13 621 110
ნახვა
2 538
ვიდეო
პრესკლუბი
19:35
ორანჟერეის პროექტის ავტორი: კეთდება რეკრეაციული ზონის არქიტექუტრა, ეს იქნება პარკის ნაწილი ბარიერების გარეშე
106 ნახვა ივნისი 17, 2019

“150-მდე ახალი ხის ნარგავი, 500 კვადრატული მწვანე მოლი, ეგზოტიკური მცენარები, ზამთრის ბაღი, პატარა კაფეები, საგამოფენო სივრცე, სცენა, ბავშვთა გასართობი ცენტრი – ამ ყველაფერს თანამედროვე, მრავალფუნქციური ორანჟერეის პროექტი აერთიანებს, რომელიც დიღმის ტყე-პარკის მიმდებარედ გაშენდება”, – ამის შესახებ მედიაჰოლდინგ „კვირას“ პრესკლუბში პროექტის ავტორმა, მამუკა ჩხაიძემ ისაუბრა.

10:10
არქიტექტორ ლევან ბერიძის პრესკონფერენცია მედიაჰოლდინგ „კვირას“ პრესკლუბში
106 ნახვა ივნისი 17, 2019

არქიტექტორ ლევან ბერიძის თქმით, მრავალფუნქციური ორანჟერეა, რომლიც დიღმის ტყე-პარკის მიმდებარედ გაშენდება, “მწვანე არქიტექტურის” ერთ-ერთი ნიმუშია. ამის შესახებ ლევან ბერიძემ მედიაჰოლდინგ „კვირას“ პრესკლუბში განაცხადა. არქიტექტორი ორანჟერეის პროექტს დადებითად აფასებს.

8:14
მამაკაცი, რომელმაც სანდრა რულოვსს ამოჭრილი თირკმელის შესახებ ჰკითხა - ყულიშკარელის მძიმე ისტორია
2 254 ნახვა მაისი 14, 2019

ისტორია, რომელსაც ჯიხაშკარელი მამაკაცი ყვება, მძიმე მოსასმენია. როგორც თავად ამბობს, 2007 წელს ავტომანქანის ქურდობის ფაქტზე ზუგდიდის პოლიციის სამმართველოში დაიბარეს, განყოფილებაში საკუთარი ფეხით მივიდა. დაკითხვის შემდეგ ბრალი წაუყენეს და მოსთხოვეს, ცრუ თანამონაწილეებად აფხაზეთიდან კონკრეტული პირები დაესახელებინა. ქაქუთია ამბობს, რომ მან ეს არ გააკეთა, რის შემდეგაც, პოლიციის განყოფილებაში 3 დღის განმავლობაში სასტიკად სცემდნენ, შემდეგ კი, ციხეში გადაიყვანეს. ჯიხაშკარელი ქაქუთია იხსენებს, რომ მას საპყრობილეშიც არაადამიანურად ეპყრობოდნენ, რის გამოც ერთი თვის განმავლობაში ციხის საავადმყოფოში მოუწია მკურნალობა.საპყრობილეში მას ოპერაცია ჩაუტარეს და ჯანმრთელი თირკმელი სწორედ ამ დროს ამოაჭრეს.

1:06
“მინდა, რომ კითხვა დავუსვა, არ შეიძლება? რატომა რ მიშვებთ? თირკმელი არ მაქვს, სადაა ეს თირკმელი
1 419 ნახვა მაისი 12, 2019

თირკმელი არ მაქვს, სად არის ეს თირკმელი – ამ სიტყვებით მიმართა გაერთიანებული ოპოზიციის ზუგდიდის მერობის კანდიდატს, სანდრა რულოვსს ყულიშკარში შეხვედრაზე ადგილობრივმა აჩიკო ქაქუთიამ. თუმცა, მიზეზის დაკონკრეტება, თუ რატომ სურდა აღნიშნულზე პასუხის მიღება სანდრა რულოვსისგან, ვერ შეძლო. პოლიციამ ის შეხვედრის ადგილიდან გაიყვანა. “მინდა, რომ კითხვა დავუსვა, არ შეიძლება? რატომა რ მიშვებთ? თირკმელი არ მაქვს, სადაა ეს თირკმელი. რატომ არ ჩამიყენეს. გერმანიაშიც ვიყავი სტენდი გამიკეთეს და ყველა დოკუმენტი და დასკვნა მაქვს. მაინტერესებს, რატომ არ ჩამიყენეს თირკმელი”, – თქვა სანდრა რულოვსის დაცვასთან სიტყვიერი დაპირისპირებისას ქაქუთიამ. აჩიკო ქაქუთიას მცდელობამ, კითხვებზე მიეღო პასუხი, შეხვედრაზე მისული ადგილობრივების გაღიზიანება გამოიწვია და ყულიშკარში ქაქუთიასა და სანდრას მხარდამჭერებს შორის დაპირისპირება მოხდა.

0:45
ჯგუშია ჭკვიანი კამერების წინააღმდეგ - მას მევლუდ მელაძის გარდაცვლილი შვილი შეახსენეს
3 378 ნახვა აპრილი 22, 2019

ამასთან, ამავე დღეს, სოციალურ ქსელში გავრცელდა ვიდეო, სადაც თენგიზ ჯგუშია მანქანის მართვის დროს მოსახლეობას მიმართავს. ერთი შეხედვით, ვიდეოში არაფერია უცნაური, თუმცა დაკვირვებულ თვალს არ გამოეპარება, რომ მერობის დამოუკიდებელი კანდიდატი ღვედის გარეშე მართავს ავტომობილს

3:16
„სანდრა უცხოური უშიშროების 'შემოგდებული მასალაა“ - ზუგდიდის მერობის კანდიდატი
1 335 ნახვა აპრილი 22, 2019

„რაც შეეხება სანდრას – ის არც მეგრელია, არც ზუგდიდელია და პირდაპირ გეტყვით, რომ ის არის უცხოური უშიშროების “შემოგდებული მასალა”, ამას ძალიან შორი გზები აქვს და აქ ჩადებულია ბომბია“, – ამის შესახებ რადიო “ათინათის” ეთერში ზუგდიდის მერობის დამოუკიდებელმა კანდიდატმა, დავით თორდიამ განაცხადა. წამყვან არჩილ თოდუასთან გადაცემაში სტუმრობისას თეოლოგმა კანდიდატმა საარჩევნო პროცესი შეაფასა და აღნიშნა, რომ მაისის ბოლოს სიტუაცია გართულდება. „საარჩევნო კამპანია, ჯერჯერობით, მშვიდად მიდის და როცა დაიწყება აქტიური პროცესები, იქნება შეტაკება. ვიცი, რომ რაღაც მოხდება აქ იმიტომ, რომ სააკაშვილი უცხოეთიდან უკვე “იჭიმება”…აქ უნდათ ხალხის აყრა… ეს, პრინციპში, აქამდე მივა. მაგრამ არც „ნაციონალებსა“ და არც „ოცნებას“ კარგი დღე არ დაადგებათ იმიტომ, რომ მე ვუმზადებ მათ მეგაინფორმაციებს“, – განაცხადა თორდიამ და აღნიშნა, რომ არჩევნებში სერიოზულ კონკურენტებად არავის აღიქვამს და საზოგადოებას საზოგადოებას ისეთ ინფორმაციებს მიაწვდის, რაც მისი გამარჯვების საფუძველი გახდება.

0:26
მაშველებმა წყნეთში, ხევში ჩარჩენილი მოქალაქეები უვნებლად ამოიყვანეს
390 ნახვა აპრილი 22, 2019

შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველებმა დაბა წყნეთში, შოთა რუსთაველის ქუჩის მიმდებარე ტერიტორიაზე არსებულ ხევში ჩარჩენილი ორი მოქალაქე უვნებლად ამოიყვანეს. „საგანგებო სიტუაციების მართვის სამსახურში გადაუდებელი ოპერატიული მართვის ცენტრ „112“-დან შევიდა შეტყობინება, რომ ხევში – დაახლოებით, 15 მეტრის სიღრმეზე ორი მოქალაქე იმყოფებოდა და იქედან ამოსვლას ვეღარ ახერხებდნენ. შეტყობინების მიღებისთანავე, ადგილზე დაუყოვნებლივ გავიდა სახანძრო-სამაშველო ჯგუფი. ცუდი ხილვადობისა და რთული მეტეოროლოგიური პირობების მიუხედავად, სამაშველო ოპერაცია წარმატებით დასრულდა და, სპეციალური თოკების დახმარებით, ხევში მყოფი ორივე მოქალაქე უსაფრთხო ადგილზე რამდენიმე წუთში გამოიყვანეს“,- ნათქვამია საგანგებო სიტუაციების მართვის სამსახურის მიერ გავრცელებულ ინფორმაციაში.

1:07
მარტვილის გამგებელი- ოჯახს გვერდში ვუდგავართ ყველანაირად
310 ნახვა აპრილი 21, 2019

ამ ოჯახს ჩვენ ყოველთვის გვერდში ვედექით და ახლაც, რაც ეს ტრაგედია მოხდა, მით უმეტეს, – ამ სიტყვებით უპასუხა მარტვილის მუნიციპალიტეტის მერმა, ალექსანდრე გრიგალავამ ჟურნალისტების კითხვას, 15 წლის მოზარდის თვითმკვლელობის მიზეზთან დაკავშირებით გავრცელებულ ინფორმაციაზე. მისი თქმით, ოჯახს მუნიციპალიტეტის თვითმმართველობა გვერდში ედგა და ალექსანდრე გრიგალავა გამორიცხავს, რომ მოზარდის სუიციდის მიზეზი შესაძლოა, უსახსრობა ყოფილიყო. შეგახსენებთ, 17 აპრილს, მარტვილში 15 წლის მოზარდი ხეზე ჩამომხრჩვალი საკუთარმა უმცროსმა ძმამ იპოვა. იმ სკოლის დირექტორმა, რომელშიც მოზარდი სწავლობდა, “კვირასთან” საუბრისას განაცხადა, რომ 15 წლის მოსწავლე მესამე გაკვეთილის შემდეგ, მამამ სკოლიდან გეგმიური აცრის ჩასატარებლად წაიყვანა. “მესამე გაკვეთილის დასრულების შემდეგ, მამამისი მოვიდა და დამრიგებელს, შემდეგ კი მე მთხოვა, ბავშვი გაგვეთავისუფლებინა გაკვეთილებიდან, რადგან აცრაზე უნდა წაეყვანა. დავთანხმდით და ამის შემდეგ არაფერი ვიცი. ახლა გავიგე ეს ამბავი”, – განაცხადა მამუკა თვალაძემ. შსს–მ მომხდარზე გამოძიება 115–ე მუხლით დაიწყო, რაც თვითმკვლელობამდე მიყვანას გულისხმობს. რა გახდა მოზარდის სუიციდის მიზეზი, ჯერჯერობით, უცნობია.

4:06
'მეც მაქვს ვალი იმ ბუფეტში... ეს არ არის სამანიპულაციო თემა'-რას ყვება გარდაცვლილი მოზარდის პედაგოგი
236 ნახვა აპრილი 21, 2019

“არ მაცალა, არ მაცალა, თორემ კარგი კაცი დადგებოდა მაგისგან.. იცით, როგორი გონება ჰქონდა? – ასე იხსენებს მარტვილში გარდაცვლილ მოზარდს მისი პედაგოგი, ხათუნა ფირცხალავა. მისივე თქმით, გავრცელებული ინფორმაცია, რომ მას უსახსრობის გამო ან ოჯახში მშობლების უთანხმოების გამო მოეკლა თავი, არასწორია. ხათუნა ფირცხალავა “კვირასთან” საუბარში აღნიშნავს, რომ ბუფეტის ვალი სკოლის ნებისმიერ თანამშრომელსა თუ მოსწავლეს შეიძლება ჰქონდეს და მისივე თქმით, ეს არ უნდა იყოს სამანიპულაციო თემა. შეგახსენებთ, 17 აპრილს, მარტვილში 15 წლის მოზარდი ხეზე ჩამომხრჩვალი საკუთარმა უმცროსმა ძმამ იპოვა. იმ სკოლის დირექტორმა, რომელშიც მოზარდი სწავლობდა, “კვირასთან” საუბრისას განაცხადა, რომ 15 წლის მოსწავლე მესამე გაკვეთილის შემდეგ, მამამ სკოლიდან გეგმიური აცრის ჩასატარებლად წაიყვანა. “მესამე გაკვეთილის დასრულების შემდეგ, მამამისი მოვიდა და დამრიგებელს, შემდეგ კი მე მთხოვა, ბავშვი გაგვეთავისუფლებინა გაკვეთილებიდან, რადგან აცრაზე უნდა წაეყვანა. დავთანხმდით და ამის შემდეგ არაფერი ვიცი. ახლა გავიგე ეს ამბავი”, – განაცხადა მამუკა თვალაძემ. შსს–მ მომხდარზე გამოძიება 115–ე მუხლით დაიწყო, რაც თვითმკვლელობამდე მიყვანას გულისხმობს. რა გახდა მოზარდის სუიციდის მიზეზი, ჯერჯერობით, უცნობია.

2:28
“ტყუილი რატომ დაწერეთ, შიმშილით მოკვდაო” – ჭირისუფლებმა გარდაცვლილის საცხოვრებელი სახლიდან “რუსთავი 2” გამოაგდეს
782 ნახვა აპრილი 21, 2019

მარტვილში გარდაცვლილი 15 წლის მოზარდის ოჯახის წევრებმა და ახლობლებმა ადგილზე მისულ “რუსთავი 2”-ის ჟურნალისტს საცხოვრებელი სახლის დატოვება მოსთხოვეს. ცოტა ხნის წინ მომხდარი მწვავე დაპირისპირების ამსახველი ვიდეომასალა “კვირამ” გადაიღო და მას უცვლელად გთავაზობთ. შეგახსენებთ, 17 აპრილს, მარტვილში 15 წლის მოზარდი ხეზე ჩამომხრჩვალი საკუთარმა უმცროსმა ძმამ იპოვა. იმ სკოლის დირექტორმა, რომელშიც მოზარდი სწავლობდა, “კვირასთან” საუბრისას განაცხადა, რომ 15 წლის მოსწავლე მესამე გაკვეთილის შემდეგ, მამამ სკოლიდან გეგმიური აცრის ჩასატარებლად წაიყვანა. “მესამე გაკვეთილის დასრულების შემდეგ, მამამისი მოვიდა და დამრიგებელს, შემდეგ კი მე მთხოვა, ბავშვი გაგვეთავისუფლებინა გაკვეთილებიდან, რადგან აცრაზე უნდა წაეყვანა. დავთანხმდით და ამის შემდეგ არაფერი ვიცი. ახლა გავიგე ეს ამბავი”, – განაცხადა მამუკა თვალაძემ. შსს–მ მომხდარზე გამოძიება 115–ე მუხლით დაიწყო, რაც თვითმკვლელობამდე მიყვანას გულისხმობს. რა გახდა მოზარდის სუიციდის მიზეზი, ჯერჯერობით, უცნობია.

2:44
რატომ არ წარადგინეს სანდრა რულოვსის კანდიდატურა პომპეზურად ზუგდიდში
636 ნახვა აპრილი 7, 2019

გაერთიანებული ოპოზიცია – “ძალა ერთობაშია” გაერთიანების ზუგდიდის მერობის კანდიდატის, სანდრა რულოვსის წარდგენას პომპეზურად, დადიანების სასახლის ეზოში აპირებდა, თუმცა ცოტა ხნის წინ, ცნობილი გახდა, რომ მათი კანდიდატის აღნიშნულ ფორმატში წარდგენა აღარ მოხდება. “გაერთიანებულ ოპოზიციაში” არ აკონკრეტებენ, თუ სად შედგება მათი კანდიდატის ოფიციალურად დასახელება. “გაერთიანებული ოპოზიციის” ლიდერის, გრიგოლ ვაშაძის განცხადებით, სანდრა რულოვსს წარდგენა არ სჭირდება, რადგან მას საზოგადოება ისედაც კარგად იცნობს. მისი განმარტებით, სწორედ ეს გახდა მიზეზი ზუგდიდის მერობის კანდიდატის პომპეზურად წარდგენაზე უარის თქმისა.

3:49
მილიონობით ლარი ინერტული მასალის უკანონონოდ მოპოვებისთვის – სუს-მა ორი პირი დააკავა, ორი კი პასუხისგებაში მისცა
166 ნახვა აპრილი 5, 2019

სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, ჯგუფურად უკანონო სამეწარმეო საქმიანობისა და წიაღით უკანონოდ სარგებლობის ფაქტზე, სასამართლოს განჩინების საფუძველზე საქართველოს მოქალაქეები: სიკო მ. და გოდერძი მ. დააკავეს, ხოლო საქართველოს ორი მოქალაქე: გიორგი გ. და გეგა ძ. სისხლის სამართლის პასუხისგებაში მისცეს. „გამოძიებამ დაადგინა, რომ სსიპ „გარემოს ეროვნული სააგენტოს“ 2016 წლის 22 დეკემბერს გაცემული ლიცენზიით, საქართველოს მოქალაქე სიკო მ-ს უფლება მიეცა ოზურგეთის მუნიციპალიტეტში, სოფელ მერიის მიმდებარე ტერიტორიაზე, მდინარე ნატანებზე კონკრეტულ კონტურში მოეპოვებინა 20 000 კუბური მეტრი ქვიშა-ხრეში. მიუხედავად ხსენებული ნებართვის არსებობისა, სიკო მ-მ დიდი ოდენობით შემოსავლის მიღების მიზნით განიზრახა სალიცენზიო პირობების დარღვევით, კონტურს გარეთ მოეპოვებინა ინერტული მასალა. განზრახვის სისრულეში მოყვანის მიზნით, სიკო მ. თანამზრახველ გოდერძი მ-სთან ერთად დანაშაულებრივად დაუკავშირდა შეზღუდული პასუხისმგებლობის საზოგადოების ხელმძღვანელ პირებს: გიორგი გ-ს და გეგა ძ-ს და შეუთანხმდა მათ სარგებლობაში არსებული ტექნიკით მოეპოვებინათ ინერტული მასალა და მოეხდინათ რეალიზება.

1:30
თეა წულუკიანი: მერაბიშვილის დაცვაში კახიძე ფულს ითხოვდა, არ ხართ ვანოს წინაშე პირნათელნი
415 ნახვა მარტი 21, 2019

“აუხსენით მერაბიშვილს, რომ არ ხართ მის წინაშე პირნათელნი”, – ასე მიმართა ოპოზიციას იუსტიციის მინისტრმა, თეა წულუკიანმა. “აუხსენით მერაბიშვილს, რომ არ ხართ მის წინაშე პირნათელნი. ვანოა თუ ჰიტლერია, პატიმარი პატიმარია. ბატონი ოთარი ატყუებდა ვანოს – გიცავთო. მის დაცვაში კახიძე გირვანქა სტერლინგებში ითხოვდა ფულს”, – განაცხადა წულუკიანმა.

0:46
დატბორილი “Mercedes”-ის ქარხანა და 11 გარდაცვლილი – ბრაზილიაში წყალდიდობაა
1 187 ნახვა მარტი 12, 2019

ბრაზილიის ქალაქ სან-პაულოში წყლის მოვარდნის გამო, რომელიც ხანგრძლივმა წვიმამ გამოიწვია, სულ მცირე, 11 ადამიანი დაიღუპა. მომხდარის შესახებ ინფორმაციას სააგენტო “Reuters” ავრცელებს. მედიის ცნობით, ხუთი ადამიანი წყალდიდობის დროს დაიხრჩო, კიდევ ექვსი, მცირეწლოვნის ჩათვლით – მეწყერის ჩამოწოლის შედეგად დაიღუპა. ამ დროისთვის, ტრანსპორტის მოძრაობა პარალიზებულია. ამასთან, Mercedes-Benz-ის ავტომობილების საწარმო დაიტბორა, წარმოება ნაწილობრივ შეჩერებულია.

0:19
11 გარდაცვლილი – ბრაზილიაში წყალდიდობაა
522 ნახვა მარტი 12, 2019

ბრაზილიის ქალაქ სან-პაულოში წყლის მოვარდნის გამო, რომელიც ხანგრძლივმა წვიმამ გამოიწვია, სულ მცირე, 11 ადამიანი დაიღუპა. მომხდარის შესახებ ინფორმაციას სააგენტო “Reuters” ავრცელებს. მედიის ცნობით, ხუთი ადამიანი წყალდიდობის დროს დაიხრჩო, კიდევ ექვსი, მცირეწლოვნის ჩათვლით – მეწყერის ჩამოწოლის შედეგად დაიღუპა. ამ დროისთვის, ტრანსპორტის მოძრაობა პარალიზებულია. ამასთან, Mercedes-Benz-ის ავტომობილების საწარმო დაიტბორა, წარმოება ნაწილობრივ შეჩერებულია.

111:04
ნიუ-იორკში ავარიას სამი ადამიანი ემსხვერპლა
228 ნახვა თებერვალი 27, 2019

ამერიკის ქალაქ ნიუ-იორკში, მატარებლისა და სატვირთო ავტომობილის შეჯახების შედეგად, სამი ადამიანი დაიღუპა. მომხდართან დაკავშირებით ინფორმაციას სააგენტო “Breaking911” ავრცელებს. ინციდენტი ლონგ-აილენდის სარკინიგზო გზაზე მოხდა. შეჯახების შემდეგ მატარებელი ლიანდაგებიდან გადავიდა, მატარებლის რამდენიმე ვაგონს ცეცხლი გაუჩნდა. სარკინიგზო მოძრაობა დროებით შეჩერებულია. საქმესთან დაკავშირებით, გამოძიება მიმდინარეობს.

2:37
პატრიარქი: ადამიანი მომზადებული უნდა იყოს მომავალი ცხოვრებისათვის
581 ნახვა თებერვალი 15, 2019

“ღმერთმა მოგცეთ ძალა და მადლი, რომ ღირსეულად მოხდეს ჩვენი გარდაცვალება“, – ამ სიტყვებით მიმართა სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სიონში, ღვთისმშობლის მიძინების სახელობის ტაძარში მრევლს, სადაც სადღესასწაულო ლიტურგია აღავლინა. უწმინდესმა ტაძარში შეკრებილებს, სრულიად საქართველოს, მირქმის დღესასწაული მიულოცა და ამ დღის შესახებ ისაუბრა. „ეს ის დღეა, როცა მართალმა სვიმეონმა თქვა: „აწ, განუტევე მონა შენი, სიტყვისაებრ შენისა“. ეს სიტყვები – „აწ, განუტევე მონა შენი“ – ყოველმა ადამიანმა უნდა თქვას. მაგრამ ჩვენ უნდა გვახსოვდეს, რომ ადამიანი მომზადებული უნდა იყოს მომავალი ცხოვრებისათვის. ადამიანი უნდა ემზადებოდეს. ჩვენ ყოველდღე ვხედავთ, როგორ ასაფლავებენ ადამიანებს, ახლობლებს, შორეულებს; მაგრამ ჩვენ ვერ წარმოგვიდგენია ჩვენი თავი იმათ ადგილზე. ეს მეტად რთული პროცესია – განშორება მიწიერი ცხოვრებიდან და გადასვლა სულიერ ცხოვრებაში. ღმერთმა მოგვცეს ძალა, რომ მშვიდობა დავტოვოთ აქ და მშვიდობით წავიდეთ. მშვიდობა დაგვახვედროს უფალმა სასუფეველში. ყველაფერი უნდა გავაკეთოთ, რომ მოვემზადოთ ამ საიდუმლო დღისთვის – გარდაცვალებისთვის. ღმერთმა მოგცეთ ძალა და მადლი, რომ ღირსეულად მოხდეს ჩვენი გარდაცვალება“, – ბრძანა უწმინდესმა. ქადაგების შემდეგ, უწმინდესმა ტაძარში სპეციალურად, პურითა და ტკბილეულით მომზადებული სუფრა აკურთხა, რომელიც მრევლს გაუნაწილა.

1:09
სახელმწიფოს კუთვნილი თანხის მოტყუებით დაუფლების ფაქტი
213 ნახვა თებერვალი 15, 2019

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ყალბი დოკუმენტების გამოყენებით, სახელმწიფოს კუთვნილის თანხის მოტყუებით დაუფლების ფაქტზე, ერთი მეწარმე სუბიექტი პასუხისგებაში მისცეს. „გამოძიებით დადგინდა, რომ 2018 წელს, დანაშაულში მხილებულმა პირმა, გაიმარჯვა სახელმწიფო ტედერში, რომლის საფუძველზეც, სამეგრელოს რეგიონის ერთ-ერთი მუნიციპალიტეტის სკოლამდელი სააღმზრდელო დაწესებულებებისათვის, ჯამურად, 200 მ3 შეშა უნდა მიეწოდებინა. ბრალდებულმა, უკანონო მატერიალური სარგებლის მიღების მიზნით, საქონლის მიღება-ჩაბარების აქტებში რეალურად მიწოდებული შეშის მოცულობა გააყალბა და, ფაქტობრივად, გადაცემული 74 მ3 შეშის ნაცვლად, ანაზღაურება მოითხოვა და მიიღო შეშის სრულ – 200 მ3 მოცულობაზე. ამ გზით, ბრალდებული მოტყუებით დაეუფლა სახელმწიფოს კუთვნილ 7 768 ლარს“, – აცხადებენ საგამოძიებო სამსახურში. მათივე ცნობით, გამოძიება საქართველოს სისხლის სამართლის კოდექსის 180-ე მუხლის მეორე, 210-ე მუხლის პირველი და 362-ე მუხლის მეორე ნაწილებით მიმდინარეობს, რაც თავისუფლების 4-დან 7-წლამდე ვადით აღკვეთას ითვალისწინებს.

0:32
თურქეთში სარეალიზაციოდ გამზადებული ავტომატი და ვაზნები ამოიღეს
142 ნახვა თებერვალი 15, 2019

შინაგან საქმეთა სამინისტროს აჭარის პოლიციის დეპარტამენტის ქობულეთის რაიონული სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვა-ტარებისა და საქართველოს საბაჟო საზღვარზე წესის დარღვევით გადატანის ბრალდებით, 1965 წელს დაბადებული რ.თ. დააკავეს. დანაშაული თავისუფლების 4-დან 8 წლამდე ვადით აღკვეთას ითვალისწინებს. “სამართალდამცველებმა რ.თ.-ს მართვის ქვეშ მყოფი ავტომობილი სარფის საბაჟო გამშვები პუნქტის კონტროლის ზონაში, გადამოწმების მიზნით შეაჩერეს. პოლიციამ, ავტომანქანის ჩხრეკის შედეგად, სპეციალურად მოწყობილი სამალავიდან, თურქეთის რესპუბლიკაში სარეალიზაციოდ გამზადებული ავტომატური ცეცხლსასროლი იარაღი და 7 030 ვაზნა ნივთმტკიცების სახით ამოიღო. გამოძიება ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვა-ტარებისა და საქართველოს საბაჟო საზღვარზე წესის დარღვევით გადატანის ფაქტზე, საქართველოს სსკ-ს 214-ე მუხლის მე-4 ნაწილით; ასევე – 236-ე მუხლის მე-3 და მე-4 ნაწილებით მიმდინარეობს”, -აცხადებენ შსს-ში.

0:42
ესპანეთში მცირე ზომის თვითმფრინავი ჩამოვარდა, დაღუპულია 2 ადამიანი
572 ნახვა თებერვალი 7, 2019

ესპანეთის ცენტრალურ ნაწილში, მცირე ზომის თვითმფრინავი ჩამოვარდა. ინციდენტის შედეგად, 50 წლამდე ცოლ-ქმარი დაიღუპა. მომხდარის შესახებ ინფორმაციას გამოცემა “Lavanguardia” ავრცელებს. როგორც ცნობილია, ავიაკატასტროფა კიხორნას მუნიციპალიტეტში მოხდა. შემთხვევის ადგილზე სახანძრო, სასწრაფო დახმარების ბრიგადები და სამართალდამცველები არიან მობილიზებული. მომხდარის მიზეზი, ამ დროისთვის, უცნობია.

1:25
ბელგიაში 27 წლის ქართველმა ბანკი საკანალიზაციო მილის გავლით გაძარცვა
1 459 ნახვა თებერვალი 7, 2019

ბელგიაში, ბანკი “BNP Paribas Fortis” გაძარცვეს. ქურდები ბანკში საკანალიზაციო მილის გავლით შევიდნენ. წაღებული თანხმა ამ დროისთვის უცნობია. მომხდარის შესახებ ინფორმაციას ადგილობრივი მედია ავრცელებს. როგორც ცნობილია, ძარცვაში სამი მამაკაცი იღებდა მონაწილეობას, ერთ-ერთი მათგანი კი დაკავებულია, ის ეთნიკურად ქართველი 27 წლის მამაკაცია. იმისთვის, რომ დამნაშავეებს ბანკში შეეღწიათ, მათ კანალიზაციის სისტემა და ორი გვირაბი გამოიყენეს.

1:04
სტამბოლში ექვსსართულიანი შენობა ჩამოინგრა - არის მსხვერპლი
149 ნახვა თებერვალი 7, 2019

სტამბოლში საცხოვრებელი სახლის ჩამონგრევასთან დაკავშირებით დამატებითი ინფორმაცია ვრცელდება. ადგილობრივი მედიის ცნობით, ნანგრევებიდან 4 ადამიანია ამოყვანილი, ხოლო ერთი დაღუპულია. გავრცელებული ინფორმაციით, სახლი აფეთქების შედეგად ჩამოინგრა. მომხდარის დეტალები, ამ ეტაპისთვის უცნობია, ზუსტი ინფორმაცია დაღუპულების ან დაშავებულების შესახებ, ამ დრომდე, არ ვრცელდება.

0:52
საგამოძიებო სამსახურმა უაქციზო სიგარეტის შენახვა-გადაზიდვის ორი ფაქტი გამოავლინა
80 ნახვა თებერვალი 7, 2019

საქართველოს ფინანსთა სამინისტროს საგამოძიებო სამსახურის თანამშრომლებმა, შემოსავლების სამსახურის წარმომადგენლებთან კოორდინაციით, გატარებული ღონისძიებების შედეგად, მარკირებას დაქვემდებარებული დიდი ოდენობით აქციზური საქონლის აქციზური მარკის გარეშე შენახვა-გადაზიდვის ორი ფაქტი გამოავლინეს. ფინანსთა სამინისტროს ინფორმაციით, საგამოძიებო მოქმედებების შედეგად, თბილისსა და რუსთავში, დანაშაულში მხილებული პირების სატრანსპორტო საშუალებებიდან სარეალიზაციოდ განკუთვნილი 2 031 კოლოფი სხვადასხვა დასახელების უაქციზო სიგარეტი და ე.წ. ელექტრო სიგარეტი IQOS-ისთვის განკუთვნილი „HEETS“-ის ფირმის 1 850 კოლოფი უაქციზო თამბაქოს ნაწარმი ამოიღეს. ამოღებული უაქციზო საქონლის საერთო საბაზრო ღირებულება 14 000 ლარს აღემატება. გამოძიება საქართველოს სისხლის სამართლის კოდექსის მე-200 მუხლის მე-2 ნაწილით მიმდინარეობს, რაც სასჯელის სახით თავისუფლების აღკვეთას 4-დან 6 წლამდე ვადით ითვალისწინებს.

1:29
პარიზში ხანძრის შედეგად შვიდი ადამიანი დაიღუპა
52 ნახვა თებერვალი 5, 2019

პარიზში საცხოვრებელ სახლში გაჩენილი ხანძრის შედეგად შვიდი ადამიანი დაღუპა, ხოლო 28 დაშავდა. მომხდარის შესახებ ინფორმაციას რადიოსადგური “RTL” ავრცელებს. დაშავებულია 28 ადამიანი, ერთ-ერთი მათგანი კრიტიკულ მდგომარეობაშია. ხანძარი პარიზში, ერლანჟეს ქუჩაზე რვასართულიან საცხოვრებელ სახლში დაახლოებით ღამის პირველ საათზე გაჩნდა. როგორც ცნობილია, ადგილზე სამაშველო სამსახურის 200-მდე ეკიპაჟი მუშაობს. ახლომდებარე სახლების მობინადრეები ევაკუირებულები არიან. ცეცხლის გაჩენის მიზეზი ამ დროისთვის უცნობია.

0:59
ირაკლი კაკაბაძე თინა ბოკუჩავას: სანდრო გირგვლიანის მკვლელებს არ აქვთ უფლება, რომ აქ იყვნენ
1 433 ნახვა იანვარი 28, 2019

“სანდრო გირგვლიანის მკვლელებს არ აქვთ უფლება, რომ აქ იყვნენ”, – ამ სიტყვებით სასტუმრო „რედისონ ბლუ ივერიასთან“ მიმდინარე აქციაზე „ნაციონალური მოძრაობის“ ერთ-ერთ ლიდერს, თინა ბოკუჩავას სამოქალაქო აქტივისტმა, ირაკლი კაკაბაძემ მიმართა. “წადით, გაეთრიეთ ამ ქვეყნიდან! წადით რა, დაგვანებეთ თავი. გვიჭერთ, გვაწამებთ, გვკლავთ! სანდრო გირგვლიანის მკვლელებს არ აქვთ უფლება, რომ აქ იყვნენ. თქვენც უნდა გაეთრიოთ, „ქოცებთან“ ერთად. დაგვანებეთ თავი ამ სისხლისმსმელებმა“, -მიმართა კაკაბაძემ ბოკუჩავას. სასტუმრო “რედისონ ბლუ ივერიაში” საქართველოს პარლამენტის თავმჯდომარის, ირაკლი კობახიძის ხელმძღვანელობით, სასამართლო რეფორმის სამუშაო ჯგუფის შეხვედრა მიმდინარეობს. პარალელურად კი “რედისონთან” სამოქალაქო აქტივისტების საპროტესტო აქცია გაიმართა. ისინი უმაღლესი საბჭოს მოქმედი შემადგენლობის შეცვლას ითხოვენ. ირაკლი კაკაბაძე საინიციატივო ჯგუფის შეხვედრაზე დასწრების მოთხოვნით სასტუმრო „რედისონში“ შესვლას ცდილობდა, რისი საშუალებაც მას სამართალდამცველებმა არ მისცეს. პარტია “ნაციონალურმა მოძრაობამ” სამუშაო ჯგუფის შეხვედრა, სადაც მოსამართლეთა შერჩევის კრიტერიუმებზე მსჯელობენ, დატოვა. როგორც პარტიის წევრმა, თინათინ ბოკუჩავამ ჟურნალისტებს განუცხადა, ჯგუფის ამჟამინდელი შემადგენლობა მათთვის სრულიად მიუღებელია.

1:17
გირგვლიანის მკვლელები ციხეში ჩავსვი მე
669 ნახვა იანვარი 28, 2019

მკვლელები, რომლებმაც მოკლეს სანდრო გირგვლიანი, ციხეში ჩავსვი მე”, – ამის შესახებ მოსამართლე ლევან მურუსიძემ სასტუმრო „რედისონის“ წინ მიმდინარე აქციაზე უფლებადამცველ ირაკლი კაკაბაძესთან საუბრისას განაცხადა. მურუსიძეს ირაკლი კაკაბაძემ გირგვლიანის საქმეზე განმარტებების გაკეთება მოსთხოვა. “მკვლელები, რომლებმაც მოკლეს სანდრო გირგვლიანი, ციხეში ჩავსვი მე, გაუნახევრა სასჯელი სააკაშვილმა და გაუშვეს პირობით ვადამდე, რომელში მონაწილეობაც მე საერთოდ არ მიმიღია”, – უპასუხა მურუსიძემ კაკაბაძეს. ” რედისონ ბლუ ივერიაში“ უზენაესი სასამართლოს მოსამართლეობის შესარჩევი სამუშაო ჯგუფის შეხვედრა იმართება. პარალელურად კი “რედისონთან” სამოქალაქო აქტივისტების საპროტესტო აქცია მიმდინარეობს. ისინი უმაღლესი საბჭოს მოქმედი შემადგენლობის შეცვლას ითხოვენ. აქციის მონაწილეებმა ლევან მურუსიძე შენობაში შეძახილებით შეაცილეს.

0:22
ჰააგაში ბუნებრივი აირის აფეთქების შედეგად, 9 ადამიანი დაშავდა
248 ნახვა იანვარი 28, 2019

ნიდერლანდებში, ჰააგაში მომხდარი აფეთქების შედეგად, 3 სახლის ფასადი ჩამოიშალა. მომხდარის შესახებ ინფორმაციას პორტალი “RTL” ავრცელებს. ინციდენტის შედეგად, სულ მცირე, 9 ადამიანი დაშავდა. სამი მათგანი ნანგრევებიდან ამოიყვანეს, სადაც შესაძლოა, კიდევ ერთი ადამიანი იმყოფებოდეს. შემთხვევის ადგილზე მაშველები და მედიკოსები არიან მობილიზებულნი. სავარაუდოდ, აფეთქების მიზეზი ბუნებრივი აირის გაჟონვა გახდა. წინასწარი ინფორმაციით, აფეთქებამ სამი სახლი დააზიანა, მოსახლეობა ევაკუირებულია, ვინაიდან შენობების ჩამოშლის საფრთხე, ამ დრომდე, არსებობს.

0:60
საცობებს მიღმა, 4 წუთში თემქიდან ახმეტელის მეტრომდე
685 ნახვა იანვარი 24, 2019

გასული წლის მიწურულს კოლუმბიის დედაქალაქ ბოგოტაში, პირველი ურბანული საბაგირო გზა გაიხსნა. ავსტრიულ-შვეიცარიული დოპელმაირის ახალი საბაგირო 3340 მეტრის სიგრძის არის და 4 სადგურს მოიცავს. მგზავრობის დრო საწყის და ბოლო სადგურებს შორის 13 წუთა. 5,5 მ/წმ სიჩქარით მოძრავი 163 ერთეული 10-ადგილიანი კაბინა იძლევა 3600 ადამიანის გამტარობას ერთ საათში ერთი მიმართულებით. კაბინებს შორის ინტერვალი 10 წამია. სიმაღლეთა სხვაობა საწყის და ბოლო სადგურებს შორის 270 მეტრია. ახალი საბაგირო ერთ ერთ ყველაზე რთული რელიეფის მქონე უბნებს ემსახურება და მათ ჩქაროსნული ავტობუსის ხაზის ტერმინალთან აკავშირებს. როგორც გუშინ გახდა ცნობილი, ახლო მომავალში თბილისში 2 ახალი საბაგირო ხაზის, მეტრო ახმეტელი – ზღვის უბნის და სამგორი ვაზისუბნის ამოქმედება იგეგმება. როგორც „სისტრას“ კვლევაშია მითითებული, ახმეტელი-ზღვის უბნის ხაზის სავარაუდო სიგრძე შესაძლოა 766 მეტრი იყოს. სამგორი-ვაზისუბნის ხაზის – 2650 ან 1730 მეტრი. გამოდის, რომ 5,5 მ/წ სიჩქარით გადაადგილებისას ზღვის უბნიდან წამოსული მგზავრი ახმეტელის მეტრომდე მისვლას, დაახლოებით, 4 წუთში შეძლებს. დაახლოებით, 8-10 წუთი დასჭირდება სამგორიდან ვაზისუბნამდე მისვლას. თან, ეს ყველაფერი თბილისური საცობების გვერდის ავლით.

4:34
თბილისში პროფესიულად მომზადებული თევზის ახალი რესტორანი – „თევზი და ყავა“ გაიხსნა
1 531 ნახვა დეკემბერი 30, 2018

თბილისში, ჩიტაძის 11 ნომერში, ახალი რესტორანი – „თევზი და ყავა“ გაიხსნა. გახსნის საზეიმო ცერემონიაზე საპატიო სტუმრებმა რესტორნის კონცეფცია და გარემო დადებითად შეაფასეს. თევზისა და ყავის მოყვარულებს რესტორანი „თევზი და ყავა“ მრავალი სახეობის ზღვის პროდუქტებსა და მათ თვალწინ დაფქულ არომატულ ყავას სთავაზობს. ​ ზღვის პროდუქტების მრავალფეროვან ასორტიმენტთან ერთად, რესტორანი სტუმრებს ქართული ტრადიციული კერძებითაც გაუმასპინძლდება. რესტორნის პირველ სართულზე ჩილიმის მოყვარულებს შეუძლიათ, ყავასა და ჩაისთან ერთად, არომატული ჩილიმით ისიამოვნონ. მეორე სართულზე კერძების დაგემოვნებასთან ერთად, სტუმრებს წყნარი მუსიკით დატკბობაც შეეძლებათ. ნულ სართულზე კი შვედური მაგიდა განთავსდება. როგორც რესტორნის დამფუძნებლები ამბობენ, ვინაიდან თბილისში პროფესიონალურად მომზადებული თევზის რესტორნების ნაკლებობაა, რესტორანს „თევზი და ყავა“ გამორჩეული ადგილი ექნება, რადგან იქ მისულებს ადგილზე შესთავაზებენ პროფესიონალურად მომზადებულ ზღვის პროდუქტებს. „თევზი და ყავა“ სტუმრებს დილის 11-დან საღამოს 11-საათამდე მოემსახურება და როგორც რესტორნის ხელმძღვანელობა ამბობს, ფასები საკმაოდ ხელმისაწვდომია.

1:49
კერძო უმაღლესი სასწავლებლების ასოციაცია სოციალურად დაუცველ ოჯახს დაეხმარა
675 ნახვა დეკემბერი 30, 2018

კერძო უმაღლესი სასწავლებლების ასოციაცია სოციალურად დაუცველ ოჯახს დაეხმარა. როგორც “კვირას” ასოციაციიდან აცნობეს, ასოციაციის ხელმძღვანელი ზაზა მარუაშვილი დღეს, გურჯაანში ჩავიდა და უკიდურეს გაჭირვებაში მყოფ ოჯახს საახალწლოდ ჰუმანიტარული პროდუქტები ტანსაცმელი, მათთვის საჭირო ნივთები და თანხა გადასცა. აღსანიშნავია, რომ 26 წლის ნინო ობოლაშვილი 3 შვილთან ერთად უკიდურეს გაჭირვებაში ცხოვრობს. მას სიმსივნე აქვს და უსახსრობის გამო ვერ მკურნალობს. ოჯახს საკვების ფულიც არ გააჩნია. სოციალურად დაუცველი ოჯახის დასახმარებლად თანხა ევროპის უნივერსიტეტმა, ბათუმის ნავიგაციის სასწავლო უნივერსიტეტმა, ბათუმის უმაღლესი საზღვაო საინჟინრო სასწავლებელმა და საქართველოს უნივერსიტეტმა გაიღეს.

1:17
აფხაზები რუსეთის საზღვართან პროტესტის ნიშნად ტონობით მანდარინს ყრიან
1 640 ნახვა დეკემბერი 26, 2018

აფხაზები რუსეთის საზღვართან პროტესტის ნიშნად ტონობით მანდარინს ყრიან. ამის შესახებ ინფორმაციას და ვიდეორგოლს infoarmy.ge (საინფორმაციო თავდაცვის ლეგიონი) ავრცელებს.

0:60
„ბალნეოკურორტმა წყალტუბომ“ საქართველოს წითელი ჯვრის მარტოხელა ხანდაზმულ ბენეფიციარებს წინა საახალწლო სიურპრიზი მოუწყო
357 ნახვა დეკემბერი 26, 2018

„ბალნეოკურორტმა წყალტუბომ“ საქართველოს წითელი ჯვრის მარტოხელა ხანდაზმულ ბენეფიციარებს წინა საახალწლო სიურპრიზი მოუწყო. კამპანია #აჩუქესითბოს ფარგლებში „ბალნეოკურორტმა წყალტუბომ“ საქართველოს წითელი ჯვრის ბენეფიციარ მარტოხელა მოხუცებს წყალტუბოში უმასპინძლა, მათ სხვადასხვა სამკურნალო გამაჯანსაღებელი პროცედურები ბალნეოკურორტის მთავარი ექიმის კონსულტაციითა და მეთვალყურეობით ჩაუტარდათ. კამპანიის მიზანია, ხანდაზმულებს გაუხალისონ ყოველდღიურობა და აგრძნობინონ, რომ ისინი ძვირფასები და მნიშვნელოვნები არიან.

5:37
სუს-ის წარმომადგენლებმა ექსპერტებს, სამოქალაქო სექტორისა და სახალხო დამცველის წარმომადგენლებს ტერორიზმის წინააღმდეგ ბრძოლის ეროვნული სტრატეგია გააცნეს
145 ნახვა დეკემბერი 26, 2018

სახელმწიფო უსაფრთხოების სამსახურის ადმინისტრაციის უფროსი ნინო გიორგობიანი და კონტრტერორისტული ცენტრის უფროსი ირაკლი ჩიმაკაძე, სახელმწიფო უსაფრთხოების სამსახურის წარმომადგენლებთან ერთად ექსპერტებს, სამოქალაქო სექტორისა და სახალხო დამცველის წარმომადგენლებს შეხვდნენ. შეხვედრაზე ტერორიზმის წინააღმდეგ ბრძოლის ეროვნული სტრატეგია გააცნეს და მათ მიერ დასმულ კითხვებს უპასუხეს. სტრატეგია წარმოადგენს სახელმწიფოს ხედვას ტერორიზმისა და ექსტრემიზმის წინააღმდეგ ბრძოლის მიმართულებით და ხაზს უსვამს, როგორც სახელმწიფო უწყებების ერთობლივი მოქმედებების, ისე სამოქალაქო საზოგადოებისა და საერთაშორისო პარტნიორების აქტიური ჩართულობის მნიშვნელობას.

1:29
გიორგი გახარია – ჩვენ დღეს აქ ვიმყოფებით მწვავე დისკუსიისთვის და არა პოლიტიკური ცეკვებისთვის კამერების წინ
223 ნახვა დეკემბერი 21, 2018

არასოდეს შეგვშინებია მწვავე კითხვების და მწვავე დისკუსიების. რაც მთავარია, ჩვენ ყოველთვის გვესმოდა პარლამენტის მაკონტროლებელი ფუნქცია და პატივს ვცემთ ინსტიტუტებს. სწორედ ამიტომ, დღეს აქ ვართ, რომ პასუხი გავცეთ ერთი წლის განმავლობაში დაგროვილ მწვავე შეკითხვებს, – ამის შესახებ შინაგან საქმეთა მინისტრმა გიორგი გახარიამ პარლამენტში, პლენარულ სხდომაზე, სიტყვით გამოსვლისას განაცხადა. მანვე, დეპუტატებს მადლობა გადაუხადა შესაძლებლობისთვის და განაცხადა, რომ მისთვის არასდროს ყოფილა პარლამენტში მისვლა პრობლემა.

1:30
1:08
რატომ დაწვა პოლიციის მანქანის წინ – მწოლიარე კობა ხაბაზის განცხადება
5 610 ნახვა დეკემბერი 16, 2018

“ეს ჩემს ცხოვრებაში ხდება მეორედ, პირველად ჯავშანტრანსპორტიორების წინ დავწექი 8 აპრილს. მეორე დღეს, 9 აპრილის მოვლენები განვითარდა”, – ამის შესახებ პოლიციის მანქანის წინ მწოლიარე “ნაცმოძრაობის” წევრმა, კომა ხაბაზმა განაცხადა. როგორც ის ამბობს, საქართველოს “მტრის”, სალომე ზურაბიშვილის ინაუგურაციის გამო, პოლიცია მათ გზას უკეტავს.

2:37
თელავში სოფო ქაცარავას ავტომანქანა დაუზიანეს
1 592 ნახვა დეკემბერი 16, 2018

ოპოზიციის წევრებმა თელავში მმართველი გუნდის წევრის, სოფო ქაცარავას ავტომანქანა დააზიანეს. ტრანსფარანტებით აღჭურვილმა ოპოზიციონერებმა მანქანის საქარე მინას მუშტები დაარტყეს და შუშა გაბზარეს.

5:16
კიევში დაკავებული ქართველები საცობებში გაჩერებულ მანქანებს თავს ესხმოდნენ
34 318 ნახვა დეკემბერი 11, 2018

უკრაინის სამართალდამცველებმა “მოგზაური” ყაჩაღების დაჯგუფების წევრები დააკავეს, რომლებიც კიევსა და ოდესაში ქურდობის ბრალდებით იძებნებოდნენ. დაჯგუფებაში საქართველოსა და უკრაინის აქამდე ნასამართლევი მოქალაქეები შედიან. მომხდარის შესახებ ინფორმაციას ქალაქ კიევის პროკურატურის პრესსამსახური ავრცელებს. ქალაქის პროკურატურის განცხადებით, დაჯგუფებიდან, რომელიც 4 წევრისგან შედგება, სამი დაკავებულია, ერთზე კი ძებნაა გამოცხადებული. დაკავების დროს დამნაშავეები ხელყუმბარის გამოყენებით იმუქრებოდნენ. ისინი საცობებში გაჩერებულ მანქანებს დღის განმავლობაში თავს ესხმოდნენ და აყაჩაღებდნენ.

არხის შესახებ

საინფორმაციო-ანალიტიკური პორტალი „კვირა“ წარმოადგენს მედიასაშუალებას, რომლის ელექტრონული მისამართია – kvira.ge. პორტალი 2013 წელს შეიქმნა. იგი ყოველდღიურად აშუქებს მიმდინარე პოლიტიკურ, ეკონომიკურ, სოციალურ, მსოფლიო, კულტურულ, სპორტულ და სხვა სიახლეებს. მედიასაშუალება უფრო მეტად აკადემიური შინაარსის არის და ის ხშირად ცდილობს, მიმდინარე მოვლენები არა ზედაპირულად, არამედ სიღრმისეულად გააშუქოს. პორტალზე სისტემატურად იბეჭდება ანალიტიკური სტატიები.მიუხედავად იმისა, რომ „კვირა“ ბეჭდურ, ელექტრონულ მედიას წარმოადგენს, ვებგვერდზე ხშირად ხდება ვიდეოსიახლეების განთავსებაც. პორტალის ბაზაზე ფუნქციონირებს პრესკლუბიც, სადაც დღის განმავლობაში 3-4 პრესკონფერენცია იმართება. პრესკლუბის სტუმრები პოლიტიკოსები, ექსპერტები და საზოგადოებისთვის ცნობადი სახეები არიან, რომლებიც აქტუალურ თემებზე განცხადებებს და შეფასებებს აკეთებენ. ყოველდღიურად „კვირას“ პრესკლუბში გამართულ პრესკონფერენციებს აქტიურად აშუქებენ ქართული ტელეარხები. პორტალის ბაზაზე ასევე შექმნილია ვებგვერდი „კვირა+“, რომელიც პორტალ „კვირას“ დამატებას წარმოადგენს. ის აპოლიტიკური შინაარსის საიტია. ვებგვერდზე ყოველდღიურად ქვეყნდება საქართველოს და უცხოეთის საინტერესო სიახლეები, პუბლიკაციები, ორიგინალური სტატიები, ფოტო და ვიდეომასალა. პორტალს აქვს საიტის აზერბაიჯანულენოვანი ვერსიაც, რომლის მისამართია – az.kvira.ge. პორტალს აქვს პიარმომსახურების სერვისიც. „კვირას“ ამ მომსახურებით ხშირად სარგებლობენ სახელმწიფო თუ კერძო კომპანიები.„კვირა“ მათთვის გეგმავდა და გეგმავს კონკრეტულ სოციალურ, საქველმოქმედო, საზოგადოებრივ თუ კულტურულ აქტივობებს, თავადვე უზრუნველყოფს ღონისძიებების, პროექტების ორგანიზებას და მათ გაშუქებას სხვადასხვა მედიასაშუალებაში.„კვირას“ აქვს საინტერესო და მნიშვნელოვანი საერთაშორისო პროექტები. იგი აქტიურად თანამშრომლობს საზღვარგარეთ, ქართულ დიასპორებთან და მათთვის საინტერესო პროექტების ორგანიზებას და განხორციელებას უზრუნველყოფს.

არხის ვიდეოების ძებნა