#ახალიამბებიდიღმის მასივში 4 შვილიან ოჯახს ასახლებენ, - ამის შესახებ ინფორმაციას სოციალურ ქსელში მოქალაქე ლაშა მესხი ავრცელებს. მისივე ცნობით, ადგილობრივი მოსახლეობა ოჯახის გამოსახლების ფაქტს აპროტესტებს. "სასწრაფოდ! დიღმის მასივი პირველი კვარტალი მეექვსე კორპუსი, აღსრულება და პოლიცია ცემენ მოსახლეობას რომელიც 4 შვილიან ოჯახს არ ასახლებინებს!!!",- წერს მესხი და ფოტომასალას ავრცელებს, სადაც ჩანს საპატრულო პოლიციის თანამშრომლები და ადგილობრივი მაცხოვრებლები. აღსრულების ეროვნულმა ბიურომ ოჯახის გამოსახლების ფაქტი დაადასტურა.
გადაცემა „ფარული კონვერტის“ სტუმარი ქართველი ტრანსგენდერი კესარია აბრამიძე იყო. მას საკმაოდ სკანდალურ კითხვებზე მოუწია პასუხების გაცემა. უკანასკნელი კითხვა შეეხებოდა იმას, რომ კესარიას რომანი ჰქონდა თბილისში ძალიან ცნობილი ქალის მეუღლესთან, აღნიშნული ადამიანის სახელი და გვარი ფარულ კონვერტში ეწერა. თუმცა, კესარიამ საიდუმლო არ გაამხილა და კონვერტი დაწვა.
#ახალიამბები
#ახალიამბები
#ახალიამბები
#ახალიამბებიდაგვარბევენ და მერე გელაპარაკები 24 საათი, - ასე უპასუხა ჟურნალისტს ოპოზიციონერმა დეპუტატმა გრიგოლ ვაშაძემ, რომელსაც მან მიმდინარე ვითარებასთან დაკავშირებით კითხვა დაუსვა და დაინტერესდა აქვს თუ არა სამართალდამცველების მხრიდან დარბევის მოლოდინი. "დაგვარბევენ და მერე გელაპარაკები 24 საათი. ბოლომდე დავრჩებით. გაგვლახავენ ისევ მოვბრუნდებით. ჩაგვსვამენ ციხეში გააგრძელებს ის, ვინც გარეთ დარჩება", - განაცხადა გრიგოლ ვაშაძემ. მისივე თქმით, ქალები უკანა მხარეს უნდა დადგნენ, რათა დარბევის შემთხვევაში, ნაკლებად დაზარალდნენ.
#ახალიამბები
ლალი მოროშკინა თელავში, ერთ–ერთ რესტორანში ფეხშიშველი ცეკვისას დაეცა. თუმცა, მალევე წამოდგა და ცეკვა განაგრძო.
პარლამენტთან უმრავლესობის წევრ მერაბ ქვარაიას გამოჩენას დაპირისპირება მოჰყვა. მას აქციის მონაწილეები შეძახილებით "მონა" შეხვდნენ და შენობაში შესვლის საშუალება არ მისცეს. ადგილზე იმყოფება გიორგი ვაშაძეც, რომელიც სიტყვიერად დაუპირისპირდა მერაბ ქვარაიას.
#ახალიამბებიმოძრაობა "ლელოს" დამფუძნებელს, მამუკა ხაზარაძეს, პარლამენტის წინ, საპროტესტო აქციის ერთ-ერთი მონაწილე დაუპირისპირდა და სიტყვიერი შეურაცხყოფა მიაყენა. "სახლებს რომ ართმევდი ქართველ ხალხს, მაშინ კაცი არ იყავი?", - ამ სიტყვებით მიმართა აქციის მონაწილემ ხაზარაძეს. მანამდე, მამუკა ხაზარაძემ აქციაზე შეკრებილებს სიტყვით მიმართა.
#ახალიამბები2020 წელს პროპორციული საარჩევნო სისტემა ქმნის დიდ რისკს, რომ შეიქმნას სამთავრობო კრიზისი, შესაძლოა, ვერ დაკომპლექტდეს მთავრობა და ეს ჩვენი ქვეყნის განვითარების ამ ეტაპზე იქნება დამაზიანებელი, - ასე ხნის მაჟორიტარი დეპუტატი ნინო წილოსანი "ფეისბუკმიმართვაში" თავის გადაწყვეტილებას კანონპროექტისთვის მხარი არ დაეჭირა. მისი თქმით, გადაწყვეტილების მიღებამდე ბევრი იფიქრა და მოხარულია, რომ თავისუფალი არჩევანის გაკეთების საშუალება მიეცა. "ჩემი გადაწყვეტილება არ ყოფილა სპონტანური, მე ძალიან ბევრ ადამიანს ვესაუბრე, მათ შორის, ჩემს ახლობლებს, ოჯახის წევრებს და რა თქმა უნდა, ჩემს კოლეგებს. მიხარია, რომ მომეცა საშუალება, თავისუფალი არჩევანი გამეკეთებინა და ჩემი ძირითადი არგუმენტი იყო ის, რომ 2020 წელს პროპორციული საარჩევნო სისტემა ქმნის დიდ რისკს, რომ შეიქმნას სამთავრობო კრიზისი, შესაძლოა, ვერ დაკომპლექტდეს მთავრობა და ეს ჩვენი ქვეყნის განვითარების ამ ეტაპზე იქნება დამაზიანებელი. სწორედ ამიტომ, მივიღე გადაწყვეტილება, არ დამეჭირა მხარი პროპორციული საარჩევნო სისტემისთვის 2020 წელს. ასევე, მინდა გითხრათ, რომ ეს არჩევანი გავაკეთე 2017 წელს, როცა გუნდის გადაწყვეტილებით კონსტიტუციის რეფორმა მოხდა და პირდაპირპროპორციული საარჩევნო სისტემა 2024 წლიდან ჩაიდო," - აცხადებს ნინო წილოსანი. მან ასევე გურიაში მოსახლეობასთან შეხვედრები დააანონსა. შეგახსენებთ, რომ პარლამენტმა საკონსტიტუციო ცვლილებები ჩააგდო და 2020 წელს არჩევნები პროპორციული სისტემით აღარ გაიმართება. წილოსანი ერთ-ერთია იმ 37 დეპუტატს შორის, რომელმაც კენჭისყრაში მონაწილეობა არ მიიღო, რის გამოც კანონპროექტს ხმები დააკლდა. ასევე, წილოსანი ერთ-ერთია მათ შორის, ვინც ამ კანოპროექტის ინიციატორი იყო.
#ახალიამბებისაქართველოს პარლამენტის თავმჯდომარე არჩილ თალაკვაძე საქართველოში ევროკავშირის ელჩს კარლ ჰარცელს შეხვდა. პარლამენტის თავმჯდომარემ და ელჩმა პროპორციულ არჩევნებთან დაკავშირებით მიღებულ გადაწყვეტილებაზე ისაუბრეს და არსებული სიტუაცია განიხილეს. ყურადღება დაეთმო ეუთო-ს რეკომენდაციების გარშემო საარჩევნო კანონმდებლობაზე მუშაობის მიმდინარე პროცესს და შესაძლებლობებს. როგორც პარლამენტის თავმჯდომარემ განაცხადა, მიუხედავად იმისა, რომ პროპორციული არჩევნების 2020 წელს გადმოწევის ინიციატივამ პარლამენტში საკმარისი ხმები ვერ მიიღო, 2020 წლის არჩევნები დემოკრატიულად და სამართლიანად ჩატარდება და მზადყოფნა გამოხატა - ეუთო-ს რეკომენდაციების ფარგლებში მიმდინარე საარჩევნო კანონმდებლობის რეფორმა კონსტრუქციული და ნორმალური პოლიტიკური დიალოგის ფარგლებში წარმატებით დასრულდეს.
#ახალიამბები23 ნოემბერი მოდის და გაიხსენეთ რა მოხდა მაშინ საქართველოში, - ამის შესახებ რუსთაველზე მიმდინარე აქციაზე "ნაციონალური მოძრაობის" წევრმა გრიგოლ ვაშაძემ აქციის მონაწილეებს განუცხადა. მან სამოქმედო გეგმაც გაასაჯაროვა და 17 ნოემბერს დიდი მიტინგი დააანონსა. "მინდა ე.წ. "ქართულ ოცნებას" ვუთხრა, რა სისტემითაც უნდა ჩაატაროთ არჩევნები თბილისურად ვეტყვი, გაგხევთ ნაკერავზე. ყველაზე უფრო აღმაშფოთებელია ის, რომ დაპირებებს იძლევიან და მიაქვთ უკან, შემდეგ ამას აბრალებენ ოპოზიციას. ამაზე თქვენ თვითონ არ გეცინებათ?! ოპოზიცია ერთად არის და ამისთანა ერთობა არ გვახსოვს. 23 ნოემბერი მოდის და გაიხსენეთ რა მოხდა მაშინ საქართველოში, 17-ში ყველა დიდი მიტინგზე მოდით", - განაცხადა ვაშაძემ. აქციაზე შეკრებილები არჩევნების პროპორციული სისტემით ჩატარებაზე საკონსტიტუციო ცვლილებების კენჭისყრის ჩაგდებას აპროტესტებენ. პარლამენტმა 2020 წელს არჩევნების პროპორციული სისტემით ჩატარებაზე დაკავშირებული საკონსტიტუციო ცვლილებები კენჭისყრაზე ჩააგდო. პლენარულ სხდომაზე რეგისტრაცია 141-მა დეპუტატმა გაიარა, აღნიშნულის მომხრე 101 მომხრე, ხოლო 3 წინააღმდეგი იყო. კვორუმი 113 ხმა იყო, რის გამოც კანონპროექტი ჩავარდა.
#ახალიამბებირუსთაველის გამზირზე მიმდინარე აქციას საზოგადოების სხვადასხვა ჯგუფები უერთდებიან. როგორც "კვირას" კორესპონდენტი შემთხვევის ადგილიდან იტყობინება, საზოგადოების ნაწილი აქციას "მერიოტის" მიმდებარე ქუჩიდან შეუერთდა. აქციაზე შეკრებილები არჩევნების პროპორციული სისტემით ჩატარებაზე საკონსტიტუციო ცვლილებების კენჭისყრის ჩაგდებას აპროტესტებენ. აქციაზე იმყოფებიან ოპოზიციური პოლიტიკური პარტიების ლიდერებიც. რუსთაველის გამზირზე სამართალდამცველები არიან მობილიზებულნი. შეგახსენებთ, რომ პარლამენტმა 2020 წელს არჩევნების პროპორციული სისტემით ჩატარებაზე დაკავშირებული საკონსტიტუციო ცვლილებები კენჭისყრაზე ჩააგდო. პლენარულ სხდომაზე რეგისტრაცია 141-მა დეპუტატმა გაიარა, აღნიშნულის მომხრე 101 მომხრე, ხოლო 3 წინააღმდეგი იყო. კვორუმი 113 ხმა იყო, რის გამოც კანონპროექტი ჩავარდა.
#ახალიამბებითურქეთში შანლიურფას პროვინციაში მდებარე საბრძოლო მასალების საწყობში ძლიერი აფეთქების შედეგად 16 სამხედრო და ერთი სამოქალაქო პირი დაშავდნენ. ამის შესახებ პროვინციის გუბერნატორმა აბდულა ერინმა განაცხადა. მისი თქმით, აფეთქება გვიან ღამით მოხდა. გუბერნატორის თქმით, წინასწარი ვერსიით, აფეთქება ტექნიკური მიზეზით მოხდა, ადგილზე თურქეთის თავდაცვის სამინისტროს ინსპექტორები მუშაობენ.
#ახალიამბებიპარლამენტში სიტყვიერი დაპირისპირება მოხდა, რა დროსაც მმართველი გუნდის დეპუტატმა ირაკლი კობახიძემ, ოპონენტ სერგო რატიანს მიმართა: "რას გიზამ იცი სერგო?! დაგამთავრებ".
#ახალიამბებითელ-ავივში მყოფი საქართველოს მოქალაქე ქალაქში რაკეტის ჩამოვარდნის ვიდეოს ავრცელებს, აღნიშნული კადრები მან "კვირას" ექსკლუზიურად მიაწოდა. როგორც ქართველი „კვირასთან“ საუბარში ამბობს, ქალაქში პანიკაა. ხალხი კიდევ მოსალოდნელ დაბომბვაზე საუბრობს. „მოსახლეობა იმასაც ამბობს, რომ ღაზას სექტორს რუსეთისგან ისეთი იარაღი აქვთ ნაყიდი, რომელსაც ისრაელის რადარები ვერ აფიქსირებენ“, - აცხადებს "კვირასთან" თელავივში მცხოვრები ქართველი. ექსკლუზიური ვიდეოკადრები.
ისრაელის ქალაქ სდეროთში ღაზას სექტორიდან გაშვებული ორი რაკეტა ჩამოვარდა. თელ-ავივში, ბათ-იამში, ჰერცილიასა და რიშონ ლე-ციონში გამაფრთხილებელი განგაში ამოქმედდა. როგორც ჰერცილიაში მყოფი საქართველოს მოქალაქე „კვირასთან“ საუბარში ამბობს, განგაშის სიგნალის ამოქმედების შემდეგ ხალხი სამალავებში გადაიყვანეს. „რასაც ბომბავენ იქიდან შორს არ ვარ. ჰერცილიაში ვარ. სამალავში დაგვმალეს და ბომბებს ჰაერშივე აფეთქებენ. ძალიან მეშინია“, - ამბობს საქართველოს მოქალაქე. კიდევ ერთი ქართველი, რომელიც ამჟამად თელ-ავივში იმყოფება „კვირასთან“ საუბარში ჰყვება, რომ ქალაქში პანიკაა, თუმცა ხალხი სამალავებში არ გადაუყვანიათ. მისივე თქმით, ქალაქში ხალხი საუბრობს იმაზე, რომ მოსალოდნელია ღაზას სექტორის მხრიდან დღის ბოლოსთვის თელ-ავივზე საჰაერო იერიშის მიტანა. ისრაელის ტერიტორიის მისამართით ნასროლ რაკეტებს წინ ისრაელის თავდაცვის არმიის მიერ ღაზას სექტორში გატარებული ოპერაცია უძღოდა, რომლის შედეგად დაჯგუფება „ისლამური ჯიჰადის“ ერთ-ერთი ლიდერის ბაა აბუ ალ ათას და მისი მეუღლის ლიკვიდაცია მოხდა. ისრაელმა „ჰამასი“ გააფრთხილა, რომ მის წინააღმდეგ იერიში განხორციელდება, თუ „ისლამური ჯიჰადის“ სარაკეტო იერიშებს შეურთდება: „თუ დაგვარტყამთ, ჩვენც დაგარტყამთ“. ისრაელის არმიის პრესსამსახურში განაცხადეს, რომ ტერორისტის ლიკვიდირების შემდეგ ქვეყნის მისამართით ათობით რაკეტა გაუშვეს. არმიაში ასევე ვარაუდობენ, რომ ტერორისტებმა, შესაძლოა, ქვეყნის ცენტრიც დაბომბონ. ისრაელის სამხრეთით სკოლებში სწავლა გაუქმდა. თავის მხრივ, პალესტინის ჯანდაცვის სამინისტროში ორი დაღუპულის შესახებ ინფორმაცია დაადასტურეს. ღაზას სექტორში სკოლებში სწავლა გადაიდო.
#ახალიამბებიქედაში, ავტოსაგზაო შემთხვევის შედეგად, 15 ადამიანი დაშავდა. ბათუმიდან ქედისკენ მიმავალი ავტობუსი გზის სავალი ნაწილიდან გადავიდა და ამობრუნდა. არსებული ინფორმაციით, 13 დაშავებულს ქედის კლინიკაში ამბულატორიული დახმარება უტარდება, ხოლო 2 დაშავებული ბათუმის რეფერალურ საავადმყოფოში გადაჰყავთ დამატებითი კვლევებისთვის. არცერთი მათგანის სიცოცხლეს საფრთხე არ ემუქრება. მომხდარ ფაქტზე საქართველოს შინაგან საქმეთა სამინისტრომ გამოძიება "სისხლის სამართლის კოდექსის" 276-ე მუხლით დაიწყო, რაც სატრანპორტო მოძრაობისას წესების დარღვევას გულისხმობს.
#ახალიამბებიისრაელის ქალაქ სდეროთში ღაზას სექტორიდან გაშვებული ორი რაკეტა ჩამოვარდა. თელ-ავივში, ბათ-იამში, ჰოლონსა და რიშონ ლე-ციონში გამაფრთხილებელი განგაში ამოქმედდა. აღნიშნულს წინ ისრაელის თავდაცვის არმიის მიერ ღაზას სექტორში გატარებული ოპერაცია უძღოდა, რომლის შედეგად დაჯგუფება „ისლამური ჯიჰადის“ ერთ-ერთი ლიდერის ბაა აბუ ალ ათას და მისი მეუღლის ლიკვიდაცია მოხდა. ისრაელმა „ჰამასი“ გააფრთხილა, რომ მის წინააღმდეგ იერიში განხორციელდება, თუ „ისლამური ჯიჰადის“ სარაკეტო იერიშებს შეურთდება: „თუ დაგვარტყამთ, ჩვენც დაგარტყამთ“. ისრაელის არმიის პრესსამსახურში განაცხადეს, რომ ტერორისტის ლიკვიდირების შემდეგ ქვეყნის მისამართით ათობით რაკეტა გაუშვეს. არმიაში ასევე ვარაუდობენ, რომ ტერორისტებმა, შესაძლოა, ქვეყნის ცენტრიც დაბომბონ. ისრაელის სამხრეთით სკოლებში სწავლა გაუქმდა. თავის მხრივ, პალესტინის ჯანდაცვის სამინისტროში ორი დაღუპულის შესახებ ინფორმაცია დაადასტურეს. ღაზას სექტორში სკოლებში სწავლა გადაიდო.
#ახალიამბებიფეისბუქ გვერდი "უსაფრთხო ქალაქი" პატრულის თანამშრომლისა და მოხუცი ქალის ემოციურ ამბავზე წერს, რომელიც მარჯანიშვილზე ავტობუსის გაჩერებსთან მოხდა. "დღეს მარჯანიშვილზე მეგობარს ველოდებოდი. დააგვიანა მოსვლა და ლოდინი მომიწია. რამდენჯერმე გაგვიარა საპატრულო პოლიციის მანქანამ და შევამჩნიე, რომ მანქანაში მსხდომი თანამშრომლები გაჩერებისკენ იხედებოდნენ. დამაინტერესდა რა ხდებოდა. ახლოს მივედი. არაფერი განსაკუთრებული, 10-მდე ადამიანი ელოდებოდა ტრანსპორტს. სულ ეს იყო. ისევ ჩამოიარა პოლიციის ეკიპაჟმა. ამჯერად, გააჩერეს მანქანა, იქიდან ახალგაზრდა გოგო გადმოვიდა და გაჩერებისკენ წამოვიდა. ვიფიქრე, ახლა კი ნამდვილად გავიგებ რას ათვალიერებდნენ-მეთქი. პატრულის თანამშრომელი მოხუც ქალთან გაჩერდა და რაღაცას ელაპარაკებოდა. არ მესიამოვნა - ამ ბებოსგან რა უნდათ, თავისთვის დგას-მეთქი და ვიდრე კამერა ჩავრთე, ავტობუსიც მოვიდა. შემდეგ იცით რა მოხდა? პატრულმა ხელჯოხიანი მოხუცი ავტობუსში აიყვანა, ბარგი მიაწოდა, დაემშვიდობა და წავიდა. მერე დავფიქრდი: ეს ბებო მინიმუმ ნახევარი საათის განმავლობაში იდგა გაჩერებაზე. მეგობართან შესახვედრად რომ მივედი, მოხუცი ქალი უკვე იქ იდგა. არავის გვიფიქრია, რომ მას შესაძლებელია დახმარება სჭირდებოდა. პატრულმა კი ეს მანქანიდან შენიშნა და უხმაუროდ მივიდა, დაეხმარა და წავიდა. იცით რა? როდესაც ფორმაში ჩაცმულ სამართალდამცველს ვხედავთ, ასოციაცია ხშირ შემთხვევაში მიდის იქით, რომ ვინმე უნდა დააკავოს, დააჯარიმოს ან რამე სამართალდარღვევაზე მოახდინოს რეაგირება. მეც ეს დამემართა და კამერას არც ჩავრთავდი, მოხუცთან რომ არ მისულიყო". - ვკითხულობთ გვერდზე.
"ვიგრძენი აშკარა შეხება, ვიოლინოსავით ჩამისვა ხელი",- ამის შესახებ ტელეწამყვანმა გიორგი გაბუნიამ გადაცემის მსვლელობის დროს განაცხადა "ეს ხდება წლების წინ, ძალიან-ძალიან ბევრი წლის წინ. არ დავაკონკრეტებ არც ადგილს, არც დროს. ბევრად უფრო პატარა ვიყავი, პირტიტველი ჭაბუკი ფაქტობრივად. შევდივარ წმინდა გიორგის სახელობის ეკლესიაში, ეს შემიძლია ვთქვა. პირველად ვარ ეკლესიაში და მეტყობა კიდეც რომ უცხოდ ვგრძნობ თავს. ვეცნობი სიტუაციას და ცოტა ხანში ჩემთან მოდის მღვდელი, რომელმაც შეამჩნია, ალბათ, რომ უცხო ვიყავი. მეუბნება, მოდი მე დაგათვალიერებინებ ტაძარსო. რა თქმა უნდა დავეთანხმე, გამიხარდა კიდეც. დაიწყო მოყოლა: აი, აქ ეს გამოსახულებაა, აქ ეს და ა.შ. ცოტა ხანში სრულიად მოულოდნელად ვგრძნობ, რომ წინ რაღაც შემეხო. რა თქმა უნდა, რეაქცია ისეთი მოულოდნელი იყო. ვიფიქრე, რომ რაღაცას დავეჯახე, მაგრამ დავიხედე და წინ არაფერი არ იყო. მივხვდი, რომ ეს მღვდელი იყო. ჩავთვალე, რა თქმა უნდა, რომ ამდენი ხელის ქნევაში, უბრალოდ, ხელი მოუხვდა უადგილო ადგილას მეთქი. თან ხალხში ვართ, რა უნდა მეთქვა. ცოტა ხანი კიდევ რომ გავიდა ვიგრძენი აშკარა შეხება. ვიოლინოსავით ჩამისვა ხელი, აი, ესე....",- განაცხადა გაბუნიამ.
#ახალიამბები
მიხეილ სააკაშვილი ბაიკერებთან ერთად მოტოციკლით გადაადგილდება
საქართველოს პრეზიდენტმა სალომე ზურაბიშვილმა თბილისში „ბერლინის კედელი“ დაანგრია. დღეს თბილისში გერმანიის ფედერაციული რესპუბლიკის საელჩომ ბერლინის კედლის დაცემის 30 წლის იუბილე აღნიშნა.
#ახალიამბები
#ახალიამბები
#ახალიამბებიკინოთეატრების ქსელი "კავეა" ავრცელებს კადრებს, სადაც სპეციალურად გაწვრთნილი ძაღლები და სამართალდამცველები კინოდარბაზებს ათვალიერებენ.
თელავში "ერეკლეობა 2019"-ის ფარგლებში სახალხო ზეიმი მოეწყო. ერთ-ერთმა ადგილობრივმა "რეგიონულ კვირას" ვიდეო მიაწოდა, სადაც ჩანს, თუ როგორ ეხმარება პატრულის თანამშრომელი მოწყალების სათხოვნელად გამოსულ შშმ პირს. ვიდეოში ჩანს, რომ პოლიციელმა ახალგაზრდას საკვები მიუტანა. ღონისძიებებზე მისული სტუმრები ამბობენ, რომ უცნობი ბიჭი ერეკლე მეორის ციხის გალავნის მიმდებარედ, დილიდან მოწყალებას ითხოვს. როგორც გაირკვა, პატრულის თანამშრომელი 33 წლის გიგა ქოროღლიშვილია.
დეტექტიური ჟანრის ფილმი Now is everything კინოეკრანებზე მალე გამოვა. ფილმში ქართველი მსახიობი, ირაკლი კვირიკაძე ცნობილ ვარსკვლავთან ენტონი ჰოპკინსთან ერთად თამაშობს. ირაკლი კვირიკაძემ სახელი მას შემდეგ გათქვა, რაც რეჟისორ რეზო გიგინეიშვილის ფილმ “მძევლებში” ითამაშა. ქართველი მსახიობისთვის ჰოლივუდში ეს პირველი სერიოზული როლია.
კადრები ფილმიდან "და ჩვენ ვიცეკვეთ"
#ახალიამბებიბუნდესტაგში სიტყვით გამოსვლის დროს, ანგელა მერკელის პარტიის დეპუტატს მატიას ხაუერს გულის შეტევა დაემართა. ხაუერი საუბრის დროს, მოულოდნელად აკანკალდა და მას სუნთქვა გაუჭირდა. დეპუტატს კოლეგები მიუახლოვდნენ და იატაკზე დააწვინეს. პოლიტიკოსი ჰოსპიტალიზირებულია. ხაუერის ოფისში მედიას განუცხადეს, რომ ამჟამად ის გონზეა და სტაბილურ მდგომარეობაში, მის სიცოცხლეს საფრთხე არ ემუქრება.
#ახალიამბები
#ახალიამბებიკიევში დაუდგენელმა პირმა „მერსედესის“ მარკის ავტომობილის სახურავზე ნაღმი დატოვა, რამდენიმე წამში კი, ძლიერი აფეთქება მოხდა. ავტომობილი ფარმაცევტული კომპანიის დირექტორს, ბიზნესმენს იგორ სალოს ეკუთვნის. აფეთქების შედეგად ერთი ადამიანი დაიღუპა, ორი დაშავდა, ისინი მძიმე მდგომარეობაში საავადმყოფოში გადაიყვანეს. წინასწარი ინფორმაციით, ბიზნესმენი აფეთქებას გადაურჩა და დაღუპულია მისი დაცვის წევრი, თუმცა თავად ბიზნესმენი მძიმე მდგომარეობაში, კლინიკაშია გადაყვანილი. ამჟამად, პოლიცია სპორტული ტიპის მოტოციკლს ეძებს. იგორ სალო, მედიაში გავრცელებული ინფორმაციით, ბნელი რეპუტაციით სარგებლობს. უკრაინული მედია წერს, რომ მას რამდენიმე საწარმო აქვს სხვისთვის წართმეული, ასევე არსებობს ეჭვი, რომ შეკვეთილ მკვლელობებშიც არის გარეული.
#ახალიამბებიქისტი მამაკაცი საპატრიარქოს ირგვლივ განვითარებულ მოვლენებს ვიდეომიმართვით ეხმაურება. ამის ამსახველი ვიდეომასალა სოციალურ ქსელში ვრცელდება, სადაც ის საზოგადოებას მიმართავს და ამბობს, რომ შექმნილი სიტუაციიდან გამომდინარე, თუ ჩვენ ერთმანეთი არ გვეყვარება, ამით მხოლოდ ჩვენი მტერი ისარგებლებს. "მე მიყვარს პატრიარქი და მიყვარხართ თქვენც, მიყვარხართ ყველა ვისაც გიყვართ საქართველო და ყველა ღირსეული ქართველი, განურჩევლად ერისა, სქესისა თუ რომელი რელიგიური აღმსარებლობისა!... ჩვენ თუ ერთმანეთის სიყვარული არ გვექნება, ამ ყველაფერზე ხელს ჩვენი მოწინააღმდეგე მოითბობს", - ნათქვამია ვიდეომიმართვაში.
საფეხბურთო გუნდების "ნიუ იორკის გიგანტებსა" და "დალას კოვბოებს" შორის საფეხბურთო მატჩი იმართებოდა, როდესაც მოედანზე შავი კატა გამოჩნდა. ამ ფაქტმა თამაშის მაყურებელი ძალიან გაამხიარულა, თუმცა მეორე ტაიმის დროს მსაჯმა თამაში შეაჩერა იმ დრომდე, სანამ კატამ სტადიონი არ დატოვა.
#ახალიამბებიგარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა უკანონოდ ნადირობის ფაქტი გამოავლინეს. ვანის მუნიციპალიტეტის სოფელ უხუთის ტყეში, მოქალაქემ, არარეგისტრირებული სანადირო თოფით მოკლა მურა დათვი. დასავლეთის რეგიონული სამმართველოს გარემოსდაცვითი პატრულირებისა და სწრაფი რეაგირების თანამშრომლებმა, ამოღებული ნივთმტკიცებულებები - დანა, დაურეგისტრირებელი თოფი, დამუხტული და გასროლილი ვაზნები, ცხოველის ტყავი და 107 კგ. ხორცი დალუქეს. მურა დათვი წითელ ნუსხაში შეტანილი გარეული ცხოველია, შესაბამისად, გარემოსთვის მიყენებულია მნიშვნელოვანი ზიანი, რაც 50 000 ლარს შეადგენს. გამოვლენილი სამართალდარღვევა სისხლის სამართლის ნიშნებს შეიცავს, რის გამოც, გარემოსდაცვითი ზედამხედველობის დეპარტამენტის თანამშრომლებმა, მასალები, შემდგომი რეაგირებისთვის დასავლეთ საქართველოს საოლქო პროკურატურაში გადააგზავნეს.
ტელეარხმა HBO-მ ახალი პროდუქტი HBO Box-ი წარადგინა, რომლის მეშვეობითაც შესაძლებელია მშვიდად და განმარტოებით უყუროს ნებისმიერმა ადამიანმა ფილმს. HBO Box-ი შავი ფერის მუყაოს ყუთია და მას ფეხებისთვის ნახვრეტები აქვს, რაც ნივთს მეტად კომფორტულს ხდის. HBO ყუთს არ ყიდის, თუმცა მისი მოგება შესაძლებელია. ტელეარხმა ამერიკელ სტუდენტებს შორის კონკურსი გამოაცხადა. მონაწილეებმა მხოლოდ უნდა უპასუხონ კითხვას, თუ რაში სჭირდებათ მათ ეს ყუთი.
#ახალიამბებისირიის ქალაქ ქობანში, ქურთებმა რუსეთის და თურქეთის სამხედრო პატრულს ფეხსაცმელი და ქვები დაუშინეს. ამის შესახებ North Press Agency წერს. აღნიშნულია, რომ ადგილობრივები მათ სოფლებში სამხედროების გადაადგილებას აპროტესტებენ. Reuters-ის ინფორმაციით, ერთ-ერთ სოფელში მოსახლეობამ ჯავშანმანქანაზე ასვლაც კი მოახერხეს. Avia.pro წერს, რომ რუს სამხედროებზე თავდასხმა სამხედრო პოლიციის გამოჩენის მომენტიდან პირველია. რუს სამხედროებს მომხდარზე კომენტარი ჯერ არ გაუკეთებიათ.
#ახალიამბებივფიქრობთ რამდენიმე საოჯახო ტიპის პენიტენციური დაწესებულების მოწყობას დასავლეთ და აღმოსავლეთ საქართველოში, სადაც ერთი და იმავე რისკისა და მისწრაფების მქონე ათიოდე ბავშვი განთავსდება და სასჯელს ოჯახური პირობების მსგავს გარემოში მოიხდის, - ამის შესახებ იუსტიციის მინისტრმა, თრეა წულუკიანმა, ნიდერლანდებში სამუშაო ვიზიტის ფარგლებში, ამსტერდამში არასრულწლოვანთა საოჯახო ტიპის სასჯელაღსრულების დაწესებულების სტუმრობისას განაცხცადა. როგორც იუსტიციის სამინისტროს გავრცელებულ ინფორმაციაშია ნათქვამი, ნიდერლანდური მოდელი განსაკუთრებით საინტერესოა საქართველოსათვის დღეს, როდესაც ციხეებში უკვე აღმოფხვრილია 2012 წლამდე არსებული პრობლემები; მიღებულია და მოქმედებს არასრულწლოვანთა მართლმსაჯულების კოდექსი; მიღწეულია პროგრესი უსაფრთხოების, ფიზიკური პირობებისა და მსჯავრდებულთა მოპყრობის გაუმჯობესების თვალსაზრისით და დღის წესრიგში დგას ახალი, ევროპული ტიპის ინფრასტრუქტურისა და სისტემების მშენებლობა. "ჩვენი მიზანია საქართველოში №11 არასრულწლოვანთა დაწესებულების დახურვა, რადგან მასში სხვადასხვა რისკისა და განსხვავებული სამომავლო გეგმების მქონე ბავშვები ერთად იხდიან სასჯელს, რაც დაუშვებელია ბევრი მიზეზის გამო. მაგალითისთვის: მიუღებელი მგონია, ერთად იხდიდნენ სასჯელს ბავშვები, ვინც უნივერსიტეტებში სწავლისთვის ემზადება, და ბავშვები, ვისაც კრიმინალური საქმიანობის გაგრძელება სურს. მოცემული ინფრასტრუქტურის ჩასანაცვლებლად ვფიქრობთ რამდენიმე საოჯახო ტიპის პენიტენციური დაწესებულების მოწყობას დასავლეთ და აღმოსავლეთ საქართველოში, სადაც ერთი და იმავე რისკისა და მისწრაფების მქონე ათიოდე ბავშვი განთავსდება და სასჯელს ოჯახური პირობების მსგავს გარემოში მოიხდის“, − განაცხადა იუსტიციის მინისტრმა. იუსტიციის სამინისტროს ინფორმაციით, საქართველოში ამ იდეაზე მუშაობისას გამოირკვა, რომ დაახლოებით მსგავსი რეფორმის პილოტირებას მსოფლიოში მხოლოდ ნიდერლანდები ახორციელებს უკვე მესამე წელია, ამსტერდამის ერთ-ერთ უბანში. წელს ამ დაწესებულების წარმატება დადებითად შეფასდა და გადაწყდა, რომ მსგავსი დაწესებულება ერთადერთი აღარ იქნება და ქვეყანაში სხვა იდენტური დაწესებულებებიც გაიხსნება. ამსტერდამის ოჯახური ტიპის დაწესე
რუმინეთის ქალაქ პიატრა-ნიამცში გზა გაიხსნა, რომელიც არსად არ მიდის. გზა სულ 200-მეტრიანია და ის საბოლოოდ მინდორს უერთდება. იდეის ავტორებს გზის ამ მონაკვეთზე ზებრა გადასასვლელის და Stop ნიშნის გაკეთებაც არ დავიწყებიათ. როგორც ქალაქის მერი განმარტავს, ეს გზა რაიონის მოდერნიზაციის გეგმის ნაწილია და მასზე 100 000 ევრო დახარჯა.
პრინცმა ჰარიმ კიდევ ერთხელ დაამტკიცა, რომ ერთგული მეუღლეა. პრინცი იაპონიაში, რაგბის მსოფლიო ჩემპიონატზე იმყოფებოდა, როდესაც ერთ-ერთ გოგონას, რომელიც მისით მოიხიბლა და კომპლიმენტითაც შეამკო ქორწინების ბეჭედი დაანახა. ფაქტის ამსახველი კადრები სოციალურ ქსელში გავრცელდა, სადაც მომხმარებლები წერენ, რომ პრინცი ჰარი სამაგალითო მამაკაცია.
#ახალიამბებისაქართველოს თავდაცვის მინისტრი, ირაკლი ღარიბაშვილი ავღანეთის ისლამურ რესპუბლიკაში საქართველოს თავდაცვის ძალების მეთაურთან ერთად იმყოფებოდა. ვიზიტი მაზარ-ი-შარიფში, გერმანულ ბაზა "მარმალზე“ სტუმრობით დაიწყო, სადაც ირაკლი ღარიბაშვილი გერმანიის თავდაცვის ძალების უფროსთან, გენერალ ებერჰარდ ცორნთან ერთად ჩავიდა. გერმანულ ბაზაზე "მტკიცე მხარდაჭერის" მისიის ჩრდილოეთ მიმართულების სარდალთან, ბრიგადის გენერალ იურგენ ბროტსთან შეხვედრაზე მხარეებმა ჩრდილოეთ ავღანეთში არსებულ უსაფრთხოების გარემოსა და სტაბილურობის გაძლიერებაში ქართველი სამხედრო მოსამსახურეების წვლილზე ისაუბრეს. თავდაცვის მინისტრმა ბაზა "მარმალზე" დისლოცირებული საქართველოს თავდაცვის ძალების III ქვეითი ბრიგადის ნაკრები ასეულის სამხედრო მოსამსახურეები მოინახულა და გაწეული სამსახურისთვის მადლობა გადაუხადა. ბაზა "მარმალზე“ სტუმრობის დასასრულს, საქართველოს თავდაცვის მინისტრმა დაღუპული გმირების მემორიალი გვირგვინით შეამკო.
ღია ცის ქვეშ მოწყობილ წვეულებას თუთიყუში შეუერთდა და გარშემომყოფებთან ერთად მუსიკის რიტმებს აყვა. ფრინველის სახალისო ვიდეო წვეულებაზე მყოფებმა სოციალურ ქსელში გაავრცელეს, რამაც მომხმარებელი ძალიან გაამხიარულა.
დეპუტატმა სოფო კილაძემ დაადასტურა ინფორმაცია, რომ მისი ყოფილი მეუღლე მასზე ფსიქოლოგიურად ძალადობდა, თუმცა კილაძე მასზე ფიზიკურ ძალადობას უარყოფს.
ვის სახლთან დაწერა თიკა ჯამბურიამ სიტყვები "აქ ცხოვრობს ბოზი"
#ახალიამბები