ჩეხეთში ეპიდემიოლოგიური საფრთხის მაქსიმალური, მეხუთე დონე გამოცხადდა და 27 დეკემბრიდან კვების, საყოფაცხოვრებო საქონლის, აფთიაქების და სამომხმარებლო მომსახურების გარდა, ყველა მაღაზია დაიკეტება. ქუჩები თითქმის ცარიელია, მაქსიმალურად იზღუდება მოქალაქეების გადაადგილება. დასაშვები იქნება არაუმეტეს ორი ადამიანის შეკრება, გაგრძელდება ე.წ. კომენდანტის საათიც.
ჰავაიზე სადაც, 20 დეკემბერს ვუკლანი კილაუეას ამოფრქვევა დაიწყო ათასობით ვიზიტორი მოვიდა ვულკანურ ეროვნულ პარკში ამოფრქვევის სანახავად. ჰავაიზე მდებარე ეს ვულკანი ერთ-ერთი ყველაზე აქტიურია მსოფლიოში, მაგრამ ბოლოს ოთხი წლის წინ ამოიფრქვა.
ბრიტანეთში დოვერის პორტში სატვირთო ავტომობილების მძღოლები საფრანგეთის მიმართულებით გზის გახსნას ითხოვენ, რის გამოც პოლიციას დაუპირისპირდნენ. ათასობით სატვირთოს მძღოლი, რამდენიმე დღის განმავლობაში სამხრეთ ინგლისშია გაჩერებული. საფრანგეთმა სატვირთო ავტომობილების მიღება ბრიტანეთში კორონავირუსის ახალი სახეობის აღმოჩენის შემდეგ შეწყვიტა.
FIFA-მ ყოფილ პრეზიდენტ ზეპ ბლატერის წინააღმდეგ სასამართლოში საჩივარი შეიტანა ციურიხის მუზეუმის პროექტთან დაკავშირებით. საჩივარი ციურიხის კანტონალურ პროკურორს გაეგზავნა მას შემდეგ, რაც „ცნობილი გახდა ამ პროექტთან დაკავშირებული მრავალი სერიოზული დარღვევის შესახებ, რომლებიც სერიოზულ ეჭვებს ბადებს სისხლის სამართლის დარღვევების თაობაზე სხვადასხვა ოფიციალური პირისა და კომპანიის მხრიდან, რომლებიც ამ საკითხთან არიან დაკავშირებული,“
ჟურნალმა The Ring ორი მოკრივე ტაისონ ფიური და ტეოფიმო ლოპესი წლის საუკუეთესო მოკრივეებად დაასახელა. 32 წლის სპორტსმენი, მძიმეწონოსანი ტაისონ ფიური WBC ვერსიით მსოფლიოს ჩემპიონია, ტეოფიმო ლოპესმა კი, WBA და WBO ვერსიებით მსოფლიო ჩემპიონის, უკრაინელი ვასილი ლომაჩენკოს ქამრები და ტიტულები დაისაკუთრა
ავსტრია-უნგრეთის საიმპერატორო იმპერატრიცის შესახებ,გერმანული Netflix ახალი ექვს ნაწილიანი სერიალის “იმპერატრიცას” გადაღებებს იწყებს.ორიგინალური სერიის გადაღებები 2021 წლის გაზაფხულზე დაიწყება.საიმპერატორო წყვილის მთავარ როლებს დევრიმ ლინგაუ და ფილიპ ფრუასანი მოირგებენ.სერიალი 2022 წლის გაზაფხულზე გამოვა
ლივერპულის ფორვარდმა მოჰამედ სალაჰმა განაცხადა, რომ მადრიდის რეალში სურს გადასვლა. წყაროს ცნობით, მერსისაიდული კლუბი მაქსიმალურად სარფიან წინადადებას აირჩევს ეგვიპტელის გასაყიდად. ფორვარდით ასევე ინტერესდებიან პარი სენ-ჟერმენი და მანჩესტერ სიტი
საშობაო ვარსკვლავად წოდებულ მოვლენას, რომლის დროსაც იუპიტერი და სატურნი ერთამნეთს გადაკვეთენ და ერთი კაშკაშა მნათობის სახით გამოჩნდებიან, ათიათასობით ადამიანი ინტერნეთში პირდაპირ ეთერში აკვირდება. ასტრონომიული მოვლენა ბოლო 800 წლის განმავლობაში პირველად ხდება და ის ზამთრის ბუნიაობას ემთხვევა. წარმოიშვა სპეკულაციები იმის შესახებაც, შეიძლება თუ არა, რომ საქმე გვქონდეს იმავე ასტრონომიულ მოვლენასთან, რომლის შესახებაც ბიბლია გვამცნობს — ბეთლემის ვარსკვლავთან, რომელიც მოგვებს იოსების, მარიამისა და ახალშობილი იესოსკენ წარუძღვა.
ევროპის წამლის სააგენტომ კომპანია „ფაიზერისა“ და „ბიოენტექის“ მიერ შექმნილ კორონავირუსის საწინააღმდეგო ვაქცინას ავტორიზაცია მიანიჭა. უახლოეს დღეებში ევროპის ქვეყნებში ვაქცინაცია დაიწყება. გერმანიის ჯანდაცვის მინისტრის თქმით, მოსახლეობის ვაქვინაცია გერმანიაში სავარაუდოდ 27 დეკემბრიდან დაიწყება.
შვედეთი იმ ქვეყნების სიას შეუერთდა, რომლებმაც „კოვიდ-19“-ის ახალი სახეობის გამო ბრიტანეთთან ავიამიმოსვლა შეაჩერა. „ვირუსის გავრცელების რისკის შესამცირებლად, მთავრობის გადაწყვეტილებით, ბრიტანეთთან და დანიასთან დაკავშირებით წესდება შეზღუდვა“, – განაცხადა შვედეთის შინაგან საქმეთა მინისტრმა მაიკლ დამბერგმა. ბრიტანეთში აღმოჩენილი კორონავირუსის ახალი სახეობის ცხრა შემთხვევა დანიაშიც დაფიქსირდა.
არლამენტის პირველი ვიცე-სპიკერი გია ვოლსკი ირაკლი კობახიძეს გამოეხმაურა, რომლის თქმითაც, ის არ გამორიცხავს, რომ გავრილოვი, „ნაციონალური მოძრაობა“ და „ევროპული საქართველო“ ერთად მოქმედებდნენ. ვოლსკიმ კობახიძის ნათქვამს დაამატა , რომ მისი აზრით, ეს პოლიტიკური ძალები ყველაფერზე არიან წამსვლელები, მათ შორის, ტერორისტულ აქტებზე.
Google-მა საშობაო ვარსკვლავად წოდებული მოვლენისთვის,რომელიც იუპიტერისა და სატურნის შეერთებას გულისხმობს, შექმნა ანიმაციური Doodle. ეს იშვიათი შანსია,ადამიანები დააკვირნენ როგორ გამოჩნდება ორი პლანეტა, ერთი მნათობის სახით
პროფესიონალ ჩოგბურთელთა ასოციაციის ვებგვერდის ცნობით, სერბი ნოვაკ ჯოკოვიჩი ჩოგბურთის ისტორიაში მეორე მოთამაშეა, ვინც მსოფლიო რეიტინგის პირველ ნომრად 300 კვირის განმავლობაში იყო. თუ სერბი ჩოგბურთელი 2021 წლის რვა მარტამდე პირველ ნომრად დარჩება, ის ფედერერის რეკორდის მოხსნას შეძლებს
გუნდმა, რომელსაც ჩინეთის Chang’e-5 მისიით მთვარიდან ჩამოტანილი ნიმუშების მონღოლეთის შუაგულიდან წამოღება ევალებოდა, ამისთვის მსუბუქი ეგზოჩონჩხები გამოიყენა. ეს დამატებითი ჩონჩხები მათ თოვლში თავისუფლად გადაადგილებაში ეხმარებოდა. ბოლო 50 წლის მანძილზე, ეს პირველი შემთხვევაა, როდესაც დედამიწაზე მთვარიდან ჩამოიტანეს ნიმუშები
დინამო თბილისის მთავარმა მწვრთნელმა, ჩისკო მუნიოსმა თანამდებობა დატოვა. მის ადგილზე მუშაობა დინამოსა და საქართველოს ნაკრების ყოფილ კაპიტანს, გიორგი ნემსაძეს შესთავაზეს.
Instagram ავრცელებს ინფორმაციას ორი ახალი მექნიზმის შესახებ, რომლებიც ხელს შეუწყობს COVID-19-ის დეზინფორმაციის წინააღმდეგ ბრძოლას. ქსელში შესვლისას მომხმარებლებს სიახლეების ზედა ნაწილში გამოუჩნდებათ მათი ქვეყნის ჯანდაცვის სამინისტროს საინფორმაციო ბმული. ხოლო ისინი ვინც, ვაქცინის შესახებ მოძებნიან ინფორმაციას, მიიღებენ სანდო წყაროებზე მითითებას. ზომები გავრცელდება სოციალური ქსელის ჰეშთეგებზეც, ხოლო ის ჰეშთეგები რომლებიც შეიცავს დეზინფორმაციას-დაიბლოკება.
საქართველოს პრემიერ-მინისტრის მოვალეობის შემსრულებელმა, გიორგი გახარიამ პარლამენტს მთავრობის შემადგენლობა წარუდგინა.მათ შორის, იუსტიციის მინისტრად გოჩა ლორთქიფანიძე, შინაგან საქმეთა მინისტრად ვახტანგ გომელაური, ეკონომიკის მინისტრად ნათია თურნავა, საგარეო საქმეთა მინისტრიად – დავით ზალკალიანი, თავდაცვის მინისტრად – ირაკლი ღარიბაშვილი, ჯანდაცვის მინისტად – ეკატერინე ტიკარაძე განიხილებიან. მთავრობის შემადგენლობას პარლამენტი მომავალ კვირაში დაამტკიცებს.