11 217 090
ნახვა
2 425
ვიდეო
პრესკლუბი
2:15
ახალ ნიჩბისში სტიქიის გამო დაზარალებულ მრავალშვილიან ოჯახს მცხეთის მუნიციპალიტეტის მერია დაეხმარება
2 334 ნახვა 4 დღის წინ

#ახალიამბებიგვიან ღამით სოფელ ახალ ნიჩბისში ძლიერი ქარი და წვიმა დაფიქსირდა. დაზარალებულ, სოციალურად დაუცველ მაკარაშვილების შვიდსულიანი ოჯახს, სადაც 4 არასრულწლოვანი ბავშვი იზრდება, მცხეთის მუნიციპალიტეტის მერია დაეხმარება. მუნიციპალიტეტის მერი, გიორგი კაპანაძე და მერის პირველი მოადგილე, გივი გიუტაშვილი შესაბამისი სამსახურების წარმომადგენლებთან ერთად სტიქიის შედეგებს ადგილზე გაეცნენ. მუნიციპალიტეტის ხელმძღვანელი პირები ოჯახს დახმარებას დაპირდნენ. როგორც ქეთევან სარალაშვილმა აღნიშნა, სახლი წინა სტიქიის შემდეგ მერიის დახმარებით გადახურეს და ახლაც მუნიციპალიტეტის მერიამ აღუთქვა დახმარება. ,,სახლი რამდენიმე თვის წინ გადავხურეთ. წინა სტიქიის დროს გადახდილი სახლისთვის თუნუქის სახურავი მერიამ გადმოგვცა, დილითაც ამოსულები იყვნენ და დახმარებას შეგვპირდნენ. მადლობის მეტი რა გვეთქმის“, – განაცხადა ოჯახის წევრმა ქეთევან სარალაშვილმა.

5:37
თურქეთში, აფხაზურ დასახლებებში წყალდიდობაა – მიმდინარეობს მოსახლეობის ევაკუაცია
3 128 ნახვა 4 დღის წინ

#ახალიამბებითურქეთში აფხაზებით დასახლებული სოფლებში: ესმა-ჰანიმ, დელავერი, უსუ, ასევე კობაში, წყალდიდობაა. გადაუღებელი წვიმების შედეგად განსაკუთრებით მძიმე მდგომარეობაა სოფლებში ესმა-ჰანიმსა და დელავერში. როგორც თურქეთში ოკუპირებული აფხაზეთის ე.წ. სრულუფლებიანმა წარმომადგენელმა, ვადიმ ხარაზიამ განაცხადა, 3-დღიანი გადაუღებელი წვიმების შედეგად მდინარე მალანი ადიდდა. მისი თქმით, სოფლები გარესამყაროს არის მოწყვეტილი, წაღებულია გზები, გაწყვეტილია კავშირი. თუმცა, მისი თქმით, მოსახლეობაში მსხვერპლი არ არის, მიმდინარეობს ვერტმფრენებით ხალხის ევაკუაცია.

2:11
სტრასბურგის სასამართლომ დაუშვებლად ცნო “რუსთავი2- ის” ყველა სასარჩელო მოთხოვნა
3 650 ნახვა 4 დღის წინ

#ახალიამბებიიუსტიციის მინისტრის, თეა წულუკიანის თქმით, სტრასბურგის სასამართლომ დაუშვებლად ცნო სრულად “რუსთავი2- ის” ყველა სასარჩელო მოთხოვნა. როგორც მან დღეს გამართულ ბრიფინგზე განაცხადა, ერთხმად დადგინდა, რომ არ დარღვეულა ძმები ყარამანაშვილებისა და “ტვსაქართველოს” სამართლიანი სასამართლოს უფლებაც. “ერთხმად დაადგინა, რომ აღარ არსებობს 2017 წელის მარტში გამოყენებული შეჩერების ღონისძიების მიზანშეწონილობა და ის არის მოხსნილი. დაუშვებლად ცნო სრულად “რუსთავი2- ის” ყველა სასარჩელო მოთხოვნა. დაუშვებლად ცნო, როგორც დაუსაბუთებელი ძმები ყარამანაშვილების და “ტვსაქართველოს” საჩივარი საკუთრების უფლებასთან დაკავშირებით. ერთხმად დაადგინა, რომ არ დარღვეულა ძმები ყარამანაშვილებისა და “ტვსაქართველოს” სამსართლიანი სასამართლოს უფლება, რაც უკავშირდება მოსამართლე ნინო გვენეტაძეს. ერთხმად დაუშვებლად ცნო სამივე მომჩივანის ძმები ყარამანაშილებისა და “ტვსაქართველოს”​ სამართლიანი სასამართლოს არაერთი პრეტენზია”, – განაცხადა თეა წულუკიანმა. შეგახსენებთ, რომ საქართველოს იუსტიციის სამინისტროს, როგორც საქართველოს მთავრობის წარმომადგენელს ადამიანის უფლებათა ევროპულ სასამართლოში, 28 ივნისს ოფიციალურად ეცნობა, რომ სტრასბურგის სასამართლოს გადაწყვეტილებები საქართველოს წინააღმდეგ მიმართულ სამ სხვადასხვა საქმეზე მიმდინარე წლის 18 ივლისს, სტრასბურგის დროით 10:00 საათზე გამოქვეყნდებოდა.

0:44
როგორ დაესხნენ თავს დღეს დაკავებული პირები პარლამენტის წინ სამართალდამცველებს – შსს კადრებს ავრცელებს
6 132 ნახვა 5 დღის წინ

#ახალიამბებიშინაგან საქმეთა სამინისტრომ 20-21 ივნისის ღამეს ჯგუფურ ძალადობაში მონაწილეობისთვის, მოსამართლის განჩინების საფუძველზე, კიდევ 3 პირი დააკავა. როგორც უწყებაში დღეს გამართულ ბრიფინგზე გახდა ცნობილი, გამოძიებით დადგინდა, რომ 20-21 ივნისს პარლამენტის მიმდებარე ტერიტორიაზე განვითარებული მოვლენებისას აღნიშნული პირები მონაწილეობდნენ ჯგუფურ ძალადობაში, სხვადასხვა საგნის გამოყენებით ახორციელებდნენ პოლიციელებზე თავდასხმას, უწევდნენ მათ წინააღმდეგობას და ორგანიზებულად, შტურმით ცდილობდნენ პარლამენტის შენობაში შეჭრას. შსს შესაბამის ვიდეოკადრებსაც ავრცელებს.

7:51
სალომე ზურაბიშვილმა მიუნხენში საქართველოზე ვიდეორგოლი წარადგინა – საქართველო კალათბურთში ევროპის ჩემპიონატის ჯგუფურ ეტაპს უმასპინძლებს
5 387 ნახვა 7 დღის წინ

#ახალიამბებისაქართველო იქნება ერთ-ერთი ქვეყანა, სადაც 2021 წელს კალათბურთში ევროპის ჩემპიონატის ჯგუფური ეტაპი გაიმართება. მასპინძელი ქვეყანის გამოსავლენ კონკურსზე საქართველო დღეს საქართველოს პრეზიდენტმა სალომე ზურაბიშვილმა წარადგინა. აღნიშნული გადაწყეტილება დღეს მიუნხენში FIBA EUROPE -ის ბორდმა მიიღო. საქართველოს პრეზიდენტი ბორდის წინაშე მოხსენებით გამოვიდა და საქართველოს შესახებ ვიდეორგოლი წარადგინა. მოხსენებაში სალომე ზურაბიშვილმა ხაზი გაუსვა ქვეყნის მზაობას FIBA EUROPE -2021 მასპინლობის შესახებ. ასევე, სიტყვით გამოვიდნენ საქართველოს კალათბურთის ფედერაციის ვიცე-პრეზიდენტი ვლადიმერ ბოისა და საქართველოს ეროვნული ნაკრების კაპიტნი თორნიკე შენგელია.

3:02
ლევან ვასაძის მიმართვა
2 330 ნახვა 14 დღის წინ

0:34
ნიკა მელია საკუთარ შვილსა და ოჯახს დაემშვიდობა
1 830 ნახვა 25 დღის წინ

სასამართლოში წასვლამდე, ნიკა მელია საკუთარ შვილსა და ოჯახს დაემშვიდობა.

1:05
პრეზერვატივის შესუნთქვა – ინტერნეტის ახალი გამოწვევა და ექიმების გაფრთხილება
3 806 ნახვა 26 დღის წინ

სოციალური ქსელები ახალმა გამოწვევამ მოიცვა. ადამიანები მსოფლიოს მასშტაბით პრეზერვატივებს ცხვირიდან ისუნთქავენ, პირიდან იღებენ და გამოწვევას სხვებსაც უზიარებენ – ამის შესახებ ladbible წერს. როგორც სტატიაშია აღნიშნული, მედიკოსები უკვე შეშფოთებულები არიან ახალი გამოწვევით და მას “იდიოტურს” უწოდებენ. ისინი აფრთხილებენ ადამიანებს, რომ მსგავსი ქმედებები სერიოზული საფრთხის შემცველია. “გარდა იმისა, საზიზღრობაა. შესაძლოა, სერიოზული პრობლემა შეგექმნათ. მსგავსმა ქმედებამ შესაძლოა, გამოიწვიოს სასუნთქი გზების გადაკეტვა და დახრჩობა”, – აღნიშნა ერთ-ერთმა ექიმმა, სტეფან ენრიკეზმა.

19:57
ავტოსაგზაო შემთხვევა რუსთავში
4 034 ნახვა 29 დღის წინ

რუსთავში, რესტორან “მარაბდას” მიმდებარე ტერიტორიაზე ავტოსაგზაო შემთხვევა მოხდა. ერთმანეთს მიკროავტობუსი და მსუბუქი ავტომობილი შეეჯახა. როგორც „კვირას“ შსს-დან აცნობეს ავარიას მსხვერპლი არ მოჰყოლია, თუმცა შემთხვევის შედეგად, დაშავდა 10 ადამიანი, რომლებიც სამედიცინო დაწესებულებებში გადაიყვანეს. შს სამინისტრომ გამოძიება სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

0:52
როგორ ურტყავს პოლიციელი დაკავებულ მამკაცს
52 660 ნახვა ივნისი 21, 2019

როგორ ურტყავს პოლიციელი დაკავებულ მამკაცს

1:11
პლასტიკური ქირურგი მზადაა, წუხელ დაშავებულ მოქალაქეებს უსასყიდლოდ უმკურნალოს
23 221 ნახვა ივნისი 21, 2019

პლასტიკური ქირურგი, კონსტანტინე სულამანიძე მზადაა, გუშინდელი აქციის დროს დაშავებულ მოქალაქეებს, რომლებსაც პლასტიკური ქირურგის დახმარება ესაჭიროებათ, დახმარება უსასყიდულოდ აღმოუჩინოს. „გუშინდელი აქციის შემდეგ თუ ვინმეს სჭირდება ჩემი დახმარება, პლასტიკური ნაკერების დროულად დადება ან ნებისმიერი სხვა რამ, რაც მე შემიძლია, ჩემი კლინიკა მზად არის, მიიღოს ასეთი პაციენტები, რა თქმა უნდა, რიგის გარეშე და უსასყიდლოდ!“, - წერს ექიმი სოციალურ ქსელში. გუშინ  რუსთაველის გამზირზე, პარლამენტის შენობის წინ მიმდინარე აქციის დარბევის დროს  100-მდე ადამიანი დაშავდა.

0:35
სალომე ზურაბიშვილი: ახლა ვბრუნდები თბილისში, სადაც ადგილზე გავეცნობი სიტუაციას
407 ნახვა ივნისი 21, 2019

“ახლა ვბრუნდები თბილისში, სადაც ადგილზე გავეცნობი სიტუაციასა და ინფორმაციას დაზარალებულების მდგომარეობის შესახებ”, – ამის შესახებ საქართველოს პრეზიდენტმა, სალომე ზურაბიშვილმა განაცხადა. “ამ დილით მივიღეთ გადაწყვეტილება, რომ ბელორუსიაში ჩემი ვიზიტი შეწყვეტილიყო. თუმცა ამ დილითვე პრეზიდენტ ლუკაშენკომ თვითონ გადაწყვიტა, რომ მაინც შემხვედროდა და წამოსვლამდე მოკლე საუბარი გვქონდა. ახლა ვბრუნდები თბილისში, სადაც ადგილზე გავეცნობი სიტუაციასა და ინფორმაციას დაზარალებულების მდგომარეობის შესახებ. ეს არის, პირველ ყოვლისა, ყველაზე მნიშვნელოვანი“, – განაცხადა სალომე ზურაბიშვილმა. შეგახსენებთ, რომ სალომე ზურაბიშვილი ბელორუსიაში 20 ივნისს გაემგზავრა. საქართველოს პრეზიდენტი მინსკში მეორე ევროპული თამაშების გახსნის საზეიმო ცერემონიალს უნდა დასწრებოდა და ქართველ სპორტსმენებისთვის ეგულშემატკივრა. დაგეგმილი იყო პრეზიდენტის სტუმრობა ევროპული თამაშების ქალაქში, სადაც თამაშების მონაწილე, საქართველოს 61 სპორტსმენი ევროპული თამაშების პერიოდში იცხოვრებს.

3:00
რა შენდება დიღმის ტყე-პარკის მიმდებარედ - ორანჟერეა, რომელიც თბილისს არასდროს ჰქონია
1 502 ნახვა ივნისი 17, 2019

ამბავი ასეთია: მოძველებული და ერთფუნქციური შენობა, ახალი, მრავალფუნქციური ორანჟერეით უნდა ჩანაცვლდეს. შესაბამისად, დახურული სივრცე გაიხსნას და საერთო სარგებლობის გახდეს. სამუშაოების ფარგლებში, უნდა დაირგოს 150-მდე ხე-მცენარე, რომელიც ტყე-პარკის ტერიტორიას შეემატება. „ანაგმა“ პროექტის შემუშავება კომპანია „სტუდია 9„-ს დაუკვეთა. სანამ საკითხის დეტალებზე გადავალთ, გეტყვით, რომ გასული წლის 20 ივნისს თბილისის არქიტექტურის სამსახურთან მიწის ნაკვეთის სამშენებლოდ გამოყენების პირობები შეთანხმდა. სამუშო პროცესში პროექტი უფრო დაიხვეწა და საბოლოოდ სახით, სექტემბერში დამტკიცდა.

19:35
ორანჟერეის პროექტის ავტორი: კეთდება რეკრეაციული ზონის არქიტექუტრა, ეს იქნება პარკის ნაწილი ბარიერების გარეშე
98 ნახვა ივნისი 17, 2019

“150-მდე ახალი ხის ნარგავი, 500 კვადრატული მწვანე მოლი, ეგზოტიკური მცენარები, ზამთრის ბაღი, პატარა კაფეები, საგამოფენო სივრცე, სცენა, ბავშვთა გასართობი ცენტრი – ამ ყველაფერს თანამედროვე, მრავალფუნქციური ორანჟერეის პროექტი აერთიანებს, რომელიც დიღმის ტყე-პარკის მიმდებარედ გაშენდება”, – ამის შესახებ მედიაჰოლდინგ „კვირას“ პრესკლუბში პროექტის ავტორმა, მამუკა ჩხაიძემ ისაუბრა.

10:10
არქიტექტორ ლევან ბერიძის პრესკონფერენცია მედიაჰოლდინგ „კვირას“ პრესკლუბში
94 ნახვა ივნისი 17, 2019

არქიტექტორ ლევან ბერიძის თქმით, მრავალფუნქციური ორანჟერეა, რომლიც დიღმის ტყე-პარკის მიმდებარედ გაშენდება, “მწვანე არქიტექტურის” ერთ-ერთი ნიმუშია. ამის შესახებ ლევან ბერიძემ მედიაჰოლდინგ „კვირას“ პრესკლუბში განაცხადა. არქიტექტორი ორანჟერეის პროექტს დადებითად აფასებს.

8:14
მამაკაცი, რომელმაც სანდრა რულოვსს ამოჭრილი თირკმელის შესახებ ჰკითხა - ყულიშკარელის მძიმე ისტორია
2 210 ნახვა მაისი 14, 2019

ისტორია, რომელსაც ჯიხაშკარელი მამაკაცი ყვება, მძიმე მოსასმენია. როგორც თავად ამბობს, 2007 წელს ავტომანქანის ქურდობის ფაქტზე ზუგდიდის პოლიციის სამმართველოში დაიბარეს, განყოფილებაში საკუთარი ფეხით მივიდა. დაკითხვის შემდეგ ბრალი წაუყენეს და მოსთხოვეს, ცრუ თანამონაწილეებად აფხაზეთიდან კონკრეტული პირები დაესახელებინა. ქაქუთია ამბობს, რომ მან ეს არ გააკეთა, რის შემდეგაც, პოლიციის განყოფილებაში 3 დღის განმავლობაში სასტიკად სცემდნენ, შემდეგ კი, ციხეში გადაიყვანეს. ჯიხაშკარელი ქაქუთია იხსენებს, რომ მას საპყრობილეშიც არაადამიანურად ეპყრობოდნენ, რის გამოც ერთი თვის განმავლობაში ციხის საავადმყოფოში მოუწია მკურნალობა.საპყრობილეში მას ოპერაცია ჩაუტარეს და ჯანმრთელი თირკმელი სწორედ ამ დროს ამოაჭრეს.

1:06
“მინდა, რომ კითხვა დავუსვა, არ შეიძლება? რატომა რ მიშვებთ? თირკმელი არ მაქვს, სადაა ეს თირკმელი
1 371 ნახვა მაისი 12, 2019

თირკმელი არ მაქვს, სად არის ეს თირკმელი – ამ სიტყვებით მიმართა გაერთიანებული ოპოზიციის ზუგდიდის მერობის კანდიდატს, სანდრა რულოვსს ყულიშკარში შეხვედრაზე ადგილობრივმა აჩიკო ქაქუთიამ. თუმცა, მიზეზის დაკონკრეტება, თუ რატომ სურდა აღნიშნულზე პასუხის მიღება სანდრა რულოვსისგან, ვერ შეძლო. პოლიციამ ის შეხვედრის ადგილიდან გაიყვანა. “მინდა, რომ კითხვა დავუსვა, არ შეიძლება? რატომა რ მიშვებთ? თირკმელი არ მაქვს, სადაა ეს თირკმელი. რატომ არ ჩამიყენეს. გერმანიაშიც ვიყავი სტენდი გამიკეთეს და ყველა დოკუმენტი და დასკვნა მაქვს. მაინტერესებს, რატომ არ ჩამიყენეს თირკმელი”, – თქვა სანდრა რულოვსის დაცვასთან სიტყვიერი დაპირისპირებისას ქაქუთიამ. აჩიკო ქაქუთიას მცდელობამ, კითხვებზე მიეღო პასუხი, შეხვედრაზე მისული ადგილობრივების გაღიზიანება გამოიწვია და ყულიშკარში ქაქუთიასა და სანდრას მხარდამჭერებს შორის დაპირისპირება მოხდა.

0:45
ჯგუშია ჭკვიანი კამერების წინააღმდეგ - მას მევლუდ მელაძის გარდაცვლილი შვილი შეახსენეს
3 250 ნახვა აპრილი 22, 2019

ამასთან, ამავე დღეს, სოციალურ ქსელში გავრცელდა ვიდეო, სადაც თენგიზ ჯგუშია მანქანის მართვის დროს მოსახლეობას მიმართავს. ერთი შეხედვით, ვიდეოში არაფერია უცნაური, თუმცა დაკვირვებულ თვალს არ გამოეპარება, რომ მერობის დამოუკიდებელი კანდიდატი ღვედის გარეშე მართავს ავტომობილს

3:16
„სანდრა უცხოური უშიშროების 'შემოგდებული მასალაა“ - ზუგდიდის მერობის კანდიდატი
1 327 ნახვა აპრილი 22, 2019

„რაც შეეხება სანდრას – ის არც მეგრელია, არც ზუგდიდელია და პირდაპირ გეტყვით, რომ ის არის უცხოური უშიშროების “შემოგდებული მასალა”, ამას ძალიან შორი გზები აქვს და აქ ჩადებულია ბომბია“, – ამის შესახებ რადიო “ათინათის” ეთერში ზუგდიდის მერობის დამოუკიდებელმა კანდიდატმა, დავით თორდიამ განაცხადა. წამყვან არჩილ თოდუასთან გადაცემაში სტუმრობისას თეოლოგმა კანდიდატმა საარჩევნო პროცესი შეაფასა და აღნიშნა, რომ მაისის ბოლოს სიტუაცია გართულდება. „საარჩევნო კამპანია, ჯერჯერობით, მშვიდად მიდის და როცა დაიწყება აქტიური პროცესები, იქნება შეტაკება. ვიცი, რომ რაღაც მოხდება აქ იმიტომ, რომ სააკაშვილი უცხოეთიდან უკვე “იჭიმება”…აქ უნდათ ხალხის აყრა… ეს, პრინციპში, აქამდე მივა. მაგრამ არც „ნაციონალებსა“ და არც „ოცნებას“ კარგი დღე არ დაადგებათ იმიტომ, რომ მე ვუმზადებ მათ მეგაინფორმაციებს“, – განაცხადა თორდიამ და აღნიშნა, რომ არჩევნებში სერიოზულ კონკურენტებად არავის აღიქვამს და საზოგადოებას საზოგადოებას ისეთ ინფორმაციებს მიაწვდის, რაც მისი გამარჯვების საფუძველი გახდება.

0:26
მაშველებმა წყნეთში, ხევში ჩარჩენილი მოქალაქეები უვნებლად ამოიყვანეს
374 ნახვა აპრილი 22, 2019

შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველებმა დაბა წყნეთში, შოთა რუსთაველის ქუჩის მიმდებარე ტერიტორიაზე არსებულ ხევში ჩარჩენილი ორი მოქალაქე უვნებლად ამოიყვანეს. „საგანგებო სიტუაციების მართვის სამსახურში გადაუდებელი ოპერატიული მართვის ცენტრ „112“-დან შევიდა შეტყობინება, რომ ხევში – დაახლოებით, 15 მეტრის სიღრმეზე ორი მოქალაქე იმყოფებოდა და იქედან ამოსვლას ვეღარ ახერხებდნენ. შეტყობინების მიღებისთანავე, ადგილზე დაუყოვნებლივ გავიდა სახანძრო-სამაშველო ჯგუფი. ცუდი ხილვადობისა და რთული მეტეოროლოგიური პირობების მიუხედავად, სამაშველო ოპერაცია წარმატებით დასრულდა და, სპეციალური თოკების დახმარებით, ხევში მყოფი ორივე მოქალაქე უსაფრთხო ადგილზე რამდენიმე წუთში გამოიყვანეს“,- ნათქვამია საგანგებო სიტუაციების მართვის სამსახურის მიერ გავრცელებულ ინფორმაციაში.

1:07
მარტვილის გამგებელი- ოჯახს გვერდში ვუდგავართ ყველანაირად
282 ნახვა აპრილი 21, 2019

ამ ოჯახს ჩვენ ყოველთვის გვერდში ვედექით და ახლაც, რაც ეს ტრაგედია მოხდა, მით უმეტეს, – ამ სიტყვებით უპასუხა მარტვილის მუნიციპალიტეტის მერმა, ალექსანდრე გრიგალავამ ჟურნალისტების კითხვას, 15 წლის მოზარდის თვითმკვლელობის მიზეზთან დაკავშირებით გავრცელებულ ინფორმაციაზე. მისი თქმით, ოჯახს მუნიციპალიტეტის თვითმმართველობა გვერდში ედგა და ალექსანდრე გრიგალავა გამორიცხავს, რომ მოზარდის სუიციდის მიზეზი შესაძლოა, უსახსრობა ყოფილიყო. შეგახსენებთ, 17 აპრილს, მარტვილში 15 წლის მოზარდი ხეზე ჩამომხრჩვალი საკუთარმა უმცროსმა ძმამ იპოვა. იმ სკოლის დირექტორმა, რომელშიც მოზარდი სწავლობდა, “კვირასთან” საუბრისას განაცხადა, რომ 15 წლის მოსწავლე მესამე გაკვეთილის შემდეგ, მამამ სკოლიდან გეგმიური აცრის ჩასატარებლად წაიყვანა. “მესამე გაკვეთილის დასრულების შემდეგ, მამამისი მოვიდა და დამრიგებელს, შემდეგ კი მე მთხოვა, ბავშვი გაგვეთავისუფლებინა გაკვეთილებიდან, რადგან აცრაზე უნდა წაეყვანა. დავთანხმდით და ამის შემდეგ არაფერი ვიცი. ახლა გავიგე ეს ამბავი”, – განაცხადა მამუკა თვალაძემ. შსს–მ მომხდარზე გამოძიება 115–ე მუხლით დაიწყო, რაც თვითმკვლელობამდე მიყვანას გულისხმობს. რა გახდა მოზარდის სუიციდის მიზეზი, ჯერჯერობით, უცნობია.

4:06
'მეც მაქვს ვალი იმ ბუფეტში... ეს არ არის სამანიპულაციო თემა'-რას ყვება გარდაცვლილი მოზარდის პედაგოგი
228 ნახვა აპრილი 21, 2019

“არ მაცალა, არ მაცალა, თორემ კარგი კაცი დადგებოდა მაგისგან.. იცით, როგორი გონება ჰქონდა? – ასე იხსენებს მარტვილში გარდაცვლილ მოზარდს მისი პედაგოგი, ხათუნა ფირცხალავა. მისივე თქმით, გავრცელებული ინფორმაცია, რომ მას უსახსრობის გამო ან ოჯახში მშობლების უთანხმოების გამო მოეკლა თავი, არასწორია. ხათუნა ფირცხალავა “კვირასთან” საუბარში აღნიშნავს, რომ ბუფეტის ვალი სკოლის ნებისმიერ თანამშრომელსა თუ მოსწავლეს შეიძლება ჰქონდეს და მისივე თქმით, ეს არ უნდა იყოს სამანიპულაციო თემა. შეგახსენებთ, 17 აპრილს, მარტვილში 15 წლის მოზარდი ხეზე ჩამომხრჩვალი საკუთარმა უმცროსმა ძმამ იპოვა. იმ სკოლის დირექტორმა, რომელშიც მოზარდი სწავლობდა, “კვირასთან” საუბრისას განაცხადა, რომ 15 წლის მოსწავლე მესამე გაკვეთილის შემდეგ, მამამ სკოლიდან გეგმიური აცრის ჩასატარებლად წაიყვანა. “მესამე გაკვეთილის დასრულების შემდეგ, მამამისი მოვიდა და დამრიგებელს, შემდეგ კი მე მთხოვა, ბავშვი გაგვეთავისუფლებინა გაკვეთილებიდან, რადგან აცრაზე უნდა წაეყვანა. დავთანხმდით და ამის შემდეგ არაფერი ვიცი. ახლა გავიგე ეს ამბავი”, – განაცხადა მამუკა თვალაძემ. შსს–მ მომხდარზე გამოძიება 115–ე მუხლით დაიწყო, რაც თვითმკვლელობამდე მიყვანას გულისხმობს. რა გახდა მოზარდის სუიციდის მიზეზი, ჯერჯერობით, უცნობია.

2:28
“ტყუილი რატომ დაწერეთ, შიმშილით მოკვდაო” – ჭირისუფლებმა გარდაცვლილის საცხოვრებელი სახლიდან “რუსთავი 2” გამოაგდეს
758 ნახვა აპრილი 21, 2019

მარტვილში გარდაცვლილი 15 წლის მოზარდის ოჯახის წევრებმა და ახლობლებმა ადგილზე მისულ “რუსთავი 2”-ის ჟურნალისტს საცხოვრებელი სახლის დატოვება მოსთხოვეს. ცოტა ხნის წინ მომხდარი მწვავე დაპირისპირების ამსახველი ვიდეომასალა “კვირამ” გადაიღო და მას უცვლელად გთავაზობთ. შეგახსენებთ, 17 აპრილს, მარტვილში 15 წლის მოზარდი ხეზე ჩამომხრჩვალი საკუთარმა უმცროსმა ძმამ იპოვა. იმ სკოლის დირექტორმა, რომელშიც მოზარდი სწავლობდა, “კვირასთან” საუბრისას განაცხადა, რომ 15 წლის მოსწავლე მესამე გაკვეთილის შემდეგ, მამამ სკოლიდან გეგმიური აცრის ჩასატარებლად წაიყვანა. “მესამე გაკვეთილის დასრულების შემდეგ, მამამისი მოვიდა და დამრიგებელს, შემდეგ კი მე მთხოვა, ბავშვი გაგვეთავისუფლებინა გაკვეთილებიდან, რადგან აცრაზე უნდა წაეყვანა. დავთანხმდით და ამის შემდეგ არაფერი ვიცი. ახლა გავიგე ეს ამბავი”, – განაცხადა მამუკა თვალაძემ. შსს–მ მომხდარზე გამოძიება 115–ე მუხლით დაიწყო, რაც თვითმკვლელობამდე მიყვანას გულისხმობს. რა გახდა მოზარდის სუიციდის მიზეზი, ჯერჯერობით, უცნობია.

2:44
რატომ არ წარადგინეს სანდრა რულოვსის კანდიდატურა პომპეზურად ზუგდიდში
632 ნახვა აპრილი 7, 2019

გაერთიანებული ოპოზიცია – “ძალა ერთობაშია” გაერთიანების ზუგდიდის მერობის კანდიდატის, სანდრა რულოვსის წარდგენას პომპეზურად, დადიანების სასახლის ეზოში აპირებდა, თუმცა ცოტა ხნის წინ, ცნობილი გახდა, რომ მათი კანდიდატის აღნიშნულ ფორმატში წარდგენა აღარ მოხდება. “გაერთიანებულ ოპოზიციაში” არ აკონკრეტებენ, თუ სად შედგება მათი კანდიდატის ოფიციალურად დასახელება. “გაერთიანებული ოპოზიციის” ლიდერის, გრიგოლ ვაშაძის განცხადებით, სანდრა რულოვსს წარდგენა არ სჭირდება, რადგან მას საზოგადოება ისედაც კარგად იცნობს. მისი განმარტებით, სწორედ ეს გახდა მიზეზი ზუგდიდის მერობის კანდიდატის პომპეზურად წარდგენაზე უარის თქმისა.

არხის შესახებ

საინფორმაციო-ანალიტიკური პორტალი „კვირა“ წარმოადგენს მედიასაშუალებას, რომლის ელექტრონული მისამართია – kvira.ge. პორტალი 2013 წელს შეიქმნა. იგი ყოველდღიურად აშუქებს მიმდინარე პოლიტიკურ, ეკონომიკურ, სოციალურ, მსოფლიო, კულტურულ, სპორტულ და სხვა სიახლეებს. მედიასაშუალება უფრო მეტად აკადემიური შინაარსის არის და ის ხშირად ცდილობს, მიმდინარე მოვლენები არა ზედაპირულად, არამედ სიღრმისეულად გააშუქოს. პორტალზე სისტემატურად იბეჭდება ანალიტიკური სტატიები.მიუხედავად იმისა, რომ „კვირა“ ბეჭდურ, ელექტრონულ მედიას წარმოადგენს, ვებგვერდზე ხშირად ხდება ვიდეოსიახლეების განთავსებაც. პორტალის ბაზაზე ფუნქციონირებს პრესკლუბიც, სადაც დღის განმავლობაში 3-4 პრესკონფერენცია იმართება. პრესკლუბის სტუმრები პოლიტიკოსები, ექსპერტები და საზოგადოებისთვის ცნობადი სახეები არიან, რომლებიც აქტუალურ თემებზე განცხადებებს და შეფასებებს აკეთებენ. ყოველდღიურად „კვირას“ პრესკლუბში გამართულ პრესკონფერენციებს აქტიურად აშუქებენ ქართული ტელეარხები. პორტალის ბაზაზე ასევე შექმნილია ვებგვერდი „კვირა+“, რომელიც პორტალ „კვირას“ დამატებას წარმოადგენს. ის აპოლიტიკური შინაარსის საიტია. ვებგვერდზე ყოველდღიურად ქვეყნდება საქართველოს და უცხოეთის საინტერესო სიახლეები, პუბლიკაციები, ორიგინალური სტატიები, ფოტო და ვიდეომასალა. პორტალს აქვს საიტის აზერბაიჯანულენოვანი ვერსიაც, რომლის მისამართია – az.kvira.ge. პორტალს აქვს პიარმომსახურების სერვისიც. „კვირას“ ამ მომსახურებით ხშირად სარგებლობენ სახელმწიფო თუ კერძო კომპანიები.„კვირა“ მათთვის გეგმავდა და გეგმავს კონკრეტულ სოციალურ, საქველმოქმედო, საზოგადოებრივ თუ კულტურულ აქტივობებს, თავადვე უზრუნველყოფს ღონისძიებების, პროექტების ორგანიზებას და მათ გაშუქებას სხვადასხვა მედიასაშუალებაში.„კვირას“ აქვს საინტერესო და მნიშვნელოვანი საერთაშორისო პროექტები. იგი აქტიურად თანამშრომლობს საზღვარგარეთ, ქართულ დიასპორებთან და მათთვის საინტერესო პროექტების ორგანიზებას და განხორციელებას უზრუნველყოფს.

არხის ვიდეოების ძებნა