კალიფორნიის ერთ-ერთ შტატში, პოლიციის შერიფს, რომელიც დალტონიკია, სპეციალური სათვალე აჩუქეს და ახლა მას სამყაროს ყველა ფერის დანახვა შეუძლია სათვალის წყალობით შერიფმა პირველად შეძლო ფერების გარჩევა, რამაც მასზე დიდი შთაბეჭდილება მოახდინა: "ეს რაღაც ახალი სამყაროა", - თქვა მან.
სოციალური ქსელის ერთ-ერთი მომხმარებელი თვლის, რომ თავისი ულვაშებიანი კატა ქართულ სიმღერებს ასრულებს. კატა და მისი პატრონი იური რუსეთში სანქტ-პეტერბურგში ცხოვრობენ. “როდესაც შენმა კატამ რამდენიმე ქართული სიმღერა ისწავლა და მათი შესრულება გადაწყვიტა”,- ასე ასათაურებს იური ვიდეოს და „ტვიტერში“ აქვეყნებს.
სოციალურ ქსელში ვრცელდება ვიდეო, სადაც ჩანს, რომ 2007 წელს საქართველოს პრეზიდენტობის კანდიდატი მიხეილ სააკაშვილი თბილისის მერიაში გამართულ შეხვედრაზე, დევნილებს 2009 წელს აფხაზეთში დაბრუნებას პირდებოდა. ”ეს არის ჩემი საპრეზიდენტო დაპირება, ეს არის ჩემი არსი. თუ ეს არჩევნები ჩავატარეთ ნორმალურად, ჩვენ დავბრუნდებით სახლებში. ამის პირობას გაძლევთ. არაფერი არ მითქვამს ასე კონკრეტულად, ღმერთმა კი არ ქნას, ჩვენ ვიზამთ ამას ღმერთის დახმარებით”, – აცხადებდა მიხეილ სააკაშვილი.
რუსეთის საგარეო უწყების მინისტრს, სერგეი ლავროვს, რუსეთის პრეზიდენტისთვის, ვლადიმერ პუტინისთვის, ადგილის დათმობა სთხოვეს, რათა ამ უკანასკნელს თავისი სინგაპურელი კოლეგისთვის ხელი ჩამოერთმია. ვიდეო სოციალურ ქსელში გავრცელდა წარწერით: ქვეყანა პატარაა, ადგილიც ცოტაა.
გურჯაანის სოფელ ვეჯინში მცხოვრები გულნაზი ცანკაშვილი ამბობს, რომ რძალმა და შვილმა მას სალომე ზურაბიშვილის მხარდაჭერის გამო სცემეს. 70 წლის ქალის თქმით, რძალი ისე გაღიზიანდა, რომ მას ხელზე რამდენჯერმე უკბინა, რის გამოც ვაქცინის გაკეთებას აპირებს. “ნაცინალური მოძრაობის კოორდინატორმა ელმირა ბეციაშვილმა ჩემს რძალს 40 ლარი ამოატანა, რომ ხმა ნაციონალებისთვის მიმეცა. რძალმა მითხრა, რომ ბეციაშვილი ხმის მცემის სანაცვლოდ სოციალურ დახმარებას დაჰპირდა. ამ ფულზე უარი ვთქვი, რის შემდგაც რძალმა და შვილმა მცემეს”, – ამბობს 70 წლის პენსიონერი. დაზარალებულმა ქალმა პოლიციას მიმათა. საქმეზე გამოძიება ძალადობის მუხლით დაიწყო.
პროექტ “მხოლოდ ქართულის” პირველი სეზონის მონაწილე, საბა კემულარია დაინიშნა. როდესაც საბა შოუში გამოჩნდა, თავისი მომხიბვლელობითა და გამორჩეული ღიმილით ბევრი გოგოს გული მოინადირა, თუმცა აღმოჩნდა, რომ მისი გული დიდი ხანია რაც დაკავებულია. საბას რჩეული 19 წლის კესო გაფრინდაშვილია. მომღერალმა საყვარელ ქალს ხელი რესტორანში სთხოვა. ფაქტის ამსახველი ვიდეო სოციალურ ქსელში გავრცელდა.
უკრაინაში სამართალდამცველებმა 13 ადამიანისგან შემდგარი დანაშაულებრივი დაჯგუფება, შრომითი ექსპლუატაციის ბრალდებით, დააკავეს. დაკავებულთა შორის ერთ-ერთი საქართველოს მოქალაქეა, ის თავის უკრაინელ მეუღლესთან ერთად აღნიშნული ჯგუფის ხელმძღვანელი იყო.
The Soviet Scar – ასე ეწოდება რამდენიმე დღის წინ „ალ ჯაზირას“ ეთერში, 9 აპრილის შესახებ გასულ ფილმს. ფილმი ინტერნეტში ჯერჯერობით არ დევს, თუმცა, მან სკანდალი უკვე გამოიწვია – ის ცნობილი ფოტოგრაფის იური მეჩითოვის კომენტარმა გამოიწვია. სიუჟეტში მეჩითოვი ამბობს, რომ 9 აპრილს არავინ მოუკლავთ, რომ ხალხი უჰაერობის შედეგად დაიხრჩო. ამ ინფორმაციას ცნობილი ფოტოგრაფი დღესაც ადასტურებს და აღნიშნავს, რომ 9 აპრილთან დაკავშირებით იგივე კომენტარი სხვადასხვა დროს, არაერთხელ გაუკეთებია, თუმცა მისმა ინფორმაციამ ხმაური მხოლოდ ახლა გამოიწვია. ფოტოგრაფს უკვირს, რატომ აკრიტიკებენ ადამიანები. „ეს ხალხი, ვინც ამ სიბინძურეებს წერს, მეტწილად დაბადებულიც არ იყო, როცა მე ეს ტრაგედია გულში გავატარე და ახლაც განვიცდი. რაზე მედავებიან, ვერ გავიგე. რა ვქნა, რომ მე ცოტა მეტი ვიცი იმის ირგვლივ, რაც მოხდა და არაერთხელ მითქვამს საჯაროდ ტელევიზიებით. ახლა რა დაკეტაკა ერთად „რუსთავი-2“- ის ერთგულ მაყურებელს? არა გცხვენიათ?“, – წერს სოციალურ ქსელში იური მეჩითოვი. ცნობისათვის, ფოტოგრაფის ფეისბუქგვერდზე არაერთი მოქალაქე სწერს და მას მწვავედ აკრიტიკებს. ფოტოგრაფი “რუსთავი-2”-ს “განსხვავებულ აქცენტებში” უცენზუროდ მოიხსენია ნიკა გვარამიამაც და აღნიშნა, რომ მეჩითოვი “ქართული ოცნების” მხარდამჭერია.
მსოფლიოს არაერთი ქალი სვამს კითხვას: ვინ არის ის ბედნიერი და განსაკუთრებული მოდელი, რომელსაც Victoria’s Secret–ის ამა წლის „Fantasy Bra“–ს მორგება ხვდა წილად? ეს სტოკჰოლმში დაბადებული მოდელი, 30 წლის ელსა ჰოსკია და სწორედ მან წარმოადგინა ბრენდის ყოველწლიურ „ანგელოზურ“ შოუზე თვალწარმტაცი ქმნილება. უნიკალური ბიუსტჰალტერის სხვადასხვა ნაირსახეობას ბრენდი ყოველწლიურად წარადგენს ხოლმე. ამჯერად „Fantasy Bra“ 2,100 სვაროვსკის ბრილიანტით იყო გაფორმებული. 71–ზე მეტი კარატისგან შემდგარ ამ საოცრებას დიზაინერები 930 საათის განმავლობაში ამზადებდნენ. მართალია, „Fantasy Bra“–ს ფასი 1 მილიონი დოლარია, თუმცა როგორც ცნობილია, მისი მორგების მსურველებს შეუძლიათ, ცოტა მოიცადონ, ამხელა თანხა არ დახარჯონ და 29 ნოემბერს დაელოდონ. სწორედ ამ დღეს ჩაეშვება გაყიდვაში ამ ბიუსტჰალტერის ბიუჯეტური ვარიანტი და მისი ფასი სულ რაღაც 250 დოლარი იქნება.
აეროპორტში უსაფრთხოების თანამშრომელმა ჩანთა აღმოაჩინა, სადაც ჩვილი ბავშვი იწვა. როგორც ირკვევა, ჩვილი მშობლებმა აეროპორტში დატოვეს. ჩანთაში ასევე ელაგა ბავშვისთვის საჭირო ნივთები, ჰიგიენა, სამგზავრო ბალიში და სათვალე. შემთხვევა დუბაის აეროპორტში მოხდა.
თბილისში, ნავთლუღის ქუჩაზე გაჩენილ ხანძარს 66 წლის ქალის სიცოცხლე ემსხვერპლა. საგანგებო სიტუაციების მართვის სამსახურის ინფორმაციით, მეხანძრე-მაშველებმა 5 ადამიანი, მათ შორის, 3 მცირეწლოვანი ბავშვი შენობიდან უვნებლად გამოიყვანეს. მათივე ცნობით, ცეცხლი სამსართულიანი საცხოვრებელი კორპუსის პირველ სართულზე გაჩნდა. დაიწვა 60 კვ. მ. საცხოვრებელი ფართი. ადგილზე მობილიზებული იყო 7 სახანძრო – სამაშველო ჯგუფი.
თბილისში, ნუცუბიძის პლატოზე ერთ-ერთ საცხოვრებელ ბინაში გაზქურაზე დარჩენილი სადილის გამო, მაშველების გამოძახება გახდა საჭირო. საგანგებო სიტუაციების მართვის სამსახურის ინფორმაციით, დიასახლისი სახლიდან წავიდა და სახლში გაზქურაზე სადილი დარჩა, რისთვისაც მაშველებს კარების გაღება კუთხესახეხით, ე.წ. ბალგალკით მოუწიათ.
ჰეშთეგი -”არა მიშას” – “ფეისბუქში” მომხმარებლებმა “ნაციონალური მოძრაობის” და მათი საპრეზიდენტო კანდიდატის წინააღმდეგ კამპანია წამოიწყეს.
საქართველოს პრემიერ-მინისტრი მამუკა ბახტაძე საქართველოს თავდაცვისა და უსაფრთხოების კონფერენციაზე სიტყვით გამოვიდა. პრემიერი საქართველოს პრეზიდენტს, თავდაცვის მინისტრს, ავტონომიური რესპუბლიკის ხელმძღვანელობასა და დიპლომატიური კორპუსის წარმომადგენლებს მიესალმა. მამუკა ბახტაძემ საქართველოს პარტნიორებს ქვეყნის მხარდაჭერისთვის მადლობა გადაუხადა. “მინდა მადლობა გადაგიხადოთ ყველას, ჩვენი ქვეყნის პარტნიორებს და ერთგულ მეგობრებს საქართველოს მხარდაჭერისთვის. თქვენი მტკიცე და თანამიმდევრული პოზიცია ჩვენი ქვეყნის მიმართ, გადამწყვეტია დემოკრატიული განვითარებისა და სახელმწიფო აღმშენებლობის გზაზე.
ინტერპოლის მიერ ძებნილი 28 წლის გოგონას მკვლელობაში დამნაშავე მამუკა ხეცურიანი დაკავებულია. პოლონეთში პოულინა დ.-ს გაუპატიურებისა და მოკვლაში ეჭვმიტანილი მამუკა ხეცურიანი კიევში დააკავეს. მემუკა ხეცურუანი დაკავებულ იქნა უკრაინაში, ქალაქ კიევში დღეს დაახლოებით დილის 6 საათზე პოლონელი და უკრაინელი პოლიციელების მიერ. მომხდარის შესახებ პოლონეთის ნაციონალური პოლიციის შტაბიდან იტყობინებიან. დაკავებაში მონაწილეობა მიიღეს ქალაქ ლოძის პოლიციის ბიუროს წარმომადგენლებმა, უკრაინის პოლიციამ და საქართველოს ოფიცრებმა. “დამნაშავე ვერ გაექცევა პოლონეთის სასამართლოს სისტემას”, – წერია პოლონეთის პოლიციის დეპარტამენტის “ტვიტერის” გვერდზე.
უკრაინაში, კიევის ერთ-ერთ რესტორანში მიმტანმა ქალს სახეში ტორტი უთავაზა. ინციდენტის ამსახველი ვიდეო კაფეს სხვა სტუმრებმა გადაიღეს და „ინსტაგრამზე“ გამოაქვეყნეს. პოსტის ავტორის ცნობით, დაზარალებული ქალი და მისი მეგობარი გამომწვევად იქცეოდნენ. „ძალიან ხმაურობდნენ და ყველანაირად ცდილობდნენ ხალხის ყურადღება მიექციათ“ - წერს სოციალური ქსელის მომხმარებელი ვიდეოს აღწერაში. კადრებში ჩანს, რომ მომხმარებლებთან კამათის შემდეგ, მიმტანმა ერთ-ერთ მათგანს სახეში ტორტი გაუქანა, მეორე მიმტანმაც სცადა იმავეს გაკეთება, თუმცა ააცდინა. ქალებმა ყვირილი დაიწყეს და ადმინისტრატორის მოყვანა მოითხოვეს. ის, თუ რით დასრულდა კონფლიქტი, უცნობია.
რუსეთის ქალაქ ომსკში ერთ-ერთი სუპერმარკეტი გრანდიოზულ საჩუქარს ამზადებს იმ მომხმარებელი ქალისთვის, რომელმაც ეს მაღაზია საქვეყნოდ ცნობილი გახადა. ორსული ქალი მაღაზიაში პროდუქტების საყიდლად შევიდა და სალაროსთან დგომის დროს იგრძნო, რომ მშობიარობა დაიწყო. სუპერმარკეტის თანამშრომლები გაოცდნენ, რომ ქალმა ამის შესახებ აბსოლუტურად მშვიდად თქვა. „დახმარებაც კი არ უთხოვნია. ჩუმად თქვა, რომ ბავშვს აჩენს და სულ ეს იყო. მე სასწრაფო სამედიცინო დახმარებას დავურეკე“, – ამბობს მაღაზიის ადმინისტრატორი. ქალის გვერდით მისი მეგობრები იყვნენ, რომლებმაც ის მაშინვე იატაკზე დააწვინეს. მოლარემ დახმარება დაიწყო და მშობიარობა გასაოცრად სწრაფად დასრულდა – ორ წუთში ბავშვი დაიბადა. მედიკოსების მოსვლისას, ჩვილი უკვე დედის მუცელზე იწვა. 3,6 კგ წონის ბიჭი მისი დედისთვის მეექვსე შვილი აღმოჩნდა. „ასეთი რამის შემსწრეები პირველად გავხდით. რა თქმა უნდა, დავიბენით, მაგრამ რაც შეგვეძლო ყველაფერი გავაკეთეთ და არცთუ ისე ცუდად“, – ამბობს მაღაზიის გამგე მედიასთან.
სპილო გრანდი, რომელსაც ცოტა ხნის წინ ოპერაცია ჩაუტარდა, ნარკოზიდან გამოვიდა. ოპერაცია სამ საათზე მეტხანს მიმდინარეობდა. გრანდს სპეციალისტებმა დაჩირქებული ეშვი ამოუღეს. “ბი-ბი-სი” (BBC)) ახალ სერიალში “დიდი ცხოველების ოპერაციები” (Big Animal Surgery) გრანდის ისტორიას ერთ სრულ ეპიზოდს დაუთმობს. ოპერაციისთვის თბილისში სამხრეთ აფრიკიდან ცნობილი ვეტექიმი გერჰარდ სტინკამპი (Gerhard Steenkamp) და ანესთეზიოლოგი ადრიან ტორდიფი (Adrian S.W. Tordiffe)) ჩამოვიდნენ.
საფრანგეთის სამხრეთით ძლიერმა თოვლმა გზებზე ქაოსი გამოიწვია. ჭარბი ნალექის გამო ელექტრომომარაგება, თითქმის, 200 ათას ოჯახს შეუწყდა. მომხდარის შესახებ სააგენტო Le Monde იტყობინება. რამდენიმე ადგილას თოვლის დონემ 40 სანტიმეტრს მიაღწია.
სტამბოლში, მოდის ჩვენებაზე (2018 Esmod International Fashion Show) მოდელების გამოსვლისას, პოდიუმზე კატა გამოვიდა.
კოლუმბიის ქალაქ მედელიენში, პედრო ნელ გომესის სახლ-მუზეუმმა კარი ნუდისტებს გაუღო. მათთვის განკუთვნილი განსაკუთრებული ვიზიტების ორგანიზება მუზეუმის გახსნამდე ან დახურვის შემდეგ ხდება. მუზეუმის ვიზიტორები აცხადებენ, რომ ამგვარად ისინი ახერხებენ უკეთ გაიცნონ მხატვარი, რომელმაც ბევრი ნამუშევარი შიშველ ნატურას მიუძღვნა. „როდესაც ჩაცმული ვარ, საშინლად ჩაკეტილი ადამიანი ვხდები. როდესაც ვიხდი, ყველაფერი იცვლება და ეს საგრძნობი ხდება. შიშველი ბევრად უფრო თავისუფლად ვეკონტაქტები ადამიანებს, უცნობებსაც კი. ეს თავად ჩემთვისაც კი მოულოდნელი აღმოჩნდა“, – აცხადებს მუზეუმის ერთ-ერთი შიშველი დამთვალიერებელი. ტილოებზეც და დარბაზშიც სიშიშვლე სუფევს, მხოლოდ რამდენიმე ადამიანს აცვია ფეხზე სანდლები. ასეთ ექსკურსიაში მონაწილეობის მსურველებმა რეგისტრაცია მედელიენის ნუდისტურ ორგანიზაციაში უნდა გაიარონ. ამ ორგანიზაციაში 800-მდე ადამიანია გაწევრიანებული.
ავსტრალიაში კენგურუ ოკეანეში გადახტა, თუმცა იქიდან გამოცურვა ვეღარ მოახერხა. ცხოველი ტალღებს ებრძოდა, მაგრამ ვერაფერს ახერხებდა. ორი პოლიციელი წყალში გადახტა, მათ უგონო მდგომარეობაში მყოფი კენგურუ წყლიდან ამოიყვანეს. საბოლოოდ, პოლიციელებმა კენგურუს რეანიმირება მოახერხეს და ის გონზე მოვიდა. ახლა მის სიცოცხლეს საფრთხე არ ემუქრება.
"უფრო ბუნებრივი იქნება" - რა გაიპარა "რუსთავი 2"-ის პირდაპირ ეთერში
103 წლის ხევისბერმა, ბეწიწურ არაბულმა, რომელიც თელავის მუნიციპალიტეტის სოფელ კობაძეში ცხოვრობს, გადასატან ყუთზე უარი თქვა და ამავე მუნიციპალიტეტის სოფელ თეთრ წყლებში განთავსებულ საარჩევნო უბანზე საკუთარი ფეხით, ყავაჯნით მისვლა ისურვა. უხუცესმა საკუთარი არჩევანი დააფიქსირა და ადგილზე მყოფებსაც გაესაუბრა. როგორც ჩანს, 103 წლის ამომრჩევლის მაღალმა მოქალაქეობრივმა თვითშეგნებამ და საუბარმა ადგილზე მყოფები გულგრილი არ დატოვა და სოციალურ ქსელში ბეწიწურ არაბულის ვიდეო გაავრცელეს.
საარჩევნო უბანზე მისულმა მოქალაქემ, გარდაცვლილი შვილი საარჩევნო სიაში აღმოაჩინა. როგორც “ტვ პირველის” ეთერში ქალბატონი აცხადებს, მას შვილი 10 წელია არ უნახავს და საარჩევნო სიებში აღმოაჩინა.
ტყაიას 71-ე უბანზე სოფლის გამგებელი ედემ კეკუტია სავარაუდოდ, არაფხიზელ მდგომარეობაში დააფიქსირეს. ვიდეოში, რომელიც სოციალურ ქსელში გავრცელდა ჩანს, რომ გამგებელი სავარაუდოდ, ოპოზიციური პარტიების წარმომადგენლებს უხეშად მიმართავს. “კვირა” ედემ კეკუტიას დაუკავშირდა და აღნიშნულ ვიდეოში გაკეთებულ განცხადებაზე კომენტარი სთხოვა. “მე უკვე გაკეთებული მაქვს კომენტარი “რუსთავი 2”-თან და დანარჩენ კომენტარს არ ვაკეთებ. ფეხებზე მკიდია “რუსთავი 2”-იც და სხვა ვიღაცებიც და მე ამას არ გკადრებთ. მე არ ვაკეთებ კომენტარებს. რაც იყო, ხომ გადაიღეს, დავადასტურე “რუსთავი 2”-თან, მორჩა”,- განაცხადა ედემ კაკუტიამ”კვირასთან” საუბარში. აღნიშნული ვიდეო “ნაციონალური მოძრაობის” დამკვირვებელმა ტელეფონით გადაიღო.
“მეზობელს ქორწილი აქვს და სიებს ვადგენ, იწერ ბიჯო?!” – ასე უპასუხა “ქართული ოცნების” დამკვირვებელმა საარჩევნო უბნის მიმდებარე ტერიტორიაზე მოქალაქე მანუჩარ გოგლიჩაძეს. აღნიშნული დიალოგის ვიდეოკადრები სოციალურ ქსელში “ნაციონალური მოძრაობის” წევრმა, ლევან ხაბეიშვილმა გაავრცელა.
ლიონელ მესიმ ჩემპიონთა ლიგის ბოლო ტურის მატჩში მონაწილეობა ხელის ტრავმის გამო ვერ მიიღო. ფეხბურთელი თამაშს შვილთან, ტიაგოსთან ერთად ტრიბუნიდან ადევნებდა თვალს. სწორედ ამ დროს, კამერებმა დააფიქსირეს, თუ როგორ აჩვენებს შვილი მამას ნახატს რომელზეც “იუვენტუსის” ლოგო ჩანს.
საქართველოს ყოფილ პრეზიდენტს მიხეილ სააკაშვილის და მის ოჯახს ფინანსურად დედა ეხმარება, – ამის შესახებ სააკაშვილმა უკრაინულ გადაცემა “1+1” – ში ისაუბრა. ბინა ამსტერდამში თვეში 300-350 ევრო მიჯდება, კომუნალური ხარჯებით კი 400 ევრომდე აღწევს. „ავტომობილი ველოსიპედით შევცვალე, კოსტუმები კი – ჯინსებით. დედაჩემი, რომელსაც კარგი ანაზღაურება აქვს, ეხმარება ჩემ ცოლ-შვილს საქართველოში და ხანდახან ცოტას მეც მეხმარება,“ – განაცხადა ყოფილმა პრეზიდენტმა.
ბერა ივანიშვილმა სოციალურ ქსელში ახალი კლიპის თიზერი გამოაქვეყნა, როგორც თიზერიდან ირკვევა, კლიპში მონაწილეობას რეპერის მეუღლე ნანუკა გუდავაძე იღებს. სიმღერას Time Machine ქვია, რომლის ნახვა საზოგადოებისთვის ორშაბათს იქნება შესაძლებელი.
2 შვილის დედამ, სანდრა მანუელა და კოსტა მასედომ სელფის გადაღების დროს წონასწორობა ვერ შეინარჩუნა და 27-ე სართულიდან გადავარდა. უბედური შემთხვევა პანამაში მდებარე „ლუქსორ თაუერსში“ მოხდა. სასწრაფო დახმარების ბრიგადის მისვლამდე ქალი უკვე გარდაცვლილი იყო. როგორც ირკვევა, გვერდით არსებული შენობიდან მუშები მას უყვიროდნენ რომ შეეწყვიტა ასეთი სარისკო მოქცევა, რადგან იმ დროს ძლიერი ქარი ქროდა. მომხდარს სხვა თვითმხილველიც ჰყავდა, რომელიც ტელეფონით იღებდა. ვიდეოში ისმის ხმაც – „ის გიჟია, შეხედეთ, შეხედეთ, ვარდება“. ქალის დაღუპვის შემდეგ ადგილობრივმა ხელისუფლების წარმომადგენლებმა კიდევ ერთხელ გააკეთეს განცხადება იმის შესახებ, თუ რამდენად რისკის შემცველია სელფების გადაღება საშიშ სიტუაციებში. არსებული მონაცემებით, მსოფლიოში, 2011 წლიდან 2017 წლამდე 259 ადამიანი დაიღუპა სხვადასხვა ადგილას და დროს სელფების გადაღებისას.
აშშ-ს ქალაქ მინეაპოლისში, ამინდის პროგნოზის წამყვანი სუზი მარტინი ეთერში ჩვილ შვილთან ერთად გამოჩნდა. 2 წლის ბიჭუნა მას „სლინგში“ ჰყავდა კომფორტულად ჩასმული. მარტინის შვილმა ეკრანზე გამოჩენისთანავე ტკბილად დაიძინა, ხოლო დედამ ენერგიულად და შეუფერხებლად გააცნო ამერიკელ მაყურებელს ამინდის მოსალოდნელი პროგნოზი. მოგვიანებით, მარტინმა, რომელიც კომპანია Praedictix-ში სტაჟიანი მეტეოროლოგი და ოპერაციების დირექტორია, თავისი ქმედება იმით ახსნა, რომ მას ბავშვის გადაყვანის თავისი საყვარელი მეთოდის პოპულარიზების სურვილი ჰქონდა. წამყვანის თქმით, მას „სლინგი“ ძალიან დაეხმარა იმაში, რომ ბევრად უფრო ბედნიერი დედა გამხდარიყო. ასევე მარტინის განცხადებით, ამ მეთოდით მან მხარი დაუჭირა „სლინგის“ გამოყენების საერთაშორისო კვირეულის ჩატარებასაც. მისი ეთერის შემდეგ, ამერიკულ სოციალურ ქსელებში აღნიშნულ თემაზე აქტიური განხილვები დაიწყო, თავად ვიდეომ კი მილიონზე მეტი ნახვა დააგროვა.
2018 წლის ფრანკფურტის წიგნის ბაზრობის კვირეული დაიწყო. საქართველოს, როგორც სტუმარი ქვეყნის პავილიონი ოფიციალურად გაიხსნა. გახსნაზე სიტყვით ქართველი მწერალი აკა მოჩილაძე გამოვიდა. ვიდეოს სოცილაურ ქსელში ჟურნალისტი მარიამ ჯანელიძე ავრცელებს.