მედიაჰოლდინგი „კვირა“

#ახალიამბებიშერიგებისა და სამოქალაქო თანასწორობის საკითხებში სახელმწიფო მინისტრის, ქეთევან ციხელაშვილის განცხადებით, ოფიციალური თბილისისათვის მნიშვნელოვანია, რომ არ მოხდეს ვითარების ესკალაცია და მოსახლეობის უსაფრთხოებისთვის არ შეიქმნას რისკები. მისი თქმით, საქართველოს სახელმწიფო განაგრძობს ისეთი ნაბიჯების გადადგმას, რომელიც მიმართულია მოსახლეობის მდგომარეობის გაუმჯობესებისა და ნდობის მშენებლობისაკენ. „როგორც ჩანს, მიმდინარე მოვლენები ცოტა უფრო გრძელვადიან პროცესად იქცა. ჩვენთვის, რა თქმა უნდა, მნიშვნელოვანია ის, რომ ვითარების ესკალაცია არ მოხდეს და რაიმე რისკები არ იყოს მოსახლეობისათვის. რა თქმა უნდა, ჩვენ ვერ ვისაუბრებთ ამ პოლიტიკური პროცესების რაიმე ტიპის ლეგიტიმაციაზე, მაგრამ თავის თავად განვითარება საყურადღებოა სამშვიდობო პროცესისათვის და, განსაკუთრებით ორი მიმართულებით. პირველი სწორედ მოსახლეობის მდგომარეობას და უფლებრივ მდგომარეობას ეხება. განსაკუთრებით გამოვყოფდი გალის მოსახლეობას, რომელიც ყველაზე უფრო მოწყვლადია და არაერთხელ გამხდარა, განსაკუთრებით ბოლო წლების განმავლობაში, სწორედ ამ ე.წ. შიდაპოლიტიკური დღის წესრიგის ნაწილი და მათი უფლებრივი მდგომარეობა გაუარესებულა. ამიტომ, ჩვენი ინტერესი არის, რომ ადამიანის უფლებები, ზოგადად რეგიონში და განსაკუთრებით გალის რაიონში იყოს დაცული და მათი მდგომარეობა გაუმჯობესებული. მეორე გახლავთ, ასევე სამშვიდობო პროცესებისათვის, ნდობის მშენებლობისათვის და ჩართულობის მიმართულობისათვის განვითარებული მოვლენები. თუმცა, ჩვენი კურსი არ იცვლება. მშვიდობას და შერიგებას ქართულ და აფხაზურ საზოგადოებებს შორის არ აქვს არანაირი ალტერნატივა. ალბათ თუ რაღაც ძალიან ცხადად აჩვენა ამ პროცესებმა, არის ის, რომ დღეს არსებული ვითარება და წლების განმავლობაში მოუგვარებელი კონფლიქტის და მიმდინარე ოკუპაციის პირობებში შექმნილი ვითარება არანაირად არ ეპასუხება აფხაზური საზოგადოების საჭიროებებს, ინტერესებს. დაწყებული მათი იდენტობიდან და დასრულებული სოციალურ - ეკონომიკური მდგომარეობით“, - განაცხადა ციხელაშვილმა და დასძინა, რომ ჩართულობის პოლიტიკა გაგრძელდება. მისივე თქმით, სწორედ ამიტომ, ბოლო პერიოდში, ბევრი ახალი სამშვიდობო ინიციატივა განვახორციელეთ.

#ახალიამბებიირანის რამდენიმე მსხვილ ქალაქში, როგორებიც არის შირაზი, ისპაანი, ჰამადანი და ორუმია, ანტისამთავრობო აქციები გაიმართა. ამის მიზეზი 11 იანვარს, ირანის აღიარება გახდა, რომ 8 იანვარს თეირანის საერთაშორისო აეროპორტში უკრაინის ავიახაზების კუთვნილი თვითმფრინავის კატასტროფის მიზეზი, შეცდომით განხორციელებული სარაკეტო იერიში გახდა, რომლის შედეგად 176 ადამიანი დაიღუპა. მანამდე ოფიციალური თეირანი ბრალდებას უარყოფდა. მედია თვითმხილველებზე დაყრდნობით წერს, რომ აქციის მონაწილეთა წინაღმდეგ ცეცხლი იქნა გახსნილი. ადგილობრივი მედიის მიერ გავრცელებულ ფოტოებში დასისხლიანებული, დაღუპული ქალი ჩანს. კიდევ ერთ კადრში, მამაკაცია, რომელიც ადგილს იარაღით ხელში ტოვებს. აქციის მონაწილეებმა აიათოლა ჰამენეის და ლიკვიდირებული ყასემ სოლეიმანის ფოტოები დაწვეს და სკანდირებდნენ „სიკვდილი ჰამენეის“. ამ დროს, ძალოვანებმა რეზინის ტყვიები და ცრემლსადენი გაზი გამოიყენეს.

#ახალიამბებიასტროლოგი მიხეილ ცაგარელი კვირის პროგნოზზე „იმედის დილასთან“ საუბრობს. მისი თქმით, დღეს ღამით ზოდიაქოს ნიშნებს ექნებათ საშუალება ჩაიფიქრონ სურვილები და ისინი აუცილებლად ასრულდება.

#ახალიამბებითელავში, ერეკლე მეფის სასახლის ეზოში, საქართველოს ეროვნული გვარდიის 20-ე კადრირებული ბრიგადის საწყისი საბრძოლო მომზადების კურსის 62 სამხედრო მოსამსახურის ფიცის დადების საზეიმო ცერემონია გაიმართა. ფიცის დადების საზეიმო ცერემონიის დასრულების შემდეგ კი ერთ-ერთმა რიგითმა თავის რჩეულს ხელი სთხოვა.

#ახალიამბებიბოსტონელმა კინორეჟისორმა ლი ლოხლერმა თავის რჩეულს ხელი ძალიან ორიგინალურად სთხოვა, მას ამაში მძინარე მზეთუნახავი და მისი პრინცი დაეხმარნენ. კინოში მულტფილმის სანახავად მისული წყვილი, ჩაბნელებულ დარბაზში ახლობლებისა და მეგობრების გარემოცვაში იყვნენ. ლის რჩეულმა კი ეს არ იცოდა და მისთვის ყოველივე ძალიან მოულოდნელი აღმოჩნდა.

#ახალიამბები

#ახალიამბებისაქართველოს თავდაცვის ძალებს 12 ახალი სატრანსპორტო საშუალება შეემატა, რომელიც ქართული მხარისთვის გერმანიის ფედერაციულმა რესპუბლიკამ შეიძინა. ავტოტექნიკის გადაცემის ოფიციალურ ცერემონიალზე მოწვეულ სტუმრებს სიტყვით მიმართა საქართველოს თავდაცვის მინისტრმა ირაკლი ღარიბაშვილმა და გერმანულ მხარეს გაწეული დახმარებისთვის მადლობა გადაუხადა. „გერმანულმა მხარემ, „შესაძლებლობების გაფართოებისა და გაძლიერების ინიციატივის“ ფარგლებში, თანამედროვე ტექნიკური საშუალებები გადმოგვცა, რაც თავდაცვის ძალების ლოგისტიკურ შესაძლებლობებს მნიშვნელოვნად გააუმჯობესებს,"- განაცხადა ირაკლი ღარიბაშვილმა. ირაკლი ღარიბაშვილმა საქართველოსა და გერმანიას შორის მჭიდრო მეგობრულ ურთიერთობებზე გაამახვილა ყურადღება. „გერმანია არის საქართველოს სუვერენიტეტისა და ტერიტორიული მთლიანობის აქტიური მხარდამჭერი. ჩვენ განსაკუთრებულ მნიშვნელობას ვანიჭებთ გერმანიასთან არსებულ წარმატებულ თანამშრომლობას ქვეყნის დემოკრატიული განვითარების, მოდერნიზებისა და ევროატლანტიკურ სტრუქტურებში ინტეგრაციის პროცესში“, - განაცხადა მინისტრმა. გერმანიის ფედერაციული რესპუბლიკის ელჩმა საქართველოში ჰუბერტ კნირშმა კი, სიტყვით გამოსვლისას საქართველოსა და გერმანიას შორის თავდაცვის სფეროში ორმხრივი თანამშრომლობის მნიშვნელობას გაუსვა ხაზი. საქართველოს თავდაცვის ძალების სატვირთო ავტომობილების პარკის განახლების მიზნით, გერმანიის ფედერაციული რესპუბლიკის თავდაცვის სამინისტროს შუამდგომლობით, გერმანიის ფედერაციული რესპუბლიკის საგარეო საქმეთა სამინისტროს „შესაძლებლობების გაფართოებისა და გაძლიერების ინიციატივის“ ფარგლებში 1.5 მილიონი ევრო გამოიყო. გრანტის ფარგლებში 8 ერთეული წყალმზიდისა და 4 ერთეული კონტეინერმზიდის შესყიდვა განხორციელდა. სატრანსპორტო საშუალებების გადაცემის ოფიციალურ ღონისძიებას გერმანიის სამხედრო ატაშე ვიცეპოლკოვნიკი უვე უკერვიცი და საქართველოს თავდაცვის ძალების წარმომადგენლები დაესწრნენ.

#ახალიამბებიირანში უკრაინული ბოინგის ჩამოვარდნის კადრები Gardian–მა გაავრცელა სათაურით – „ვიდეო სადაც ჩანს როგორ ეჯახება რაკეტა უკრაინულ თვითმფრინავს“ ვარაუდი აღნიშნულის შესახებ გუშინ გავრცელდა. თუმცა, ვარაუდობენ, რომ თვითმფრინავს რაკეტა შემთხვევით მოხვდა. პენტაგონი ოფიციალურ განცხადებას ჯერჯერობით არ აკეთებს – უკავშირდება თუ არა მომხდარი აშშ–სა და ირანს შორის დაწყებულ სამხედრო დაპირისპირებას. შეგახსენებთ, რომ 8 იანვარს თეირანში უკრაინული ბოინგი ჩამოვარდა, ბორტზე მყოფი 176 მგზავრი და ეკიპაჟიც ცხრავე წევრი დაიღუპა. ირანი უკრაინისთვის შავი ყუთის გადაცემაზე უარს აცხადებს და მომხდარს თვითმფრინავის ტექნიკურ გაუმართაობას აბრალებს.

#ახალიამბებილევან ჩხაიძის ინიციატივითა და ორგანიზებით, მიუსაფარი ცხოველებისთვის ბათუმის სხვადასხვა ადგილზე საცხოვრებელი ქოხები დაიდგა. სრულად იხილეთ ვიდეო მიმართვაში.

#ახალიამბები

#ახალიამბები8 იანვარს, ირანში უკრაინული ბოინგის ჩამოვარდნის შედეგად 176 მგზავრი და ეკიპაჟის ცხრავე წევრი გარდაიცვალა. სოციალურ ქსელში ვრცელდება ინფორმაცია იმის შესახებ, რომ გარდაცვლილთა შორის სავარუდოდ ფერეიდნელი ქართველიც არის

#ახალიამბებიThe New York Times თეირანის აეროპორტში უკრაინული თვითმფრინავის ავიაკატსტროფის ამსახველ ვიდეოკადრებს ავრცელებს, რომელზეც ჩანს, რომ საჰაერო ხომალდს რაკეტა ეჯახება. ვიდეოკადრები ირანის სამოქალაქო ავიაციის მიერ, 9 იანვარს გავრცელებულ ინფორმაციას ეწინააღმდეგება, რომ სამგზავრო თვიფრინავის ჩამოვარდნის მიზეზი ტექნიკური გაუმართაობა, კერძოდ, კი ძრავაში გაჩენილი ცეცხლი გახდა. გავრცელებულ ინფორმაციას ირანში გამოეხმაურნენ და აღნიშნეს, რომ „ის სიცრუეა“, შესაბამისად, „დიდ ტყუილზე“ პასუხისმგებლობას საკუთარ თავზე არ აიღებენ. თეირანმა კატასტროფის მიზეზის დასადგენად აშშ და კანადა მიიწვია. ამის პარალელურად გამომძიებელთა საერთაშორისო ჯგუფ Bellingcat-ში განაცხადეს, რომ Boeing-ში რაკეტის მოხვედრის ვიდეო დასახლებულ პუნქტ პარანდთან არის გადაღებული, რომელიც აეროპორტთან ახლოს მდებარეობს. ორგანიზაციის ვარაუდით, რაკეტის გაშვება, შესაძლოა, ირანის საიდუმლო ბაზიდან IRSG-დან მომხდარიყო. როგორც გამომძიებელმა კრისტო გროზევმა განაცხადა, „რაკეტის გაშვების შესაძლო ადგილის გამოთვლა ვცადე. რაკეტის მოძრაობის სიჩქარის ვიზუალური სქემის გამოყენებით, ტრაექტორიის კუთხის გამოთვლა მოვახერხე. გაშვების მანძილი 6,5 კმ შეადგენდა. ამიტომ, ამ შემთხვევაში მხოლოდ ერთი კანდიდატია: საიდუმლო ბაზა IRSG“. 8 იანვარს მომხდარი ავიაკასტროფის შედეგად 176 ადამიანი დაიღუპა, მათ შორის ეკიპაჟი 9 წევრია.

#ახალიამბები

#ახალიამბებიოკუპირებული აფხაზეთის დე ფაქტო პრეზიდენტმა, მიმდინარე მოვლენების ფონზე, ე.წ. უშიშროების საბჭოს საგანგებო სხდომა მოიწვია. ამის შესახებ „რია ნოვოსტის“ ე.წ. პარლამენტის ვიცე-სპიკერმა განუცხადა. ამასთან, ე.წ პარლამენტის დეპუტატი რაულ ლოლუა ინიციატივით გამოვიდა, პარლამენტის სესიის საგანგებო სხდომის ჩატარებასთან დაკავშირებით, რომელზეც რაულ ხაჯიმბასთვის უნდობლობის ვოტუმის გამოცხადება მოხდება. აქციის მონაწილეები, რომლებიც დღეს, ე.წ. ადმინისტრაციის შენობაში შეიჭრნენ, ადგილზე რჩებიან და ე.წ. სპიკერს ვალერი კვარჩიას ელოდებიან. მანამდე შენობა დე ფაქტო პრეზიდენტმა რაულ ხაჯიმბამ დატოვა, თუმცა მედიას განუცხადა, რომ „მიმალვას არ აპირებს, რჩება სამუშაო ადგილზე ერთ-ერთი სახელმწიფო ორგანოს შენობაშია“. აქციის მონაწილეები ხაჯიმბას გადადგომას და „ვადამდელი საპრეზიდენტო არჩევნების დანიშვნას ითხოვენ“. ისინი, "რესპუბლიკაში ჩატარებულ საპრეზიდენტო არჩევნების შედეგებს არ ცნობენ".

#ახალიამბებისოხუმში დე ფაქტო პრეზიდენტის ე.წ. ადმინისტრაციაში მომიტენგეთა შეჭრის შედეგად, რამდენიმე ადამიანი დაშავდა, ისინი საავადმყოფოში არიან გადაყვანილი. რუსული მედიის ინფორმაციით, აქციის მონაწილეები სამართალდამცველებთან შეტაკების დროს დაშავდნენ. შენობაში აქციის ერთ-ერთი ორგანიზატორი ახრა ავიძბა იმყოფება. ამის პარალელურად, პარტია „აითაირა“ დე ფაქტო პრეზიდენტს, რაულ ხაჯიმბას, გადადგომის მოთხოვნით მიმართავს. „იმის გათვალისწინებით, რომ ქვეყანაში საზოგადოებრივ-პოლიტიკური ვითარება კრიტიკულ ნიშნულამდე დაიძაბა და საფრთხის შემცვლელია არამხოლოდ ჩვენი მოქალაქეებისთვის, არამედ აფხაზეთის რესპუბლიკის არსებობისთვისაც, პარტია მიმართავს რაულ ჯუმკოვიჩ ხაჯიმბას, რომ ის თანამდებობიდან გადადგეს. მხოლოდ ამის შემდეგ იქნება შესაძლებელი უარესი სცენარის არიდება. წინააღმდეგ შემთხვევაში, მომხდარზე პასუხისმგებლობა მხოლოდ თქვენ დაგეკისრებათ“,-ნათქვამია მიმართვაში.

#ახალიამბები

#ახალიამბები

#ახალიამბებისოხუმში არეულობაა, აქციის მონაწილეები დე ფაქტო პრეზიდენტის ე.წ.ადმინისტრაციასთან შეიკრიბნენ და შენობის შესასვლელი კარი შეამტვრიეს. დღეს, ე.წ პრეზიდენტობის ყოფილი კანდიდატის ალხან კვიწინიას სარჩელს, ე.წ. უზენაესი სასამართლოს საკასაციო ინსტანცია განიხილავს. კვიწინია ე.წ. არჩევნების შედეგის გაუქმებას ითხოვს. შეკრებილებს და ე.წ. ადმინისტრაციის დაცვას შორის შეტაკებაც მოხდა. აქციის მონაწილეები სასამართლოს გადაწყვეტილებას ქუჩაში დაელოდებიან. აღსანიშნავია, რომ ე.წ.სასამართლოს საკასაციო ინსტანციის გადაწყვეტილება ძალაში მიღებისთანავე შედის, თუმცა ის შესაძლოა ე.წ. რესპუბლიკის უზენაესი სასამართლოს პრეზიდიუმში გასაჩივრდეს. ოკუპირებულ აფხაზეთში 2019 წლის 8 სექტემბერს ე.წ. საპრეზიდენტო არჩევნების მეორე ტური გაიმართა. ე.წ. ცესკოს მონაცემით, გამარჯვება მოქმედმა დე ფაქტო პრეზიდენტმა რაულ ხაჯიმბამ მოიპოვა. თუმცა ე.წ. არჩევნებში ხაჯიმბას ოპონენტმა კვიწინიამ 11 სექტემბერს ე.წ. სასამართლოში ცესკოს წინააღმდეგ სარჩელი შეიტანა. 20 სექტემბერს კვიწინიას სარჩელი არ დაკმაყოფილდა. 7 ოქტომბერს, კვიწინიამ ე.წ. უზენაესი სასამართლოს გადაწყვეტილება საკასაციო ინსტანციაში გაასაჩივრა, ამ წუთებში კი, სწორედ ამ სარჩელის განხილვა მიმდინარეობს.

#ახალიამბები 34 წლის მეღვინე გიორგი ნათენაძე უკვე წლებია, ძირძველი, მესხური ვაზის ჯიშების მოძიებით, მისი გახარებითა და ღვინის წარმოებითაა დაკავებული.

#ახალიამბები ზუგდიდის ბოტანიკური ბაღი დამთვალიერებლებს გასული წლის 29 დეკემბრიდან განახლებული ინფრასტრუქტურით მასპინძლობს.

#ახალიამბები

#ახალიამბებიირანში, თეირანის საერთაშორისო აეროპორტში, უკრაინის ავიახაზების კუთვნილმა თვითმფრინავმა ბოინგ 737-მა კატასტროფა განიცადა. უკრაინის საგარეო საქმეთა სამინისტროს ინფორმაციით, თვითმფრინავის ბორტზე მყოფი 167 მგზავრი და ეკიპაჟის 9 წევრი, დაღუპულია. როგორც ირანის სააგენტო IRNA-ს თეირანის საერთაშორისო აეროპორტის ოფიციალურმა წარმომადგენელმა განუცხადა, თვითმფრინავის ჩამოვარდნის მიზეზი ძრავაში გაჩენილი ცეცხლი გახდა. „თვითმფრინავი აეროპორტიდან კიევის მიმართულებით გაფრინდა, თუმცა ძრავაში გაჩენილი ცეცხლის გამო, ის აეროპორტთან ახლოს ჩამოვარდა“, - განაცხადა აეროპორტის წარმომადგენელმა. თეირანის გადაუდებელი სამედიცინო დახმარების ხელმძღვანელმა განაცხადა, რომ დაღუპულთა ცხედრების იდენტიფიცირება გართულდება.

#ახალიამბებითომა ჩაგელიშვილი სოციალურ ქსელში ავრცელებს ვიდეოს, სადაც ჩანს, თუ როგორ ცდილობს პოლიცია თბილისის ზოოპარკიდან გაქცეული მაჩვზღარბას დაჭერას. ზოოპარკიდან გაქცეული მაჩვზღარბა თბილისის ქუჩებში დაახლოებით ერთი საათის განმავლობაში დასეირნობდა. ამ დროისთვის კი უკვე თავის საცხოვრებელში დააბრუნეს.

#ახალიამბებიმართლმადიდებელი სამყარო 7 იანვარს მაცხოვრის, იესო ქრისტეს შობის ბრწყინვალე დღესასწაულს აღნიშნავს. თავდაცვის სამინისტროს ინფორმაციით, საშობაო ლიტურგიას უწყების მინისტრი ირაკლი ღარიბაშვილი, საქართველოს პრემიერ-მინისტრთან გიორგი გახარიასთან ერთად, სამების საკათედრო ტაძარში დაესწრო. ​მაცხოვრის შობის დღესასწაულთან დაკავშირებით საზეიმო ღვთისმსახურება სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, უწმიდესმა და უნეტარესმა ილია მეორემ აღავლინა. წირვას საქართველოს საკანონმდებლო და აღმასრულებელი ხელისუფლების წარმომადგენლებიც დაესწრნენ. ლიტურგიის დაწყებამდე ტაძარში შეკრებილმა მრევლმა და ხელისუფლების წარმომადგენლებმა პატრიარქის საშობაო ეპისტოლე მოისმინეს.

#ახალიამბებიმდინარე თერგმა ფერი იცვალა. ამის ამსახველი ვიდეოკადრები "კვირა+"-ის ჟურნალისტმა ყაზბეგში გადაიღო. სავარაუდოდ, თერგის სტაფილოსფერი შეფერილობა, ქანების ჩამოშლას უკავშირდება.

#ახალიამბებისაქართველოს პრემიერ-მინისტრმა მთის კურორტებზე წყალმომარაგების შეფერხების უმოკლეს ვადებში აღმოსაფხვრელად საკოორდინაციო ჯგუფის საგანგებო შეხვედრა გამართა. მთავრობის მეთაურთან წყალმომარაგების კუთხით შექმნილი პრობლემის გამომწვევი მიზეზები და ის ნაბიჯები განიხილეს, რომელსაც შესაბამისი უწყებების წარმომადგენლები პრობლემის დაფიქსირების პირველივე წუთებიდან დგამენ. სამუშაო შეხვედრაზე აღინიშნა, რომ წყალი შეფერხებით გუდაურში მხოლოდ „რედკოს“ კომპლექსს, ხოლო ბაკურიანის დაახლოებით 10%-ს მიეწოდება, რის აღმოსაფხვრელადაც მუშაობა ინტენსიურად, 24-საათიან რეჟიმში მიმდინარეობს.

#ახალიამბებიირანში აშშ–ს მიერ 3 იანვარს ბაღდადში მოკლული ქვეყნის გუშაგთა კორპუსის ქვედანაყოფის „ალ-ქუდსის“ მეთაურს ყასემ სოლეიმანს ემშვიდობებიან. ცერემონიას ქვეყნის სულიერი ლიდერი ალი ჰამენეი უძღვება, რომელშიც ასევე, პრეზიდენტი ჰასან როუჰანი მონაწილეობს. სამგლოვიარო ცერემონიაზე მოკლულის ქალიშვილმა ზეინაბ სოლეიმანმა განაცხადა, რომ აშშ-ის „შავი დღეები ელოდება“. „გიჟო ტრამპი, არ იფიქრო, რომ მამაჩემის სიკვდილით ყველაფერი დასრულდა. აშშ-ს და მათ მოკავშირე ისრაელს „შავი დღეები“ ელოდება“, - განაცხადა ზეინაბ სოლეიმანმა. ბაღდადში მოკლული გენერლის ცხედარი სამშობლოში 5 იანვარს ჩაასვენეს. ტელერადიოკომპანია IRIB-მა ვიდეოკადრები გაავრცელა, სადაც ჩანს, რომ თვითმფრინავიდან ცხედრის გადმოსვენება ორკესტრის თანხლებით მოხდა, გენერლის ცხედარი ირანის დროშაში გაახვიეს. ყასემ სოლეიმანს 7 იანვარს დაკრძალავენ.

#ახალიამბები

#ახალიამბებისამართალდამცავებმა პარლამენტის შენობის წინ „ლეიბორისტული პარტიის“ წევრი ლაშა ჩხარტიშვილი დააკავეს. როგორც „კვირას“ შინაგან საქმეთა სამინისტროდან აცნობეს, ლაშა ჩხარტიშვილი ადმინისტრაციული წესითაა დაკავებული. „ჩხარტიშვილი დაკავებლია ადმინისტრაციულ სამართალდარღვევათა კოდექსის 166-ე და 173-ე მუხლებით, რაც წვრილმან ხულიგნობასა და სამართალდამცავებისთვის დაუმორჩილებლობას გულისხმობს“, - აცხადებენ შსს-ში. შეგახსენებთ, პარლამენტის შენობის წინ მოძრაობა „შეცვალეს“ აქტივისტებსა და სამართალდამცავებს შორის დაპირისპირება მოხდა.მოძრაობა „შეცვალე“ გარემოვაჭრეებს, რომლებმაც რესპუბლიკის მოედნიდან პარლამენტთან გადასვლაზე უარი განაცხადეს, სოლიდარობას უცხადებს. აქტივისტები პარლამენტის შენობის წინ იმ ტერიტორიაზე ცდილობდნენ მისვლას და პროტესტის გამოხატვას, სადაც რამდენიმე დღის წინ კარვები იყო გაშლილი, დღეს კი გასართობი სივრცეა მოწყობილი, თუმცა მათ ამის საშუალება სამართალდამცავებმა არ მისცეს.

#ახალიამბებიშინაგან საქმეთა მინისტრის მოადგილე იოსებ ჭელიძემ, საგანგებო სიტუაციების მართვის სამსახურის უფროსთან, თემურ მღებრიშვილთან ერთად, 30 ახალი, გერმანული წარმოების, თანამედროვე სტანდარტების შესაბამისი სახანძრო მანქანა წარადგინა, რომლებიც თბილისში, ბათუმში, ქუთაისში, ბორჯომში, ზუგდიდში, რუსთავსა და სიღნაღში განაწილდება. ღონისძიებას შინაგან საქმეთა სამინისტროს წარმომადგენლები, საგანგებო სიტუაციების მართვის სამსახურის თანამშრომლები და მიწვეული სტუმრები ესწრებოდნენ. შსს-ს ინფორმაციით, სპეციალურად საქართველოსთვის შექმნილი, მაღალი გამავლობის სახანძრო ტექნიკა გერმანიაში, კომპანია „მაგირუსის” ქარხანაში, საქართველოს რელიეფური პირობების გათვალისწინებით აეწყო. უწყების განმარტებით, ახალი მანქანები მობილურობითა და მანევრულობით გამოირჩევა. ასევე, აღჭურვილია მაღალი და დაბალი წნევის ტუმბოთი, აქვს წყლის 4,5-ტონიანი ავზი და ქაფის 300-ლიტრიანი ავზი. ავტომანქანებში დამონტაჟებულია ყველა საჭირო სახანძრო-სამაშველო აღჭურვილობა, რომლებიც სრულად ავტომატიზებულია, თუმცა, საჭიროების შემთხვევაში, შესაძლებელია მისი მექანიკური მართვა. „მაგირუსის” სახანძრო ტექნიკა განთავსებულია „ივეკოს” ფირმის საავტომობილო შასზე. ქართველი მეხანძრე-მაშველები ახალ სახანძრო ტექნიკასთან მუშაობის და მართვის სპეციფიკას გერმანელი ინსტრუქტორების დახმარებით გაეცნენ და სპეციალური გადამზადება კვალიფიციურ ტრენერებთან გაიარეს. ამავე ღონისძიებაზე შინაგან საქმეთა მინისტრის მოადგილემ 15 მეხანძრე-მაშველი სხვადასხვა საგანგებო სიტუაციაში გამოვლენილი განსაკუთრებული სიმამაცისთვის დააჯილდოვა. განსაკუთრებული დამსახურებისთვის, გარდაცვალების შემდეგ დაჯილდოვდა ახმეტის სახანძრო-სამაშველო განყოფილების თანამშრომელი ლევან ოღაძე, რომელიც 2019 წლის 12 მარტს მომხდარი უბედური შემთხვევის შედეგად, 34 წლის ასაკში გარდაიცვალა. ჯილდო მის შვილს, ექვსი წლის სანდრო ოღაძეს გადაეცა.

საახალწლოდ სახიფათო პიროტექნიკით ადამიანების დაზიანების ფაქტის 83 შემთხვევა დაფიქსირდა. რამდენიმე მათგანს თითების ამპუტაცია დასჭირდა.

#ახალიამბებიქართველმა მშვიდობისმყოფელებმა ახალი, 2020 წლის დადგომა ავღანეთში, ბაგრამის საავიაციო ბაზაზე აღნიშნეს. თავდაცვის სამინისტროს ინფორმაციით, საქართველოს თავდაცვის ძალების I ქვეითი ბრიგადის მე-12 ბატალიონის მეთაურმა პირად შემადგენლობას საახალწლო საჩუქრები სამსახურებრივი მოვალეობის შესრულების დროს გადასცა. ვიცე-პოლკოვნიკმა გიორგი ჯინჭარაძემ მშვიდობისმყოფელებს ახალი წელი მიულოცა და მისიის წარმატებით დასრულება უსურვა. მე-12 ბატალიონი ნატოს ეგიდით ავღანეთის ისლამურ რესპუბლიკაში მიმდინარე „მტკიცე მხარდაჭერის“ მისიას 2019 წლის ნოემბრიდან ასრულებს. ქვედანაყოფის მთავარი ამოცანა ბაგრამის საავიაციო ბაზის უსაფრთხოების უზრუნველყოფაა.

#ახალიამბები

#ახალიამბები

#ახალიამბები

სოციალური ქსელის მომხმარებელი ავრცელებს ვიდეოს, სადაც ასახულია ფაქტი, თუ როგორ გააქვთ ჰიპერმარკეტ „კარფურიდან“ კომპანია „სანტეს“ რძე, ლურჯ შეფუთვაში.

#ახალიამბები

#ახალიამბები

#ახალიამბებიპოლიციამ ფონიჭალაში 6 მსხვილი ნარკორეალიზატორი დააკავა, - ამის სესახებ საგანგებო ბრიფინგზე შინაგან საქმეთა სამინისტროს ცენტრალური კრიმინალური პოლიციის დეპარტამენტის დირექტორმა მამუკა ჭელიძემ განაცხადა. "შინაგან საქმეთა სამინისტრო აგრძელებს ქვეყნის მასშტაბით ნარკოტიკული საშუალებების უკანონო ბრუნვის წინააღმდეგ ბრძოლას და საზოგადოებას აქტიურად აწვდის ინფორმაციას გახსნილი დანაშაულებისა და დაკავებული პირების შესახებ. სამართალდამცველებმა, ბოლო თვის განმავლობაში ჩატარებული ოპერატიულ-სამძებრო და საგამოძიებო მოქმედებების შედეგად, ნარკოდანაშაულის ფაქტები გახსნეს, განსაკუთრებით დიდი ოდენობით ნარკოტიკული საშუალებები ამოიღეს და არაერთი პირი დააკავეს. შინაგან საქმეთა სამინისტროს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა, დეკემბრის თვეში, ფონიჭალის დასახლებაში ჩატარებული ფართომასშტაბიანი ღონისძიების შედეგად, 6 ნარკორეალიზატორი დააკავეს. მოსამართლის განჩინების საფუძველზე დაკავებული არიან: 1958 წელს დაბადებული ა.ჯ., 1981 წელს დაბადებული რ.ა., 1970 წელს დაბადებული ჰ.ჯ., 1974 წელს დაბადებული კ.ჯ., 1992 წელს დაბადებული ა.მ. და 1976 წელს დაბადებული რ.ჯ. მათ ბრალი ნარკოტიკული საშუალების უკანონო შეძენა-შენახვასა და გასაღებაში ედებათ. დაკავებულების მიერ ჩადენილი დანაშაული 8-დან 20 წლამდე ან უვადო თავისუფლების აღკვეთას ითვალისწინებს. სამართალდამცველებმა, მოსამართლის განჩინების საფუძველზე, რამდენჯერმე განახორციელეს ბრალდებულებისგან ნარკოტიკული საშუალებების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა. პოლიციამ, დაკავებულების პირადი და საცხოვრებელი სახლების ჩხრეკისას, 68 შეკვრა „ჰეროინი“, სხვადასხვა სახის ნარკოტიკი და თანხა ნივთმტკიცებად ამოიღო. აღსანიშნავია, რომ 1970 წელს დაბადებულ ჰ.ჯ.-ს, ასევე, ბრალი ედება ცეცხლსასროლი იარაღის მართლსაწინააღმდეგო შეძენა-შენახვაში. პოლიციამ, მისი საცხოვრებელი სახლის ჩხრეკისას, "ტტ"-ს სისტემის ცეცხლსასროლი იარაღი, მჭიდი და 23 საბრძოლო ვაზნა ამოიღო. გამოძიება საქართველოს სისხლის სამართლის კოდექსის 260-ე, 261-ე, 273-ე და 236-ე მუხლებით

4 ცალი თეთრი ფერის სანთელი, ავანთოთ 15 წუთით ადრე, ორ–ორი 20–თეთრიანი ამოდეთ თითოეული თეფშის ქვეშ, ყულაბაში ჩაყარეთ 4–ცალი 20–თეთრიანი – ასტროლოგი მიხეილ ცაგარელი გვირჩევს თუ როგორ უნდა შევხვდეთ ვირთხის წელიწადს და რიტუალები უნდა ჩავატაროთ იმისათვის, რომ კარგი და წარმატებული წელი გვქონდეს.

#ახალიამბებიმიმდინარე წლის 31 დეკემბერს მსოფლიოში აზერბაიჯანელთა სოლიდარობის 30 წლისთავი აღინიშნება. საიუბილეო თარიღი აზერბაიჯანელ ხალხს ქართველმა პოლიტიკოსებმაც მიულოცეს. კახა კალაძე, თბილისის მერი: „30 წელის ეს ცოტა არაა. პირველ რიგში ვუსურვებ აზერბაიჯანელ ხალხს მშვიდობას და სულიერ სიმშვიდეს. აზრბაიჯანი საქართველოს სტრატეგიული პარტნიორია და ის ურთიერთობები რაც ჩვენს ერებს შორის ჩამოყალიბდა ძალიან მნიშვნელოვანია. მე დარწმუნებული ვარ,რომ მომავალში ეს ურთიერთობები კიდევ უფრო მჭიდრო და მეგობრული გახდება. ამას ორივე ქვეყნისთვის ძალიან დიდი მნიშვნელობა აქვს“. ეკონომიკისა და მდგრადი განვითარების სამინისტროს ინოვაციებისა და ტექნოლოგიების სააგენტოს თავმჯდომარის მოადგილე მარიამ ლაშხმა თავის მილოცვაში აქცენტი საქართველოსა და აზერბაიჯანს შორის არსებულ ეკონომიკურ ურთიერთობაზე გააკეთა. მან ისურვა, რომ ქვეყნებს შორის თანამშრომლობა ინოვაციებისა და ტექნოლოგიების მიმართულებით კიდევ უფრო გაძლიერდეს. როგორც საქართველოს ელჩმა აზერბაიჯანში ზურაბ პატარიძემ თავის მილოცვაში აღნიშნა, მნიშვნელოვანია, რომ ქვეყნებს შორის ურთიერთობა დინამიურად ვითარდება როგორც პოლიტიკურ ისე, სავაჭრო-ეკონომიკურ დონეზე და კულტურულ-ჰუმანიტარული მიმართულებით. მან სრულიად აზერბაიჯანს მიულოცა დღესასწაული. საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფიო კილაძე აზერბაიჯანელ ერს საიუბილეო თარიღს ულოცავს და აცხადებს, რომ საქართველო მაქსიმალურად ცდილობს, ეთნიკური აზერბაიჯანელების უფლებები იყოს დაცული. მისი თქმით, ის ყველაფერს გააკეთებს, რომ მეგობრობა ხალხებს შორის გაგრძელდეს. აზერბაიჯანელ ხალხს საიუბილეო დღესასწაული მიულოცა საქართველოს პარლამენტის თავდაცვისა და უშიშროების კომიტეტის თავმჯდომარემ ირაკლი სესიაშვილმაც დააზერბაიჯანელებს მშვიდობა, სტაბილურობა, სწრაფი განვითარება და პროგრესი უსურვა. საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარე ნინო წილოსანმა ხაზი გაუსვა სოლიდარობის მნიშვნელობას და თქვა, რომ სწორედ მასზე უნდა აშენდეს ურთიერთობები.

#ახალიამბებიზუგდიდის მუნიციპალიტეტის სოფელ შამგონაში 30 წლის ქალი თოკზე ჩამოკიდებული იპოვეს. გარდაცვლილი ქალის ოჯახის წევრები მომხდარში სიძეს ადანაშაულებენ და აცხადებენ, რომ გარდაცვლილის ცხედარს დაზიანებები და სისხლჩაქცევები აღენიშნება. მათი ვარაუდით, ახალგაზრდა ქალი ქმარმა ჯერ სცემა, მოკლა და შემდეგ სოფლის დეპუტატის ბოსელში ჩამოკიდა. თავად, გარდაცვლილის მეუღლის ნათესავები სიტყვიერი დაპირისპირების ფაქტს ადასტურებენ, თუმცა სხვა დამატებით დეტალებზე არ საუბრობენ. შს სამინისტროს ინფორმაციით, მომხდართან დაკავშირებით გამოძიება სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს. ამ ეტაპზე გარდაცვლილი ქალის ქმარი მიმალვაშია და სამართალდამცველები ეძებენ.

#ახალიამბები 2019 წელს ქუთაისის მუნიციპალიტეტში განხორციელებული პროექტები ქალაქს მერმა შეაჯამა.გიორგი ჭიღვარიამ  იმ ინფრასტრუქტურულ პროექტებზე ისაუბრა, რაც მიმდნარე წელს ქუთაისის მასშტაბით განხორციელდა.

#ახალიამბები

#ახალიამბები

#ახალიამბები

#ახალიამბები სხდომაზე ეთნიკურ უმცირესობებში სახელმწიფოს მხრიდან განხორცილებულ პროექტებზე ისაუბრეს.

#ახალიამბები სამცხე-ჯავახეთის რწმუნებულმა ბესიკ ამირანაშვილმა, ბორჯომის მუნიციპალიტეტში მცხოვრებ სოციალურად დაუცველ ხუთ მრავალშვილიან ოჯახს დამდეგი შობა-ახალი წელი საჩქრებით მიულოცა.

#ახალიამბებირუსთავის საკრებლოს წევრმა საყვარელ გოგოს ხელი თეატრის სცენიდან სთხოვა. აღნიშნულის შესახებ ინფორმაციას და ვიდეოს “ინფორუსთავი” ავრცელებს. ამირან ჯანჯღავამ მსახიობის როლი მოირგო და სცენაზე, ერთერთ ეპიზოდში ნიღბით გამოჩნდა, მოულოდნელად შეყვარებულთან მივიდა და ცოლობა სთხოვა.

#ახალიამბებივარკეთილის 163–ე საბავშვო ბაღის ზეიმზე, ჩოხებში გამოწყობილმა მამებმა ქალიშვილებთან ერთად ქართული იცეკვეს. აღნიშნულის ამსახველი ვიდეო სოციალურ ქსელში გავრცელდა, რასაც ძალიან დიდი და დადებითი გამოხმაურება მოჰყვა. “ყველაფერი მინახია, მაგრამ ასეთი ორიგინალური და ლამაზი არაა. ბრავოოოო იდეის ავტორსს”. “გაუმრავლდით თქვენს მამიკოებს და დედიკოებს… უსაყვარლესები”. “რა სასიამოვნო საყურებელია. დავტკბით… ქართულის ცეკვაც დაგედოთ რა”.