18 422 103
ნახვა
2 717
ვიდეო
კვირა პლუსი
0:37
ზარქუა ხაბეიშვილს: დარეკეს „ბოლივუდიდან“ და მითხრეს, რომ წლის მასხარის ნომინაციაზე ხართ წარდგენილი(ვიდეო)
2 286 ნახვა 1 დღის წინ

#ახალიამბებითბილისის საკრებულოს სხდომაზე "ნაციონალური მოძრაობის" წევრ ლევან ხაბეიშვილსა და თბილისის საკრებულოს თავმჯდომარის მოადგილე ირაკლი ზარქუას შორის სიტყვიერი დაპირისპირება მოხდა. ზარქუამ ხაბეიშვილი ტყუილების გავრცელებაში დაადანაშაულა, წლის მასხარა და "კომედი შოუს" მსახიობი უწოდა. "სხვათა შორის, გუშინ დარეკეს „ბოლივუდიდან“ და მითხრეს, რომ წლის მასხარის ნომინაციაზე ხართ წარდგენილი, მესამე ხარისხის. ეს ხარ შენ, მეტი არაფერი. ამას შენი კოლეგებიც დაგიდასტურებენ. საზოგადოებას ტყუილში ამყოფებ. არ გაგივა ეს მასხრობები და ვიღაცამ უნდა გითხრას. ჩვეულებრივი „კომედი შოუს“ მსახიობი ხარ“, - მიმართა ზარქუამ ხაბეიშვილს. დაპირისპირება მოჰყვა ლევან ხაბეიშვილის გამოსვლას, რომელმაც თბილისის სატრანსპორტო რეფორმა გააკრიტიკა. "დედაქალაქის მერმა დააანონსა, რომ 550 ავტობუსი შემოვა წლის ბოლომდე. სატრანსპორტო კომისიის სხდომაზე ვიყავი, დამაჯერებელი პასუხები ვერ მივიღე, ნამდვილად შემოვა თუ არა. ვხედავთ, რომ ყველა მთავრობის სხდომაზე პრობლემებთან დაკავშირებით საუბრობს. თბილისში 16 ათასი ტაქსი გადაადგილდება მაშინ, როდესაც 32 ათასი ტაქსი იყო. იმ ადამიანების დიდი ნაწილი, რომელიც სარგებლობდა ტაქსით და მოუწია საზოგადოებრივ ტრანსპორტში გადაჯდომა. ამ დროს მეტროში მძიმე მდგომარეობაა. მოგიწოდებთ საკრებულოს დეპუტატებს, ჩავიდეთ მეტროში და გავჩერდეთ ერთი საათის განმავლობაში. ვნახოთ, რა მდგომარეობაა“, – განაცხადა ხაბეიშვილმა.

1:20
გარემოსდაცვითი ზედამხედველობის დეპარტამენტი ახალი ტექნიკით აღიჭურვა
1 286 ნახვა 1 დღის წინ

#ახალიამბებიგარემოს დაცვისა და სოფლის მეურნეობის სამინისტროში გარემოსდაცვითი ზედამხედველობის დეპარტამენტის ახალი ტექნიკისა და აღჭურვილობის პრეზენტაცია გაიმართა. დეპარტამენტის ტექნიკურ შემადგენლობას 65 პიკაპის ტიპის ახალი ავტომობილი და 2 ბაგი შეემეტა. აღნიშნული მანქანები რეგიონულ სამმართველოებს გადაეცემათ. ღონისძიებას გარემოს დაცვისა და სოფლის მეურნეობის მინისტრი ლევან დავითაშვილი, მინისტრის მოადგილე იური ნოზაძე და გარემოსდაცვითი ზედამხედველობის დეპარტამენტის უფროსი ირაკლი მუკნიაშვილი დაესწრნენ. „გარემოსდაცვითი ზედამხედველობის დეპარტამენტის შესაძლებლობები გაძლიერდა და ეს პროცესი მომავალშიც გაგრძელდება. ქვეყნის მასშტაბით, პატრულირების ეკიპაჟების რაოდენობა, ფაქტობრივად, გასამმაგდა. გარემოსდაცვითი პატრულირებისა და სწრაფი რეაგირების თანამშრომლებს ყველა ის ტექნიკური საშუალება აქვთ, რაც მოვალეობის სათანადოდ შესასრულებლად სჭირდებათ“, - განაცხადა გარემოს დაცვისა და სოფლის მეურნეობის მინისტრმა, ლევან დავითაშვილმა. ახალი „ფორდ რეინჯერები“ აღჭურვილია რეგისტრატორებითა და „ჯიპიეს“ მოწყობილობებით, არის მაღალი გამავლობის, რაც რთულად მისასვლელ ადგილებში პატრულირების საშუალებას იძლევა. პრაქტიკულად მიუვალ ადგილებში პატრულირებისთვის კი, დეპარტამენტის თანამშრომლები ბაგებს გამოიყენებენ. პრეზენტაციაზე წარმოდგენილი იყო გარემოსდაცვითი პატრულირებისა და სწრაფი რეაგირების სამსახურის ეკიპაჟების სრული აღჭურვილობაც, მათ შორის, სამხრე კამერები, დარტყმაგამძლე პადები, საველე პირობებში სამუშაო ლეპტოპები, ხელის კომპიუტერები - ე.წ. დივაისები და ღამის ხედვის ბინოკლები. გარემოსდაცვითი ზედამხედველობის დეპარტამენტის უფროსის, ირაკლი მუკნიაშვილის განმარტებით, ადამიანური და ტექნიკური შესაძლებლობების გაძლიერების შემდეგ, დეპარტამენტი ქვეყნის თითოეულ მუნიციპალიტეტშია წარმოდგენილი, რაც საშუალებას იძლევა, თითოეულ შეტყობინებაზე დროული და ეფექტიანი რეაგირება მოხდეს. ახალი ტექნიკის პრეზენტაციამდე, ლევან დავითაშვილი გარემოსდაცვითი პატრულირებისა და სწრაფი რეაგირების იმ თანამშრომლებს შეხვდს, რომლებმაც სამსახურებრივი მოვალეობის შესრულების დროს, სამართალდამრღვევების მხრიდან გაწეული წინააღმდეგობის დროს, ფიზიკური დაზიანებ

8:50
ჰამბურგის ლაბორატორიაში ცხოველებზე სასტიკი მოპყრობის ფარული კადრები გავრცელდა
1 463 ნახვა 1 დღის წინ

გავრცელებულ ჩანაწერებში გარკვევით ჩანს, რა მდგომარეობაში ამყოფებენ ექსპერიმენტებისთვის შერჩეულ სხვადასხვა ცხოველებს კონკრეტულად კი მაიმუნებს, კატებს, ძაღლებსა და კურდღლებსაც. 

4:48
ნანა ბერძენიშვილი: "ლურჯი ვეშაპის" მენტორები იმუქრებიან, რომ დავალების არშესრულების ან კონტაქტზე დიდი ხნის განმავლობაში არ გასვლის შემთხვევაში, მოთამაშეების ოჯახის წევრებს ფიზიკურად გაუსწორდებიან
646 ნახვა 1 დღის წინ

ნანა ბერძენიშვილი: მენტორები იმუქრებიან, რომ დავალების არშესრულების ან კონტაქტზე დიდი ხნის განმავლობაში არ გასვლის შემთხვევაში მათი ოჯახის წევრებს ფიზიკურად გაუსწორდებიან

0:60
როდის თხოვდები? ბავშვს როდის გეგმავთ? - Volkswagen-ის კრეატიული ვიდეორგოლი 
486 ნახვა 1 დღის წინ

ყველასთვის მოსაბეზრებელი კითხვები- როდის თხოვდები? რამე სიახლე ხომ არაა? ბავშვს როდის გეგმავთ?შვილიშვილები მინდა!. Volkswagen-ის სახალისო ვიდეორგოლში, სწორედ ყველასთვის შემაწუხებელი საკითხია წარმოჩენილი. ვიდეოში წყვილს ოჯახის წევრები და ბებია-ბაბუები ამ უხერხული კითხვებით დასდევენ. სინამდვილეში კი, ეს სიუჟეტი Volkswagen-ის ახალი კომპაქტური მოდელის T-Cross რეკლამაა, რომელზეც სააგენტო Ogilvy-მ იმუშავა.

0:27
ბარსელონაში "საგრადა-ფამილია" დაკეტეს, ტაძარში ტურისტები იმყოფებიან
274 ნახვა 1 დღის წინ

#ახალიამბებიბარსელონაში მიმდინარე საპროტესტო აქციების ფონზე ტაძარი Basílica de la Sagrada Família (წმინდა ოჯახის ტაძარი) დაიკეტა. მანამდე აქციის მონაწილეებმა ტაძარში შესასვლელი დაბლოკეს. როგორც მედიას განუცხადეს, ტაძარში ტურისტები იმყოფებიან, თუმცა რამდენი ადამიანია უცნობია. შეკრებილები სკანდირებენ „თავისუფლება პოლიტპატიმრებს“ და „პუჩდემონი - ჩვენი პრეზიდენტია“. კატალონიაში საპროტესტო აქციების მას შემდეგ დაიწყო, რაც 14 ოქტომბერს ესპანეთის უზენაესმა სასამართლომ კატალონიელ პოლიტიკოსებს, რომლებმაც 2017 წლის დამოუკიდებლობის შესახებ რეფერენდუმი გამართეს 9-დან 13 წლამდე თავისუფლების აღკვეთა მიუსაჯეს. რეგიონის ყოფილ თავმჯდომარეზე კარლეს პუჩდემონზე კი ევროპის ორდერი მეორედ გაიცა. ბოლო სამი დღის განმავლობაში სხვადასხვა ქაალაქებში არეულობის ფონზე სულ მცირე 550 ადამიანია დაშავებული, მათ შორის 200 პოლიციელია, 100-ზე მეტი დააკავეს. ბარსელონაში აქციის მონაწილეები მანქანებს და ნაგვის ურნებს უკიდებენ ცეცხლს, მაღაზიებს არბევენ, ქვებს და ე.წ. მოლოტოვის კოქტეილებს ისვრიან.

29:45
"მარტყმევინა თავი სარეცხის მანქანაზე და ამაგლიჯა ფრჩხილები"- ცოლზე სასტიკი ძალადობის მორიგი ფაქტი
530 ნახვა 1 დღის წინ

"მარტყმევინა თავი სარეცხის მანქანაზე და ამაგლიჯა ფრჩხილები"- ცოლზე სასტიკი ძალადობის მორიგი ფაქტი

0:08
სცენიდან გადავარდნილი ლეიდი გაგა
17 475 ნახვა 1 დღის წინ

#ახალიამბებიამერიკელი სუპერვარსკვლავი ლედი გაგა ლას-ვეგასში კონცერტის მიმდინარეობისას სცენიდან გადავარდა. მომღერალმა ერთ-ერთი სიმღერის შესრულების დროს სცენაზე გულშემატკივარი მოიწვია, რომელმაც ზედმეტი აღფრთოვანებისგან ვარსკვლავი ხელში აიტაცა, თუმცა წონასწორობა ვერ შეინარჩუნა და ორივე სცენიდან გადავარდა. ფაქტის ამსახველი კადრები კონცერტზე მყოფმა გულშემატკივრებმა გაავრცელეს.

0:45
ანკარაში აშშ-ის ვიცე-პრეზიდენტის და თურქეთის პრეზიდენტის შეხვედრა მიმდინარეობს
2 562 ნახვა 2 დღის წინ

#ახალიამბებიანკარაში, ამ წუთებში, თურქეთის პრეზიდენტის რეჯეპ თაიფ ერდოღანის და აშშ-ის ვიცე-პრეზიდენტის მაიკ პენსის შეხვედრა მიმდინარეობს. შეხვედრა საპრეზიდენტო კომპლექსში ადგილობრივი დროით 15:40 საათზე დაიწყო და მედიისთვის დახურულ რეჟიმში მიმდინარეობს. აღსანიშნავია, რომ ორი დღის წინ ერდოღანმა განაცხადა, რომ მხოლოდ დონალდ ტრამპთან გამართავდა შეხვედრას, თუმცა 16 ოქტომბერს გადაწყვეტილება შეცვალა. მხარეები სირიაში თურქეთის მიერ წარმოებულ სამხედრო ოპერაციას განიხილავენ.

0:45
ლონდონის მეტროში შეტაკება მოხდა
1 906 ნახვა 2 დღის წინ

#ახალიამბებილონდონის მეტროში ეკოაქტივისტებმა მეტროს პარალიზება მოახდინეს, რამაც მგზავრებსა და აქტივისტებს შორის ფიზიკური დაპირისპირება გამოიწვია. აქტივისტები მთავრობისგან კლიმატის ცვლილებებზე რეაგირებას ითხოვენ. Reuters წერს, რომ ბრიტანეთის სატრანსპორტო პოლიციაში განაცხადეს, რამდენიმე რაიონში ინციდენტების არიდება შეძლო. 15 ოქტომბერს ბრიტანეთის პოლიციამ ლონდონში Extinction Rebellion-ის აქტივისტების პროტესტების შეწვყეტის ბრძანება გასცა, რომლებიც მანამდე, ერთი კვირის განმავლობაში კლიმატის ცვლილებას აპროტესტებდნენ. სამართალდამცავ უწყებაში აღნიშნეს, რომ ერთ კვირაში 1445 ადამიანი დააკავეს.

2:18
ლისის ტბაზე მომხდარ მკვლელობასთან დაკავშირებით შსს განმარტებას აკეთებს
8 361 ნახვა 3 დღის წინ

#ახალიამბებიშინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს სამმართველოს თანამშრომლებმა, ინტენსიური ოპერატიულ-სამძებრო და საგამოძიებო ღონისძიებების შედეგად, 2019 წლის 6 ოქტომბერს, ლისის ტბის მიმდებარე ტერიტორიაზე მომხდარი განზრახ მკვლელობის ფაქტი გახსნეს. როგორც დღეს გამართულ ბრიფინგზე შს მინისტრის მოადგილემ, ვლადიმერ ბორცვაძემ განაცხადა, დანაშაულის ჩადენაში ბრალდებულია 5 პირი. მისივე ინფორმაციით, დამამძიმებელ გარემოებაში ჯგუფურად ჩადენილი განზრახ მკვლელობის, დამამძიმებელ გარემოებაში ჯგუფურად ჩადენილ განზრახ მკვლელობაში დახმარების და წინასწარი შეთანხმებით ჯგუფის მიერ თავისუფლების უკანონოდ აღკვეთის ბრალდებით, დაუსწრებლად პასუხისგებაში მიცემულია: 1979 წელს დაბადებული დ.რ., 1986 წელს დაბადებული ვ.კ., 1980 წელს დაბადებული ნ.კ., 1979 წელს დაბადებული ზ.მ. და 1977 წელს დაბადებული დ.ბ. "მათ მიერ ჩადენილი დანაშაული 7-დან 17 წლამდე ვადით თავისუფლების აღკვეთას ითვალისწინებს.საქმეზე ჩატარებული გამოძიებით დადგინდა, რომ ბრალდებულებმა მიმდინარე წლის 6 ოქტომბერს, თბილისში, აკაკი გახოკიძის ქუჩაზე, წინასწარი შეთანხმების საფუძველზე, იარაღის მუქარითა და ფიზიკური ძალის გამოყენებით, იძულებით, უკანონოდ აღუკვეთეს თავისუფლება 1979 წელს დაბადებულ გ.ვ.-ს. ამის შემდეგ ლისის ტბისა და ბრიტანული სკოლის მიმდებარე ტერიტორიაზე, მოკვლის განზრახვით, ჯგუფურად, დანისა და ცეცხლსასროლი იარაღის გამოყენებით, მათ გ.ვ.-ს სხეულზე სიცოცხლისთვის სახიფათო დაზიანებები მიაყენეს, რის შედეგადაც იგი საავადმყოფოში გარდაიცვალა. ​გამოძიების ამ ეტაპზე დგინდება, რომ დანაშაულის მოტივი გახდა ერთ-ერთ ბრალდებულსა და გარდაცვლილს შორის მკვლელობის წინა დღეს მომხდარი სიტყვიერი დაპირისპირება. ​გამოძიება საქართველოს სისხლის სამართლის კოდექსის 109-ე მუხლის მე-2 ნაწილით, 25-109-ე მუხლის მე-2 ნაწილით, 236-ე მუხლით და 143-ე მუხლის მე-2 და მე-3 ნაწილებით მიმდინარეობს. ვინაიდან ხუთივე ბრალდებული თავს არიდებს საგამოძიებო ორგანოში გამოცხადებას და იმყოფებიან მიმალვაში, მათზე გამოცხადებულია ძებნა. მათი ადგილსამყოფელის დადგენა-დაკავების მიზნით ტარდება კომპლექსური ოპერატიულ-სამძებრო და საგამოძიებო მოქმედებები",-

0:20
რუსთავის მერიასთან “მოსეირნე” ღორები
5 505 ნახვა 3 დღის წინ

#ახალიამბებისოციალურ ქსელში გავრცელდა ვიდეო, სადაც ჩანს ქალაქ რუსთავის მერიასთან როგორ “სეირნობენ” ღორები. ფაქტმა სოცქსელის მომხმარებელი გაახალისა.

2:29
საფრანგეთში პოლიციამ მეხანძრეების აქციაზე ცრემლსადენი გაზი გამოიყენა
1 006 ნახვა 3 დღის წინ

#ახალიამბებიპარიზში პოლიციამ მეხანძრეების წინააღმდეგ ცრემლსადენი გაზი გამოიყენა. აქციის მონაწილეები ხელფასების მატებას მოითხოვენ. France 24.-ის ინფორმაციით, პოლიციამ ასევე წყლის ჭავლი გამოიყენა, როდესაც მსვლელობა ოფიციალურ მარშრუტს გასცდა და ზოგიერთმა მეხანძრემ პარიზის აღმოსავლეთ მხარეს გზის გადაკეტვა სცადა. როგორც მეხანძრეების პროფკავშირების პრეზიდენტმა ანდრე გორეტიმ განაცხადა, მეხანძრეები პროტესტს ივნისიდან გამოთქვამენ, მაგრამ ხელისუფლებისგან მხოლოდ კრიტიკა დაიმსახურეს.

4:28
“ეს არის მარაზმი”- თამარ ივერი საშვის გარეშე მცხეთაში არ შეუშვეს
4 669 ნახვა 4 დღის წინ

#ახალიამბებიმსოფლიო დონის სოპრანო თამარ ივერი გუშინ მცხეთაში სპეციალური საშვის გარეშე არ შეუშვეს. ვარსკვლავი ამის შესახებ სოციალურ ქსელ “ფეისბუქის” პირდაპირ ჩართვაში საუბრობს. 14 ოქტომბერს მცხეთობა, სვეტიცხოვლობა, იგივე კვართის დღესასწაული ​აღინიშნება. დღესასწაულთან დაკავშირებით, საზეიმო წირვა სვეტიცხოვლის საკათედრო ტაძარში ტარდება და უამრავი მორწმუნე იკრიბება.

1:42
გიორგი გახარია: სვეტიცხოველი არის ქართული ეკლესიის სიმბოლო
2 598 ნახვა 5 დღის წინ

#ახალიამბებისაქართველოს პრემიერმინისტრმა გიორგი გახარიამ სრულიად საქართველოს დღევანდელი დღე სვეტიცხოვლის საკათედრო ტაძრიდან მიულოცა. პრემიერი სვეტიცხოვლობასთან დაკავშირებით მცხეთაში საზეიმო ლიტურგიას დაესწრო. „დღეს სრულიად საქართველო ზეიმობს და აღნიშნავს სვეტიცხოვლობას. სვეტიცხოველი არის ქართული ეკლესიის სიმბოლო და თავად მცხეთა არის ქართული ისტორიის სიმბოლო. თითოეულ ქართველს გილოცავთ ამ დღეს. ჩემთვის დიდი პატივია, დღეს მქონდეს საშუალება, აქედან მოგილოცოთ“, – განაცხადა გიორგი გახარიამ. 14 ოქტომბერს მცხეთობა, სვეტიცხოვლობა, იგივე კვართის დღესასწაული ​აღინიშნება.

0:38
"ალაჰ აკბარ" - თურქმა სამხედროებმა სირიაში მშვიდობიანი მოქალაქეები და ერთი პოლიტიკოსი დაცხრილეს
2 916 ნახვა 5 დღის წინ

#ახალიამბებითურქმა სამხედროებმა სირიის ჩრდილოეთით პოლიტიკოსი, სირიის მომავლის პარტიის გენერალური მდივანი ჰერვინ ჰალაფი მანქანიდან გამოათრიეს და დაცხრილეს. სირიის ადამიანის უფლებათა დაცვის მონიტორინგის ცენტრის ინფორმაციით, თურქმა სამხედროებმა სულ 9 ადამიანი დაცხრილეს. მოკლულთა შორის არიან პოლიტიკოსის მძღოლი და თანაშემწე. თუმცა, თურქეთის არმიაში მომხდარს უარყოფენ და ამბობენ, რომ ტრასამდე, რომელიც М4-ით არის ცნობილი, ჯერ მისულებიც არ არიან.

0:09
გერმანიაში ქურთებმა აქცია მოაწყვეს, კაფე და სავაჭრო ჯიხური დაარბიეს - არიან დაშავებულები
1 402 ნახვა 4 დღის წინ

#ახალიამბებიგერმანიის ქალაქ ჰერნეში ქურთებმა, სირიის ჩრდილოეთით თურქეთის მიერ წარმოებული სამხედრო ოპერაციის პროტესტის ნიშნად, მსვლელობა მოაწყვეს. თუმცა, აქციას მშვიდობიანად არ ჩაუვლია. სულ მცირე 5 ადამიანია დაშავებული, მათ შორის ერთი სამართალდამცველი. ადგილობრივ პოლიციაში აცხადებენ, რომ შეტაკება იმ დროს მოხდა, როდესაც აქციის მონაწილეები ერთ-ერთ სავაჭრო ჯიხურთან გადიოდნენ. არეულობის პროვოცირება ჯიხურში მყოფი მამაკაციდან დაიწყო, რომელიც კოლონას მისამართით შეურაცხმყოფელ ჟესტებს აკეთებდა. შეტაკების შედეგად ჯიხურში მყოფი მამაკაცი და ქალი დაშავდნენ. ამის შემდეგ აქციის მონაწილეებმა თურქულ კაფეში მინები ჩაამსხვრიეს და ავეჯი დაარბიეს, ამ დროს კაფის ერთ-ერთი თანამშრომელი და პოლიციელი დაშავდნენ. საპროტესტო აქციაში 350-მდე ადამიანი მონაწილეობდა, ის ადგილობრივი ხელისუფლების მიერ სანქცირებული არ ყოფილა. აღსანიშნავია, რომ გერმანიის ოფიციალური პირები სირიაში წარმოებული ოპერაციის კანონიერებას ეჭვქვეშ აყენებენ. 14 ოქტომბერს გერმანიის კანცლერმა ანგელა მერკელმა თურქეთის პრეზიდენტ რეჯეპ თაიპ ერდოღანთან სატელეფონო საუბარი გამართა, რომლის დროს მოუწოდა ანკარას ოპერაცია დაუყოვნებლივ შეწყვიტოს. მისი თქმით, ოპერაცია რეგიონის დესტაბილიზაციას გამოიწვევს, ასევე „ისლამური სახელმწიფოს“ გაძლიერებას შეუწყობს ხელს. თურქეთმა ჩრდილოეთ სირიაში ქურთების წინააღმდეგ სამხედრო ოპერაცია „მშვიდობის წყარო“ 9 ოქტომბერს დაიწყო.

0:30
ბარსელონაში აეროპორტში მომხდარი შეტაკების დროს აქციის 56 მონაწილე დაშავდა
1 836 ნახვა 4 დღის წინ

#ახალიამბებიესპანეთში, ბარსელონის აეროპორტში აქციის დარბევის დროს, სულ მცირე, 56 ადამიანი დაშავდა. კატალონიაში საპროტესტო აქცია მას შემდეგ დაიწყო, რაც ესპანეთის უზენაესმა სასამართლომ 2017 წელს კატალონიაში დამოუკიდებლობის შესახებ ჩატარებული რეფერენდუმის გამო, კატალონიის 9 ლიდერს 9-დან 13-წლამდე თავისუფლების აღკვეთა მიუსაჯა. გარდა ამისა, მოსამართლემ კატალონიის მთავრობის ყოფილი თავმჯდომარის კარლეს პუჩდემონის დაკავების ევროპის ახალი ორდერი გასცა. ხალხი კატალონიის რამდენიმე ქალაქში შეიკრიბა, ბარსელონაში კი აქცია აეროპორტში გაგრძელდა. პოლიციის სპეციალური დანიშნულების რაზმმა ძალა გამოიყენა. დაშავებულთა დიდი ნაწილი 1 ტერმინალში იყო, მათგან 10 საავადმყოფოში გადაიყვანეს. დაშავებულთა შორის 3 ჟურნალისტია. არეულობის გამო, ასზე მეტი ავიარეისი გაუქმდა. აქციის შედეგად სულ მცირე სამი ადამიანია დაკავებული. ოპოზიცია შეკრებას დღესაც გეგმავს.

4:53
ხობის “კოლხეთის” კაპიტანმა გიორგი გოგენიამ “მეშახტეს” ფეხბურთელი სიკვდილს გადაარჩინა
1 851 ნახვა 6 დღის წინ

#ახალიამბები“ხობის კოლხეთის კაპიტანმა” – გიორგი გოგენიამ “მეშახტეს” ფეხბურთელი სიკვდილს გადაარჩინა. შემთხვევა 8 ოქტომბერს მოხდა. ტყიბულის სტადიონზე “მეშახატესა” და ხობის “კოლხეთს” შორის მატჩში საჰაერო ორთაბრძოლის დროს შეჯახების შედეგად ზურა გელაშვილმა და ირაკლი ჭანკვეტაძემ მძიმე ტრავმები მიიღეს. გელაშვილმა შეჯახების დროს გონება დაკარგა, რასაც მოედანზე პანიკა მოჰყვა, თუმცა ამ დროს მეტოქე ფეხბურთელმა გიორგი გოგენიამ ზურას სიცოცხლე საკუთარი ხელებით გადაარჩინა, რის გამოც თავადაც მიიღო სხეულის დაზიანება. ფაქტის ამსახველ ვიდეოს საფეხბურთო კლუბი სკ “მეშახტე” ტყიბული სოციალურ ქსელში ავრცელებს და მადლობას უხდის დახმარების აღმოჩენისთვის “ხობის კოლხეთის” კაპიტანს. “დახმარების აღმოჩენის დაგვიანების შემთხვევაში შეიძლებოდა ყველაფერი ტრაგიკულად დასრულებულიყო. ტყიბულის “მეშახტე” სრული შემადგენლობით და გუნდის გულშემატკივრები მადლობას ვუხდით ხობის “კოლხეთის” კაპიტანს”,- აღნიშნულია სოციალურ ქსელში გავრცელებული ვიდეოს აღწერაში.

3:01
საბავშვო ევროვიზიის მონაწილის გიორგი როსტიაშვილის საკონკურსო სიმღერა ინტერნეტჰიტია
3 832 ნახვა 8 დღის წინ

#ახალიამბები2019 წლის საბავშვო ევროვიზიის მონაწილის – გიორგი როსტიაშვილის საკონკურსო სიმღერა “გვინდა, გვიყვარდეს” (We Need Love) ინტერნეტჰიტად იქცა. სოციალურ ქსელში ვიდეორგოლმა დიდი მოწონება დაიმსახურა. ევროვიზიის საკონკურსო სიმღერის “გვინდა, გვიყვარდეს” ავტორი – დავით ევგენიძეა, კლიპი ზაზა ორაშვილმა გადაიღო, ხოლო მხატვარი შაკო პოპიაშვილია. გიორგი როსტიაშვილი საბავშვო კონკურსის “რანინას” მეორე სეზონის გამარჯვებულია. საბავშვო ევროვიზია 2019 პოლონეთში 24 ნოემბერს გაიმართება.

8:37
ხაშურში დაჭრილი 30 წლის გოგონა დაიღუპა
9 547 ნახვა 8 დღის წინ

#ახალიამბებიხაშურის საავადმყოფოში, ყოფილი მეუღლის მიერ დაჭრილი ახალგაზრდა ქალი გარდაიცვალა. ქალს ბლაგვი საგნით მიყენებული დაზიანებები თავის არეში აღენიშნებოდა. ახლობლების ინფორმაციით, დღეს სასამართლო პროცესი უნდა გამართულიყო, სადაც განქორწინება ოფიციალურად მოხდებოდა. “რეგიონული კვირის” ინფორმაციით, ქალს ხაშურში მეორადი ტანსაცმლის მაღაზია აქვს, სწორედ იქ გაუსწორდა ფიზიკურად მამაკაცი მეუღლეს. “6 წელია ცალ-ცალკე ცხოვრობენ, დღეს უნდა ჰქონოდათ სასამართლო პროცესი და ასეთი საშინელება ჩაიდინა. ჯერ მაღაზია გადაცხრილა და მერე კონდახით სცემა”, – ამბობს დაშავებული ქალის ახლობელი. როგორც “რეგიონულ კვირას” შს სამინისტროში განუცხადეს, მომხდარზე გამოძიება სსკ 19. 108-ე მუხლით დაიწყო, რაც განზრახ მკვლელობას გულისხმობს. ოჯახის ინფორმაციით, მამაკაცი ამ დროისთვის დაკავებული არ არის.

4:45
ალექსანდრე ზაზარაშვილის საოცრად შესრულებული Torna a Surriento და “ლალე”
2 094 ნახვა 8 დღის წინ

#ახალიამბებიყველასთვის ცნობილი ქართველი ბიჭი ალექსანდრე ზაზარაშვილი, რომელიც უკრაინული “ვოისის” გამარჯვებული გახდა, ამჯერად ერთ-ერთი ძალიან პოპულარული ამერიკული შოუსთვის ემზადება. გთავაზობთ ქართველი ვარსკვლავის შესრულებით Torna a Surriento-ს და “ლალეს”, რომლებმაც მსმენელი აღაფრთოვანა და მხურვალე აპლოდისმენტები დაიმსახურა, ამჯერად მსოფლიოს ერთ-ერთ უმთავრეს საკონცერტო დარბაზში, ვიდეომ სოციალურ ქსელშიც დიდი მოწონება დაიმსახურა.

0:50
ბერა ივანიშვილი მეუღლესთან ერთად ახალ ვიდეორგოლს აქვეყნებს
10 048 ნახვა 8 დღის წინ

#ახალიამბებიქართველი მომღერალი, მუსიკოსი და კომპოზიტორი, ბერა ივანიშვილი სოციალურ ქსელ “instagram”-ზე ვიდეორგოლს აქვეყნებს, რომელშიც მისი მეუღლე ნანუკა გუდავაძეც მონაწილეობს.

3:41
ათასობით აბი ნარკოტიკი და კილოგრამობით "მარიხუანა" - პოლიციამ თბილისში ნარკორეალიზატორები დააკავა
1 018 ნახვა 8 დღის წინ

#ახალიამბებიშინაგან საქმეთა სამინისტროს ცენტრალური კრიმინალური პოლიციის დეპარტამენტის დირექტორის, მამუკა ჭელიძის ინფორმაციით, პოლიციამ ნარკოდანაშაულისთვის 8 პირი - მათ შორის 5 ნარკორეალიზატორია დააკავა. მისივე თქმით, თბილისის აეროპორტში დააკავეს პირი, რომლის ხელბარგის ჩხრეკისას, 23 კილოგრამი ნარკოტიკული საშუალება „მარიხუანა“ ამოიღეს. "ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლების მიერ, ნარკოტიკების უკანონო შეძენა-შენახვისა და გასაღების ბრალდებით, თბილისში ერთი პირია დაკავებული. 1992 წელს დაბადებული ი.ქ.-ს საცხოვრებელი ბინის ჩხრეკისას ნივთმტკიცებად ამოღებულია „ბუპრენორფინის“ შემცველი ნარკოტიკული საშუალება „სუბუტექსის“ 1303 აბი და 16 ნატეხი, ასევე, 2900 აშშ დოლარი და 100 ლარი. გარდა ამისა, სამართალდამცველებმა, ასევე, ამოიღეს ბრალდებულის მიერ სხვადასხვა ლოკაციაზე განთავსებული, სარეალიზაციოდ გამზადებული, „ბუპრენორფინის“ შემცველი ნარკოტიკული საშუალება „სუბოტექსის“ 40 აბი. გამოძიება საქართველოს სსკ-ის 260-ე მუხლის მე-4 ნაწილით მიმდინარეობს. ამავე დეპარტამენტის თანამშრომლების მიერ ნარკოდანაშაულისთვის კიდევ ერთი პირია რუსთავში დაკავებული. პოლიციამ, 1982 წელს დაბადებული ნ.მ.-ს პირადი ჩხრეკისას, 963 გრამი ნარკოტიკული საშუალება „ჰეროინი“ ამოიღო. გამოძიება საქართველოს სსკ-ის 260-ე მუხლის მე-6 ნაწილის "ა" ქვეპუნქტით მიმდინარეობს. თბილისის პოლიციის დეპარტამენტის თანამშრომლებმა, ინტენსიური ოპერატიულ-საგამოძიებო მოქმედებების შედეგად, ნარკორეალიზატორთა ორგანიზებული ჯგუფი გამოავლინეს, მისი წევრები კი ნარკოტიკული საშუალების უკანონო შეძენა-შენახვის და გასაღების ბრალდებით დააკავეს. მოსამართლის განჩინების საფუძველზე დაკავებულები არიან: 1972 წელს დაბადებული ზ.ბ., 1976 წელს დაბადებული ა.თ. და 1971 წელს დაბადებული ბ.კ. ​გამოძიებით დადგინდა, რომ ბრალდებულები სარეალიზაციოდ გამზადებულ ნარკოტიკულ საშუალებებს თბილისის სხვადასხვა უბანში, სპეციალურ სამალავებში ათავსებდნენ და მათი შეძენის მსურველებს, საკომუნიკაციო პლატფორმების საშუალებით, აღნიშნული ლოკაციების ამსახველ ფოტოებს უგზავნიდნენ. სამართალდამცველებმა, დაკავ

29:38
გავრცელებული ინფორმაციით, კიევში "ქართული ლეგიონის" წევრები დააკავეს
9 950 ნახვა 9 დღის წინ

#ახალიამბებიკიევში "ქართული ლეგიონის" წევრები დააკავეს. ამის შესახებ ინფორმაციას სოციალური ქსელის ერთ-ერთი მომხმარებელი ავრცელებს და ფაქტის ამსახველ ფოტო/ვიდეო მასალასაც აქვეყნებს. ტატიანა პეტრიშინი წერს, რომ „უკრაინაში განუკითხაობას საზღვარი არ აქვს. უმიზეზოდ, ახსნა-განმარტების გარეშე, აკავებენ მათ, ვინც ჩვენთვის სისხლი დაღვარა. ისინი ვისაც უკრაინისთვის არ უღალატია, და მძიმე წუთებში ჩვენთან ერთად იყვნენ. გვჭირდება, სამოქალაქო მხარდაჭერა და კვალიფიციური იურიდიული დახმარება. ჩვენი პოლიცია დაესხა თავს მოხალისეებს და უკრაინის გმირებს - ქართული ლეგიონის ჯარისკაცებს. დარწმუნებული ვარ, ეს არ არის ფორმაში ჩაცმული ადამიანების შეცდომა, იმიტომ რომ ქართული ლეგიონის და იური რუდენკოს საჯარო გამოსვლები, ზოგიერთ ადამიანს უკვე ნორმალურად სუნთქვის საშუალებას არ აძლევს. ხელები შორს ქართული ლეგიონის მებრძოლებისგან!“,-წერს სოციალური ქსელის მომხმარებელი.

0:08
ავსტრიაში ძლიერი აფეთქება მოხდა - არიან დაშავებულები
1 062 ნახვა 9 დღის წინ

#ახალიამბებიავსტრიის ქალაქ ლინცში, აეროპორტთან ახლოს ძლიერი აფეთქება მოხდა. დაშავებულთა შესახებ მედია განსხვავებულ მონაცემს ავრცელებს. ტელეარხის N-TV-ს ინფორმაციით, ორი ადამიანი მძიმედ დაშავდა, Kronen Zeitung კი, ცხრა დაშავებულზე საუბრობს, მათგან სამი მძიმე მდგომარეობაშია. მედია აღნიშნავს, რომ აფეთქება ნაგვის უტილიზაციის საწარმოში მოხდა, რომელიც აეროპორტის ტერიტორიაზე მდებარეობს. შენობაში სახანძრო და სამაშველო სამსახურების თანამშრომლები მუშაობენ. Kronen Zeitung აღნიშნავს, რომ მომხდარს ავიამიმოსვლის შეფერხება არ გამოუწვევია.

4:11
გახარია ალიევს - დარწმუნებული ვართ, ამ ვიზიტით ჩვენს მოყვარეებსაც და მტრებსაც კიდევ ერთხელ დავუმტკიცებთ, რომ არ არსებობს აზერბაიჯანსა და საქართველოს შორის ძმურად, მეგობრულად გადაუწყვეტელი პრობლემები
12 265 ნახვა 10 დღის წინ

#ახალიამბებიპრემიერ-მინისტრის რანგში პირველი ვიზიტი აზერბაიჯანში შემთხვევითი არ არის, რამეთუ დარწმუნებული ვართ, რომ ამ ვიზიტით ჩვენ ჩვენს მოყვარეებსაც და მტრებსაც კიდევ ერთხელ დავუმტკიცებთ, რომ არ არსებობს აზერბაიჯანსა და საქართველოს შორის ძმურად, მეგობრულად გადაუწყვეტელი პრობლემები, - ამის შესახებ საქართველოს პრემიერ-მინისტრმა გიორგი გახარიამ აზერბაიჯანის რესპუბლიკის პრეზიდენტ ილჰამ ალიევთან შეხვედრისას განაცხადა. საქართველოს მთავრობის ხელმძღვანელის ოფიციალური ვიზიტი აზერბაიჯანის რესპუბლიკაში, პრეზიდენტ ალიევთან პირისპირ შეხვედრით დაიწყო. ყურადღება გამახვილდა ორი ქვეყნის სტრატეგიული პარტნიორობის ძირითად მიმართულებებზე, ორმხრივი თანამშრომლობის დღის წესრიგის მნიშვნელოვან საკითხებზე და რეგიონული დატვირთვის პროექტებზე, რომლებსაც საქართველო და აზერბაიჯანი ერთობლივად ახორციელებენ. პრემიერ-მინისტრმა აზერბაიჯანის რესპუბლიკის პრეზიდენტს გულთბილი მასპინძლობისთვის მადლობა გადაუხადა. "ძალიან კარგად მახსოვს ჩვენი შეხვედრები,ძალიან გულწრფელი, ღია საუბრები,რაც ჩემთვის ძალიან დიდი გამოცდილება იყო. აზერბაიჯანი და საქართველო უახლოესი მეგობრები და პარტნიორები არიან. ჩვენი პარტნიორობა მართლაც გასცდა რეგიონულ მნიშვნელობას და საერთაშორისო დონის თემა გახდა, განსაკუთრებით ეკონომიკურ განზომილებაში, ენერგომატარებლების, ტრანსპორტის, ვაჭრობის სფეროებში. საქართველო და აზერბაიჯანი მყარად და ურყევად უჭერენ მხარს ერთმანეთს საერთაშორისო ფორმატებში. რა თქმა უნდა, ეს პრინციპულად მნიშვნელოვანია და მადლობას გიხდით საქართველოს ტერიტორიული მთლიანობის მხარდაჭერისთვის. განსაკუთრებით ხაზგასასმელია ჩვენს მოქალაქეებს შორის ადამიანურ დონეზე ძალიან თბილი და მჭიდრო ურთიერთობები, რომელიც საუკუნეების ისტორიას და კულტურულ ურთიერთობას მოიცავს. როგორც ყოველთვის, დღესაც დარწმუნებული ვარ, რომ ჩვენი ვიზიტი, საუბრები და საქმიანი განხილვები იქნება უაღრესად პროდუქტიული და კიდევ ერთხელ დაუმტკიცებს ყველას, ჩვენს მეგობარსაც და მტერსაც, რომ საქართველო და აზერბაიჯანი ყოველთვის იპოვიან სწორ სიტყვებს და გზებს არსებული პრობლემების გადასაწყვეტად", - განაცხადა პრემიერ-მინისტრმა. აზერბაიჯანის რესპუბლიკის პრეზიდენტმა გიორგი გახა

3:05
ირაკლი კობახიძე "გავრილოვის მოვლენებზე" - ოპოზიციამ აქციისთვის ტრანსფარანტები 10 დღით ადრე დაბეჭდა(ვიდეო)
2 745 ნახვა 10 დღის წინ

#ახალიამბებისაქართველოს პარლამენტის ყოფილი თავმჯდომარე ირაკლი კობახიძე მიიჩნევს, რომ ოპოზიციის მხრიდან არეულობის "სცენარი" მართლმადიდებლობის საპარლამენტთაშორისო ასამბლეის თბილისში ჩატარებასთან დაკავშირებით წინასწარ იყო დაგეგმილი. როგორც ირაკლი კობახიძემ ივნისის მოვლენებზე საუბრისას განმარტა, ამას ადასტურებს თუნდაც ის, რომ ოპოზიციის წარმომადგენლებს ტრანსფარანტები წინასწარ ჰქონდათ მომზადებული და იცის სავარაუდო სტამბაც, სადაც ეს ტრანსფარანტები დაახლოებით 10 დღით ადრე შეუკვეთეს. ამის შესახებ ირაკლი კობახიძემ ტელეკომპანია "იმედის" გადაცემა "SWOT ანალიზი"-ში სტუმრობის დროს ისაუბრა. კობახიძე ამბობს, რომ ოპოზიციის წარმომადგენლებს ანსამბლეის ჩატარებამდე ესაუბრა რისკების შესახებ, თუმცა მათი მხრიდან მიიღო "იგნორი". "ყველაფერი იყო შემზადებული, ოპოზიციამ წინასწარ იცოდა იმის შესახებაც, რომ გარკვეული რისკებზე ვსაუბრობდით, ამაზე მისაუბრია "ევროპული საქართველოს" წარმომადგენლებთანაც, თუმცა მათი რეაქცია იყო იგნორი, ეს იყო 1 კვირით ადრე, 1 თვით ადრე", - აცხადებს ირაკლი კობახიძე. კობახიძე მიიჩნევს, რომ სწორედ ამ იგნორის გამო გაჩნდა ეჭვები, რომ ოპოზიციას სულ სხვა გეგმები ჰქონდა, არ აინტერესებდა რისკების ნეიტრალიზაციაში მონაწილეობის მიღება და ელოდებოდა საბაბს, რათა გამოეწვია არეულობა. ასევე, ირაკლი კობახიძე საუბრობს ტრანსფარანტების შესახებ და ამბობს, რომ მიტინგზე 2 საათში წინასწარი შეკვეთის გარეშე ტრანსფარანტები ​ ვერ გამოჩნდებოდა. "ტრანსფარანტები წინასწარ იყო გამზადებული, მაქვს დასაზუსტებელი ინფორმაცია, რომ კონკრეტულმა სტამბამ მიიღო შეკვეთა 10 დღით ადრე, თუმცა ამას დაზუსტება არ სჭირდება, რადგან 2 საათში მიტინგზე იყო დაბეჭდილი ტრანსფარანტები", - ამბობს კობახიძე.

1:29
გოცირიძის კითხვაზე, ვინ დაწერა "დიდოსტატის მარჯვენა" თადუმაძემ უპასუხა, რომ არ იცის
3 102 ნახვა 10 დღის წინ

#ახალიამბებისაქართველოს გენერალურმა პროკურორმა შალვა თადუმაძემ ოპოზიციონერი დეპუტატის, რომან გოცირიძის კითხვაზე, ვინ დაწერა „დიდოსტატის მარჯვენა“, უპასუხა, რომ არ იცის. ოპონენტმა, „ნაცმოძრაობის“ თავმჯდომარემ, რომან გოცირიძემ აღნიშნული კითხვით თადუმაძეს იურიდიულ საკითხთა კომიტეტის სხდომაზე მიმართა, სადაც გენერალურ პროკურორ შალვა თადუმაძეს, უზენაესი სასამართლოს მოსამართლეობის კანდიდატის რანგში უსმენენ

0:47
შალვა თადუმაძე: სამწუხაროდ, 3-იანები მყავდა
1 902 ნახვა 10 დღის წინ

#ახალიამბები„ევროპული საქართველოს“ წევრმა ოთარ კახიძემ უზენაესი სასამართლოს მოსამართლეობის კანდიდატ, მოქმედ გენერალურ პროკურორ, შალვა თადუმაძეს კითხვა დაუსვა - თუ ვინ ასწავლიდა საერთაშორისო სამართალს და რა ნიშანი ჰყავდა მას ამ საგანში. "არ ვიცი რა მიწერია, თქვენ ნახეთ, სამწუხაროდ, 3-იანები მყავს", - უპასუხა თადუმაძემ. კახიძის თქმით კი, აღნიშნულ საგანს საერთოდ არ სწავლობდა შალვა თადუმაძე, რადგან, საგნების სიის ჩამონათვალში არ იძებნება.

2:04
გიგა ბოკერია შალვა თადუმაძეს: ''სამი თანაკურსელის გვარი დამისახელეთ''
4 715 ნახვა 10 დღის წინ

#ახალიამბებისაქართველოს პარლამენტის იურიდიულ საკითხთა კომიტეტში უზენაესი სასამართლოს მოსამართლეობის კანდიდატის, მოქმედი გენერალური პროკურორის შალვა თადუმაძის მოსმენა მიმდინარეობს. სხვა საკითხებთან ერთად, მოსმენაზე აქტუალურია თადუმაძის დიპლომის წარმომავლობა. ოპოზიცია ეჭვობს, რომ დიპლომი სავარაუდოდ გაყალბებულია. "ევროპული საქართველოს" ერთ-ერთმა ლიდერმა გიგა ბოკერიამ თადუმაძეს დოკუმენტის წარმომავლობის დადგენის მიზნით სთხოვა სამი თანაკურსელის, ან სამი ლექტორის დასახელება. შალვა თადუმაძემ ბოკერიას უთხრა რომ შეუძლია 10 თანაკურსელის და ლექტორის დასახლება, თუმცა მათი ნებართვის გარეშე ამას ვერ გააკეთებს.

0:20
თაკო ნაცვლიშვილი ჯულია რობერტსთან ერთად სარეკლამო რგოლში მონაწილეობს
10 735 ნახვა 10 დღის წინ

#ახალიამბებიქართველი მოდელი- თაკო ნაცვლიშვილი, ჰოლივუდის მსახიობ - ჯულია რობერტსთან ერთად თეთრეულის  ბრენდ Calzedoni-ის სარეკლამო რგოლში გადაიღეს. ნაცვლიშვილი რეკლამაში კონსულტანტის როლს ასრულებს. ვიდეო სოციალურ ქსელ Instagram- ზე გავრცელდა. 

0:17
მექსიკაში ქალაქის მერი "პიკაპს" მიაბეს და "ათრიეს
20 420 ნახვა 10 დღის წინ

#ახალიამბებიმექსიკაში, ლას-მარგარიტას მუნიციპალიტეტის მერი ხორხე ესკანდონი პიკაპს მიაბეს და რამდენიმე ქუჩაზე "ათრიეს". გამოცემა Heraldodemexico წერს, რომ ამის მიზეზი გახდა ის, რომ ჩინოვნიკმა ადგილობრივებს ქალაქში გზების დაგებას დაჰპირდა, თუმცა დაპირება არ შეუსრულებია. მედიის ინფორმაციით, ესკანდონის სიცოცხლეს საფრთხე არ ემუქრება. ხელისუფლებამ კი, ადგილობრივები პოლიტიკოსის გატაცებაში დაადანაშაულეს და 30 ადამიანი დააკავა.

0:34
"მშენებარე კორპუსთან ქარი ამწეს ატრიალებს" - შოკისმომგვრელი კადრები დიღმიდან
1 805 ნახვა 12 დღის წინ

#ახალიამბებიკადრები, რომელიც სოცქსელში გავრცელდა, თბილისში, კერძოდ კი დიღომში, ლუბლიანას ქუჩაზეა გადაღებული. კადრებში ჩანს მშენებარე კორპუსთან მდგარი ამწე, რომელსაც ქარი ძლიერად ატრიალებს.

9:04
ვინ არიან ბავშვები, რომელთა ფოტომაც სოცქსელი დაიპყრო - ინტერვიუ ბექასთან და მარიამთან
2 034 ნახვა 12 დღის წინ

#ახალიამბები7წლის ბექასა და 6 წლის მარიამის ფოტო, რომელმაც სოციალური ქსელი დაიპყრო მთიულეთში ფილმის გადაღების დროს ფოტოგრაფმა გიორგი ნადირაშვილმა გადაიღო. როგორც "ახალი კვირის" სიუჟეტიდან ირკვევას ისინი მეგობრები არიან :

3:05
10 წლის გოგონას მიერ ემოციურად შესრულებული "ყვითელი ფოთლები"
1 294 ნახვა 13 დღის წინ

#ახალიამბები10 წლის ნატალია, რომელიც ინგლისში ცხოვრობს გია ყანჩელს მისივე სიმღერით დაემშვიდობა გოგონამ "ყვითელი ფოთლები" ემოციურად შესარულა.

4:31
ჰააგის მთავარ სამრეკლოზე გია ყანჩელის მელოდიები აჟღერდა
6 156 ნახვა 15 დღის წინ

#ახალიამბებიჰააგის მთავარ სამრეკლოზე, გია ყანჩელის პატივსაცემად, მისი მელოდიები აჟღერდა. ნიდერლანდების სამეფოში საქართველოს საელჩოს ინფორმაციით, 4 ოქტომბერს, გია ყანჩელის პატივსაცემად, „St.Jacobs“-ის სახელობის უძველესი ეკლესიის სამრეკლოს ყველაზე მაღალი წერტილიდან მისივე ნაწარმოებები - „ყვითელი ფოთლები“ და ფილმ „შერეკილებიდან“ მელოდია აჟღერდა. ჰააგის სამრეკლოს ზარებმა ასევე დაუკრეს  ყველა დროის ყველაზე პოპულარული ქართული მუსიკალური ნაწარმოებები - რევაზ ლაღიძის „თბილისოი“, „სულიკოი“ და დავით არჩვაძის „მონატრებიხარ ფიქრებს“. ქართული ჰანგებით ჰააგის მკვიდრნი, დღეს, 12:00 საათიდან ტკბებიან. ქართული ნაწარმოების ჰააგის მთავარი სამრეკლოდან ცოცხლად შესრულების იდეის ავტორია ნიდერლანდების სამეფოში საქართველოს ახალგაზრდა ელჩი ერეკლე კოპლატაძე. ერეკლეს ინიციატივითა და ძალისხმევით, მაისში, საქართველოს დამოუკიდებლობის დღის აღსანიშნავად, ქ. გრონინგენის შუა საუკუნეების სამრეკლოს ზარებზე ცოცხლად არაერთხელ შესრულდა სხვადასხვა ქართული ნაწარმოები, მათ შორის „თბილისო", „ჩიტო-გვრიტო", „სულიკო", ირაკლი ჩარკვიანის „ვიცი, რომ" და ფრაგმენტი ოპერიდან „დაისი".

0:58
მიხეილ სააკაშვილი: ტრამპი ყველგან ამბობდა, რომ სააკაშვილს ვიცნობ, ის ყველაზე მაგარიაო
1 190 ნახვა 15 დღის წინ

#ახალიამბებისაქართველოს ყოფილი პრეზიდენტის მიხეილ სააკაშვილის თქმით, აშშ-ის პრეზიდენტს დონალდ ტრამპს წინასაარჩევნო კამპანიის დროს წარმატებასთან სურდა ასოცირება, ამიტომ სააკაშვილთან ნიუ-იორკის ქუჩებში, თეატრებსა და რესტორნებში დადიოდა. ამის შესახებ სააკაშვილმა ოდესაში ახალგაზრდა მარკეტოლოგების წინაშე სიტყვით გამოსვლის დროს განაცხადა. "ტრამპი ჩამოვიდა ბათუმში და თქვა, რომ 5 წელიწადში ის მსოფლიოში საუკეთესო ქალაქი გახდებოდა და ეს ჩემთვის კი არ უთქვამს, ეს თქვა ამერიკულ არხებზე, აი თქვენი რეკლამაც. რატომ ჩამოვიდა? რატომ გვაქებდა, ჩამოდიოდა, ხშირად მეპატიჟებოდა საკუთარ სახლში, ჩემთან ერთად ნიუ-იორკის ქუჩებში, თეატრებში, რესტორნებში დადიოდა. რატომ? იმიტომ, რომ ყველას მოსწონს, როცა წარმატებასთან ასოცირდება. როდესაც ის პრეზიდენტობის კანდიდატი იყო, მას წარმატებასთან ასოცირება უნდოდა. ყველგან ამბობდა, რომ სააკაშვილს ვიცნობ, ის ყველაზე მაგარიაო. ბათუმიდან ჩამოვედიო, ის საუკეთესო ქალაქიაო, მათ განათლების და საგადასახადოს საუკეთესო სისტემა აქვთო", - თქვა სააკაშვილმა.

1:46
"გამარჯობა, მსოფლიო! ეს ჩემი ნამუშევარია, სახელად "საქარველოს ისტორია"- ქართველი გრაფიკოსის საოცარი ნამუშევარი
434 ნახვა 15 დღის წინ

#ახალიამბებიქართველმა გრაფიკოსმა ბექა აბრამიძემ HBO-ს სერიალის "სამეფო კარის თამაშების" სტილით "საქართველოს ისტორია" შექმნა, სადაც საქართველოს სხვადასხვა კუთხის ღირსშესანიშნაობებია ასახული.

0:17
“მე ეს ბავშვი მაინც არ მინდოდა”- ბავშვზე ძალადობის შოკისმომგვრელი კადრები
2 266 ნახვა 15 დღის წინ

#ახალიამბებისოციალურ ქსელში ბავშვზე ძალადობის შოკისმომგვრელი ვიდეო გავრცელდა, სადაც ჩანს, თუ როგორ ძალადობს დედა მცირეწლოვან შვილზე. ქალი, რომელიც ვიდეოში ჩანს ტიბრეშა სექსტონია და იგი საკუთარ შვილს ცალი ხელით ზემოთ-ქვემოთ წევს, მეორეთი კი სიგარეტს ეწევა. აღნიშნული ქმედების დროს სექსტონს ფეისბუქ ჩართვა ჰქონდა, რის შედეგადაც ვიდეო სოციალური ქსელის მომხმარებლებმა პოლიციას გადაუგზავნეს. მოძალადე დედა პოლიციამ მალევე დააკავა. “მე მაინც არ მინდოდა ეს ბავშვი”,- განაცხადა ქალმა პოლიციასთან. ამის შესახებ ინფორმაციას WTVC იტყობინება.

არხის შესახებ

საინფორმაციო-ანალიტიკური პორტალი „კვირა“ წარმოადგენს მედიასაშუალებას, რომლის ელექტრონული მისამართია – kvira.ge. პორტალი 2013 წელს შეიქმნა. იგი ყოველდღიურად აშუქებს მიმდინარე პოლიტიკურ, ეკონომიკურ, სოციალურ, მსოფლიო, კულტურულ, სპორტულ და სხვა სიახლეებს. მედიასაშუალება უფრო მეტად აკადემიური შინაარსის არის და ის ხშირად ცდილობს, მიმდინარე მოვლენები არა ზედაპირულად, არამედ სიღრმისეულად გააშუქოს. პორტალზე სისტემატურად იბეჭდება ანალიტიკური სტატიები.მიუხედავად იმისა, რომ „კვირა“ ბეჭდურ, ელექტრონულ მედიას წარმოადგენს, ვებგვერდზე ხშირად ხდება ვიდეოსიახლეების განთავსებაც. პორტალის ბაზაზე ფუნქციონირებს პრესკლუბიც, სადაც დღის განმავლობაში 3-4 პრესკონფერენცია იმართება. პრესკლუბის სტუმრები პოლიტიკოსები, ექსპერტები და საზოგადოებისთვის ცნობადი სახეები არიან, რომლებიც აქტუალურ თემებზე განცხადებებს და შეფასებებს აკეთებენ. ყოველდღიურად „კვირას“ პრესკლუბში გამართულ პრესკონფერენციებს აქტიურად აშუქებენ ქართული ტელეარხები. პორტალის ბაზაზე ასევე შექმნილია ვებგვერდი „კვირა+“, რომელიც პორტალ „კვირას“ დამატებას წარმოადგენს. ის აპოლიტიკური შინაარსის საიტია. ვებგვერდზე ყოველდღიურად ქვეყნდება საქართველოს და უცხოეთის საინტერესო სიახლეები, პუბლიკაციები, ორიგინალური სტატიები, ფოტო და ვიდეომასალა. პორტალს აქვს საიტის აზერბაიჯანულენოვანი ვერსიაც, რომლის მისამართია – az.kvira.ge. პორტალს აქვს პიარმომსახურების სერვისიც. „კვირას“ ამ მომსახურებით ხშირად სარგებლობენ სახელმწიფო თუ კერძო კომპანიები.„კვირა“ მათთვის გეგმავდა და გეგმავს კონკრეტულ სოციალურ, საქველმოქმედო, საზოგადოებრივ თუ კულტურულ აქტივობებს, თავადვე უზრუნველყოფს ღონისძიებების, პროექტების ორგანიზებას და მათ გაშუქებას სხვადასხვა მედიასაშუალებაში.„კვირას“ აქვს საინტერესო და მნიშვნელოვანი საერთაშორისო პროექტები. იგი აქტიურად თანამშრომლობს საზღვარგარეთ, ქართულ დიასპორებთან და მათთვის საინტერესო პროექტების ორგანიზებას და განხორციელებას უზრუნველყოფს.

არხის ვიდეოების ძებნა