 %-ის ქიბარ ხალვაშისთვის მიკუთვნების გადაწყვეტილებას ეხმაურება ფრაქცია ქართული ოცნების თავმჯდომარე გია ვოლსკი. “ერთი წელია უკვე პროცესი მიმდინარეობს და ვერც მე და ვერც ვერავინ მოდავე მხარეებს ვერ მიუთითებს, როდის დაიწყონ დავა და როდის შეწყვიტონ. უბრალოდ მცდელობაა იმისა, რომ ეს წარმოადგინონ ისე, როგორც პოლიტიკური პროცესი. ვინმე უნდა გამოვიდეს და თქვას, რომ ეს ქონება ეკუთვნის ამა და ამ ადამიანს და არ ეკუთვნის მეორე ადამიანს, ყველაფერზეა ლაპარაკი ამის გარდა. ცოტა გადაჭარბებული წარმოდგენა აქვს რუსთავი 2-ს თავის ექსკლუზიურობაზე და უნიკალურობაზე“ - განაცხადა გიორგი ვოლსკიმ.
საქართველოში ევროკავშირის წარმომადგენლობის ხელმძღვანელი იანოშ ჰერმანი სამაუწყებლო კომპანია რუსთავი 2-თან დაკავშირებით, სააპელაციო სასამართლოს მიერ მიღებულ გადაწყვეტილებას ეხმაურება და აცხადებს, რომ მოვლენების განვითარებს აკვირდებიან. “საქართველოში ფართო დისკუსია ორ საკითხზე მიმდინარეობს. პირველი, სასამართლოს დამოუკიდებლობასა და მეორე, პრესის თავისუფლებას შეეხება. ჩვენთვის ორივე პრინციპი მნიშვნელოვანია. ეს ასევე მნიშვნელოვანია ასოცირების შეთანხმების კონტექსტში. ჩვენ ვაკვირდებით მოვლენების განვითარებას,“ - განაცხადა იანოშ ჰერმანმა. ავტორი: მარიამ გაფრინდაშვილი
სააპელაციო სასამართლოს მიერ რუსთავი 2-ის საქმეზე დღეს გამოტანილ გადაწყევტილებას ეხმაურება პრეზიდენტის ადმინისტრაციის უფროსი. გიორგი აბაშიშვილმა ხაზგასმით აღნიშნა, რომ პრეზიდენტის ვიზიტის დროს სტრასბურგშიც და ბრიუსელშიც, ყველა შეხვედრაზე რუსთავი 2-ის საკითხი იყო ძალიან მძაფრად დასმული. „ცხადია, ამ გადაწყვეტილების შემდგომ ეს თემა კიდევ უფრო მეტად გამძაფრდება. ამავდროულად, წინასაარჩევნო პერიოდში რუსთავი 2-ის მფლობელის ცვლილება იქნება სერიოზული დარტყმა არჩევნების დემოკრატიულობაზე,“ - გიორგი აბაშიშვილმა. რუსთავი 2-ის საქმეზე სააპელაციო სასამართლომ პირველი ინსტანციის გაადაწყვეტილება ძალაში დატოვა. სამაუწყებლო კომპანიის ადვოკატები საქალაქო სასამართლოს მოსამართლის თამაზ ურთმელიძის მიერ 2015 წლის 3 ნოემბერს მიღებული გადაწყვეტილების გაუქმებას და საქმის პირველ ინსტანციაში დაბრუნებას ითხოვდნენ.
მცირეწლოვანი შვილისა და ქმრის მკვლელობაში ბრალდებული მაგდა პაპიძის სასამართლო დაიწყო დღეს თბილისის საქალაქო სასამართლოში. პროცესი ნაფიცი მსაჯულების თანხლებით მიმდინარეობს. სხდომის დასაწყისში მხარეებმა შესავალი სიტყვები წარმოსთქვეს.
პარტია სახელმწიფო ხალხისთვის ლიდერი პაატა ბურჭულაძე, სამაუწყებლო კომპანია რუსთავი 2-თან დაკავშირებით, სააპელაციო სასამართლოს მიერ მიღებულ გადაწყვეტილებას ეხმაურება და განცხადებას აქვეყნებს. ბურჭულაძე მიიჩნევს, რომ დღეს მიღებული გადაწყვეტილება ადასტურებს იმ უმძიმეს მდგომარეობას, რომელიც ქართულ მართლმსაჯულებაში არსებობს. წერილში ასევე აღნიშნულია, რომ ქართული საზოგადოება არ დათმობს დამოუკიდებელ ტელევიზიას და არ დაუშვებს მის სარედაქციო პოლიტიკაში ჩარევას. „რუსთავი 2-ის საქმეზე სააპელაციო სასამართლოს მიერ დღეს მიღებული გადაწყვეტილება ადასტურებს იმ უმძიმეს მდგომარეობას, რომელიც ქართულ მართლმსაჯულებაში არსებობს. ყველასათვის ნათელია, რომ ხელისუფლების სურვილი არც არასოდეს ყოფილა რეალური სასამართლო რეფორმის განხორციელება. მორჩილი სასამართლო დღევანდელი ხელისუფლების მთავარი მოკავშირეა. მხოლოდ ასეთი მოცემულობის პირობებში გრძნობს ხელისუფლება კომფორტულად თავს, რომლის მთავარი მიზანია, არ მივიდეს კრიტიკული ინფორმაცია მაყურებლამდე. ფაქტია, ამ პროცესებით საქართველოს საერთაშორისო იმიჯი ნადგურდება, ვინაიდან ყველას თვალში ქართული მართლმსაჯულება უფასურდება. რუსთავი 2-ის დამორჩილებასთან დაკავშირებული, წინასაარჩევნო პერიოდში, ხელისუფლებისგან ორკესტრირებული ეს უგუნური გადაწყვეტილება, ყველასათვის წინასწარ იყო ცნობილი. ცხადია, ეს პროცესი სააპელაციო სასამართლოს ამ პროვოკაციული გადაწყვეტილებით არ დასრულდება და კიდევ უფრო გაართულებს არსებულ ვითარებას. ქართული საზოგადოება, ჩვენ, ყველანი ერთად არ დავთმობთ დამოუკიდებელ ტელევიზიას და მის სარედაქციო თავისუფლებაში ჩარევას. ჩვენ, ყველამ ერთად უნდა გავაგრძელოთ ბრძოლა ქვეყანაში დემოკრატიული ღირებულებების დასაცავად, რომლის ერთ-ერთ უმთავრეს საყრდენს სწორედ სიტყვის თავისუფლება წარმოადგენს,“ - ნათქვამია პაატა ბურჭულაძის მიერ გავრცელებულ განცხადებაში.
“ივანიშვილმა ჩვენს მოქალაქეებს ოცნება წაართვა მაგრამ რუსთავი 2-ს ვერ წაართმევს“ - ნაციონალური მოძრაობის წევრი მიხეილ მაჭავარიანი სააპელაციო სასამართლოს მიერ რუსთავი 2-ის საქმესთან დაკავშირებით გამოტანილ გადაწყვეტილებაზე საუბრობს. ”ეს არის ბიძინა ივანიშვილის ახირება და ვერავინ უბედავს, რადგან პირდაპირ უხსნის მათ, რომ რუსთავი 2-თან ერთად არჩევნებზე წასვლა წაგებაა. ივანიშვილმა ჩვენს მოქალაქეებს ოცნება წაართვა მაგრამ რუსთავი 2-ს ვერ წაართმევს“- განაცხადა მაჭავარიანმა. ასევე ნაციონალური მოძრაობის წევრის სერგო რატიანის თქმით, ივანიშვილი მზად არის საკუთარი ინტერესების გამო გაცვალოს ქვეყნის ინტერესები. “განაჩენი, რომელიც დღეს იქნა გამოტანილი, დაწერილია ბიძინა ივანიშვილის მიერ და უბრალოდ დღეს გახმოვანდა სასამართლო დარბაზში. ივანიშვილი მზად არის საკუთარი ინტერესების გამო გაცვალოს ქვეყნის ინტერესები“ - აღნიშნა რატიანმა. გიორგი ტუღუშის თქმით, ხელისუფლებამ ქვეყანაში სასამართლო სისტემა გააუქმა. “რუსთავი 2 დარჩება ქართველ ხალხს, ეს არის ყველაზე მნიშვნელოვანი. ის, რაც ხდებოდა სასამართლოში, ძალიან ცუდად მოუბრუნდება ხელისუფლებას, რომელმაც პრაქტიკულად გააუქმა სასამართლო ამ ქვეყანაში“ - განაცხადა ნაციონალური მოძრაობის წევრმა გიორგი ტუღუშმა. ავტორი: ელისო ჯარიაშვილი
"ამას სამართალთან არაფერი აქვს საერთო სამაუწყებლო კომპანია რუსთავი2-ის საქმესთან დაკავშირებით" - სააპელაციო სასამართლოს გადაწყვეტილებას, ასე თავისუფალი დემოკრატების ერთ-ერთი ლიდერი შალვა შავგულიძე ეხმაურება. შავგულიძე ამბობს, რომ ქართული ოცნების ხელისუფლებამ, სასამართლოს მეშვეობით ხელყო მედიის და სიტყვის თავისუფლება. „ქართული ოცნების ხელისუფლებამ ხელყო სიტყვის თავისუფლება და მედიის დამოუკიდებლობა. ასეთ შემთხვევაში, როდესაც სახელმწიფო სასამართლოს ხელით ხელყოფს ამ ღირებულებებს, უკვე დემოკრატიულობაზე ამბიციის მქონე საზოგადოების ვალია, დაიცვას დემოკრატიისთვის ესოდენ ფუნდამენტური და უძვირფასესი ღირებულება, სიტყვის თავისუფლება და მედიის დამოუკიდებლობა. "რა თქმა უდა, სხვა გადაწყვეტილებას არ ველოდით, ფურცელზე ყველაფრის დაწერა შეიძლება, მაგრამ სამართლებრივი დასაბუთება ამას ვერ ექნება. ისეთი პროცედურული დარღვევებით იქნა ეს სასამართლო განხილვები ჩატარებული, რომ რა თქმა უნდა, ამას სამართალთან არაფერი აქვს საერთო,“ - განაცხადა შალვა შავგულიძემ.
პარტია რეფორმატორების ლიდერი ირაკლი ღლონტი სააპელაციო სასამართლოს რუსთავი2-ის მიმართ გამოტანილ განაჩენს უკანონოს და პოლიტიკურად მოტივირებულს უწოდებს. ღლონტი პოლიტიკოსებს კონსულტაციებისკენ მოუწოდებს და მოსახლეობასაც მიმართავს. მისი თქმით, როდესაც „ქვეყანაში კანონი არ კანონობს, ხალხის ვალდებულებაა აჯანყდეს“. „არ ვაპირებ სამართლებრივ ჭრილში შევიდე ამ ბინძური სასამართლო პროცესის. ერთი მაქვს სათქმელი, ჩემს კოლეგებს მინდა ახლა მივმართო, ინტერვიუს და კომენტარის პოლიტიკოსები ნუ ვიქნებით ხალხო. თავზე დაგვახია ბიძინა ივანიშვილის სამმა ურთმელიძე ინკვიზატორმა სამართალი, სამართლიანობა კონსტიტუცია. "ნუ დავრჩებით სახლში, 10 კაცი შეგვიძლია? 100 კაცი შეგვიძლია? დავიწყოთ კონსულტაციები. არსებობს ასეთი გამონათქვამი, სხვა გზა არ მაქვს, უნდა ვთქვა, როდესაც კანონი არ კანონობს, ხალხის ვალდებულებაა აჯანყდეს კიდეც,“-განაცხადა ირაკლი ღლონტმა.
„დღეს ქართულმა სასამართლომ თავის რეალური სახე დაანახა საზოგადოებას" - ეს განცხადება რუსთავი 2-ის განერალური დირექტორის მოადგილემ ზაალ უდუმაშვილმა, სააპელაციო სასამართლოს მიერ რუსთავი 2-ის საქმეზე გამოტანილი გადაწყვეტილების შემდეგ გააკეთა. „ის დრამატული სერიალი, რომელიც გადაიცემოდა რუსთავი 2-ის ეთერში,დღეს დასრულდა ისე, როგორც ხელისუფლებას უნდოდა. მე მინდა მივმართო ბიძინა ივანიშვილს და მთლიანად ხელისუფლებას, ეს ბრძოლის ეტაპებია. თქვენ შეიძლება ამ ბრძოლის ეტაპში დღეს გამარჯვება მოიპოვეთ, მაგრამ გარწუმებთ, ომი ჯერ არ დასრულება, და ამ ომს აუცილებალად მოიგებს რუსთავი 2“ - განაცხადა ზაალ უდუმაშვილმა. ზაალ უდუმაშვილი ქიბარ ხალვაშის მიერ დღეს გაკეთებულ განცხადებას გამოეხმაურა. „ის თავის განცხადებაში საუბრობს სიტყვის თავისუფლებაზე. ბატონო ქიბარ, თქვენ თუ გინდათ ჟუნრალისტების უფლებების დაცვა, მაშინ ამ ტელევიზიას არ წაართმევთ ჟურნალისტებს,“ - განაცხადა ზაალ უდუმაშვილმა. შეგახსენებთ, რომ დღეს ქიბარ ხალვაშმა, საინფორმაციო სააგენტო გურია ნიუსთან საუბრისას განაცხადა, რომ დაიცავს სიტყვის თავისუფლებას და რუსთავი 2-ის ყველა თანამშრომლის ძველ ისტორიას არ ექნება უარყოფითი ზეგავლენა მათ მომავალზე.
უმრავლესობის წევრმა ეკა ბესელიამ, რუსთავი 2-ის გენერალური დირექტორს ნიკა გვარამიას უპასუხა, საკონსტიტუციო მოსამართლოს მოსამართლე მერაბ ტურავასთან კომუნიკაციის თაობაზე. ბესელია საქართველოს პარლამენტის მიერ, საკონტიტუციო სასამართლოს შეახებ მიღებულ გადაწყვეტილებას ამართლებს. „მე ძალიან ვუთანაგრძნობ ნიკა გვარამიას, რომ მისი მდგომარეობა უკვე იმდენად აღარ ექვემდებარება კონტროლს, რომ ის ფიქრობს, ისეთ მდგომარეობაში ჩავარდით ახლა ან მე ან თეა წულუკიანი, რომ უკაცრავად, მაგრამ ტუალეტებიდან გვიწევს სატელეფონო საუბრების განხორციელება. თუ ეს არის ნიკა გვარამიას ფანტაზიის არეალი დღეს, მე მას გულწრფელად ვუსამძიმრებ. შეიძლება თვითონ აკეთებს ასეთ რამეს, ან უკეთებია ასეთი რამ და ალბათ წარმოუდგენია, ეს თქვენ გგონიათ ასე. ეს კანონი ჩვენ მივიღეთ სასამართლოს გაძლიერებისთვის და იმისთვის, რომ არც ნიკა გვარამიამ, არც ნაციონალურმა მოძრაობამ არ ჩათვალოს, რომ საკონტიტუციო სასამართლო არის მისი ქვემდგომი, საქვეუწყებო ფილიალი. ამიტომ მივიღეთ, რომ თავი დავანებოთ საკონსტიტუციო სასამართლოში ხელებისა და სხვა რაღაცებიის ფათურს,“ - განაცხადა ეკა ბესელიამ. შეგახსენებთ, რომ რუსთავი 2-ის გენერალურმა დირექტორმა, ნიკა გვარამიამ, გუშინ გამართულ პრესკონფერენციაზე, უმრავლესობის წევრს ეკა ბესელიას, საკონსტიტუციო სასამართლოს
თამაზ მეჭიაური სააპელაციო სასამართლოს მიერ ტელეკომპანია რუსთავი 2-ის მიმართ გამოტანილ გადაწყვეტილებას ეხმაურება და მხარეებს სასამართლო გადაწყვეტილების პატივისცემისკენ მოუწოდებს. დეპუტატი ამბობს, რომ სამართლიანობა ნებისმიერ პერიოდში უნდა აღდგეს. "უნდა ვენდოთ სასამართლოს გადაწყვეტილებას და პატივი ვცეთ. სამართლიანობა ნებისმიერ პერიოდში უნდა აღდგეს, როგორც არჩევნების წინ, ისე არჩევნების შემდეგ, მაგრამ ზოგჯერ რა თქმა უდნა, სამართლიანობის აღდგენის პროცესმა შეიძლება ვინმე დააზარალოს,“ - განაცხადა მეჭიაურმა. დეპუტატი ყოფილი პრემიერმინისტრის, ბიძინა ივანიშვილის იმ განცხადებასაც ეხმაურება, სადაც მან განაცხადა, რომ გარანტად უდგება დავით დვალსა და ქიბარ ხალვაშს თუკი სასამართლო მიიღებს რუსთავი 2-ის მფლობელების საწინააღმდეგო გადაწყვეტილებას, პირადად აანაზღაუროს დვალისა და ხალვაშის ზარალი. ბიძინა ივანიშვილმა ჟურნალისტებთან შეხვედრისას აღნიშნა რომ თუ დვალი და ხალვაში არ შეეხებიან არხის მენეჯმენტს და ნიკა გვარამიას, ის მზად არის ნებისმიერი საფასური გადაიხადოს. „კითხვებს რატომ უნდა აჩენდეს, კაცი იძახის, რომ მე ნაკლები მითქმა-მოთქმის საფუძველი რომ არ მივცე ხალხს, მე ჩემს პირად რესურსსაც კი გამოვიყენებ, რომ დავეხმაროო, თუნდაც გვარამიასო,“-განაცხადა მეჭიაურმა
#რუსთავი2 #Rustavi2 - ბოტანიკური ბაღი კვლავ სკანდალის მიზეზი ხდება. ოპოზიცია ამჯერად იმ დოკუმენტებს ასაჯაროებს, რომლიდანაც, მათი განმარტებით, ირკვევა რომ პარკის ტერიტორიაზე ჰიდროელექტროსადგურის მშენებლობა იგეგმება. მემორანდუმი 2015 წელს ენერგეტიკის სამინისტროსა და შ.პ.ს წავკისის ჰესს შორის გაფორმდა. ასევე ნაციონალურ მოძრაობაში განმარტავენ, რომ ეს პროექტიც ბიძინა ივანიშვილის ინტერესებს უკავშირდება. ბრიფინგი პოლიტიკოსებმა ზუსტად იმ ადგილას გამართეს, სადაც მათი თქმით ჰესი უნდა აიგოს. "ერთადერთი ვინც აქ აშენებული ჰესით შეიძლება ისარგებლოს, ეს არის ბიძინა ივანიშვილი. კაშხალი უდნა მოეწყოს წავკისის ველის მიმდებარედ სადაც მიკრო კლიმატის ცვლილება იქნება მოსალოდნელი და იქ მოსახლეობას სერიოზული პრობლემები შეექმნება“ - განაცხადა ნაციონალური მოძრაობის წევრმა ირაკლი აბესაძემ. ასევე ნაციონალური მოძრაობის წევრის ნიკა მელიას თქმით, დოკუმენტს რომლის მიხედვითაც შ.პ.ს წავკისის ჰესი იწყებს მშენებლობას კახა კალაზე აწერს ხელს. "საბუთის მიხედვით ენერგეტიკის მინისტრმა კალაძემ მოაწერა ხელი შ.პ.ს წავკისის ჰესთან და ამის საფუძველზე ეს შ.პ.ს წავკისის ჰესი ანუ იგივე ივანიშვილის სთხოვს მერიას აღნიშნული ტერიტორია გადაეცეს საკუთრებაში. უნდა გამოვიდნენ ახლა და აღიარონ რომ მონურ მორჩილებაში არიან ივანიშვილთან“ - აღნიშნა მელიამ.
#რუსთავი2 #Rustavi2 - ჯერ ისევ უცნობია, გაიმართება თუ არა ახალციხეში ორგანიზაცია დაიცავი პლატფორმას აქცია-კონცერტი, რომელიც საქართველოს ევროინტეგრაციას ეძღვნება. ჯგუფი გამოუვალი მდგომარეობა მსმენელის წინაშე შესაძლოა ვეღარ წარსდგეს. ორგანიზაციაში განმარტავენ, რომ 400-დან 5000 ლარამდე ციხის ადმინისტრაციამ საფასური ხელისუფლების მითითების საფუძველზე და პოლიტიკური მოტივით გაზარდა, შემდეგ კი ღონისძიების გამართვაზე უარი სხვა ლოკაციაზეც ეთქვათ. ახალციხის თეატრთან მდებარე სკვერში უკვე მიმდინარეობს სცენის მონტაჟი. ორგანიზატორებო აქცია-კონცერტის გამართვას მაინც გეგმავენ. „ახალციხის მერია, თბილისის დავალებით, რადგან თავად დამფრთხალები არიან ჩვენ ფუნდამენტურ უფლებას ზღუდავს სრულიად უკანონოდ," - განაცხადა ტელეკომპანია ტაბულას დირექტორმა, თამარ ჩერგოლეიშვილმა. ახალციხის მერიაში ამ საკითზე პასუხის მისაღებად კურიერის გადამღები ჯგუფი იმყოფებოდა. თუმცა, მათ ჯერ უპასუხეს, რომ მერი მივლინებაში იმყოფებოდა, მოგვიანებით კი აცნობეს, რომ ის შვებულებაშია. ამ საკითხზე კომენტარის გაკეთებას კურიერს მერის მოადგილე დაპირდა, თუმცა მოგვიანებით პრესსამსახურში განაცხადეს, რომ ის თათბირს მართავს და შესაბამისად, არ ცალია.
ლილოს ბაზრობის მიმდებარე ტერიტორია ძლიერი წვიმის შედეგად დაიტბორა. ვიდეო სოციალურ ქსელში ერთერთმა ფეისბუქ-მომხმარებელმა გაავრცელა.
მოსამართლეთა კოლეგიამ სხდომათა დარბაზიდან რუსთავი 2-ის ადვოკატები თამთა მურადაშვილი და დიმიტრი საძაგლიშვილი გააძევა. კოლეგიამ ადვოკატი დიმიტრი ძაგნიძე - 100 ლარით, თამთა მურადაშვილი - 300 ლარით, დიმიტრი საძაგლიშვილი კი 500 ლარით დააჯარიმა. სხდომათა დარბაზიდან მოსამართლემ გააძევა არასამტავრობო ორგანიზაცია მედიის განვითარების ფონდის ხელმძღვანელი თამარ კინწურაშვილიც. მასთან ერთად დარბაზი სხვა დამსწრე პირებმაც დატოვეს. ასევე მოსამართლემ პროცესზე დასწრების უფლება არ მისცა რუსთავი 2-ის გენერალურ დირექტორს ნიკა გვარამიას. ამ საკითხზე განცხადებები გააკეთეს დარბაზიდან გამოსულმა პოლიტიკოსებმა.
ყოფილი პრემიერმინისტრი მზად არის ექსპერტებს და ჟურნალისტებს შეხვდეს. ბიძინა ივანიშვილის თქმით, ის მივა რუსთავი 2-ში, მხოლოდ იმ პირობით, რომ მის ბოლო წერილში დასმულ საკითხებზე საუბრის საშუალება მიეცემა, ამის შემდეგ კი მზად არის კრიტიკულ შეკითხვებს უპასუხოს. „ტაბულას და რუსთავი 2-ის ჟურნალისტებს შევხვდებოდი ღია ეთერით, პირდაპირი გადაცემით და მათთანაც ამ წერილის ირგვლივ ვისაუბრებდი და სხვა კითხვებზე და ამავდროულად, ერთ პირობას დაუსვამდი მათ მხოლოდ, რომ გადაცემები და ინფორმაცია, რაც მიწოდებული იყო მათი ტელევიზიის 99 პროცენტი თუ ასე არა იყო მცდარი, რომ დამითმონ ერთი ნაწილი მაინც იმ არსებულ გადაცემებზე, რომ გავაკეთო მე რეპლიკა, გავიმეოროთ ის, რაც უკვე მოახერხეს მათ და გადასცეს და ჩემი აზრით, ძირითადად სიცრუე და სიცრუის ტირაჟირება ხერხდებოდა ჩემი პერსონის მიმართ. ამ ნაწილს თუ დამითმობენ, პირველი ნაწილი ვთქვათ, გავაკეთოთ არსებულზე, რაზეც მათ ქონდათ გადაცემები და მეორე ნაწილი შეიძლება ან მესამეც დავამატოთ, დამატებით კითხვებს ვუპასუხებდი დღევანდელი ღია წერილის თუ სხვა შეკითხვები, რაც მათ გააჩნიათ,“ - განაცხადა ბიძინა ივანიშვილმა.
პრემიერს, რომელმაც რუსთავი 2-ის გენერალურ დირექტორზე განაცხადა, რომ „კაცი რომ იყოს, პასუხს გავცემდი" ნიკა გვარიამ უპასუხა. გვარამიას თქმით, ადამიანებს, როცა საპასუხო არაფერი აქვთ შეურაცხყოფაზე გადადიან. „ადამიანებს, როდესაც საპასუხო არაფერი აქვთ, შეურაცხყოფებზე გადადიან. პრემიერი დიდი ინტელექტუალური შესაძლებლობებით ისედაც არ გამოირჩეოდა, მაშინ როდესაც იმაში ამხელენ, რაც ნამდვილად სიმართლეა, კერძოდ, ჯერ გრეჩიხას „შნირი“ იყო, ახლა ბიძინა ივანიშვილის „შნირია“, უკაცრავად ჟარგონისთვის, ორივესგან ფულს იღებდა ახლაც და მაშინაც, დანაშაულს ჩადიოდა, საპასუხო არაფერი აქვს და შეურაცხყოფაზე გადადის. მაინტერესებს ჩემი მასკულინობის დეფიციტმა როდის და რატომ შეაწუხა, რა ინტერესი აქვს ჩემს მამაკაცურ საწყისებთან დაკავშირებით, მკითხოს და შემიძლია პარამეტრების სიზუსტით ყველაფერი მოვახსენო,“- განაცხადა ნიკა გვარამიამ. მანამდე ნიკა გვარამიამ განაცხადა, რომ გიორგი კვირიკაშვილი ახალი მემარჯვენეების ფრაქციაში ფულით იყო ნაყიდი. #რუსთავი2ისსაქმე
#რუსთავი2ისსაქმე #რუსთავი2 #Rustavi2
#Rustavi2 „კაცი რომ იყოს, პასუხს გავცემდი", - ასე უპასუხა პრემიერმინისტრმა რუსთავი 2-ის გენერალური დირექტორის მიერ გაკეთებულ განცხადებებთან დაკავშირებით ჟურნალისტების შეკითხვას. ნიკა გვარამიას განცხადებით, გიორგი კვირიკაშვილი ახალი მემარჯვენეების ფრაქციაში ფულით იყო ნაყიდი.
#არჩევნები2016 ეუთოს დემოკრატიისა და ადამიანის უფლებათა დაცვის ოფისის მისია 2016 წლის საპარლამენტო არჩევნებთან დაკავშირებით ანგარიშს აქვეყნებს. დოკუმენტი 11 გვერდიანია და შფასებულია ქვეყანაში წინასაარჩევნო ვითარება. მისიის მიერ მომზადებული ანგარიშის თანახმად, 8 ოქტომბერის არჩევნები ჩატარდება პოლიტიკური დაძაბულობის ფონზე, რაც უარყოფით გავლენას ახდენს წინასაარჩევნო გარემოზე. ანგარიშში ნახსენებია რუსთავი ორთან დაკავშირებით მიმდინარე სამართლებრივი დავა და პირადი ცხოვრების ამსახველი ფარული ჩანაწერების გამოქვეყნება. ეუთოს მისიის შეფასებით, წინა საპარლამენტო არჩევნების შემდეგ კანონმდებლობა არსებითად შეცვლილი არ არის და გაუთვალისწინებელი დარჩა ის რეკომენდაციები, რომელიც კამპანიების დაფინანსებასა და მედიას შეეხება.
მყინვარწვერზე რუსეთის მოქალაქე დაიღუპა. შემთხვევა გუშინ მოხდა. მთამსვლელების ინფორმაციით, ტურისტები წესების დარღვევით, შესაბამისი ეკიპირების გარეშე გადაადგილდებოდნენ და ერთ-ერთი მათგანი ყინულის ნაპრალში ჩავარდა. მთამსვლელებმა მისი გამოყვანა მყინვარიდან მოახერხეს, თუმცა ჯანმრთელობის მძიმე მდგომარეობის გამო, ტურისტი ადგილზე გარდაიცვალა.