#ინფო9 #NEWS #info9 შინაგან საქმეთა სამინისტროს შიდა ქართლის პოლიციის დეპარტამენტისა და განსაკუთრებულ დავალებათა დეპარტამენტის თანამშრომლებმა, ქურდობის ბრალდებით, ხუთი პირი - 1976 წელს დაბადებული ლ.შ., 1980 წელს დაბადებული მ.გ., 1975 წელს დაბადებული ზ.გ., 1968 წელს დაბადებული ჯ.ს. და 1975 წელს დაბადებული ც.მ. დააკავეს. გამოძიებით დადგინდა, რომ ბრალდებულები გორის რაიონის სოფელ რეხაში, ბაქო-სუფსის მაგისტრალური მილსადენიდან, შემდგომი რეალიზაციის მიზნით, ნავთობს სისტემატურად იპარავდნენ. სამართალდამცველებმა მოპარული ნავთობის ნაწილი ნივთმტკიცებად ამოიღეს. გამოძიება წინასწარი შეთანხმებით ჯგუფის მიერ, მაგისტრალურ მილსადენში არსებული ნავთობის ქურდობის ფაქტზე, სისხლის სამართლის კოდექსის 177-ე მუხლის მესამე ნაწილის „ა“ და მეოთხე ნაწილის „დ“ ქვეპუნქტებით მიმდინარეობს.
#ინფო9 #NEWS #info9 #პოლიტიკა პრემიერ-მინისტრ გიორგი კვირიკაშვილის შეფასებით, დღეს საქართველოსთვის ისტორიული დღეა. როგორც მან მთავრობის დღევანდელ სხდომაზე განაცხადა, ევროპარლამენტი კენჭს უყრის საქართველოს მოქალაქეებისთვის შენგენის ქვეყნებში უვიზოდ გადაადგილების უფლებას. მისი შეფასებით, დღევანდელი გადაწყვეტილება საქართველოსადმი ევროკავშირის ძლიერი პოლიტიკური მხარდაჭერის ძალიან მნიშვნელოვანი დადასტურება იქნება. „დარწმუნებული ვარ, გადაწყვეტილება იქნება საქართველოს სასარგებლოდ და ეს იქნება კიდევ ერთი დადასტურება საქართველოს მიმართ იმ პოლიტიკური ჯგუფების მხარდაჭერისა, რომლებიც არიან ევროპარლამენტში. მინდა, მადლობა გადავუხადო ყველა ევროპარლამენტარს, რომლებიც დღევანდელ კენჭისყრაში მიიღებენ მონაწილეობას, ვინაიდან დღევანდელ დღეს საქართველოსთვის ისტორიული მნიშვნელობა აქვს. ასევე, მინდა, უდიდესი მადლობა ვუთხრა ყველა საჯარო მოხელეს, ვინც მონაწილეობდა ამ დიდი წარმატების შენებაში. მადლობას ვუხდი საქართველოს პარლამენტს და ყველას, ვინც ძალიან შრომატევად პროცესში მიიღო მონაწილეობა“, - განაცხადა გიორგი კვირიკაშვილმა. მისი თქმით, დღევანდელი გადაწყვეტილება იქნება დასტური იმისა, რომ ევროკავშირთან საქართველოს დაახლოების სტრატეგიას საქართველოს თითოეული მოქალაქისთვის კონკრეტული შედეგები მოაქვს. „დარწმუნებული ვართ, რომ საქართველოს მოქალაქეებიც დიდი პასუხისმგებლობით მიიღებენ ამ უდიდეს შედეგსა და ნაყოფს საქართველოს ინტეგრაციისა ევროკავშირში და ზედმიწევნით დაიცავენ იმ ქვეყნების კანონმდებლობას, სადაც გადაწყვეტენ გამგზავრებას. ეს ასევე ძალიან დიდი შესაძლებლობაა ოკუპირებულ ტერიტორიებზე მცხოვრები ჩვენი თანამოქალაქეებისთვის და მინდა, მათაც მივულოცო ეს უდიდესი წარმატება. დღევანდელი წარმატება არის შედეგი წლების განმავლობაში გაწეული შრომისა. ეს შრომა დღეს არ დასრულებულა და ჩვენ წინ კიდევ ძალიან დიდი გზა გველის დემოკრატიული საქართველოს მშენებლობის მიმართულებით, იმისათვის, რომ ჩვენი ქვეყანა გახდეს ევროპული და ევროატლანტიკური ოჯახის ნამდვილი წევრი და უპირველეს ყოვლისა, ეს ყველაფერი ემსახურება საქართველოს მოქალაქეების უკეთესი ცხოვრების შენებას. ასე რომ, გილოცავთ დღევანდელ დღეს. ეს არის თითოეულ
#ინფო9 #NEWS #info9 მარკეტერი“ და საქართველოს საკომუნიკაციო სააგენტოების ასოციაცია რატი გომართელის გადასარჩენად, ყველა ქართულ კომპანიას მიმართავს. აღნიშნული მიმართვა სოციალურ ქსელში ვრცელდება. „დრო აღარ იცდის! გავერთიანდეთ რატის სიცოცხლის გადასარჩენად! თქვენთვის დამზადებული რეკლამების ერთ-ერთ შემქმნელს სასწრაფოდ ესაჭიროება დახმარება. რატის გადარჩენისთვის საჭირო თანხას 95 000 დოლარი აკლდება. როლები შეიცვალა... ახლა სააგენტოები სთხოვენ კლიენტებს დახმარებას და მოუწოდებენ, დათმონ იმ რეკლამისთვის ნაყიდი სატელევიზიო ბადიდან მხოლოდ 30 წამი, რომლის შემქნელიც რატია! სააგენტოები კი, თქვენს ნაბიჯს თავის ენაზე ასახავენ და პრინტებს შექმნიან, რომელთაც ქუჩაში და სოციალურ ქსელში ვნახავთ, დღეს ეს არის ჩვენი საერთო და ყველაზე მნიშვნელოვანი დედლაინი! #დათმერატისთვის #დათმემისიშემქმნელისთვის“, - ნათქვამია მიმართვის ტექსტში. რატის გომართელს, რომელიც პირველი ჯგუფის ინვალიდია, 20 წელია რთულად სამართავი, პირველი ტიპის, ინსულინდამოკიდებული დიაბეტი აქვს. აღნიშნული ავადმყოფობის ფონზე, თირკმლის უკმარისობა განუვითარდა და უკვე რვა თვეა, დიალიზზე იმყოფება. ასევე, გამოუვლინდა ფილტვის ტუბერკულოზი და C ჰეპატიტის არააქტიური ფორმა. ექიმების რეკომენდაციით, რატი გომართელის სიცოცხლის გადარჩენის ერთადერთი გზა სასწრაფო ოპერაცია - თირკმლისა და პანკრეასის კომბინირებული ტრანსპლანტაციაა. ცოცხალი დონორიდან პანკრეასის ტრანსპლანტაციის ჩატარება მხოლოდ შვეიცარიაში, ჟენევის საუნივერსიტეტო ჰოსპიტალშია შესაძლებელი. ორივე ორგანოს დონორი, რატის დედა, ნინო ერქომაიშვილია. ოპერაციასთან დაკავშირებული ყველა სამედიცინო კვლევისა და შემდგომი სარეაბილიტაციო პერიოდის სამედიცინო ხარჯები, დაახლოებით, 130 ათას ამერიკულ დოლარს შეადგენს.
#ინფო9 #NEWS #info9 #ხანძარი - თევდორე მღვდლის ქუჩაზე, სავაჭრო ცენტრ „ბავშვთა სამყაროს“ მიმდებარე ტერიტორიაზე, დაზარალებულებსა და სამართალდამცველებს შორის სიტყვიერი დაპირისპირება მოხდა. ვერცხლის ნაკეთობებზე მოვაჭრეები „ბავშვთა სამყაროს“ დამწვარ შენობაში შესვლას დილიდან ელოდებიან. სიტყვიერი შელაპარაკება შენობაში თვითნებურად შესვლის მცდელობას მოჰყვა, რა დროსაც მათ ჯებირების გარღვევა სცადეს. „არანაირი ინფორმაცია არ გვაქვს, საქონელი გადარჩა არ გადარჩა. პასუხის გამცემიც არავინაა. ვდგავარ მარტო და ვიცი, რომ აქ უნდა ვიდგე, იმიტომ, რომ სხვა გამოსავალი არ მაქვს“, - განაცხადა ერთ-ერთმა დაზარალებულმა.სავაჭრო ცენტრის ადმონისტრაციის ინფრომაციით, ექსპერტიზის ბიუროს შესაბამისი დასკვნაა საჭირო, რადგანაც შენობა დეფორმირებულია და მასში უსაფრთხოების ზომები დაცული არ არის.
#ხანძარი - ვერცხლისა და მინანქრის ნაკეთობებზე მოვაჭრეები სავაჭრო ცენტრ „ბავშვთა სამყაროში“ შესვლასა და საკუთარი ნივთების გამოტანას ითხოვენ. როგორც ისინი აცხადებენ, მათი ნივთები დახლზე ინახებოდა და არა სპეციალურ საცავებში. შესაბამისად, იმედი არ აქვთ, რომ მათგან რაიმე გადარჩა. მოვაჭრეების თქმით, ვერცხლი დაიწვა, ჯართად იქცა და ნაგავშია არეული. „სახლიც რომ გავყიდო, ჩემს ვალს მაინც ვერ გადავიხდი. ბანკი რომ მეუბნება, შეგიჩერებ და გადაგივადებო, რა გადავიხადო, რა დავდო, რა გავყიდო? ვერაფერს გადავიხდი. მაშინ უნდა დამიჭირონ, იმიტომ, რომ ვერცხლის ორგრამიანი „ცეპი“ მიკეთია ყელზე. 50 000 ლარის მინანქრებიდან მხოლოდ ეს დამრჩა“, - განაცხადა ერთ-ერთმა დაზარალებულმა ლუიზა შოთაშვილმა. „ბავშვთა სამყაროს“ ტერიტორიაზე ხანძარი ორი დღის წინ, გამთენიისას გაჩნდა. დამწვარია 15 000 კვადრატული მეტრის ფართი. ადგილზე დასაქმებული მოვაჭრეები ხანძრის ხელოვნურად გაჩენის ფაქტს არ გამორიცხავენ.
#ინფო9 #NEWS #info9 #შსს #დაკავება - შინაგან საქმეთა სამინისტროს მცხეთა-მთიანეთის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, პირობითი მსჯავრის ქვეშ მყოფი ორი პირი - 1974 წელს დაბადებული მ.ჯ. და 1990 წელს დაბადებული ი.მ. გამოძალვის და სქესობრივი კავშირის იძულების ბრალდებით დააკავეს. გამოძიებამ დაადგინა, რომ ბრალდებულები პირადი ცხოვრების ამსახველი ვიდეომასალის, ასევე, სახელის გამტეხი ცნობების გავრცელების მუქარითა და შანტაჟით მოქალაქეს ფულს სძალავდნენ და სქესობრივი კავშირის დამყარებას აიძულებდნენ. გამოძიება გამოძალვის, სქესობრივი კავშირის იძულების და პირადობის დამადასტურებელი დოკუმენტის გატაცების ფაქტზე, სისხლის სამართლის კოდექსის 181-ე მუხლის მეორე ნაწილის „ბ“ და „გ“ ქვეპუნქტებით, 139-ე მუხლის პირველი ნაწილით და 363-ე მუხლის მეორე ნაწილით მიმდინარეობს.
#ინფო9 #NEWS #info9 - სავაჭრო ცენტრის ესკალატორიდან დედას ბავშვი გადაუვარდა. ინტერნეტში ვრცელდება ვიდეო, სადაც ჩანს, თუ როგორ გადაუვარდა დედას შვილი 12 მეტრის სიმაღლის ესკალატორიდან. უბედური შემთხვევა უზბეკეთის ქალაქ ანდიჟანის ერთ-ერთ სავაჭრო ცენტრში მოხდა. მიღებული ტრავმების გამო, ბავშვი გარდაიცვალა.
#ინფო9 #NEWS #info9 #სასაცილო - ამერიკის ჩრდილოეთ კაროლინას შტატში, უჩვეულო საქორწინო ცერემონია ჩატარდა. უცხოური მედიის ინფორმაციით, ჯვრის დასაწერად ტაძართან მომლოდინე სასიძოს, დინოზავრის ფორმაში გამოწყობილი პატარძალი გამოეცხადა. სასიძო არ დაიბნა, გაიღიმა, „დინოზავრ საცოლეს“ მოეხვია და სიყვარული კიდევ ერთხელ აუხსნა. ამის შემდეგ, პატარძალი „დინოზავრის ტყავიდან“ გამოძვრა და საქმროს წინაშე ულამაზეს კაბაში გამოწყობილი წარსდგა.
#ინფო9 #NEWS #info9 #ნიჭიერი
#ინფო9 #NEWS #info9
#ინფო9 #NEWS #info9 #შსს #ნარკოტიკი #დაკავება
#ინფო9 #NEWS #info9 #ხანძარი
#ინფო9 #NEWS #info9 #ხანძარი #შემთხვევა
#ხანძარი #შემთხვევა სავაჭრო ცენტრ „ბავშვთა სამყაროს“ ტერიტორიაზე გაჩენილი ხანძრის შედეგად დაზარალებული მოქალაქეები, ხანძრის განზრახ გაჩენის ფაქტს არ გამორიცხავენ. ამის შესახებ შემთხვევის ადგილზე მყოფი სავაჭრო ობიექტების მფლობელები აცხადებენ. „დამეწვა ყველაფერი, რაც კი ცხოვრებაში ნაშრომი გამაჩნდა. ჩემი და ათასობით ხალხის მაღაზიაა დამწვარი“, - აღნიშნავს ერთ-ერთი დაზარალებული. ამასთან, დაზარალებულების თქმით, „ბავშვთა სამყაროს“ შენობაში მილიონობით ადამიანის ოქროა შენახული. „არცერთი არ ასხამს იქ წყალს, მეუბნებიან, რომ იცავენ. გადაიღეთ, საერთოდ ვინმე თუ აქრობს. მილიონობით ადამიანის ოქროა იქ შენახული“, - განაცხადა ერთ-ერთმა დაზარალებულმა. მათივე ინფორმაციით, ცეცხლი ჯერ ბაზრობას გაუჩნდა და შემდეგ „ბავშვთა სამყაროს“ სავაჭრო ობიექტებზე გავრცელდა. მეხანძრეები სავაჭრო ცენტრ „ბავშვთა სამყაროს“ შენობაში გაჩენილი ცეცხლის ჩაქრობას ამ დრომდე ცდილობენ. ხანძარი სავაჭრო ცენტრში 03:00 საათისთვის გაჩნდა. ცეცხლი მთელ შენობას მოედო და თითქმის მთლიანად დაიწვა. ასევე, დამწვარია საბითუმო ბაზრობის ტერიტორია. შინაგან საქმეთა სამინისტრომ მომხდარზე გამოძიება სისხლის სამართლის კოდექსის 187-ე მუხლით დაიწყო, რაც სხვისი ნივთის დაზიანებას ან განადგურებას გულისხმობს. ხანძრის გამომწვევი მიზეზი ჯერჯერობით უცნობია. ამავე თემაზე: კადრები - „ბავშვთა სამყაროს“ შენობაში ცეცხლის ლოკალიზებას ამ დრომდე ცდილობენ
#ინფო9 #NEWS #info9 პერუს ქალაქ ლირკაიში, უამინდობის შედეგად ადიდებულმა მდინარემ სასტუმრო წაიღო. ანგარაესის პროვინციაში მდებარე სასტუმროს, მდინარემ საფუძველი გამოაცალა და ნანგრევებად აქცია. აღნიშნულ კადრებს ადგილობრივი ტელევიზიები ავრცელებენ.
#ინფო9 #NEWS #info9 А Студио-ს სოლისტი ქეთა თოფურია „ინსტაგრამზე“ საკუთარი ქალიშვილის ვიდეოს აქვეყნებს. ქართველი მომღერლის შვილი - ლივ გეიხმანი ერთი წლისაა. ქეთა თოფურია და ბიზნესმენი ლევ გეიხმანი 2013 წელს დაქორწინდნენ.
#ინფო9 #NEWS #info9 ინტენსიური თოვლის გამო, ჩაქვის გვირაბთან ტრანსპორტის მოძრაობა დროებით შეჩერებულია. მაღალი გამავლობის ტრანსპორტსა და მსუბუქ ავტომობილებს აღნიშნულ ტერიტორიაზე გადაადგილება უჭირთ. ისინი მისაბმელიანი ტრანსპორტის დახმარებით მოძრაობენ. ადგილზე მობილიზებულია საპატრულო პოლიციის ეკიპაჟები, რომლებიც გზის აღნიშნულ მონაკვეთზე მოძრაობის უსაფრთხოებას უზრუნველყოფენ.
#ინფო9 #NEWS #info9 # ფილიპინებში, სილამაზის საერთაშორისო კონკურს „მის სამყარო 2016“-ის საჩვენებელი შოუ გაიმართა. კონკურსანტებმა ეროვნული სამოსი, ბიკინი და საღამოს კაბა მოირგეს. საკუთარი ფორმები ქართველმა მონაწილემ, „მის საქართველო 2015”-ის ტიტულის მფლობელმა ნუკა ყარალაშვილმაც წარმოაჩინა. „მის სამყაროს 2016“-ის გრანდიოზული ფინალური შოუ 29 იანვარს, ფილიპინების დედაქალაქ მანილაში გაიმართება. წელს “მის სამყაროს” ფინალზე 85 ქვეყნის წარმომადგენელი იღებს მონაწილეობას და მათი შეფასება „მის სამყაროს“ ოფიციალურ ვებგვერდზე და სოციალური ქსელების მეშვეობით არის შესაძლებელი.
#ინფო9 #NEWS #info9 ინგლისისა და უელსის ციხეებში გასულ წელს, პატიმრების სუიციდის 119 შემთხვევა დაფიქსირდა, რაც 1978 წლის შემდეგ, ყველაზე მაღალი მაჩვენებელია. BBC-ის ინფორმაციით, ციხეებში სიკვდილიანობის საერთო რაოდენობა 354-მდე გაიზარდა. გასულ წელს, 37 784 შემთხვევა დაფიქსირდა, როდესაც პატიმრებმა თვითდაზიანებები მიიყენეს, ხოლო 25 049 პატიმარმა ციხიდან გაქცევა სცადა. იუსტიციის მდივანი ლიზ თრასი აცხადებს, რომ „ციხეებში დიდი ხნის განმავლობაში არსებული პრობლემები, ერთი კვირის განმავლობაში ვერ გადაიჭრება“.
#ინფო9 #NEWS #info9 ირანელი მსახიობი ტარანეჰ ალიდუსტი, რომელიც „ოსკარი 2017“-ის ერთ-ერთი ნომინანტია, ამერიკის შეერთებული შტატების პრეზიდენტს პროტესტს უცხადებს და დაჯილდოების ცერემონიას არ დაესწრება. აღნიშნულის შესახებ მან სოციალურ ქსელ „ტვიტერის“ საკუთარ გვერდზე დაწერა და ტრამპის საიმიგრაციო პოლიტიკა გააპროტესტა.
#ინფო9 #NEWS #info9 -ქუთაისში, ევდოშვილის ქუჩაზე საინკასაციო მანქანა დააყაჩაღეს. საინკასაციო მანქანას, რომელსაც სწრაფი ჩარიცხვის აპარატებიდან აღებული თანხა გადაჰქონდა, თავს ერთ-ერთ მაღაზიასთან დაესხნენ. ყაჩაღობის ფაქტს შინაგან საქმეთა სამინისტროში ადასტურებენ. უწყების პრესსამსახურის ინფორმაციით, მომხდარზე გამოძიება სისხლის სამართლის კოდექსის 179-ე მუხლით დაიწყო, რაც ყაჩაღობას გულისხმობს. მომხდარზე აქტიური საგამოძიებო მოქმედებები მიმდინარეობს.
#ინფო9 #NEWS #info9 #პოლიტიკა - ჰონგ კონგის ქუჩებში ამერიკის შეერთებული შტატების პრეზიდენტ დონალდ ტრამპისა და ჩრდილოეთ კორეის ლიდერის კიმ ჩენ ინის „ორეულებმა“ გაისეირნეს. ორი მსახიობი შეერთებული შტატებისა და ჩრდილოეთ კორეის ლიდერების ფორმებში გამოეწყო და ქუჩებში ისე გავიდნენ. სანახაობის კულმინაცია კი, მათი ჩახუტება და კოცნა გახდა. ტრამპის როლი ამერიკელმა მუსიკოსმა დენის ალანმა შეასრულა. კიმ ჩენ ინი ასევე, მუსიკოსმა განასახიერა, რომელიც ავსტრალიელია, თუმცა ჰონგ კონგში ცხოვრობს.
#ინფო9 #NEWS #info9 #პოლიტიკა - ქუთაისის საკრებულოს ფრაქცია „ნაციონალური მოძრაობის“ წევრი გია უკლება ყოფილ თანაგუნდელებს ფრაქციის დაუყოვნებლივ დატოვებისკენ მოუწოდებს. როგორც უკლება აცხადებს, ქუთაისის საკრებულოში „ნაციონალური მოძრაობის“ ოთხი წევრიდან ორმა, ე.წ. უგულავა-ბოკერიას გუნდში გადაინაცვლა. უკლებას თქმით, სავარაუდოდ, ყოფილი თანაგუნდელები ფრაქციას ფინანსური ინტერესების გამო არ ტოვებენ. "მათ მიიღეს გადაწყვეტილება, რომ "ნაცმოძრაობა" დაეტოვებინათ, თუმცა გაუგებარია, რატომ არ ტოვებენ ისინი ქალაქის საკრებულოში შექმნილ ფრაქცია "ნაციონალურ მოძრაობას". მოვუწოდებ მათ, დაუყოვნებლივ გადადგან ეს ნაბიჯი და როგორც პარტიას გაემიჯნენ, ასევე გაემიჯნონ ფრაქციასაც. ალბათ, ისინი ამ დრომდე გადაწყვეტილებას იმიტომ არ იღებენ, რომ ფინანსურ სარგებელს იღებენ“, - აცხადებს უკლება. გიორგი უკლებას მოწოდებას, საკრებულოში ფრაქცია „ნაციონალური მოძრაობის“ თავმჯდომარე დავით გოგისვანიძე ეხმაურება.
#ინფო9 #NEWS #info9 #შსს #პოლიტიკა #ქურდული - შინაგან საქმეთა სამინისტროს ცენტრალური კრიმინალური პოლიციის დეპარტამენტის დამნაშავეთა სამყაროს წინააღმდეგ ბრძოლის სამმართველოს თანამშრომლებმა, 1983 წელს დაბადებული ზ.ბ. და 1969 წელს დაბადებული, წარსულში ნასამართლევი რ.გ., ქურდული სამყაროს წევრობის ბრალდებით, თბილისში დააკავეს. გამოძიებამ დაადგინა, რომ ზ.ბ. შპს „კაპიტალ გრუპის“ კუთვნილი მიკროავტობუსის მოიჯარე მძღოლს თბილისში, ერთ-ერთ სამარშრუტო ხაზზე მუშაობის სანაცვლოდ, გარკვეულ თანხას სისტემატურად, უკანონოდ სძალავდა. უწყების ინფორმაციით, მიმდინარე წლის იანვარში, მოიჯარე მძღოლმა ზ.ბ.-ს თანხის მიცემა შეუწყვიტა, რის გამოც, დავის გადაწყვეტის მიზნით, ზ.ბ. ქურდული სამყაროს წევრს - რ.გ.-ს დაუკავშირდა და დახმარება სთხოვა. ასევე დადგინდა, რომ მიმდინარე წლის 17 იანვარს რ.გ.-მ და ზ.ბ.-მ, სარგებლის მიღებისა და დაზარალებულზე ზეგავლენის მოხდენის მიზნით, თბილისში, გლდანის რაიონში მდებარე ერთ-ერთ საცხოვრებელ სახლში ე.წ. ქურდული გარჩევა მოაწყვეს, SKYPE-ის მეშვეობით დაუკავშირდნენ საზღვარგარეთ მყოფ ქართველ კანონიერ ქურდს - ლ. ხ.-ს, რომელმაც მხარეების მოსმენის შემდეგ გადაწყვიტა, რომ „ქურდული კანონების“ თანახმად, დაზარალებულ მძღოლს ზ.ბ.-სთვის კვლავ უნდა ეხადა გარკვეული თანხა. გამოძიება ქურდული სამყაროს წევრობის ფაქტზე, სისხლის სამართლის კოდექსის 223-ე პრიმა მუხლის პირველი ნაწილით მიმდინარეობს.
#ინფო9 #NEWS #info9 #პოლიტიკა - აჭარის ავტონომიური მთავრობის თავმჯდომარე ზურაბ პატარაძე ხულოში, სოფელ თხილვანას სტიქიურ ზონაში მცხოვრებ მოსახლეობას შეხვდა და მათთან მოლაპარაკება აწარმოა. აჭარის მთავრობის თავმჯდომარესთან ერთად, მოსახლეობას შეხვდნენ აჭარის ავტონომიური მთავრობის ჯანმრთელობისა და სოციალური დაცვის მინისტრი ზაალ მიქელაძე, მისი მოადგილე რამაზ ჯინჭარაძე, ხულოს გამგებელი ბესიკ ბაუჩაძე, ასევე ხულოს მაჟორიტარი დეპუტატი პარლამენტში ანზორ ბოლქვაძე. თხილვანას სტიქიის ზონაში მცხოვრებლებს ზურაბ პატარაძემ განსახლების ახალი ალტერნატივა შესთავაზა, რომლის მიხედვითაც შესაძლებელია მეზობელ სოფლებში უსაფრთხო ტერიტორიებზე სახლების გადატანა, ასევე მრავალბინიანი საცხოვრებელი სახლის აშენება. სახლების გადატანის, ინფრასტრუქტურისა და კომუნიკაციების მოწყობის ხარჯებს მთავრობა საკუთარ თავზე აიღებს. ზურაბ პატარაძის ხელმძღვანელობით, მოლაპარაკებამ წარმატებით ჩაიარა. დაიგეგმა ინდივიდუალური შეხვედრები და საკითხის კომისიური წესით შესწავლა, რის შემდეგაც თხილვანას სტიქიურ ზონაში მცხოვრებლებისთვის უსაფრთხო საცხოვრებლით დაკმაყოფილება შეთავაზებული მოდელის მიხედვით მოხდება. აჭარის მთავრობის თავმჯდომარის თქმით, მნიშვნელოვანია პირველ რიგში სტიქიის ზონაში მცხოვრები მოსახლეობის უსაფრთხო ზონაში გადაყვანა. ასეთი ოჯახების ქირით ცხოვრების ხარჯებს სახელმწიფო გაიღებს. „მთავარი ადამიანების უსაფრთხოებაა. ჩვენ ინდივიდუალურად შევისწავლით მათ მდგომარეობას. პირველ რიგში 31 ოჯახის სასწრაფო განსახლება უნდა მოხდეს, რომლებიც რისკის ზონაში არიან, რათა განმეორებითი მეწყრული პროცესების შემთხვევაში რისკ ფაქტორები თავიდანვე იყოს აცილებული. ხვალიდან სამთავრობო კომისია ინდივიდუალურად ყველა ოჯახთან მივა და შეისწავლის, რათა პროგრამების მიხედვით მათი დაკმაყოფილება მოხდეს. ამ სოფელში სულ 62 ოჯახი საჭიროებს განსახლებას, თუმცა 31 ოჯახი სასწრაფოდ გადასაყვანია უსაფრთხო ადგილზე“, - განაცხადა ზურაბ პატარაძემ. ხულოში, სოფელ თხილვანაში მეწყერი რამდენიმე კვირის წინ ჩამოწვა. შემთხვევის შედეგად არავინ დაშავებულა.სოფელში ჩამოწოლილმა მეწყერმა 60-მდე ოჯახს შეუქმნა საფრთხე.
#ინფო9 #NEWS #info9 - გადაცემა „ნანუკას შოუში“ სპორტსმენ ბიჭებსა და მოდელ გოგონებს შორის მხიარული შეჯიბრი გაიმართა. დაპირისპირების ერთ-ერთ კომპონენტში ისინი ერთმანეთს Queen-ის „I Want To Break Free“-ს ფონზე მტვერსასრუტით დაგვის პარალელურად, ცეკვასა და სპორტულ აქტივობაში შეეჯიბრნენ. საბოლოოდ, თამაში ბიჭების გამარჯვებით დასრულდა.
#ინფო9 #NEWS #info9 - მელბურნში, კონტინენტის ისტორიაში ყველაზე მძიმეწონიანი ბავშვი დაიბადა. ახალშობილი 6 კილოგრამსა და 600 გრამს იწონის. ბრაიან ლიდლ უმცროსი ადგილობრივი დროით, 09:44 საათზე დაიბადა. ახალშობილი 57 სანტიმეტრისაა. როგორც გაირკვა, ახალშობილის დედას ნატაშია კორიგენს ყოველთვის უნდოდა, „დიდი, ფუმფულა ბავშვი“ ჰყოლოდა.
#ინფო9 #NEWS #info9 მაშველებმა მტკვრიდან მანეკენი ამოიყვანეს. პატრულს მდინარეში არსებული ცხედრის შესახებ მოქალაქემ შეატყობინა, თუმცა ადგილზე მისულ მაშველებს, მტკვარში მანეკენის ქვედა კიდურები დახვდათ.
#ინფო9 #NEWS #info9 - „ქართული ოცნების“ წევრი ზაქარია ქუცნაშვილი ტელეკომპანია „რუსთავი 2“-ს ინფორმაციის გამყალბებელს უწოდებს. ზაქარია ქუცნაშვილმა დღეს განმართულ პრესკონფერენციაზე განაცხადა, რომ მიერ გაკეთებული განცხადება ვიცე-პოლკოვნიკ გიორგი ცერცვაძის საქმეს არ ეხებოდა და „რუსთავი 2“-ის ჟურნალისტი კომენტარის გაყალბებაში დაადანაშაულა. „ჩვენი კანონმდებლობის თანახმად, თუ ქვეყანა არ დევნის, საქართველომ არ უნდა დააპატიმროს და „რუსთავი 2“ საქართველოს ბრალს სდებს იმაში, თუ რატომ არ დააპატიმრა. წარმოგიდგენიათ, რა აბსურდია?! ზრდილობა იქონიე. თუ კითხვა გაქვს პასუხი მოისმინე, თუ ისტერიკის მოწყობა გინდა წადი „ნაციონალური მოძრაობის“ ოთხ ნაწილთან და ისტერიკაში იქ ჩავარდი“, – მიმართა „რუსთავი 2“-ის ჟურნალისტს საპარლამენტო უმრავლესობის დეპუტატმა. ვიცე-პოლკოვნიკ გია ცერცვაძის საქმეზე შესაბამისი კითხვა ტელეკომპანიის ჟურნალისტმა დეპუტატს რამდენიმე დღის წინ დაუსვა.
#ინფო9 #NEWS #info9 ეროვნული ბანკის პრეზიდენტ კობა გვენეტაძის განცხადებით, სესხების „გალარების“ აქცია არ არის მიმართული იმისკენ, რომ გაცვლითი კურსი დასტაბილურდეს. ამის შესახებ გვენეტაძემ ქუთაისში გამართულ პრესკონფერენციაზე განაცხადა. მისი თქმით, „გალარების“ აქცია მხოლოდ იმ მოქალაქეებს დაეხმარება, ვისაც სესხი დოლარში აქვს გამოტანილი. „გალარების“ აქცია ერთჯერადი სოციალური აქციაა, რომელიც მთავრობამ შეიმუშავა და რაშიც ეროვნული ბანკიც ეხმარება. აქცია არ არის მიმართული იმისკენ, რომ გაცვლითი კურსი დაასტაბილუროს. ის იმ ხალხს დაეხმარება, რომელთაც სესხი დოლარში ჰქონდათ გამოტანილი. რა შედეგებს მოგვიტანს „გალარების“ აქცია, რაოდენობრივი მახასიათებლის თქმა რთულია“, - განმარტა კობა გვენეტაძემ. სესხების „გალარების“ აქცია მიმდინარე წლის 17 იანვრიდან დაიწყო და ორი თვის განმავლობაში გაგრძელდება. აღნიშნული აქციის ფარგლებში, ეროვნული ბანკიდან შესაძლოა, 400 მლნ აშშ დოლარი გამოიყოს
#ინფო9 #NEWS #info9 - ფინანსთა სამინისტროს საგამოძიებო სამსახურმა, გატარებული ოპერატიულ-სამძებრო და საგამოძიებო მოქმედებების შედეგად, მარკირებას დაქვემდებარებული პროდუქციის აქციზური მარკის გარეშე რეალიზაციის ფაქტი გამოავლინა. როგორც „ინფო 9“-ს ფინანსთა სამინისტროს საგამოძიებო სამსახურიდან აცნობეს, გამოძიებით დადგენილია, რომ ბრალდებულმა, საკუთარ სავაჭრო ობიექტში, სხვადასხვა ფიზიკურ პირებზე მალულად გაასაღა მარკირებას დაქვემდებარებული უაქციზო სიგარეტი „მასტერი“. საგამოძიებო სამსახურის მიერ უაქციზო თამბაქოს ნაწარმი ნივთმტკიცების სახით არის ამოღებული. საქმეზე გამოძიება სისხლის სამართლის კოდექსის მე-200 და 210-ე მუხლით, რაც სასჯელის სახით ორიდან ოთხ წლამდე პატიმრობას ითვალისწინებს. „აქვე საზოგადოებას ვაცნობებთ, რომ საგამოძიებო სამსახური, შემოსავლების სამსახურის საბაჟო დეპარტამენტთან ერთად, ყველა საბაჟო-გამშვებ პუნქტზე უმკაცრეს კონტროლს ახორციელებს, რათა ქვეყნის ტერიტორიაზე კონტრაბანდული თამბაქოს ნაწარმის შემოტანა არ მოხდეს“, - ნათქვამია საგამოძიებო სამსახურის მიერ გავრცელებულ ინფორმაციაში.
#ინფო9 #NEWS #info9 - უკრაინაში დაკავებული ქართველი ოფიცრის, გია ცერცვაძის მეუღლე, ტატიანა მესხი აცხადებს, რომ მისი ქმარი ყოველთვის სამშობლოს იცავდა. როგორც მან, გადაცემა „არჩევანში“ ისაუბრა, გია ცერცვაძესთან ერთად, აფხაზეთში უკრაინელებიც იბრძოდნენ.„გია რუსეთში სწავლობდა და როგორც კი აფხაზეთში ომი დაიწყო, მაშინვე ჩამოვიდა. აფხაზეთში ბრძოლის დროს, გიას გვერდით იყვნენ უკრაინელი ჯარისკაცები, რომლებიც იღუპებოდნენ ჩვენი ქვეყნისთვის. ის იბრძოდა ყოველთვის იმისთვის, რომ თავის სამშობლო ყოფილიყო ამაყი და დაცული“, - აცხადებს ტატიანა მესხი. გია ცერცვაძის უკრაინაში ყოფნის მიზეზად, მისმა მეუღლემ უკრაინელი მებრძოლებისთვის გამოცდილების გაზიარება დაასახელა. ტატიანა მესხის თქმით, საქართველოდან უკრაინის მიმართულებით გამგზავრებამდე, გია ცერცვაძე საპასპორტო კონტროლის გავლისას მცირე დროით შეაყოვნეს, თუმცა მას არაფერი შეატყობინეს. აფხაზეთისა და 2008 წლის აგვისტოს ომის მონაწილე გია ცერცვაძე რუსეთის მოთხოვნით, ერთი კვირის წინ დააკავეს. მას რუსეთი 2003 წელს დანაშაულის ჩადენაში ადანაშაულებს, თუმცა ცერცვაძეზე საერთაშორისო ძებნა 13 წლის შემდეგ, გასული წლის 23 დეკემბერს გამოცხადდა. ამავე თემაზე: უკრაინაში დაკავებული გია ცერცვაძის ადვოკატი ქართველი ოფიცრის წერილს ავრცელებს