Euronews Georgia

პუტინის სპიკერის დმიტრი პესკოვის განცხადებით, რუსეთი თავის მიზანს აუცილებლად მიაღწევს. მისი თქმით, კიევს დიდი ხნის წინ უნდა გაეგო, რომ ამ ომში გამარჯვების პერსპექტივა არ აქვს. თუმცა აშკარაა, რომ რუსეთი ჯერჯერობით წინ ვერ მიიწევს. #ახალიამბები #euronewsgeorgia

ისრაელელი სამხედროები ახლა მიწისქვეშა ინფრასტრუქტურის, ასაფეთქებელი ნივთიერებებისა და სხვა საფრთხეების მოძიებასა და განეიტრალებაზე მუშაობენ, რათა ჯარი თავისუფლად გადაადგილდეს. ისრაელის პრემიერ-მინისტრის ბენიამინ ნეთანიაჰუს თქმით, ისრაელის ჯარმა გაიარა ღაზის ქალაქის შესასვლელი და დასძინა, რომ ,,მტკივნეული დანაკარგის“ მიუხედავად, მათ ვერაფერი შეაჩერებთ. ჰუმანიტარული ორგანიზაციები განგაშს აცხადებენ, რადგან შიშობენ, რომ ალყაში მოქცეულ ქალაქში ვერანაირი დახმარება ვერ შეაღწევს. #ახალიამბები #euronewsgeorgia

თბილისში “სთრით არტ ფესტივალის” ფარგლებში 13-მა მხატვარმა ბუდაპეშტის ქუჩაზე კედლები მოხატა. თითოეული კედელი საქართველოს უკავშირდება. ორგანიზატორები ამბობენ, რომ პროექტი მომავალშიც გაგრძელდება და თბილისის გარდა საქართველოს სხვა კუთხეებსაც მოიცავს. #ახალიამბები #euronewsgeorgia

როგორ ემზადებიან ქართველი ტანკისტები საბრძოლო მზადყოფნის შესანარჩუნებლად, მაშინ როდესაც ჯავშანსატანკო ოპერაციები თანამედროვე საბრძოლო დაპირისპირებების დროს ერთ-ერთი გავრცელებული ბრძოლის მეთოდია. აზიანში, მე-11 სასროლეთზე ჯავშანსატანკო სწავლება გაიმართა. სცენარის მიხედვით, თავდაცვით ზღუდეზე სატანკო დანაყოფი იყო გამაგრებული, ქართული ტანკები სპეციალურად იყო შენიღბული. პირობითი მოწინააღმდეგის პირდაპირი ცეცხლისაგან მათ სპეციალური თხრილიც იცავდა. თავდაცვითი ხაზიდან მოწინააღმდეგეს თავდაპირველად სწორედ სანგრებიდან გაუხსნეს ცეცხლი. მეოთხე ქვეითი ბრიგადის შერეული ჯავშანსატანკო ბატალიონის ასეულის დონის ამ სწავლებაში 15 ტე-72 ტიპის საბრძოლო ტანკი და 9 ქვეითთა საბრძოლო მანქანა მონაწილეობდა. #ახალიამბები #euronewsgeorgia

მის დაწყებიდან სულ რაღაც 25 დღეში ისრაელ-“ჰამასის” კონფლიქტს 3600-ზე მეტი პალესტინელი ბავშვისა და არასრულწლოვანის სიცოცხლე შეეწირა, დაშავდა 7000-ზე მეტი. მათ დიდ ნაწილს მძიმე დაზიანებები აქვს მიღებული. #ახალიამბები #euronewsgeorgia

#ახალიამბები #euronewsgeorgia

ამერიკის შეერთებულ შტატებში ისრაელი ზეპარტიულ მხარდაჭერას ინარჩუნებს. აშშ-ის წარმომადგენელთა პალატაში რესპუბლიკური პარტიის სპიკერი მაიკ ჯონსონი აცხადებს, რომ ისრაელი ვაშინგტონისთვის ძვირფასი მეგობარი და პარტნიორი სახელმწიფოა. ამერიკელი პოლიტიკოსი ასევე ამბობს, რომ ისრაელს არ სჭირდება ამ ეტაპზე ცეცხლის შეწყვეტა, ისრაელი წარმოუდგენელი ბოროტების სამიზნე გახდა და ამ ეტაპზე ისრაელი საკუთარი მოქალაქეების უსაფრთხოების უზრუნველყოფას ცდილობს, ვაშინგტონი კი ისრაელს ამ თვალსაზრისით მხარს მუდამ დაუჭერს. #ახალიამბები #euronewsgeorgia

ისრაელის ,,ჰამასის“ მეორე მეთაური გაანადგურეს. ამის შესახებ ისრაელის თავდაცვის ძალების სპიკერმა, დანიელ ჰაგარმა განაცხადა. #ახალიამბები #euronewsgeorgia

ბოლო ერთი წლის განმავლობაში ცენტრალურ აფრიკაში, კონგოს დემოკრატიულ რესპუბლიკაში, 130-ზე მეტი შეიარაღებული დაჯგუფების ბრძოლის ფონზე ასობით ათასი ქალი და გოგონა იქცა იძულებით გადაადგილებულ პირად. მათთვის უდიდეს და უმძიმეს პრობლემას წარმოადგენს სექსუალური ძალადობა შეიარაღებული დაჯგუფებების წევრთა მხრიდან. #ახალიამბები #euronewsgeorgia

ნიუ-იორკში ჰელოუინის დღესასწაული აღნიშნეს. „თავდაყირა“ - ეს იყო ჰელოუინის წლევანდელი ღონისძიების მთავარი სლოგანი და პანდემიის შემდეგ ნორმალურ ცხოვრებასთან დაბრუნებას მიეძღვნა. სპეციალურად ამ დღისთვის ნიუ-იორკში არაერთი ტურისტი ჩავიდა. ისინი ამბობენ, რომ ეს დღესასწაული ასე მასშტაბურად სხვაგან არსად აღინიშნება და სურდათ თავადაც ყოფილიყვნენ მისი მონაწილე. ღონისძიების მონაწილეების თქმით, ჰელოუინი მათ საშუალებას აძლევს, თავი სხვა ადამიანებად იგრძნონ. #ახალიამბები #euronewsgeorgia

ოფიციალური კიევის ინფორმაციით, გასული დღე-ღამის განმავლობაში რუსეთმა 100-ზე მეტი დასახლებული პუნქტი დაბომბა. #ახალიამბები #euronewsgeorgia

ირანის ისლამური რესპუბლიკის სულიერი ლიდერი აიათოლა ალი ხამენეი აცხადებს, რომ არაბულმა სახელმწიფოებმა ისრაელისთვის საკვებისა და საწვავის მიწოდება უნდა შეწყვიტონ. ირანელი სულიერი ლიდერის განცხადებით, ისრაელი ღაზის სექტორში გენოციდს აწყობს. აიათოლა ალი ხამენეიმ ეს განცხადება თეირანში სტუდენტებთან შეხვედრისას გააკეთა. იგივე აზრი გამოთქვა ირანის ისლამური რესპუბლიკის საგარეო საქმეთა მინისტრმაც და მან ახლო აღმოსავლეთის სახელმწიფოებს ისრაელისთვის ბლოკადის დაწესებისკენ მოუწოდა. #ახალიამბები #euronewsgeorgia

ჯანდაცვის მსოფლიო ორგანიზაცია დაუყოვნებლივ ითხოვს ღაზის სექტორში ჰუმანიტარული ნივთებითა და საკვებით დატვირთული დამატებითი სატვირთო მანქანების შეყვანას. #ახალიამბები #euronewsgeorgia

ისრაელსა და "ჰამასს" შორის საბრძოლო მოქმედებები გრძელდება. კონფლიქტის 26-ე დღეს ისრაელმა ღაზის ჩრდილოეთით მდებარე ჯაბალიას ლტოლვილთა ბანაკზე საჰაერო იერიში მიიტანა. შეტევას სულ მცირე 50 ადამიანის სიცოცხლე ემსხვერპლა. ბოლო მონაცემებით, პალესტინის მხარეს გარდაცვლილთა რაოდენობამ 8500-ს გადააჭარბა. ისრაელის მხარეს კი კონფლიქტს 1400-ზე მეტი ადამიანის სიცოცხლე ემსხვერპლა. #ახალიამბები #euronewsgeorgia

“აუტიზმი სახლსა და სკოლაში“- პოეტის, პუბლიცისტისა და მასწავლებლის დიანა ანფიმიადის გზამკვლევია მშობლებისა და მასწავლებლებისთვის, რომლის ანოტაციაში ვკითხულობთ: „დღემდე ჯერ კიდევ მითოლოგიზებული სიტყვა „აუტიზმი“ სხვებისთვის უფრო გასაგებ ცნებად რომ იქცეს, აქაც ცოდნისა და გამოცდილების გაზიარებაა საჭირო. მშობლებმა შვილები აუტისტური სპექტრის გამო რომ აღარ დამალონ, მათს თვალებში მხოლოდ შიში, ეჭვი, ბევრი შეკითხვა და დაბნეულობა რომ აღარ იკითხებოდეს…” „აუტიზმი სახლსა და სკოლაში“ დიანამ სწორედ ამ მიზნით დაწერა. ევრონიუს ჯორჯიას დილის ეთერში წიგნის შესახებ ავტორმა ისაუბრა. #ახალიამბები #euronewsgeorgia

მეხიკოს თითქმის ყველა ბაზარში დახლები სავსეა ყვითელი ყვავილებით, რომელიც მექსიკური ლეგენდის თანახმად, გარდაცვლილებს სახლისაკენ მიმავალ გზაზე უნდა გაატანონ. #ახალიამბები #euronewsgeorgia

ისრაელ-ჰამასის ომი დაწყების შემდეგ მსოფლიოში ანტისემიტიზმის შემთხვევები გაიზარდა. პარიზში 7 ოქტომბრის შემდეგ უკვე 800-ზე მეტი ასეთი ფაქტი გამოვლინდა. #ახალიამბები #euronewsgeorgia

ისრაელმა საჰაერო იერიში მიიტანა ღაზის ჩრდილოეთით მდებარე ჯაბალიას ლტოლვილთა ბანაკზე, რასაც 50 ადამიანის სიცოცხლე ემსხვერპლა. ისრაელის თავდაცვის ძალების განცხადებით, მათ გაანადგურეს ტერორისტული დაჯგუფება ,,ჰამასის" სამეთაურო ცენტრი და მისი ხელმძღვანელი. #ახალიამბები #euronewsgeorgia

,,ადამიანი-ობობას'' ფორმაში ჩაცმულმა ასობით არგენტინელმა გინესის რეკორდის მოხსნა სცადა. #ახალიამბები #euronewsgeorgia

ღაზაში „ჰამასის“ მიერ მძევლად აყვანილი 239 ადამიანი იმყოფება. ამის შესახებ ინფორმაციას ისრაელის თავდაცვის სამინისტრო ავრცელებს. #ახალიამბები #euronewsgeorgia

ოკუპირებული ყირიმიდან რუსულ საოკუპაციო ჯარებს ფლოტის შემდეგ უკვე ავიაციაც გაჰყავს. #ახალიამბები #euronewsgeorgia

ანტისემიტიზმმა იმატა მას შემდეგ, რაც დაიწყო ომი "ჰამასსა" და ისრაელს შორის. ებრაელებს დროდადრო თავს ესხმიან და გარდა სიტყვიერი შეურაცხყოფისა, მათ ფიზიკურადაც უსწორდებიან. #ახალიამბები #euronewsgeorgia

#ახალიამბები #euronewsgeorgia

“სკაი ნიუსი” ესაუბრა ერაყელ წყვილს, რომლის ქორწილის დროსაც ასზე მეტი ადამიანი დაიღუპა #ახალიამბები #euronewsgeorgia

“ჰამასსა” და ისრაელს შორის ომი გრძელდება, დღეს კონფლიქტის მეთოთხმეტე დღეა. გაერთიანებული ერების ორგანიზაციის წარმომადგენელთა მიერ შეგროვებული ინფორმაციის თანახმად ისრაელის 1300-ზე მეტი მოქალაქეა დაღუპული, 4 562 მოქალაქე კი დაჭრილია, ისრაელის 200-მდე მოქალაქე კი “ჰამასის” ტყვეობაშია. ღაზის სექტორი არ გახლავთ კონფლიქტის ერთადერთი კერა, ჩრდილოეთ ისრაელში სამი მოქალაქე დაიჭრა ლიბანიდან სარაკეტო თავდასხმის შედეგად. #ახალიამბები #euronewsgeorgia

“ეს არის ფილმი ხალხზე, რომელიც მსოფლიოს ყველაზე სახიფათო ადგილიდან გაქცევას ცდილობს”. ''უტოპიის მიღმა" ჩრდილოეთ კორეაში არსებული მდგომარეობის შესახებ ყვება. Planyway #ახალიამბები #euronewsgeorgia

“უთხარით ირანს საჯაროდ, საიდუმლოდ, ნებისმიერი გზით, რომ არ ღირს კონფლიქტის ესკალაცია, არ დაესხათ თავს ისრაელის პარტნიორებს”,- განაცხადა ბლინკენმა. #ახალიამბები #euronewsgeorgia

ისრაელი სახმელეთო ოპერაციისთვის ემზადება. ამ ფონზე კი, ახლო აღმოსავლეთის რეგიონში უკვე ჩავიდა ამერიკის შეერთებული შტატების მიერ გაგზავნილი ესკადრილია, რომელიც F16-ის ტიპის თვითმფრინავებისგან შედგება. ევრონიუს ჯორჯიას ეთერში საუბრობს ანალიტიკოსი ზურაბ ბატიაშვილი. #ახალიამბები #euronewsgeorgia

ღაზაში მიმდინარე ომის გამო, პალესტინელებს საცხოვრებლების დატოვება უწევთ. პალესტინელი დევნილები სკოლებისა და საავადმყოფოების გარდა, უცხო ქვეყნის მოქალაქეების სახლებსაც აფარებენ თავს. #ახალიამბები #euronewsgeorgia

დანაშაულში ეჭვმიტანილი რობერტ კარდია, რომელიც სამხედრო სამსახურში ცეცხლსასროლი იარაღის ინსტრუქტორია. მან მეინის შტატში, აშშ-ს არმიის სარეზერვო სასწავლო დაწესებულებაში გაიარა ინსტრუქტაჟი. რობერტ კარდიაზე ასევე ცნობილია, რომ ის 2023 წლის ზაფხულში ორი კვირის განმავლობაში იმყოფებოდა ფსიქიკური ჯანმრთელობის დაწესებულებაში. თუმცა კონკრეტული დეტალები მისი მკურნალობისა და მდგომარეობის შესახებ ამ დროისთვის ცნობილი არ არის. #ახალიამბები #euronewsgeorgia

დასავლეთ ნაპირზე ღაზის სექტორში მიმდინარე საჰაერო თავდასხმებს აპროტესტებენ. #ახალიამბები #euronewsgeorgia

#ახალიამბები #euronewsgeorgia

იერუსალიმის ებრაულ დასახლებებში შიშობენ, რომ შეიძლება ისევ დადგეს დღე, როცა მათ დახმარება დასჭირდებათ და პოლიცია და არმია დროულად ვერ შეძლებს მისვლას. ამიტომ მიაჩნიათ, რომ ოჯახების დაცვა თავად უნდა შეეძლოთ. #ახალიამბები #euronewsgeorgia

ზამთარი მოდის და რუსეთმა კვლავ განაახლა თავდასხმები უკრაინის ენერგოსისტემაზე. უკრაინის მოსახლეობას კი კარგად ახსოვს შარშანდელი ზამთარი და სხვადასხვა გზით ცდილობენ ცივი თვეებისთვის მომზადებას. Transcript #ახალიამბები #euronewsgeorgia

ჰამასსა” და ისრაელს შორის მიმდინარე ომში ღაზის სექტორის მიდამო ერთადერთი ფრონტის ხაზი არ გახლავთ, 7 ოქტომბერს დაწყებული კონფლიქტის კიდევ ერთი კერა ჩრდილოეთით, ლიბანსა და ისრაელს შორის არსებული სახელმწიფო საზღვარია, სადაც პოლიტიკური პარტია და გასამხედროებული ორგანიზაცია “ჰეზბოლა”, ისრაელის დაუძინებელი მტერი ოპერირებს. 2006 წელს 34-დღიანი ომი სწორედ “ჰეზბოლასა” და ისრაელს შორის გაიმართა. ამ სიუჟეტში გაიგებთ, თუ რას წარმოადგენს “ჰეზბოლა”. #ახალიამბები #euronewsgeorgia

დაჯგუფება „ჰამასმა“ გაათავისუფლა ორი მძევალი ქალი, რომლებიც ღაზის სექტორში ჰყავდათ დატყვევებული 7 ოქტომბერს ისრაელზე მიტანილი იერიშის შემდეგ. ისრაელის არმია მზად არის, რომ ღაზაში სახმელეთო ოპერაცია დაიწყოს. ხოლო შეერთებული შტატები ისრაელს სახმელეთო იერიშისგან თავის შეკავებისკენ მოუწოდებს, რადგან მას შესაძლოა, უამრავი მშვიდობიანი მოქალაქე შეეწიროს. პარალელურად, ისრაელი ღაზაზე საჰაერო შეტევებს აგრძელებს. #ახალიამბები #euronewsgeorgia

მოხალისეები საომარი ვითარების დროს რეზერვში ჩაირიცხებიან - განუცხადა ევრონიუს ჯორჯიას თავდაცვის მინისტრის მოადგილემ გრიგოლ გიორგაძემ. 2024 წლიდან თავდაცვის უწყებაში ყველა სამხედრო-პატრიოტული, მოხალისეობრივი ორგანიზაცია ერთ სტრუქტურაში გაერთიანდება. Euronews Georgia #ახალიამბები #euronewsgeorgia

რუსეთის ბირთვულ მუქარას დასავლეთი პასუხობს - აშშ-ში ბირთვული შეიარაღების მოდერნიზაციაზე საუბრობენ, ჩდილოატლანტიკური ალიანსი კი მასშტაბურ სწავლებას მართავს. მსოფლიო ახალ ბირთვულ ეპოქაში გადადის. #ახალიამბები #euronewsgeorgia

“ღაზის სექტორში მსხვერპლის რაოდენობამ 4000-ს გადააჭარბა. ისრაელის ავიაიერიშების შედეგად 4137 ადამიანი დაიღუპა, მათ შორის 1 661 ბავშვია”, – ამის შესახებ ინფორმაციას ღაზის სექტორის ჯანდაცვის სამინისტრო ავრცელებს. ცნობილია, რომ ამ დრომდე ეძებენ 4000-ზე მეტ ადამიანს. ამ ტერიტორიაზე ძირითადი საავადმყოფოები და 21 სამედიცინო ცენტრი აღარ ფუნქციონირებს. #ახალიამბები #euronewsgeorgia

ისრაელის საჰაერო ძალები ღაზის სექტორზე ავიაიერიშებს აძლიერებენ და ტერიტორიის ჩრდილოეთში დარჩენილ მოსახლეობას მოუწოდებენ, სამხრეთისკენ გადაინაცვლონ. ისრაელის პრემიერ-მინისტრმა ბენიამინ ნეთანიაჰუმ ჯარისკაცებთან შეხვედრისას განაცხადა, რომ „ჰამასთან“ ბრძოლაში უკან დასახევი გზა არ აქვთ. ქვეყნის თავდაცვის მინისტრმა აღნიშნა, რომ ბრძოლები შესაძლოა თვეები გაგრძელდეს, თუმცა დასძინა, რომ ეს ბოლო ბრძოლა იქნება, რომელშიც „ჰამასი“ მიიღებს მონაწილეობას. „ამას დასჭირდება ერთი თვე, ორი თვე, სამი თვე, მაგრამ ბოლოს „ჰამასი“ გაქრება. სანამ „ჰამასი“ ჩვენს ტანკებს და ქვეითებს შეხვდება, მათ ჩვენი ავიაციისგან მოხვდებათ ბომბები”, – განაცხადა ისრაელის თავდაცვის მინისტრმა იოავ გალანტმა. „ჰამასთან“ მიმდინარე ბრძოლების პარალელურად, დაძაბულობაა ქვეყნის დასავლეთით, სადაც მეორე ფრონტის გახსნის რისკია. ისრაელის ავიაციამ ლიბანში „ჰეზბოლას“ პოზიციებზე ავიაიერიშები მიიტანა პრემიერ-მინისტრმა ნეთანიაჰუმ „ჰეზბოლა“ გააფრთხილა, რომ ისრაელთან ომის წამოწყება „ისტორიული შეცდომა“ იქნება. #ახალიამბები #euronewsgeorgia

ევროკავშირი და ამერიკის შეერთებული შტატები ისრაელის ფართომასშტაბიანი შეტევის წინააღმდეგი არიან, რადგან მიაჩნიათ, რომ შეტევას შეიძლება მრავალი მშვიდობიანი მოქალაქე შეეწიროს. #ახალიამბები #euronewsgeorgia

ისრაელის პრემიერ-მინისტრი ბენიამინ ნეთანიაჰუ თავდაცვის ძალების ჯარისკაცებს ღაზის სექტორის სიახლოვეს ეწვია და მათ გაესაუბრა. სახელმწიფოს პრემიერ-მინისტრმა ჯარისკაცები შეაქო და განუცხადა, რომ ისრაელელი ერი მათ წინაშე ვალშია. #ახალიამბები #euronewsgeorgia

ჰუმანიტარული დახმარებით დატვირთული მანქანები რაფაჰის სასაზღვრო პუნქტზე გადასვლას შეძლებენ, რათა კონფლიქტის ზონაში საკვები, წყალი, მედიკამენტები და პირველადი დახმარების ნივთები ჩაიტანონ. ისრაელმა ღაზაში შესვლის ნებართვა 20 ასეთ სატვირთო მანქანას დართო. #ახალიამბები #euronewsgeorgia

ამერიკის შეერთებული შტატების, დიდი ბრიტანეთის, საფრანგეთის, იტალიისა და გერმანიის ლიდერებმა ისრაელს მხარდაჭერა კიდევ ერთხელ გამოუცხადეს და ჰამასის ტერორისტული აქტები დაგმეს. ამავდროულად, შტატებმა ისრაელისთვის იარაღის მიწოდება დაიწყო. გაეროს გენერალურმა მდივანმა ანტონიუ გუტერეშმა მხარეებს მოუწოდა ღაზის სექტორში დაუყოვნებლივ დაუშვან ჰუმანიტარული დახმარება. #ახალიამბები #euronewsgeorgia

“აქ არაფერია სიკვდილისა და ნგრევის გარდა”, - ღაზაში ექიმები ამბობენ, რომ “აბსოლუტური კატასტროფის” წინაშე დგანან. #ახალიამბები #euronewsgeorgia

გუშინ საღამოს ღაზის სექტორის ერთ-ერთ საავადმყოფოში მომხდარმა აფეთქებამ, რომელსაც ასობით ადამიანი ემსხვერპლა, ძალიან მძიმე რეაქცია გამოიწვია როგორც ახლო აღმოსავლეთის ქვეყნებში, ისე მთელ მსოფლიოში. #ახალიამბები #euronewsgeorgia

ღაზისთვის განკუთვნილი სასურსათო დახმარება ეგვიპტის ქალაქ ალ-არიშსა და ღაზის საზღვრის მახლობლად გროვდება. სასურსათო მარაგი ღაზაში მაშინვე გაიგზავნება, როდესაც რომელიმე სასაზღვრო პუნქტი გაიხსნება. #ახალიამბები #euronewsgeorgia

ისრაელის ჩრდილოეთში მცხოვრებთათვის ევაკუაცია გამოცხადდა. ამის შესახებ ინფორმაცია ისრაელის თავდაცვის ძალებმა გაავრცელა. #ახალიამბები #euronewsgeorgia

ღაზის სექტორის ერთ-ერთ მთავარ საავადმყოფოს რამდენიმე საათში ელექტროენერგია აღარ ექნება. გაეროში ამბობენ, რომ ადგილზე შესაძლოა მალე სხვადასხვა ეპიდემია აფეთქდეს. #ახალიამბები #euronewsgeorgia

ისრაელის კუთვნილ დასახლებებს ღაზის სექტორიდან თავს დაესხნენ. ისრაელის პრემიერ-მინისტრის ბენიამინ ნეთანიაჰუს განცხადებით, ეს სრულმასშტაბიანი ომია. ამ ეტაპზე არსებული ინფორმაციით, დაღუპულია ისრაელის 700-ზე მეტი მოქალაქე, ღაზის სექტორში კი 400-ზე მეტი. ღაზის სექტორში მოქმედი სამხედრო დაჯგუფებების წარმომადგენელთა ინფორმაციით, მათ ისრაელის 130-ზე მეტი მოქალაქე ჰყავთ დატყვევებული. #ახალიამბები #euronewsgeorgia