ხორავას ქუჩაზე მოკლული ახალგაზრდის, დავით სარალიძის მამა, ზაზა სარალიძე, რომელიც პარლამენტის წინ საპროტესტო აქციას მართავს, შეუძლოდ გახდა. სოციალურ ქსელში ვიდეო ვრცელდება, რომელშიც ჩანს, რომ სარალიძეს ადგილზე სასწრაფოს მისვლამდე პირველად დახმარებას საპატრულო პოლიციის წარმომადგენლები უწევდნენ. სასწრაფო დახმარების ბრიგადის მისვლის შემდეგ კი ზაზა სარალიძემ სამედიცინო დახმარებაზე უარი განაცხადა.
საქართველოში 2017 წელს დაახლოებით 515 ტონა აზბესტის შემცველი მასალა შემოვიდა. ამის შესახებ მედიაჰოლდინგ “კვირას” პრესკლუბში გამართულ პრესკონფერენციაზე ფონდ “პარტნიორობა საგზაო უსაფრთხოებისთვის” დირექტორმა, ირაკლი იზორიამ განაცხადა. ორგანიზაციამ პარლამენტის საკომიტეტო მოკვლევისათვის, რომელიც თბილისში ატმოსფერული ჰაერის მდგომარეობას ეხება, დოკუმენტი მოამზადა. დოკუმენტში განხილულია აზბესტის როლი ჰაერის დაბინძურებაში. როგორც ირაკლი იზორიამ განაცხადა, საქართველოში აზბესტის შემცველი პროდუქციის წარმოება თითქმის 20 წელია შეწყდა, თუმცა მისი იმპორტი დღემდე ხორციელდება; მიუხედავად იმ მძიმე შედეგისა, რისი გამოწვევაც აზბესტს შეუძლია, მისი შემცველი პროდუქცია მაინც აქტიურად გამოიყენება.
თბილისში, სამგორის რაიონში, საცხოვრებელი სახლის მე-5 სართულზე 2 ოთახი იწვის. საგანგებო სიტუაციათა მართვის სამსახურის ინფორმაციით, წინასწარი მონაცემებით, დამწვარია 20 კვ.მ ფართობი. უსაფრთხოების მიზნით საცხოვრებელი სახლიდან მეხანძრე-მაშველებმა მოქალაქეების ევაკუაცია განახორციელეს. ხანძარი ლოკალიზებულია. ადგილზე მუშაობს 6 სახანძრო-სამაშველო ჯგუფი. შემთხვევის შედეგად არავინ დაშავებულა.
„სახელმწიფო და ეკლესია კონკორდატის საფუძველზე გამოყოფილია ერთმანეთისგან. ორივე, სახელმწიფოც და ეკლესიაც, არის დამოუკიდებელი სუბიექტი და მათ შორის არსებობს საკონსტიტუციო შეთანხმება, რომელსაც კონკორდატი ეწოდება. ჩვენ, რა თქმა უნდა, არჩევნებში ვერ მოვუწოდებთ ადამიანებს, რომ ან იმ პარტიას დაუჭირონ მხარი, ან ამ პარტიას, მაგრამ, ჩვენ გვაქვს პოზიციის გამოხატვის უფლება, ჩვენ თავად როგორ გვესახება ამა თუ იმ პოლიტიკური პარტიის, თუ კონკრეტული პიროვნების დამოკიდებულება ისეთ საკითხებზე , როგორიცაა სარწმუნოება, ზნეობრივი, მორალური საკითხები. ეს ჩვენ შეგვიძლია, შევაფასოთ. ამასთან დაკავშირებით, მინდა წაგიკითხოთ ჩვენი ერთ-ერთი დიდი წმინდანის, ამბროსი ხელაიას სასამართლო პროცესზე სიტყვით გამოსვლიდან ამონარიდი. ის ერთი ერთში ეხმიანება დღევანდელობას:
თბილისში მე-4 საერთაშორისო კონფერენცია – „დსთ-ს ფეროშენადნობთა ბაზარი“ გაიმართა. ღონისძიება უკრაინული ორგანიზაცია „მეტალ-ექსპერტის“ ორგანიზებით ჩატარდა. კონფერენციაში მსოფლიო ფეროშენადნობთა ბაზრის ლიდერი კომპანიის წარმომადგენლები მონაწილეობდნენ, მათ შორის – უკრაინიდან, რუსეთიდან, საქართველოდან, ყაზახეთიდან და ევროპისა და აზიის ქვეყნებიდან. ხოლო თბილისში ღონისძიებას ფეროშენადნობი პროდუქციისა და მანგანუმის მწარმოებელმა კომპანიებმა უმასპინძლეს. კონფერენციის მიზანი სფეროში მიმდინარე მოვლენების, არსებული გამოწვევებისა და შესაძლებლობების ურთიერთგაზიარებაა. ის ქართულ კომპანიებს მეტალურგიის მსოფლიო რუკაზე პოზიციის გამყარების შესაძლებლობას მისცემს, ასევე ხელს შეუწყობს დარგის გაძლიერებას. კონფერენციის მონაწილეებს სიტყვით მიმართა ეკონომიკისა და მდგრადი განვითარების სამინისტროს საგარეო ვაჭრობის პოლიტიკის დეპარტამენტის ვაჭრობის მსოფლიო ორგანიზაციასთან ურთიერთობისა და პოლიტიკის სამმართველოს უფროსმა, მარინა მაჭარაშვილმა.
საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად დიდი ოდენობით მარკირებას დაქვემდებარებული აქციზური საქონლის აქციზური მარკის გარეშე შენახვა-გადაზიდვის ოთხი ფაქტი გამოავლინეს. გამოძიებით დადგინდა, რომ სამეგრელოს, ქვემო ქართლის და აჭარის რეგიონებში, დანაშაულში მხილებული პირები, შემდგომი რეალიზაციის მიზნით სხვადასხვა დასახელების, საერთო ჯამში 4 211 კოლოფი უაქციზო სიგარეტის გადაზიდვას ახდენდნენ
შსს-მ „ლიბერალის“ რედაქტორის ზურაბ ვარდიაშვილის ფიზიკური შეურაცხყოფის ფაქტზე ერთი პირი დააკავა. როგორც შს სამინისტროს მიერ გავრცელებულ ინფორმაციაშია აღნიშნული, დაკავებულს ზურაბ ვარდიაშვილი სხვა პირში აერია და მას ფიზიკური შეურაცხყოფა მიაყენა. შსს-ს მიერ გავრცელებულ ინფორამციას „კვირა“ უცვლელად გთავაზობთ: „შინაგან საქმეთა სამინისტროს თბილისის პოლიციის დეპარტამენტის ისანი-სამგორის სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1986 წელს დაბადებული ლ.მ., ძალადობის ბრალდებით, თბილისში დააკავეს. გამოძიებამ დაადგინა, რომ ბრალდებულმა მიმდინარე წლის 15 სექტემბერს თბილისში ფიზიკური შეურაცხყოფა მიაყენა ჟურნალისტს, „ლიბერალის“ რედაქტორს – ზურაბ ვარდიაშვილს და შემთხვევის ადგილიდან მიიმალა. პოლიციამ, ჩატარებული ინტენსიური ოპერატიულ-საგამოძიებო ღონისძიებების შედეგად, თავდამსხმელის ვინაობა მალევე დაადგინა. ჩატარდა ჟურნალისტის და ინციდენტის თვითმხილველთა გამოკითხვები. ზურაბ ვარდიაშვილმა, საქმეზე მიმდინარე გამოძიების ფარგლებში, თავდამსხმელი ვერ ამოიცნო, თუმცა პოლიციამ თავდამსხმელის იდენტიფიცირება შეძლო და დააკავა. ბრალდებულის განცხადებით, თავდასხმამდე რამდენიმე დღით ადრე, ერთ-ერთ სავაჭრო ცენტრში მას ორმა პირმა ფიზიკური და სიტყვიერი შეურაცხყოფა მიაყენა. ლ.მ.-ს თქმით, მან მომხდარიდან რამდენიმე დღეში, სოციალური ქსელის დახმარებით მოძებნა მსგავსი გვარი-სახელის და გარეგნობის მქონე პირი, რომელსაც დაუთქვა შეხვედრა, შეხვდა და ფიზიკური შეურაცხყოფა მიაყენა. ბრალდებული აღიარებს დანაშაულს და აცხადებს, რომ მას ჟურნალისტი ზურაბ ვარდიაშვილი სხვა ადამიანში შეეშალა. გამოძიება ძალადობის ფაქტზე, საქართველოს სისხლის სამართლის კოდექსის 126-ე მუხლის პირველი ნაწილით მიმდინარეობს“, – ნათქვამია შსს-ს მიერ გავრცელებულ ინფორმაციაში.
ესპანეთის პოლიციამ საქართველოდან და კავკასიიდან ჩასული 15 ადამიანი, რომლებიც საცხოვრებელ სახლებს ქურდავდნენ, ორგანიზებულ დანაშაულში მონაწილეობის ბრალდებით დააკავა. მომხდარის შესახებ კატალონიის სამართალდამცველები იუწყებიან. პოლიციაში აცხადებენ, რომ დაკავებულები იყვნენ დანაშაულებრივი ჯგუფის, როგორც რიგითი წევრები, ასევე მათი ლიდერები. ორი ადამიანი დაკითხვის შემდეგ გაათავისუფლეს, დანარჩენები კი წინასწარი დაკავების იზოლატორში მოათავსეს. როგორც ცნობილია, ეჭვმიტანილები მონაწილეობას იღებდნენ ბარსელონაში მდებარე სულ მცირე 22 სახლის გაქურდვაში. გამორიცხული არ არის, რომ მათი კვალი სხვა გაუხსნელ საქმეებშიც აღმოჩნდეს. სპეცოპერაცია ტარდებოდა ბარსელონაში, ასევე ქალქ ოსპიტალეტ-დე-ლობრეგეტში, სან-ადრიან-დე-ბესოსში და სანტა-კოლომა-დე-გრამაენტში. ჩხრეკისას, პოლიციამ იპოვა და ამოიღო 13 ათასი ევრო, ორი კილოგრამი ძვირფასეულობა, ელექტრომოწოყობილობები, საათები და ა.შ. როგორც ცნობილი გახდა, დაკავების ოპერაცია აპრილიდან იგეგმებოდა, როდესაც პოლიციამ დაადგინა, რომ კატალონიასა და ესპანეთის სხვა რეგიონებში ორი დანაშაულებრივი ჯგუფი მოქმედებს. დაჯგუფების ლიდერის სახელი საგამოძიებო ინტერესების გამო არ ვრცელდება, ცნობილია მხოლოდ ის, რომ დამნაშავე 53 წლისაა, ნასამართლევია და სასჯელი რუსეთში მოიხადა.
შინაგან საქმეთა სამინისტროს თანამშრომლების აქტიური მუშაობის შედეგად, ბოლო ცხრა თვეში, დაკავებულია 143 ნარკორეალიზატორი. ამის შესახებ უწყებაში ცოტა ხნის წინ გამართული ბრიფინგზე გახდა ცნობილი. მათივე ინფორმაციით, 2018 წლის პირველი იანვრიდან დღემდე, ამოღებულია: 25 კილოგრამი ჰეროინი, 1 კილო და 500 გრამი კოკაინი, 8990 აბი “სუბოტექსი” და “სუბოქსინი”, 2 კილო და 100 გრამი “მდმა”, 1 კილო და 200 გრამი ფსიქოტროპული მედიკამენტები.
შალვა ოგბაიძე: მიწისქვეშა პარკირება დედაქალაქში მდგომარეობას შეამსუბუქებს
თემირლან მაჩალიკაშვილი სირიაში წასულ ტერორისტებს უსამძიმრებდა
პოლიტოლოგი რამაზ საყვარელიძე გუშინ შს მინისტრის მიერ გადადგმულ ნაბიჯს დადებითად აფასებს. როგორც “კვირას” პრესკლუბში გამართულ პრესკონფერენციაზე მან განაცხადა, გიორგი გახარიას ხელისუფლების ზოგადი პოზიცია “რომ ის ყოველთვის” მართალია, არ აურჩევია.
საპარლამენტო ფრაქცია „ქართული ოცნების“ თავმჯდომარის მოადგილემ, ბექა ოდიშარიამ ანალიტიკური პორტალი „კვირას“ პრეს-კლუბში, საპარლამენტო უმრავლესობის პოზიცია გააჟღერა და საზოგადოებას მშვიდი ორშაბათი მიულოცა. “პირველ რიგში, მთელ საზოგადოებას მინდა მივულოცო მშვიდობიანი ორშაბათი და დარწმუნებული ვარ, ყველა ის ადამიანი, ვინც ამ მოვლენებს გულშემატკივრის პოზიციიდან აკვირდებოდა, მიუხედავად მათი პოზიციისა, ვფიქრობ დამეთანხმება, რომ გუშინ გაიმარჯვა საღმა აზრმა და კონსტრუქტიულობამ (რაც ასე აკლია ჩვენს საზოგადოებას)”, – განაცხადა ოდიშარიამ. უმრავლესობის წევრი შს მინისტრის გუშინდელ ქმედებასაც გამოეხმაურა და გახარიას გადაწყვეტილებას, საღი აზრი უწოდა. “განსაკუთრებით მინდა გამოვყო მინისტრ გიორგი გახარიას წვლილი, რომელიც გუშინ გამოიკვეთა, ამ საღი აზრის ლიდერად. ასევე მინდა მადლობა გადავუხადო საქართველოს პრემიერ-მინისტრს, კათალიკოს პატრიარქს და ქალაქ თბილისის მერს დროული და ზომიერი ინტერვენციებისათვის, რამაც ვფიქრობ დაგვიყენა ის შედეგი, რითიც დამთავრდა გუშინდელი გრძელი დღე და გვიანი ღამე. ოდიშარია საზოგადოების ნაწილში გავრცელებულ აზრსაც გამოეხმაურა, რომელიც აქციების მართულობას უკავშირდება.
ანალიტიკოსი, ზაალ ანჯაფარიძე მედიაჰოლდინგ „კვირის“ პრესკლუბში, თბილისში უკანასკნელ 2 დღეში განვითარებულ მოვლენებს აფასებს: “მთავარია, რომ ყველაფერი მშვიდობიანად დამთავრდა და თავიდან ავიცილეთ ყველაზე ცუდი სცენარი. გაკეთებული განცხადებები იძლევა იმედს, რომ პროცესი გადავა დიალოგის რეჟიმში და ის ადამიანები, რომლებიც პარლამენტის შენობის წინ გამოთქვამდნენ თავიანთ პროტესტს, თავიანთ პრეტენზიებს და პრობლემებს, ხელისუფლებასთან ერთად, მოლაპარაკების მაგიდასთან განიხილავენ. ძალიან კარგია, რომ ხელისუფლება არ წავიდა ძალადობრივ სცენარზე, განსხვავებით წინა ხელისუფლებისაგან. გუშინდელი სიტუაციის განმუხტვა კიდევ ერთი ინდიკატორია იმისა, რომ ჩვენ ნელ-ნელა გავდივართ ცივილურ დონეზე, ასე იქცევიან დემოკრატიულ სახელმწიფოებში.
თამბაქოს კონტროლის ალიანსის“ ხელმძღვანელმა, გიორგი მაღრაძემ მედიაჰოლდინგ “კვირას” პრესკლუბში პრესკონფერენცია გამართა და თამბაქოს მოხმარების შესახებ ახალი რეგულაციები დადებითად შეაფასა. მისი თქმით აღნიშნული გადაწყვეტილება, საზოგადოებაზე ზრუნვას ემსახურება, რათა შემცირდეს თამბაქოს მოხმარება და დაცულები იყვნენ არამწეველები.
„რესპუბლიკური პარტიის“ წევრი დავით ზურაბიშვილი თვლის, რომ კარგი იქნებოდა, თუ ოპოზიცია ისეთ ერთიან საპრეზიდენტო კანდიდატს მოძებნიდა, რომელიც ხელისუფლების კანდიდატს სერიოზულ წინააღმდეგობას გაუწევდა. შესაბამისი განცხადება ზურაბიშვილმა მედიაჰოლდინგ „კვირას“ პრესკლუბში გამართულ პრესკონფერენციაზე გააკეთა. ზურაბიშვილი ამბობს, რომ ასეთი კანდიდატი ჯერჯერობით არ ჩანს.
ექსპერტი დემურ გიორხელიძე აცხადებს, რომ არსებული რეალობის გათვალისწინებით, ცალსახად საუბარი იმაზე, ეყოლება თუ არა ოპოზიციას საერთო საპრეზიდენტო კანდიდატი და ვინ შეიძლება იყოს ის, რთული სათქმელია. შესაბამისი კომენტარი დემურ გიორხელიძემ მედიაჰოლდინგ „კვირას“ პრესკლუბში გამართულ პრესკონფერენციაზე გააკეთა.
„პირადად ჩემი და ჩვენი გუნდის სახელით, ვთხოვე ბიძინა ივანიშვილს, სათავეში ჩაუდგეს პარტიას, რაზეც მან თანხმობა განაცხადა. გაიმართება პოლიტსაბჭოს სხდომა. იმედი მაქვს, რომ ეს გადაწყვეტყილება დადებითად აისახება საქართველოს მომავალზე“,- აღნიშნა გიორგი კვირიკაშვილმა.
აშშ-ის სახელმწიფო დეპარტამენტისა და „Freedom House“-ის დასკვნები, რომლებიც საქართველოში ადამიანის უფლებებისა და დემოკრატიის ხარისხის შეფასებებზე გამოქვეყნდა, მიუთითებენ ერთადერთზე – საჭიროა ახალი პოლიტიკა, ხალხის თანამონაწილეობის გაზრდა ქვეყნის მმართველობით პროცესში და ქართულ პოლიტიკაში ახალი სახეების მოსვლა – ამის შესახებ ორგანიზაცია „ახალგაზრდა ადვოკატების“ ხელმძღვანელმა, არჩილ კაიკაციშვილმა „კვირას“ პრესკლუბში გამართულ პრესკონფერენციაზე განაცხადა. მისი თქმით, სწორედ ასეთი შესაძლებლობების გაჩენით იქნება შესაძლებელი მოსახლეობის გარკვეული სკეპტიციზმის შეცვლა და ნდობის აღდგენა სახელმწიფო ინსტიტუციების მიმართ.
“მოგეხსენებათ, დღვანდელი პრეზიდენტი, მოქმედი პრეზიდენტი, არ გახლავთ ქართველი ხალხის მიერ არჩეული პიროვნება. ქართველი ხალხის არჩევანი იყო ბიძინა ივანიშვილი და ეს გახლავთ მსოფლიოში უპრეცედენტო პრეზიდენტი, რომელიც არჩეული იქნა ხათრით. პრეზიდენტი, პირველ რიგში, ქვეყნის სახეა და უნდა აკმაყოფილებდეს შემდეგ კრიტერიუმებს: ის უნდა იყოს კომპეტენტური, უნდა იყოს უაღესად განათლებული, უნდა იყოს ქვეყნისათვის თავდადებული და მას პირადი ცხოვრება უნდა ჰქონდეს გვერდით გადადებული, უფრო სწორად მას პირადი ცხოვრება აღარ უნდა ჰქონდეს. ის მთლიანად უნდა უძღვნიდეს თავის თავს ქვეყნის სამსახურს და არა მრავალფეროვანი სექსით იყოს დაკავებული, როგორც დღევანდელი პრეზიდენტი აცხადებს”, – განაცხადა შატბერაშვილმა.
11 წლის მოზარდი, რომლის ვიდეო-კადრებმა სოციალურ ქსელში დიდი გამოხმაურება გამოიწვია, ამჟამად ბავშვთა მე-5 ფსიქიატრიულ საავადმყოფოშია მოთავსებული. როგორც „კვირასთვის“ გახდა ცნობილი, მოზარდი ამჟამად მკურნალობას გადის და ექიმების მეთვალყურების ქვეშ იმყოფება. დღესვე, 11 წლის ბიჭი ფსიქიატრიულში პედაგოგმა და აღმზრდელმა ინახულეს. „დედიკო, მამიკო, წამიყვანეთ სახლში, იქ ნუ დამაბრუნებთ! “ – ამბობს 11 წლის თვალცრემლიანი მოზარდი, რომელიც „თბილისი ცენტრალის“ მიმდებარე ტერიტორიაზე ბორდიურზე ზის და მშობლებს სახლში წაყვანას სთხოვს. შესაბამისი ვიდეო-კადრები სოციალურ ქსელში ერთ-ერთმა მომხმარებელმა გაავრცელა, რასაც დიდი გამოხმაურება მოჰყვა. „კვირა“ სოციალურ ქსელში გამოქვეყნებულ სტატუსს უცვლელად გთავაზობთ. “დღეს დილით ბავში მივიყვანე ბაღში და უკანა გზაზე “თბილისი ცენტრალის” ტერიტორიაზე გადავაწყდი ამ სურათს – გული მომიკვდა ამ ბავშვის საცოდაობით, მშობლებს სთხოვს სახლში წაყვანას. თემქის ბავშვთა სახლიდან გამოიქცა, თუ არ ვცდები, არ უნდა იქ დაბრუნება. დედას რომ ვკითხე, რატომ არ მიჰყავდა სახლში, პასუხი იყო: ნევროზიანია, მკურნალობა უნდა, იქ უკეთ უვლიანო. აქ ხალხს ხედავს და გასდის ასეთი საქციელიო. სახლში რომ მივიყვანო, დამილეწავს ყველაფერსო. ძალიან მომეშალა ნერვები და უფრო რომ ჩავეძიე, ჩემს ცხოვრებაში ნუ ერევი, თავს გაგიჩეჩქვავო. ღმერთო, რატომ ჰყავთ ასეთ მშობლებს შვილები?! რამდენს შვილი უნდა და ნატრობს. ყურებიდან არ ამომდის ამ ბავშვის განწირული ხმა – დედიკო, მამიკო, წამიყვანეთ სახლში, იქ ნუ დამაბრუნებთ! “ – წერს პირად გვერდზე ვიდეოს ავტორი. ამ საკითხთან დაკავშირებით, „კვირა“ თბილისის სასწრაფო-სამედიცინო ცენტრს დაუკავშირდა. თუმცა, მათი განმარტებით, მოზარდის საკითხს ჯანდაცვის სამინისტროს სოციალური მომსახურების სააგენტო სწავლობს. როგორც „კვირას“ – ჯანდაცვის სამინისტროს სოციალური სამსახურის სოციალური მომსახურების სააგენტოში განუცხადეს, 11 წლის ბავშვის ოჯახი მაღალმთიანი რაიონის ერთ-ერთ სოფელში ცხოვრობს. „ბავშვის ოჯახი მაღალმთიან სოფელში ცხოვრობს, მისი საჭიროებებიდან გამომდინარე, სოციალური მომსახურების სააგენტო ჩაერთო პროცესში და 2017 წელს დაეხმარა მშობლებს დოკუმენტაციის მოწესრიგებაში. შემდეგ, სამტრ
ორგანიზაცია „ახალგაზრდა ადვოკატების“ იურისტმა, ია გოგნაძემ, პორტალ „კვირას“ პრესკლუბში გამართულ პრესკონფერენციაზე საქართველოს კომუნიკაციების ეროვნული კომისიის საქმიანობის შესახებ ისაუბრა. იურისტმა, კომისიაში დასაქმებული პირების შრომითი ანაზღაურების საკითხთან დაკავშირებით, მოკვლევის შედეგებიც წარმოადგინა.
ავარიულად დაშვებული რეისის მგზავრი კორტნი პადილია და მისი ოჯახის წევრები თვითმფრინავის ბორტზე გადატანილ კოშმარს იხსენებენ. მათი თქმით, ოჯახი დალასიდან ნიუ-იორკში ბრუნდებოდა, როდესაც ფრენისას, აფეთქების ხმა გაისმა. თვითმფრინავმა მკვეთრად დაიწყო სიმაღლის კარგვა და ჟანგბადის ნიღბების გაკეთება გახდა საჭირო. მოგვიანებით მგზავრებმა აღმოაჩინეს, რომ თვითმფრინავის ძრავი ჰაერში აფეთქდა, ხოლო ძრავის ნაწილმა, ბორტის ილუმინატორი ჩატეხა. შედეგად, ილუმინატორთან მჯდომი ერთი მგზავრი ბორტის გარეთ აღმოჩნდა. მისი დაჭერა მგზავრებმა თვითონვე მოახერხეს და კვლავაც თვითმფრინავის სალონში დააბრუნეს, თუმცა ქალი უკვე გარდაცვლილი აღმოჩნდა. კორტნი პადილია იხსენებს, რომ ჯერ დიდი აფეთქების ხმა გაისმა, შემდეგ ილუმინატორის ფანჯარა გატყდა და ჰაერის ნაკადმა იქვე მჯდომი ქალბატონი, ნაწილობრივ, გარეთ გაიტყორცნა. ის ვარაუდობს, რომ ამ პროცესში ქალმა თავის ტრავმა მიიღო, რამაც მისი სიკვდილი გამოიწვია. არსებული ინფორმაციით, ბორტზე 144 მგზავრი და ეკიპაჟის 5 წევრი იმყოფებოდა. გარდაცვლილია ერთი ქალბატონი, ხოლო 7-მა მგზავრმა სხვადასხვა სახის დაზიანება მიიღო. ამ ეტაპზე მიმდინარეობს ინციდენტის გამომწვევი მიზეზების შესწავლა.
16.04.2018 საპარლამენტო უმრავლესობის წარმომადგენელი, ფრაქცია „ქართული ოცნება – სოციალ დემოკრატების“ თავმჯდომარის მოადგილის ბექა ნაცვლიშვილის პრესკონფერენცია- პორტალ "კვირას" პრესკლუბში
არ ვთვლი, რომ ჩვენი ურთიერთობის დალაგებაში ბიძინა ივანიშვილი უნდა ჩაერთოს, – ამის შესახებ საპარლამენტო უმრავლესობის წარმომადგენელმა დავით ჭიჭინაძემ პორტალ „კვირას“ პრესკლუბში გამართულ პრესკონფერენცაზე განაცხადა.
საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ - სამძებრო ღონისძიებებისა და საგამოძიებო მოქმედებების შედეგად, მარკირებას დაქვემდებარებული აქციზური საქონლის აქციზური მარკის გარეშე შენახვა-გადაზიდვის ფაქტზე, ერთი პირი ამხილეს. გამოძიებით დადგინდა, რომ ბრალდებული, შემდგომი რეალიზაციის მიზნით, ქალაქ თბილისში 999 კოლოფი ე.წ. ელექტრო სიგარეტისთვის განკუთვნილი „HEETS”- ის ფირმის უაქციზო თამბაქოს ნაწარმის შენახვა-გადაზიდვას ახდენდა.
მაშველებმა ბელგიის სამეფოს გარდაცვლილი მოქალაქე, რომელიც გუშინ მყინვარწვერზე დაიღუპა, გადმოასვენეს, – ამის შესახებ „კვირას“ საგანგებო სიტუაციათა მართვის სააგენტოდან აცნობეს. მათივე ინფორმაციით, მაშველებმა გადმოსვენების ღონისძიება 4900 მეტრის სიმაღლიდან განახორციელეს. საგანგებო სიტუაციათა მართვის სამსახურის ინფორმაციით, დღესვე, 08:00 საათზე სტეფანწმიბდაში სამაშველო ღონისძიება განახლდა და მყინვარწვერზე 3600 მეტრ სიმაღლეზე დაზიანებული ალპინისტების ევაკუაცია განხორციელდა. მეტეოსადგურიდან ვერტმფრენით ორი მოქალაქე გადმოიყვანეს. მათ სიცოცხლეს საფრთხე არ ემუქრება.]
“აზერბაიჯანელთა ეროვნული კონგრესის თავმჯდომარე“ ალი ბაბაევი სახალხო დამცველთან არსებული ეთნიკურ უმცირესობათა საბჭოს საქმიანობას აკრიტიკებს
სოციალურ ქსელში ერთ-ერთი ფეისბუქმომხმარებელი თეო მამუკიშვილი სამებაში მომხდარის შესახებ წერს. “ჩემი დანთებული ერთ-წამიანი მადლი სამების ტაძარში... მოტრიალება არ მაცადა, რომ ხელი სტაცა სანთლებს და კონა-კონა ჩააქრო... კურთხევა მაქვსო.!!!”, - წერს თეო მამუკიშვილი.