შინაგან საქმეთა სამინისტრომ ''ქურდული სამყაროს'' წევრობის ბრალდებით 10 პირი დააკავა, ''კანონიერ ქურდ'' მინდია ლავასოღლის კი ბრალი დაუსწრებლად წარედგინა
ურეკში მაშველებმა 6 ტურისტი გადაარჩინეს. საგანგებო სიტუაციების მართვის სამსახურის ინფორმაციით, უცხოეთის 6 მოქალაქე ზღვაში რამდენიმე ათეული მეტრის მოშორებით იყო შესული და დახმარებას ითხოვდა. მათივე ცნობით, მაშველებმა ისინი უსაფრთხოდ გამოიყვანეს, მათ სიცოცხლეს საფრთხე არ ემუქრება.
ფინეთის დედაქალაქ ჰელსინკში აშშ-ის და რუსეთის პრეზიდენტების შეხვედრა მიმდინარეობს. ეს ამერიკის და რუსეთის ლიდერების პირველი სრულფორმატიანი მოლაპარაკებებია. ცოტა ხნით ადრე ტრამპმა განაცხადა, რომ პუტინთან შესახვედრად „დაბალი მოლოდინები“ აქვს. პრეზიდენტების შეხვედრა 13:00 საათზე იყო ჩანიშნული, თუმცა აშშ-ის პრეზიდენტის კორტეჟი დანიშნულების ადგილზე დღის 2 საათზე შევიდა, პუტინი ტრამზე ცოტა ხნით ადრე მივიდა. ამერიკის პრეზიდენტი შეხვედრაზე სასტუმროდან, პუტინი კი აეროპორტიდან მივიდა. შეხვედრის დაწყებამდე პუტინმა გაანცხადა, რომ მხარს უჭერს ტრამპთან კონტაქტებს, დონალდ ტრამპმა კი რუსეთს მსოფლიო ჩემპიონატის წარმატებულად ჩატარება მიულოცა/ შეხვედრის დაწყებამდე რამდენიმე საათით ადრე ტრამპმა თავის ტვიტერზე დაწერა, რომ ამჟამად მოსკოვის და ვაშინგტონის ურთიერთობა ყველაზე ცუდ მდგომარეობაშია, რაც კი ოდესმე ყოფილა და ეს აშშ-ის წინა მთავრობის უგნურების და სისულელის გამოა.
#newposts #ვიდეო #ახალიამბები -
#newposts #ვიდეო #ახალიამბები -
საგანგებო სიტუაციების მართვის სამსახური ჭუბერში, სტიქიის ზონაში არსებული ვითარების ამსახველ ვიდეომასალას ავრცელებს.
სვანეთში სტიქია მძვინვარებს - ჭუბერში მთის ნაწილი ჩამოიშალა, რამაც მდინარე ნენსკრას ადიდება გამოიწვია. ადიდებულმა მდინარემ რამდენიმე ხიდი წაიღო. დატბორილია მდინარის კალაპოტის მიმდებარე ტერიტორია. ამ ეტაპზე დაშავებულების შესახებ ინფორმაცია ცნობილი არ არის. საგანგებო სიტუაციების მართვის სამსახურის განმარტებით, სამაშველო სამსახური მობილიზებულია და მაშველები ადგილზე მისვლას ცდილობენ, რათა ღვარცოფის სალიკვიდაციო სამუშაოები განხორციელდეს. ადგილობრვების ინფორმციით, ჭუბერში, სადაც ჰიდროელექტროსადგურს აშენებენ, მთა რამდენიმე საათის წინ მოწყდა და მდინარის კალაპოტი ჩახერგა. "ასეთი რაღაც არ ახსოვს არავის, ცენტრში მოდის მთელი ხეობა. აქ ცენტრალური ხიდი საერთოდ წაღებულია. ზუსტად არ ვიცი ქვემოთ რა მდგომარეობაა, ცენტრში მოდის მთელი ხეობა. მესაზღვრეებთან დარეკეს მთა მოწყდა, დააგუბა და წამოვიდა. ჯერ-ჯერობით არაფერი ვიცით . ჩვენ რაც ვიცით ოთხი ცენტრალური ხიდია წაღებული, სასიცოცხლო ხიდი, ქვემოთ შემოსასვლელი წაღებულია. ახლა მდინარემ ცოტა დაიკლო“ - ამბობს ადგილობრივი.
#newposts #ვიდეო #ახალიამბები -
''თმები მოვიჭერი და გავყიდე,სახლში საჭმელი რომ გვქონოდა'' - ამბობს 12 წლის ანა გალდავა, რომელიც ვანის რაიონში სოფელ ზედა ვანში ( უბანი კოტრიკოული ) ცხოვრობს. დახმარების მსურველებს შეუძლიათ დარეკონ: 577566599 WHATSAPP,VIBERI. სიკეთის ქალაქი აგროვებს საკვებს ანასათვის. ანგარიშის ნომერია: თიბისი ბანკი GE09TB7069345061100069 მიმღები მეგი კანდელაკი.დანიშნულება: ანას საკვებისათვის. თიბისი ფეის ჩასარიცხი აპარატიდან შეგიძლიათ ჩარიცხვა: პ/ნ 01001022567 დაბ: 14 ივნისი 1982 წ- მეგი კანდელაკი. საკვებს ვაგროვებთ ვაჟა-ფშაველას 6 კვარტალი,კორპუსი 5ა
"ერთიანი ნაციონალური მოძრაობის" ლიდერი, ნიკა მელია შინაგან საქმეთა სამინისტროს მაღალჩინოსნებს უფლება-მოსილების გადამეტებაში ადანაშაულებს. როგორც დეპუტატმა თბილისის პროკურატურასთან, დაკითხვაზე შესვლამდე ჟურნალისტებს განუცხადა, ზაზა სარალიძის მხარდამჭერ აქციაზე მოქალაქეებს და მათ შორის დეპუტატებს უკანონოდ შს სამინისტროს მაღალჩინოსნები აკავებდნენ. "შინაგან საქმეთა სამინისტროს მაღალჩინოსნებმა, იმდენად მძიმე დანაშაული ჩაიდინეს, ვალდებული ვარ დავიცვა, როგორც სხვისი, ასევე ჩემი უფლებები. რამდენიმე მაღალჩინოსანი, 11 ივნისს, ზაზა სარალიძის მხარდამჭერი აქციიდან, უკანონოდ და უსაფუძვლოდ იტაცებდა ადამიანებს, მათ შორის დეპუტატებს. ბოლომდე მივყვები თითოეულ მაღალი თანამდებობის პირს - დაწყებული გახარიათი, საბანაძეთი, გაგრძელებული საპატრულო პოლიციის დეპარტამენტის ხელმძღვანელით, ბატონი კუპატაძეთი და ყველა იმ ადამიანით, რომლებიც უშუალოდ იღებდნენ მონაწილეობას ადამიანების გატაცებაში"- განაცხადა ნიკა მელიამ. მისი შეფასებით, შს მინისტრმა უნდა დაამტკიცოს, რომ ნიკა მელიამ ჩაიდინა კონკრეტული დანაშაული ან დასაჯოს ის პოლიციელები, რომლებმაც კონსტიტუცია დაარღვიეს და პარლამენტის დეპუტატს თავისუფლება უკანონოდ აღუკვეთეს. "დეპუტატის დაკავება შესაძლებელია მხოლოდ პარლამენტის თანხმობით, ისიც იმ შემთხვევაში, როცა არის რაიმე სახის საფუძველი. თუ დაანაშაულის ნიშნები არ არსებობს ბატონმა გახარიამ და საბანაძემ უნდა განაცხადონ და თქვან რომ შეგვეშალა, მზად ვართ, დავსაჯოთ ყველა ის მაღალი თანამდებობის პირი, ვინც ადამიანების გატაცებაში იღებდა მონაწილეობას, ანდა, ეს მათ მაინც მოუწევთ. მე არ დავნებდები, ვალდებული ვარ, პოლიტიკურად და სამართლებრივად ძვირად დავუჯინო, ყველა ის გადაცდომა, მით უმეტეს ის უმძიმესი დანაშაული, რომელიც ეხება ადამიანებისთვის უკანონოდ თავისუფლების აღკვეთას. ბოლომდე მივყევი და არ გავჩერდები, სანამ არ დავასჯევინებ, ვაკე-საბურთალოს პოლიციის უფროსს, გლდანი-ნაძალადევის სამმართველოს უფროსს, თბილისის სამმართველოს უფროსს, ყველა იმ დეპარტამენტისა და სამმართველოს უფროსს, რომლებმაც გახარიას ბრძანება შეასრულეს"- აღნიშნა ნიკა მელიამ.
თბილისში, თამარ მეფის გამზირზე სამგზავრო ავტობუსის ძრავი და ნაწილობრივ, სალონი დაიწვა. საგანგებო სიტუაციების მართვის სააგენტოს ინფორმაციით, ხანძარი ლიკვიდირებულია. მათივე ცნობით, შემთხვევის შედეგად არავინ დაშავებულა.
#newposts #ვიდეო #ახალიამბები -