გია გაჩეჩილაძის, იგივე უცნობის ინიციატივით მარადისობის დღის შეკრება გაიმართა, რომელსაც რამდენიმე ათასი ადამიანი, მათ შორის რეგიონებიდან ჩამოსულები ესწრებოდნენ. სიტყვით გამოსვლისას გაჩეჩილაძემ განაცხადა, რომ ისინი ინტელექტულური პროტესტის მომხრე არიან. მონაწილეებმა „ევროპის მოედნიდან“ საქართველოს საპატრიარქოსკენ მსვლელობა გამართეს, შემდეგ კი დედა ენის ბაღში გადაინაცვლეს, სადაც „ქართველი ხალხის მარადისობის დღე“ დააფუძნეს. გაჩეჩლაძემ დღევანდელ შეკრებაზე საქართველოს პატრიარქს მხარდაჭერა გამოუცხადა. „პატრიარქს 43 წელია მივყავართ იმ გზაზე, რომელსაც მანქურთები ასეთი გაშმაგებით ებრძვიან“.
ევროპარლამენტარის, ვიოლა ფონ კრამონმის განცხადებით, საქართველოსთვის ევროკავშირის წევრობა იმდენად შორსაა რამდენადაც შეგვიძლია წარმოვიდგინოთ. ევროპარლამენტარი საქართველოს არაერთხელ ეწვია და როგორც ის ამბობს ბოლო წლებში, ყველაფერი შეცვლილია, მთავრობაში და პარლამენტში გადაწყვეტილების პროცესი ნათელი არ არის. საქართველოს ევროკავშირში გაწევრიანების მიზანი მნიშვნელოვანია, მაგრამ არ არის გეგმა თუ როგორ უნდა მოხდეს ეს - განაცხადა ვიოლა ფრონ კრამონმა.
თურქეთის პრეზიდენტი რეჯეფ თაიფ ერდოღანი ევროკავშირის ორ პრეზიდენტს შარლ მიშელსა და ურსულა ფონ დერ ლეიენს შეხვდა, შეხვედრის შინაარსის გარდა, მედიის ყურადღება ერთმა დიპლომატიურმა უხერხულობამაც მიიქცია: ფონ დერ ლაიენი სკამის გარეშე დარჩა. შეხვედრაზე მხლოდ ორი სკამი იყო, რომლებზეც ერდოღანი და შარლ მიშელი დასხდნენ.
დედაქალაქის მერია 35.9 მილიონ ლარად 300 ერთეულ, დიზელის საწვავზე მომუშავე მიკროავტობუსს ყიდულობს. თბილისის მერიის განცხადებით, კომპანია, რომელიც თბილისში მიკროავტობუსებს ფლობს მიკროავტობუსების საფასურს მათ ეტაპობრივად აუნაზღაურებს. შესაბამისი ტენდერი სახელმნწიფო შესყიდვების სააგენტოს საიტზე უკვე ატვირთულია. გამარჯვებულმა კომპანიამ ავტობუსები ხელშეკრულების გაფორმების შემდგომ, შესაბამისი მოთხოვნის წარდგენიდან 180 კალენდარული დღის განმავლობაში უნდა ჩამოიყვანოს.
NASA-ს მინივერტმფრენი ,,ინჯენუიტი’’ წითელი პლანეტის ზედაპირზე ჩამოსვეს და ის უკვე პირველი ფრენისთვის ემზადება.1,8-კილოგრამიანი საფრენი აპარატი მარსზე მავალ პერსევერანსს ჩაუმონტაჟეს. მომდევნო რამდენიმე დღის განმავლობაში, ინჯენუიტის ჯგუფი ვერტმფრენის ძრავსა და სენსორებს შეამოწმებს. პირველი ფრენა 11 აპრილის არის დაგეგმილი.
1 მარტიდან ქვეყნის შრომის კოდექსში შევიდა ცვლილებები — ამოქმედდა წესი სამუშაო დროის აღრიცხვის ფორმისა და მისი წარმოების შესახებ. ამასთან დაკავშირებით, საქართველოში, Biletebi.ge-ს გუნდმა შექმნა ახალი პროდუქტი, სახელწოდებით Timetag, რომელიც კომპანიებში თანამშრომლების სამუშაო დროის აღრიცხვისა და წარმოებისთვის გამოიყენება.
გერმანიაში დასაქმების სურვილი 475 ვაკანტურ პოზიციაზე 97 663 მოქალაქემ გამოთქვა. გერმანიაში დროებით ლეგალურ დასაქმებაზე განცხადებების მიღება კვლავ გრძელდება. 1-ელი აპრილის მდგომარეობით, გერმანული მხარისგან 475-მდე ვაკანსია ქალაქების - შტუტგარტის და ბრანდენბურგის დამსაქმებლებისგან არის მოწოდებული.
შინაგან საქმეთა სამინისტრო რუსი ჟურნალისტის ვლადიმერ პოზნერისთვის გამოწერილი ჯარიმის ქვითარს აქვეყნებს. უწყების ცნობით, სხვადასხვა მედიასაშუალებაში გავრცელდა არასწორი ინფორმაცია იმასთან დაკავშირებით, რომ 31 მარტს სტუმრად მყოფი პირები, რომლებმაც დაარღვიეს იზოლაციის და კარანტინის წესები, არ დაჯარიმებულან
ბრიტანულმა კომპანია Mura-მ განაცხადა, რომ ქმნის მსოფლიოში პირველ კომერციულ ქარხანას, რომელიც "ჰიდროთერმული" პროცესის გამოყენებით, პლასტიკის ყველა ფორმის ნარჩენს გადაამუშავებს. კომპანიის ცნობით, ქარხანა 2022 წელს ამუშავდება და მას წელიწადში 80 000 ტონა პლასტმასის გადამუშავება შეეძლება.“ჩვენ კატასტროფის წინაშე ვართ. დროა ავიღოთ ინიციატივა და დავასრულოთ პლასტიკური დაბინძურება” -აცხადებს კომპანიის აღმასრულებელი დირექტორი. მსოფლიოში წლიურად 350 მილიონი ტონა პლასტმასი იწარმოება, საიდანაც მხოლოდ 9%-ის გადამუშავება ხდება.
ივანე მაჭავარიანმა ფინანსთა მინისტრისა და ვიცე-პრემიერის თანამდებობა დატოვა. ამის შესახებ მან სოციალურ ქსელში დაწერა. მაჭავარიანი არ ასახელებს თანამდებობის დატოვების მიზეზს, მაგრამ ამბობს, რომ პოსტიდან წასვლას ჯერ კიდევ გასული წლის ბოლოს გეგმავდა, თუმცა გადაწყვეტილება რამდენიმე თვით გადადო, რადგან წინ კრიზისული ბიუჯეტის დამტკიცების პროცედურა და საერთაშორისო სავალუტო ფონდთან მნიშვნელოვანი მოლაპარაკებები იყო.
Youtube-ი ახალ ვიზუალურ განახლებას ტესტავს. კომპანია მომხმარებლებისგან Dislike-ების დამალვას ცდილობს. განახლებულ დიზაინში, Dislike-ის ღილაკი ისევ ჩანს, თუმცა აღარ ჩანს დისლაიქების რაოდენობა. კომპანიის განცხადებით ახალი დიზაინის ტესტირება იუთუბერების უკუკავშირზე დაყრდნობით დაიწყეს. ხშირია, შემთხვევები, როდესაც, რომელიმე ვიდეო Dislike კამპანიის მსხვერპლი ხდება, რაც კონტენტის შემქნელებზე ცუდად აისახება.
Covid -19- ის საწინააღმდეგო ბრიტანულ-შვედურ ვაქცინა AstraZeneca- ს სახელი გადაერქვა და მას ამიერიდან Vaxzevria- ეწოდება. სახელწოდების შეცვლა არ ნიშნავს ვაქცინის შემადგენლობის შეცვლას, მაგრამ წარწერა და შეფუთვა შეიცვლება, ნათქვამია შვედეთის სამედიცინო პროდუქტების სააგენტოს ინფორმაციაში.
ქართველი კონკურსანტი თორნიკე ყიფიანი 2021 წლის ევროვიზიის სიმღერის კონკურსის მეორე ნახევარფინალურ ტურში 20 მაისს, მე- 10 ნომრად იმღერებს. კონკურსანტი საქართველოს სიმღერით You წარადგენს, რომელიც მომღერალმა თავად დაწერა. წლევანდელ მასშტაბურ კონკურსს როტერდამი 18, 20 და 22 მაისს უმასპინძლებს
მსოფლიო ბანკის მიერ გამოქვეყნებული მონაცემებით, საქართველოში ქალების წვდომა ეკონომიკურ შესაძლებლობებზე მამაკაცებთან შედარებით შეზღუდულია. ანგარიშის თანახმად, კაცების საშუალო ანაზღაურება დემოგრაფიული და სამუშაო მახასიათებლების გათვალისწინებით ქალების ხელფასს საშუალოდ 16 პროცენტით აღემატება.
მმართველ გუნდსა და ოპოზიციას შორის ევროკავშირის მედიაციით მიმდინარე მოლაპარაკებებში ევროკავშირის საგარეო ქმედებათა სამსახურის აღმოსავლეთ პარტნიორების ორმხრივი ურთიერთობების სამსახურის უფროსი რიჩარდ ტიბელსი ჩაერთო. ევროკავშირის მხრიდან მოლაპარაკებებში, ასევე, მონაწილეობს მაგდალენა გრონო, ევროპული საბჭოს პრეზიდენტ შალ მიშელის კაბინეტის წევრი. მედიატორობის მონაწილეობით „ქართულ ოცნებასთან“ შეხვედრა 6 საათზე დაიწყო.
პრემიერმინისტრის განცხადებით, საქართველოს ენერგოდამოუკიდებლობის წინააღმდეგ მიმდინარე პროცესი ჰიბრიდული ომის ნიშნებს შეიცავს. ღარიბაშვილის თქმით, გასაგებია მოქალაქეების პროტესტი “ნამახვან ჰესთან” დაკავშირებით და საჭიროა მეტი კომუნიკაცია. მისი თქმით, პროცესში ჩართული არიან პოლიტიკურად ანგაჟირებული და უცხო სახელმწიფოების მიერ წახალისებული და ინსპირირებული მოქალაქეები”, ამიტომ მნიშვნელოვანია, ჰესების მშენებლობის” ხელშეწყობა და წახალისება. მისი თქმით, მთავრობაში საუბარი დაიწყო, რომ “დიდ ჰესებში სასურველია, სახელმწიფოც ჩაერთოს და მათი მონაწილეობით აშენდეს ეროვნული მნიშვნელობის პროექტები, როგორიცაა “ნენსკრა” და “ხუდონჰესი. პრემიერ - მინისტრის განცხადებით „ნამახვანჰესის“ მშენებლობა 9 დან 12 თვემდე შეჩერდება