13 917 226
ნახვა
2 552
ვიდეო
პრესკლუბი
20:30
„ნაცმოძრაობა“, როგორც პარტია, უნდა აიკრძალოს, სააკაშვილის სისხლიანი წლები უნდა გამოცხადდეს რეჟიმად
497 ნახვა ნოემბერი 15, 2018

საზოგადოება, უკვე აღარ ვაპირებთ გაჩერებას და მიგვაჩნია, რომ „ნაციონალური მოძრაობა“, როგორც პარტია, უნდა აიკრძალოს. სააკაშვილის სისხლიანი წლები უნდა გამოცხადდეს რეჟიმად, – ამის შესახებ 2004 წელს მოკლული ბუტა რობაქიძის დედამ, ია მეტრეველმა მედიაჰოლდინგ „კვირას“ პრესკლუბში გამართულ პრესკონფერენციაზე განაცხადა. ია მეტრეველის თქმით, მათი აქტივისტები მეტროსადგურებთან აგროვებენ ხელმოწერებს “არა ნაციზმს”.

15:47
ირაკლი პეტრიაშვილი საპრეზიდენტო არჩევნების მეორე ტურში მხარდაჭერას სალომე ზურაბიშვილს უცხადებს
209 ნახვა ნოემბერი 15, 2018

გაერთიანებული პროფკავშირების თავმჯდომარე ირაკლი პეტრიაშვილი საგანგებო მიმართვას ავრცელებს და საპრეზიდენტო არჩევნების მეორე ტურში მხარდაჭერას სალომე ზურაბიშვილს უცხადებს.

0:32
გრიგოლ ვაშაძე- საქართველოში ონკოლოგიურ დაავადებებს ვერ მკურნალობენ
202 ნახვა ნოემბერი 15, 2018

გაერთიანებული ოპოზიციის საპრეზიდენტო კანდიდატი, გრიგოლ ვაშაძე სტუდენტებთან შეხვედრისას სახელმწიფოში მოქმედი საყოველთაო ჯანდაცვის სისტემა და სამედიცინო სფერო გააკრიტიკა.

1:04
'ახლა ჩვენ ფეხბურთის დროს გვაქვს' - რას ფიქრობს გრიგოლ ვაშაძე ქართულ სპორტზე
192 ნახვა ნოემბერი 15, 2018

გაერთიანებული ოპოზიციის საპრეზიდენტო კანდიდატი, გრიგოლ ვაშაძე საქართველოს უნივერსიტეტის სტუდენტებს შეხვდა. შეხვედრის ვიდეოჩანაწერი სოციალურ ქსელში გავრცელდა, რომელიც 2017 წლის 9 მარტით არის დათარიღებული. იმაზე, თუ რას ფიქრობს საპრეზიდენტო კანდიდატი ქართულ ფეხბურთზე, სტუდენტებთან ჯერ კიდევ შარშან საუბრობდა.

0:24
“შეიძლება საქართველო 48 პროფესიულ თეატრს ინახავდეს?”
100 ნახვა ნოემბერი 15, 2018

უნდა ფინანსდებოდეს თუ არა პროფესიული თეატრები სახელმწიფო ბიუჯეტიდან, ამის შესახებ გაერთიანებული ოპოზიციის პრეზიდენტობის კანდიდატი გრიგოლ ვაშაძე საქართველოს უნივერსიტეტის სტუდენტებთან საუბრობს. შეხვედრა ვაშაძესა და სტუდენტებს შორის 2017 წლის 9 მარტს გაიმართა. “შეიძლება საქართველო 48 პროფესიულ თეატრს ინახავდეს? ვითომ პროფესიულ თეატრს, სადაც 80-იანი წლების დასაწყისიდან არავის შეუხედავს? როდესაც ეკონომიკურ საწყისებზე ვსაუბრობთ, ეს ეკონომიკური საწყისები გამორიცხულია, რომ ჩვენ დავაფუძნოთ, იმაზე, რომელზეც გვინდა, თუ არ გვექნა მართლა დემოკრატიული სახელმწიფო”, – განაცხადა გრიგოლ ვაშაძემ.

0:08
"გამარჯვება გქონდეთ" - პატრიარქი ბიძინა ივანიშვილს
748 ნახვა ნოემბერი 13, 2018

"ჯვარი გეწეროთ და გამარჯვება მოგცეთ“, - ასე დალოცა უწმინდესმა და უნეტარესმა ილია მეორემ ბიძინა ივანიშვილი. საქართველოს პატრიარქისა და ბიძინა ივანიშვილის შეხვედრის ამსახველი ვიდეო სოციალურ ქსელში გავრცელდა.

2:24
ასე აღრეულები ვიყავით ჩვენ 2013 წლამდე
290 ნახვა ნოემბერი 13, 2018

პარლამენტის ბიუროს სხდომაზე საპარლამენტო უმრავლესობის დეპუტატი ეკა ბესელია და „ევროპული საქართველოს“ წევრი ელენე ხოშტარია ერთმანეთს დაუპირისპირდნენ.

10:51
BBC: რუსეთი ლუგარის ლაბორატორიაზე დეზინფორმაციას ავრცელებს
312 ნახვა ნოემბერი 13, 2018

BBC-მ​ რუსული მედიისა და რუსი ოფიციალური პირების მიერ გავრცელებულ ინფორმაციაზე, რომ თითქოსდა, საქართველოში მდებარე აშშ-ს მიერ დაფინანსებულ ლუგარის ლაბორატორიაში ადამიანებზე ცდები მიმდინარეობს და მოსახლეობას შეუმოწმებელ, უცნობ პრეპარატებს აძლევენ, ჟურნალისტური გამოძიება ჩაატარა.

0:57
ზეკარის მიმდებარე ტერიტორიაზე გაჩენილი ხანძრის ქრობის პროცესი გრძელდება - ვიდეოკადრები ხანძრის ეპიცენტრიდან
492 ნახვა ნოემბერი 11, 2018

ბაღდათში, სოფელ ზეკარის მიმდებარე ტერიტორიაზე ტყეში გაჩენილი ხანძრის ქრობის პროცესი გრძელდება. საგანგებო სიტუაციების მართვის სამსახურის ცნობით, ხანძრის ქრობის პროცესში ჩართულია საგანგებო სიტუაციების მართვის სამსახურის 200 მეხანძრე-მაშველი. მიმდინარეობს ხანძრის ლოკალიზება. ადგილზე შექმნილია საგანგებო შტაბი. იწვის შერეული ტყის ქვედა საფარი. წინასწარი ინფორმაციით, დამწვარია 5 ჰა ფართობი. დასახლებულ ტერიტორიებზე ცეცხლის გავრცელების საშიშროება არ არსებობს. საგანგებო სიტუაციების მართვის სამსახური ხანძრის ეპიცენტრიდან პირველ ვიდეოკადრებსაც ავრცელებს.

0:54
მურმან დუმბაძე იმ ადამიანებს, ვინც გრიგოლ ვაშაძეს ხმა არ მისცა “დაბნეულ ცხვრებს” უწოდებს
1 256 ნახვა ნოემბერი 11, 2018

გაერთიანებული ოპოზიციის ერთ-ერთმა ლიდერმა, მურმან დუმბაძემ ამომრჩევლების იმ ნაწილს, ვინც ოპოზიციური გაერთიანების – “ძალა ერთობაშია” პრეზიდენტობის კანდიდატს, გრიგოლ ვაშაძეს არჩევნების პირველ ტურში ხმა არ მისცა, “დაბნეული ცხვრები” უწოდა და პირობა დადო, რომ მათ გამოასწორებს. აღნიშნული სიტყვებით მოქალაქეების ნაწილი დუმბაძემ ბათუმში, აჭარაში შეკრებილ ამომრჩეველთან შეხვედრისას მოიხსენია.

6:59
გორის საკრებულოს წევრმა „ევროპული საქართველო“ დატოვა
1 048 ნახვა ნოემბერი 9, 2018

ევროპული საქართველოს“ გორის ორგანიზაციის ერთ-ერთმა ლიდერმა და გორის მუნიციპალიტეტის საკრებულოს წევრმა – ზვიად საბანაძემ, ამავე პარტიის ათამდე სხვა აქტივისტთან ერთად, „ევროპული საქართველოს“ რიგები დატოვა, – ამის შესახებ ზვიად საბანაძემ ჟურნალისტებთან განცხადება მან რამდენიმე წუთის წინ გააკეთა. „ჩემთვის ცნობილი იყო, რომ „ევროპულ საქართველოს“ არანაირი კავშირი აღარ ჰქონდა „ნაციონალურ მოძრაობასთან“, მაგრამ ყველაფერს ფარდა აეხადა. ჩემთვის და ჩემი მეგობრებისთვის მიუღებელია „ნაციონალურ მოძრაობასთან“ ერთად მუშაობა და ვტოვებთ „ევროპულ საქართველოს“. ეს არის ჩემი და ჩემი მეგობრების გადაწყვეტილება“, – განაცხადა ზვიად საბანაძემ.

0:39
ვაშაძემ ამჯერად მერკელთან იცრუა-ჯაში კანდიდატის ტყუილს ქვეყნისთვის საზიანოდ აფასებს
704 ნახვა ნოემბერი 9, 2018

გაერთიანებული ოპოზიციის საპრეზიდენტო კანდიდატი, გრიგოლ ვაშაძე კვლავ ცრუობს. მან რამდენიმე დღის წინ პატრიარქთან შეხვედრის შემდეგ, არასწორი ინფორმაცია გაავრცელა, ამჟამად კი გერმანიის სახელმწიფო კანცლერს საპრეზიდენტო არჩევნებთან დაკავშირებით ცრუ ინფორმაცია მიაწოდა. საპარლამენტო უმრავლესობის წევრი მარიამ ჯაში გაერთიანებული ოპოზიციის საპრეზიდენტო კანდიდატ გრიგოლ ვაშაძეს მორიგ ტყუილში ამხელს. პარლამენტის წევრის შეფასებით, გრიგოლ ვაშაძე, რომელიც საქართველოს პრეზიდენტობის კანდიდატია, ქვეყნისთვის საზიანო განცხადებებს აკეთებს. “ჩვენ ვნახეთ მორიგი შოუ, სიცრუე “ნაციონალური მოძრაობის” სამარკო ნიშანი გახდა”,

0:13
საქართველოში პირველი ქართული სახანძრო-სამაშველო მანქანის აწყობა მიმდინარეობს
221 ნახვა ნოემბერი 9, 2018

პირველი ქართული სახანძრო-სამაშველო მანქანის აწყობა უკვე დაწყებულია – საგანგებო სიტუაციების მართვის სამსახურის სამეცნიერო-ტექნიკურ ცენტრ “დელტასა“ და ავსტრიულ კომპანია „როზენბაუერის“ ერთობლივი პროექტი მულტიფუნქციური მანქანის შექმნას ითვალისწინებს. საქართველოში აწყობილი სახანძრო-სამაშველო მანქანა ტესტირებას ავსტრიაში, „როზენბაუერის“ ბაზაზე გაივლის, რის შემდეგაც „დელტა“ ავტომანქანების სერიულ წარმოებას დაიწყებს.

1:49
მომავალმა პრეზიდენტმა ტერიტორიების დაბრუნებაზე უნდა იზრუნოს
150 ნახვა ნოემბერი 9, 2018

პრეზიდენტობის დამოუკიდებელი კანდიდატი სალომე ზურაბიშვილი ატოცში ჩავიდა, სადაც ოკუპანტები მავთულხლართებს ამონტაჟებენ. როგორც მან მედიის წარმომადგენლებთან საუბრისას განაცხადა, მომავალმა პრეზიდენტმა ტერიტორიების დაბრუნებაზე უნდა იზრუნოს.

1:16
პრეზიდენტი არ შეიძლება გახდეს ის, ვინც საქართველოს ომის დაწყებაში დაადანაშაულებს
167 ნახვა ნოემბერი 9, 2018

“საქართველო ახალ პრეზიდენტს აირჩევს, სამხედრო ძალების უმაღლეს მთავარსარდალს. ეს არ შეიძლება იყოს ის ადამიანი, ვინც დაადანაშაულებს საქართველოს ომის დაწყებაში, ვისი ბრალდების საფუძველზეც ჰააგის ტრიბუნალი და რუსი ოკუპანტი ცდილობს, ჩვენ ბიჭები გაასამართლოს”, – ამ სიტყვებით მიმართავს გენერალი დევი ჭანკოტაძე ჯარს და ამომრჩეველს.

2:23
"ნაციონალური მოძრაობის“ აქტივისტმა, სალომე ზურაბიშვილს სიტყვიერი შეურაცხყოფა მიაყენა
283 ნახვა ნოემბერი 9, 2018

“უნამუსო ჩათლაშკა”, – ამ სიტყვებით მიმართა „ერთიანი ნაციონალური მოძრაობის“ აქტივისტმა, ლანა ღვინჯილიამ სალომე ზურაბიშვილს სიტყვიერი შეურაცხყოფა მიაყენა.

2:09
ოპერის წინ მიმდინარე აქციაზე ინციდენტი მოხდა
769 ნახვა ნოემბერი 7, 2018

რუსთაველის გამზირზე, ოპერის წინ მიმდინარე აქციაზე ინციდენტი მოხდა. სადაც მოძრაობა “მე ვიცავ თავისუფლებას” წევრები არიან შეკრებილი. როგორც “კვირას” ჟურნალისტი შემთხვევის ადგილიდან იტყობინება, აქციაზე “ნაციონალური მოძრაობის” მხარდამჭერი მივიდა და პროვოკაციული განცხადებებით, აქციის მონაწილეებს მიმართა, რის შედეგადაც, აქციის მონაწილეებსა და “ნაციონალური მოძრაობის” მხარდამჭერს შორის სიტყვიერი დაპირისპირება მოხდა. თუმცა, აქციის მონაწილეებმა ინციდენტი დროულად თავადვე აღკვეთეს. ცნობისთვის, 2007 წლის 7 ნოემბერს განვითარებულ მოვლენებთან დაკავშირებით, თბილისში, რუსთაველის თეატრთან, აქცია-მსვლელობა მიმდინარეობს.

13:09
ატოცში, სადაც ე.წ. მესაზღვრეები უკანონო ბორდერიზაციის პროცესს ახორციელებენ, ქეთევან ციხელაშვილი ჩავიდა
1 294 ნახვა ნოემბერი 7, 2018

საოკუპაციო ძალების წარმომადგენლებმა ქარელის მუნიციპალიტეტის სოფელ ატოცთან საფორტიფიკაციო ნაგებობების მონტაჟი განაახლეს. ადგილზე, ვითარების გასაცნობად, შერიგებისა და სამოქალაქო თანასწორობის საკითხებში სახელმწიფო მინისტრი ქეთი ციხელაშვილი და ქარელის მუნიციპალიტეტის მერი ზაზა გულიაშვილი ჩავიდნენ. “ეს სამარცხვინოა, ეს არის 21-ე საუკუნესთან შეუთავსებელი მოცემულობა, რუსეთი ამით წარმატებას ვერ მიაღწევს. ალბათ, დროა, რომ ეს კრემლშიც გააცნობიერონ, სადაც გეგმავენ და ამ ჯარისკაცებს ასეთი სახის სამუშაოების ჩატარებას ავალებენ საქართველოს შუაგულში”, – განაცხადა ქეთევან ციხელაშვილმა ჟურნალისტებთან საუბარში.

2:39
როდესაც საქმე ეხება ქვეყანას, პირადულს ყოველთვის ვივიწყებდი და შევძლებ, რომ ახლაც დავივიწყო
522 ნახვა ნოემბერი 3, 2018

“როდესაც საქმე ეხება ქვეყანას, პირადულს ყოველთვის ვივიწყებდი და შევძლებ, რომ ახლაც დავივიწყო”, – ამის შესახებ თავდაცვის ყოფილმა მინისტრმა, ირაკლი ოქრუაშვილმა გაერთიანებული ოპოზიციის საპრეზიდენტო კანდიდატთან, გრიგოლ ვაშაძესთან შეხვედრისას განაცხადა. შეხვედრის კადრები სოციალურ ქსელში გავრცელდა.

23:36
ქართულ ოცნებას“ ვურჩევ, სასწრაფოდ გაიტანოს პარლამენტიდან კანონპროექტი მარიხუანას კულტივაციის შესახებ
825 ნახვა ნოემბერი 1, 2018

„ქართულ ოცნებას“ ვურჩევ, სასწრაფოდ გაიტანოს პარლამეტიდან კანონპროექტი მარიხუანას კულტივაციის და საექსპორტო წარმოების შესახებ, – ამის შესახებ პროფესორმა ლადო პაპავამ მედიაჰოლდინგ „კვირას“ პრესკლუბში გამართულ პრესკონფერენციაზე განაცხადა.

19:12
მიხეილ სააკაშვილი ვერ გაბედავს ჩამოსვლას, არ არის უნარიანი ჩამოვიდეს ამ ქვეყანაში
867 ნახვა ნოემბერი 1, 2018

ის მოსაზრება, რომ თუ საპრეზიდენტო არჩევნებში ვაშაძემ გაიმარჯვა, დავიღუპებით და სამოქალაქო ომი მოხდება, არეულობა იქნება, უსაგნო და უსაფუძვლო მგონია, – ამის შესახებ უფლებადამცველმა, არასამთავრობო ორგანიზაცია “ადამიანის უფლებათა პრიორიტეტის” აღმასრულებელმა დირექტორმა, ლია მუხაშავრიამ მედიაჰოლდინგ „კვირას“ პრესკლუბში გამართულ პრესკონფერენციაზე განაცხადა. მისი თქმით, საპრეზიდენტო არჩევნების პირველი ტურის შედეგი და კანდიდატების პროცენტული მაჩვენებელი რეალობას მეტ-ნაკლებად ასახავს.

0:34
ბარამიძე და დარჩიაშვილი ავღანეთში საპრეზიდენტო არჩევნებზე იმყოფებიან
267 ნახვა ოქტომბერი 25, 2018

პარტია “ნაციონალური მოძრაობის” პარლამენტის ყოფილი დეპუტატები დავით დარჩიაშვილი და გიორგი ბარამიძე ავღანეთში, ბაგრამის ბაზაზე იმყოფებიან. ამ წუთებში, თავდაცვის ყოფილი მინისტრი გიორგი ბარამიძე და ყოფილი დეპუტატი დავით დარჩიაშვილი საქართველოს საპრეზიდენტო არჩევნების პროცესს აკვირდებიან.

1:21
ავტომანქანებზე ტექდათვალიერების ყალბი ანგარიშების გაცემის ფაქტები გამოავლინდა
1 150 ნახვა ოქტომბერი 19, 2018

საქართველოს ფინანსთა სამინისტროს საგამოძიებო სამსახურის თანამშრომლებმა, ბოლო პერიოდში მიღებული ოპერატიული ინფორმაციების საფუძველზე დაიწყეს გამოძიება საქართველოს მასშტაბით, სხვადასხვა რეგიონში მდებარე ტექნიკური ინსპექტირების ცენტრების მიერ საქართველოს მთავრობის დადგენილებით დამტკიცებული ტექნიკური რეგლამენტის მოთხოვნათა დარღვევით, ტექნიკურად გაუმართავ ავტოსატრანსპორტო საშუალებებზე ტექნიკური ინსპექტირების დადებითი ანგარიშების კანონდარღვევით გაცემის ფაქტებზე. გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად ქალაქ თბილისში, სამეგრელო-ზემო სვანეთის, იმერეთის, კახეთის და მცხეთა-მთიანეთის რეგიონებში გამოვლინდა ტექნიკური ინსპექტირების განმახორციელებელი 10 ცენტრი, რომლის თანამშრომლები როგორც მუნიციპალური, ასევე კერძო მფლობელობაში არსებული ავტოსატრანსპორტო საშუალებების შემოწმებისას, მიუხედავად მათი ვიზუალური ან/და ტექნიკური დაზიანებებისა, ტექნიკური ინსპექტირების დადებითად გავლის ყალბ ანგარიშებს გასცემდნენ. საგამოძიებო სამსახურის თანამშრომლებმა, სასამართლოს განჩინებების საფუძველზე, ტექნიკური ინსპექტირების ზემოაღნიშნულ ცენტრებში საგამოძიებო მოქმედებები განახორციელეს. ამ ეტაპზე, ტარდება შესაბამისი ექსპერტიზები. გამოძიება მიმდინარეობს საქართველოს სისხლის სამართლის კოდექსის 362-ე მუხლის მეორე და 221-ე მუხლის მეოთხე ნაწილებით, რაც სასჯელის სახით ითვალისწინებს თავისუფლების აღკვეთას 4-დან 6 წლამდე ვადით.

0:16
ქერჩის კოლეჯში აფეთქებისას 10 ადამიანი დაიღუპა
1 348 ნახვა ოქტომბერი 17, 2018

ყირიმის ქალაქ ქერჩში მდებარე სასწავლო კოლეჯში აფეთქება მოხდა, რომლის შედეგადაც, წინასწარი ინფორმაციით, 10 ადამიანი დაიღუპა, 50-მდე კი – დაშავდა. მსხვერპლის შესახებ ინფორმაციას საინფორმაციო სააგენტო “კრიმინფო” ავრცელებს. ყირიმის ჯანდაცვის სამინისტრო ამ მონაცემებს ადასტურებს და ინციდენტის დეტალებს იკვლევს. “წინასწარი ცნობით, 50 ადამიანი დაშავდა, 10 კი – დაიღუპა. შემთხვევის ადგილას 8 სასწრაფო დახმარების ბრიგადა მუშაობს, ასევე, საქმეში ჩართულია სანიტარული ავიაცია”, – იტყობინება უწყების პრესსამსახური. მედიის ცნობით, სასწავლო დაწესებულებაში ბუნებრივი აირის აფეთქება მოხდა. შემთხვევის ადგილას ბუნებრივი აირის საავარიო ბრიგადა მუშაობს.

0:48
თურქეთში ავტოავარიას 7 ადამიანი ემსხვერპლა
967 ნახვა ოქტომბერი 17, 2018

თურქეთში, კახრამანმარაშის პროვინციაში ხაზის ავტობუსი ამოტრიალდა, დაიღუპა 7 ადამიანი, ხოლო 24 – ძიმედ დაშავდა. მომხდარის შესახებ ინფორმაციას ტელეარხი NTV ავრცელებს. ავტოსაგზაო შემთხვევა კახრამანმარაში-კეისერის ტრასაზე მოხდა. ავტობუსი გზის სავალი ნაწილიდან გადავიდა და გადაბრუნდა. ამ დროისთვის, ავტობუსის მწყობრიდან გამოსვლის მიზეზი უცნობია.

1:22
სახელმწიფოს კუთვნილი ქონების მოტყუებით დაუფლების ფაქტზე სამი პირი პასუხისგებაში მისცეს
251 ნახვა ოქტომბერი 5, 2018

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ - სამძებრო ღონისძიებებისა და საგამოძიებო მოქმედებების შედეგად, ინფრასტრუქტურული პროექტის განხორციელებისას, ყალბი დოკუმენტების დამზადება-გამოყენებისა და დიდი ოდენობით სახელმწიფო ქონების დაუფლების ფაქტზე სამი პირი პასუხისგებაში მისცეს. გამოძიებით დადგინდა, რომ ბრალდებულმა, ერთ-ერთი სამშენებლო კომპანიის ხელმძღვანელმა, 2016-2017 წლებში, წალკის მუნიციპალიტეტის დაკვეთით ორი ინფრასტრუქტურული პროექტი განახორცი

0:19
ზაზა სარალიძეს პირველადი სამედიცინო დახმარება პოლიციელებმა აღმოუჩინეს
195 ნახვა სექტემბერი 26, 2018

ხორავას ქუჩაზე მოკლული ახალგაზრდის, დავით სარალიძის მამა, ზაზა სარალიძე, რომელიც პარლამენტის წინ საპროტესტო აქციას მართავს, შეუძლოდ გახდა. სოციალურ ქსელში ვიდეო ვრცელდება, რომელშიც ჩანს, რომ სარალიძეს ადგილზე სასწრაფოს მისვლამდე პირველად დახმარებას საპატრულო პოლიციის წარმომადგენლები უწევდნენ. სასწრაფო დახმარების ბრიგადის მისვლის შემდეგ კი ზაზა სარალიძემ სამედიცინო დახმარებაზე უარი განაცხადა.

7:05
კიბოს გამომწვევი აზბესტის გამოყენება საქართველოში – რა წერია დოკუმენტში, რომელსაც ხვალ პარლამენტში განიხილავენ
80 ნახვა სექტემბერი 25, 2018

საქართველოში 2017 წელს დაახლოებით 515 ტონა აზბესტის შემცველი მასალა შემოვიდა. ამის შესახებ მედიაჰოლდინგ “კვირას” პრესკლუბში გამართულ პრესკონფერენციაზე ფონდ “პარტნიორობა საგზაო უსაფრთხოებისთვის” დირექტორმა, ირაკლი იზორიამ განაცხადა. ორგანიზაციამ პარლამენტის საკომიტეტო მოკვლევისათვის, რომელიც თბილისში ატმოსფერული ჰაერის მდგომარეობას ეხება, დოკუმენტი მოამზადა. დოკუმენტში განხილულია აზბესტის როლი ჰაერის დაბინძურებაში. როგორც ირაკლი იზორიამ განაცხადა, საქართველოში აზბესტის შემცველი პროდუქციის წარმოება თითქმის 20 წელია შეწყდა, თუმცა მისი იმპორტი დღემდე ხორციელდება; მიუხედავად იმ მძიმე შედეგისა, რისი გამოწვევაც აზბესტს შეუძლია, მისი შემცველი პროდუქცია მაინც აქტიურად გამოიყენება.

0:14
საცხოვრებელი კორპუსიდან მოქალაქეების ევაკუაცია განხორციელდა
224 ნახვა სექტემბერი 24, 2018

თბილისში, სამგორის რაიონში, საცხოვრებელი სახლის მე-5 სართულზე 2 ოთახი იწვის. საგანგებო სიტუაციათა მართვის სამსახურის ინფორმაციით, წინასწარი მონაცემებით, დამწვარია 20 კვ.მ ფართობი. უსაფრთხოების მიზნით საცხოვრებელი სახლიდან მეხანძრე-მაშველებმა მოქალაქეების ევაკუაცია განახორციელეს. ხანძარი ლოკალიზებულია. ადგილზე მუშაობს 6 სახანძრო-სამაშველო ჯგუფი. შემთხვევის შედეგად არავინ დაშავებულა.

32:13
ჩვენ გვაქვს უფლება, ჩვენი პოზიციის გამოხატვის, თუნდაც ამის გამო გვდევნონ და განგვიკითხონ
60 ნახვა სექტემბერი 24, 2018

„სახელმწიფო და ეკლესია კონკორდატის საფუძველზე გამოყოფილია ერთმანეთისგან. ორივე, სახელმწიფოც და ეკლესიაც, არის დამოუკიდებელი სუბიექტი და მათ შორის არსებობს საკონსტიტუციო შეთანხმება, რომელსაც კონკორდატი ეწოდება. ჩვენ, რა თქმა უნდა, არჩევნებში ვერ მოვუწოდებთ ადამიანებს, რომ ან იმ პარტიას დაუჭირონ მხარი, ან ამ პარტიას, მაგრამ, ჩვენ გვაქვს პოზიციის გამოხატვის უფლება, ჩვენ თავად როგორ გვესახება ამა თუ იმ პოლიტიკური პარტიის, თუ კონკრეტული პიროვნების დამოკიდებულება ისეთ საკითხებზე , როგორიცაა სარწმუნოება, ზნეობრივი, მორალური საკითხები. ეს ჩვენ შეგვიძლია, შევაფასოთ. ამასთან დაკავშირებით, მინდა წაგიკითხოთ ჩვენი ერთ-ერთი დიდი წმინდანის, ამბროსი ხელაიას სასამართლო პროცესზე სიტყვით გამოსვლიდან ამონარიდი. ის ერთი ერთში ეხმიანება დღევანდელობას:

3:40
თბილისში მე-4 საერთაშორისო კონფერენცია - „დსთ-ს ფეროშენადნობთა ბაზარი“ გაიმართა (1)
127 ნახვა სექტემბერი 21, 2018

თბილისში მე-4 საერთაშორისო კონფერენცია – „დსთ-ს ფეროშენადნობთა ბაზარი“ გაიმართა. ღონისძიება უკრაინული ორგანიზაცია „მეტალ-ექსპერტის“ ორგანიზებით ჩატარდა. კონფერენციაში მსოფლიო ფეროშენადნობთა ბაზრის ლიდერი კომპანიის წარმომადგენლები მონაწილეობდნენ, მათ შორის – უკრაინიდან, რუსეთიდან, საქართველოდან, ყაზახეთიდან და ევროპისა და აზიის ქვეყნებიდან. ხოლო თბილისში ღონისძიებას ფეროშენადნობი პროდუქციისა და მანგანუმის მწარმოებელმა კომპანიებმა უმასპინძლეს. კონფერენციის მიზანი სფეროში მიმდინარე მოვლენების, არსებული გამოწვევებისა და შესაძლებლობების ურთიერთგაზიარებაა. ის ქართულ კომპანიებს მეტალურგიის მსოფლიო რუკაზე პოზიციის გამყარების შესაძლებლობას მისცემს, ასევე ხელს შეუწყობს დარგის გაძლიერებას. კონფერენციის მონაწილეებს სიტყვით მიმართა ეკონომიკისა და მდგრადი განვითარების სამინისტროს საგარეო ვაჭრობის პოლიტიკის დეპარტამენტის ვაჭრობის მსოფლიო ორგანიზაციასთან ურთიერთობისა და პოლიტიკის სამმართველოს უფროსმა, მარინა მაჭარაშვილმა.

0:57
საგამოძიებო სამსახურმა უაქციზო სიგარეტის შენახვა-გადაზიდვის ოთხი ფაქტი გამოავლინა
76 ნახვა სექტემბერი 21, 2018

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად დიდი ოდენობით მარკირებას დაქვემდებარებული აქციზური საქონლის აქციზური მარკის გარეშე შენახვა-გადაზიდვის ოთხი ფაქტი გამოავლინეს. გამოძიებით დადგინდა, რომ სამეგრელოს, ქვემო ქართლის და აჭარის რეგიონებში, დანაშაულში მხილებული პირები, შემდგომი რეალიზაციის მიზნით სხვადასხვა დასახელების, საერთო ჯამში 4 211 კოლოფი უაქციზო სიგარეტის გადაზიდვას ახდენდნენ

0:20
დაკავებულს ზურა ვარდიაშვილი სხვა პიროვნებაში შეეშალა
170 ნახვა სექტემბერი 19, 2018

შსს-მ „ლიბერალის“ რედაქტორის ზურაბ ვარდიაშვილის ფიზიკური შეურაცხყოფის ფაქტზე ერთი პირი დააკავა. როგორც შს სამინისტროს მიერ გავრცელებულ ინფორმაციაშია აღნიშნული, დაკავებულს ზურაბ ვარდიაშვილი სხვა პირში აერია და მას ფიზიკური შეურაცხყოფა მიაყენა. შსს-ს მიერ გავრცელებულ ინფორამციას „კვირა“ უცვლელად გთავაზობთ: „შინაგან საქმეთა სამინისტროს თბილისის პოლიციის დეპარტამენტის ისანი-სამგორის სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1986 წელს დაბადებული ლ.მ., ძალადობის ბრალდებით, თბილისში დააკავეს. გამოძიებამ დაადგინა, რომ ბრალდებულმა მიმდინარე წლის 15 სექტემბერს თბილისში ფიზიკური შეურაცხყოფა მიაყენა ჟურნალისტს, „ლიბერალის“ რედაქტორს – ზურაბ ვარდიაშვილს და შემთხვევის ადგილიდან მიიმალა. პოლიციამ, ჩატარებული ინტენსიური ოპერატიულ-საგამოძიებო ღონისძიებების შედეგად, თავდამსხმელის ვინაობა მალევე დაადგინა. ჩატარდა ჟურნალისტის და ინციდენტის თვითმხილველთა გამოკითხვები. ზურაბ ვარდიაშვილმა, საქმეზე მიმდინარე გამოძიების ფარგლებში, თავდამსხმელი ვერ ამოიცნო, თუმცა პოლიციამ თავდამსხმელის იდენტიფიცირება შეძლო და დააკავა. ბრალდებულის განცხადებით, თავდასხმამდე რამდენიმე დღით ადრე, ერთ-ერთ სავაჭრო ცენტრში მას ორმა პირმა ფიზიკური და სიტყვიერი შეურაცხყოფა მიაყენა. ლ.მ.-ს თქმით, მან მომხდარიდან რამდენიმე დღეში, სოციალური ქსელის დახმარებით მოძებნა მსგავსი გვარი-სახელის და გარეგნობის მქონე პირი, რომელსაც დაუთქვა შეხვედრა, შეხვდა და ფიზიკური შეურაცხყოფა მიაყენა. ბრალდებული აღიარებს დანაშაულს და აცხადებს, რომ მას ჟურნალისტი ზურაბ ვარდიაშვილი სხვა ადამიანში შეეშალა. გამოძიება ძალადობის ფაქტზე, საქართველოს სისხლის სამართლის კოდექსის 126-ე მუხლის პირველი ნაწილით მიმდინარეობს“, – ნათქვამია შსს-ს მიერ გავრცელებულ ინფორმაციაში.

0:58
ქართული მაფიის წევრების დაკავების კადრები ესპანეთში
142 ნახვა სექტემბერი 19, 2018

ესპანეთის პოლიციამ საქართველოდან და კავკასიიდან ჩასული 15 ადამიანი, რომლებიც საცხოვრებელ სახლებს ქურდავდნენ, ორგანიზებულ დანაშაულში მონაწილეობის ბრალდებით დააკავა. მომხდარის შესახებ კატალონიის სამართალდამცველები იუწყებიან. პოლიციაში აცხადებენ, რომ დაკავებულები იყვნენ დანაშაულებრივი ჯგუფის, როგორც რიგითი წევრები, ასევე მათი ლიდერები. ორი ადამიანი დაკითხვის შემდეგ გაათავისუფლეს, დანარჩენები კი წინასწარი დაკავების იზოლატორში მოათავსეს. როგორც ცნობილია, ეჭვმიტანილები მონაწილეობას იღებდნენ ბარსელონაში მდებარე სულ მცირე 22 სახლის გაქურდვაში. გამორიცხული არ არის, რომ მათი კვალი სხვა გაუხსნელ საქმეებშიც აღმოჩნდეს. სპეცოპერაცია ტარდებოდა ბარსელონაში, ასევე ქალქ ოსპიტალეტ-დე-ლობრეგეტში, სან-ადრიან-დე-ბესოსში და სანტა-კოლომა-დე-გრამაენტში. ჩხრეკისას, პოლიციამ იპოვა და ამოიღო 13 ათასი ევრო, ორი კილოგრამი ძვირფასეულობა, ელექტრომოწოყობილობები, საათები და ა.შ. როგორც ცნობილი გახდა, დაკავების ოპერაცია აპრილიდან იგეგმებოდა, როდესაც პოლიციამ დაადგინა, რომ კატალონიასა და ესპანეთის სხვა რეგიონებში ორი დანაშაულებრივი ჯგუფი მოქმედებს. დაჯგუფების ლიდერის სახელი საგამოძიებო ინტერესების გამო არ ვრცელდება, ცნობილია მხოლოდ ის, რომ დამნაშავე 53 წლისაა, ნასამართლევია და სასჯელი რუსეთში მოიხადა.

2:19
ნარკორეალიზატორების დაკავების კადრები
521 ნახვა სექტემბერი 19, 2018

შინაგან საქმეთა სამინისტროს თანამშრომლების აქტიური მუშაობის შედეგად, ბოლო ცხრა თვეში, დაკავებულია 143 ნარკორეალიზატორი. ამის შესახებ უწყებაში ცოტა ხნის წინ გამართული ბრიფინგზე გახდა ცნობილი. მათივე ინფორმაციით, 2018 წლის პირველი იანვრიდან დღემდე, ამოღებულია: 25 კილოგრამი ჰეროინი, 1 კილო და 500 გრამი კოკაინი, 8990 აბი “სუბოტექსი” და “სუბოქსინი”, 2 კილო და 100 გრამი “მდმა”, 1 კილო და 200 გრამი ფსიქოტროპული მედიკამენტები.

არხის შესახებ

საინფორმაციო-ანალიტიკური პორტალი „კვირა“ წარმოადგენს მედიასაშუალებას, რომლის ელექტრონული მისამართია – kvira.ge. პორტალი 2013 წელს შეიქმნა. იგი ყოველდღიურად აშუქებს მიმდინარე პოლიტიკურ, ეკონომიკურ, სოციალურ, მსოფლიო, კულტურულ, სპორტულ და სხვა სიახლეებს. მედიასაშუალება უფრო მეტად აკადემიური შინაარსის არის და ის ხშირად ცდილობს, მიმდინარე მოვლენები არა ზედაპირულად, არამედ სიღრმისეულად გააშუქოს. პორტალზე სისტემატურად იბეჭდება ანალიტიკური სტატიები.მიუხედავად იმისა, რომ „კვირა“ ბეჭდურ, ელექტრონულ მედიას წარმოადგენს, ვებგვერდზე ხშირად ხდება ვიდეოსიახლეების განთავსებაც. პორტალის ბაზაზე ფუნქციონირებს პრესკლუბიც, სადაც დღის განმავლობაში 3-4 პრესკონფერენცია იმართება. პრესკლუბის სტუმრები პოლიტიკოსები, ექსპერტები და საზოგადოებისთვის ცნობადი სახეები არიან, რომლებიც აქტუალურ თემებზე განცხადებებს და შეფასებებს აკეთებენ. ყოველდღიურად „კვირას“ პრესკლუბში გამართულ პრესკონფერენციებს აქტიურად აშუქებენ ქართული ტელეარხები. პორტალის ბაზაზე ასევე შექმნილია ვებგვერდი „კვირა+“, რომელიც პორტალ „კვირას“ დამატებას წარმოადგენს. ის აპოლიტიკური შინაარსის საიტია. ვებგვერდზე ყოველდღიურად ქვეყნდება საქართველოს და უცხოეთის საინტერესო სიახლეები, პუბლიკაციები, ორიგინალური სტატიები, ფოტო და ვიდეომასალა. პორტალს აქვს საიტის აზერბაიჯანულენოვანი ვერსიაც, რომლის მისამართია – az.kvira.ge. პორტალს აქვს პიარმომსახურების სერვისიც. „კვირას“ ამ მომსახურებით ხშირად სარგებლობენ სახელმწიფო თუ კერძო კომპანიები.„კვირა“ მათთვის გეგმავდა და გეგმავს კონკრეტულ სოციალურ, საქველმოქმედო, საზოგადოებრივ თუ კულტურულ აქტივობებს, თავადვე უზრუნველყოფს ღონისძიებების, პროექტების ორგანიზებას და მათ გაშუქებას სხვადასხვა მედიასაშუალებაში.„კვირას“ აქვს საინტერესო და მნიშვნელოვანი საერთაშორისო პროექტები. იგი აქტიურად თანამშრომლობს საზღვარგარეთ, ქართულ დიასპორებთან და მათთვის საინტერესო პროექტების ორგანიზებას და განხორციელებას უზრუნველყოფს.

არხის ვიდეოების ძებნა