ემილი უოთსონი

Emily Watson

  • დაბადების თარიღი: 1967-01-14

ემილა ანიტა უოთხონი დაიბადა 14 იანვარს 1967 წელს ლონდონში. მისი მამა არქიტექტორი იყო, დედა კი – ინგლისური ენის პროფესორი. იმის შემდეგ, რაც ემილიმ დაამთავრა ინგლისური ენის განყოფილება ბრისტოლის უნოვერსიტეტში, მან სცადა ლონდონის დრამატული ხელოვნების სკოლაში ჩაბარება თუმცა ეს მცდელობა წარუმატებლობით დასრულდა. სამი წლის განმავლობაში ის მუშაობდა ხან ოფიციანტად, ხან კი კლერკად სხვადასხვა დაწესებულებებში, ცოტა ხანში კი ის მაინც მიიღეს სტუდიაში. 1992 წელს ის შეუერთდა სამეფო შექსპირის თეატრის ჯგუფს, სადაც მას სულ პატარა როლების შესრულება უწევდა, რომელთა შორის ვიოლეტის როლი იყო შექსპირის პიესაში 'ყველაფერი კარგია, რაც კარგად მთავრდება'. პირველ წარმატებას კი წავსვლის შემდეგ მიაღწია, 1994 წელს, როდესაც შეასრულა სკოლის მოსწავლის როლი ლილიან ხელდმანის პიესაში 'საბავშვო საათი'.
შემდეგ წელს ემილი ცოლად გაყვა მსახიობს ჯეკ უპტერს, რომელთანაც ერთად თამაშბდა სამეფო შექსპირის თეატრში.
მალევე ის მოიწვია რეჟისორმა ლარს ფონ ტრიერმა შოტლანდიელი ბესის როლზე მის ახალ სურათში 'Breaking the Waves'(1996).
მისმა კინოდებიუტმა ყველა მოლოდინს გადააჭარბა – ემილით შესრულებული ახალგაზრდა ქალის როლმა, რომელმაც საკუთარი ცხოვრება მუძღვნა პარალიზებულ და ცხოვრების ბოლომდე ლოგინს მიჯაჭვულ ადამიანს, მაყურებელზე დაუვიწყარი შთაბეჭდილება მოახდინა და ახალბედა მსახიობი ვარსკვლავი აქცია. ამ როლისთვის ის ნომინირებული იყო ყველაზე პრესტიჟულ პრემიებზე : ''ოსკარზე'', ბრიტანული კინოაკადემიის და ტელევიზიის ''ოქროს გლობუსზე'' და აიღო უამრავი სხვა ჯილდო, მათ რიცხვში 'ივნინგ სტანდარტი', ევროპული კინოაკადემიის და ამერიკული კინოკრიტიკოსების საზოგადოებისგან.

ამის შემდეგ მსახიობმა მთელი რიგი სხვადასხვა როლი შეასრულა – გაბედული და დამოუკიდებელი მეგი ტალივერის როლი ეკრანიზაციაში ჯორჯ ელიოტის რომანის 'წისქვილი ფლოსსზე' (1997, რეჟისორი გრემ ტექსტონი), მერიონის როლი კომედიაში ჯულიან ბარნსის ნოველის მიხედვით 'მეტროლენდი'(1997, რეჟისორი ფილიპ სევილი) და მეგის , ყოფილი პატიმრის შეყვარებულის როლი სურათში 'მოკრივე'(1997, რეჟისორი ჯიმ შერიდანი), სადაც მან დენიელ დეი–ლიუისთან ერთად ითამაშა. მორიგი მნიშვნელოვანი როლი ემილისთვის გახდა ფსიქოლოგიური დრამა 'ხილარი და ჯეკი'(1998, რეჟისორი ანან ტაკერი). ამ ჯერად მისი გმირი გახდა ცნობილი ბრიტანელი მევიოლინე ჟაკლინ დიუ პრე. ამ სურათში მოთხრობილი ისტორია ცნობილ შემსრულებელზე, რომელმაც საერთაშორისო აღარებას მიაღწია, თუმცა საკუთარი ბედნიერება ვერ მოიპოვა, დაფუძნებული იყო ღვიძლი დის ჟაკლინ ხილარის მოგონებებზე. ამ როლმა ემილის მოუტანა ბრიტანული დამოუკიდებელი კინოს პრემია და კიდევ უამრვი ნომინაცია, მათ რიცხვში 'ოსკარზე'.
არანაკლებ წარმატებული აღმოჩნდა მსახიობისთვის ანჯელა მაკურტის როლი, დიდი ირლანდიული ღარიბი ოჯახის დედის დრამაში 'ანჯელას ფერფლი'(1999, რეჟისორი ალან პაკერი). ასევე წარმატებული იყო როლები სურათებში: 'Cradle Will Rock', 'The Luzhin Defence', 'Gosford Park'. 2002 წელს ის თეატრალურ სცენაზე დაბრუნდა, სადაც სონიას როლი შეასრულა ჩეხოვის 'სამ დაში' და ვიოლას როლი შექსპირის 'მეოცე ღამეში'. შემდეგ წელს სონიას როლისთვის ის ნომინირებული იყო ლოურენს ოლივიეს პრემიაზე, ერთერთ ყველაზე პრესტიჟულ თეატრალურ ჯილდოზე დიდ ბრიტანეთში.

ვრცლად
ფილმოგრაფია
სასაფლაოს კავშირი Cemetery Junction
წელი: 2010

70-იანი წლების დიდი ბრიტანეთი. სამი ახალგაზრდა ფრედი, ბრიუსი და სნორკი სადაზღვევო კომპანიაში მუშაობენ. ფილმი გოგონა ჯულიზე და მეგობრების ურთიერთობებზეა.

ციცინათელები ბაღში Fireflies in the Garden
წელი: 2008

ჩვეულებრივი ოჯახის დანგრევის ამბავი,რომლის ყოველ წევრს საკუთარი ტრაგედია აქვს..ლიზა ავტოკატასროფაში დაიღუპება და ამის მიზეზი მისი მეუღლე ჩარლზი იქნება..ლიზას და ჩარლის ვაჟიშვილი მაიქლი,რომელიც ალკოჰოლიკ ქელიზეა დაქორწინებული თავის ბავშვობაზე წიგნის დაწერას დააპირებს..ამის წინააღმდეგ მთელი ოჯახი გაილაშქრებს..

მის პოტერი Miss Potter
წელი: 2006

ფილმი მოგვითხრობს ბავშვთა მწერალის ბეატრის პოტერის ცხოვრების შესახებ, მის მოქმედებაზე და წინააღმდეგობის სურვილზე ვიქტორიამდელი ინლისის წინ თავის დახრაზე...

პატარძლის გვამი Corpse Bride
წელი: 2005

მოქმედება ვითარდება XIX საუკუნის ერთ ევროპულ სოფელში. მთავარი გმირი - ვიქტორი- ბნელ ძალებს ჯოჯოხეთში მიყავთ და ცოლად იდუმალი პატარძლის გვამს ართვევინებენ, მაშინ როდესაც მისი ნამდვილი საცოლე ვიქტორია ელოდება თავის საქმროს ცოცხალი ადამიანების სამყაროში. იმის მიუხედავათ, რომ მკვდრების სამეფოში ცხოვრება ბევრად უფრო საინტერესო აღმოჩნდება, ვიდრე თავის სოფელში, ვიქტორი ხვდება, რომ თავის ნამდვილ სიყვარულს ის არაფერზე არ გაცვლის...

წინადადება The Proposition
წელი: 2005 IMDB: 7.4

ავსტრალია 1980 წელი. პატარა ქალაქი მუდმივი შიშის გრძნობის ქვეშ ცხოვრობს. ამ შიშს არტურ ბერნერსი იწვევს, რომელიც ტოვებს თავის ბუნაგს მხოლოდ გასაძარცვად, საძალადოთ და მოსაკვლავად. მოქალაქეების დასამშვიდებლად, კაპიტანი სტენლი მძევლად იყვანს მის ორ ძმას

გამაოგნებელი სიყვარული Punch-Drunk Love
წელი: 2002

ბარი იგანს საშინლად არ გაუმართლა. ის ოჯახში მერვე შვილია, სადაც ყველა დანარჩენი ბავშვი გოგოა - ეს ბედი ძლიერი სულის ადამიანებისთვისაა. საკვირველი არაა, რომ თავისი შვიდი ტირანიისკენ გადახრების მქონე დის ჩრდილში, რომლებმაც მის არცერთ რომანტიკულ ურთიერთობას განვითარების საშუალება არ მისცეს, ბიჭი ჩამოყალიბდა დაკომპლექსებულ ახალგაზრდა მამაკაცად. ბარი უკვე 30 წელსაა გადაცილებული, მაგრამ ადამიანებთან ნორმალური ურთიერთობა ვერ ისწავლა. ქალებთან - განსაკუთრებით. მაგრამ ფორტუნამ ბარის კიდევ მისცა შანსი - ერთხელაც ის შეხვდება უცნაურ გოგონას, რომელიც მთელ მის ცხოვრებას შეცვლის...

მეტროლენდი Metroland
წელი: 1997 IMDB: 6.3

კრისი და ტონი – ბავშვობის მეგობრები არიან. ისინი ლონდონის გარეუბანში გაიზარდნენ, და ოცნებობენ ამ ადგილებიდან გაღწევას – საიდუმლო პარიზში გამგზავრებას. კრისი ამას მოახერხებს, და პარიზში ის თავისი ოცნების გოგოს შეხვდება.ისინი დაქორწინდებიან და ლონდონში ჩამოვლენ მშვიდობიანი საოჯახო ცხოვრებისთვის. ამ დროს ტონი დაბრუნდება აფრიკაში ხანგრძლივი მოგზაურობის შემდეგ და ვერ იცნობს თავის მეგობარს...

ტალღებს შორის Breaking the Waves
წელი: 1996 IMDB: 7.8

ღმერთი ყველას ანიჭებს რაღაცას, იმისათვის რომ ადამიანი უკეთესი გახდეს. ახალგაზრდა გოგონა ბესის შეუყვარდა კარგი ბიჭი - იანი. ნათესავების წინააღმდეგობის მიუხედავად, ისინი მაინც ქორწინდებიან. ბესი ღმერთს ევედრება, რომ იანი მუდამ მის გვერდში იყო, და იანი სახლში სერიოზულად დაზიანებული ბრუნდება უბედური შემთხვევის შემდეგ, რომელიც მის სამსახურში დატრიალდა. რა უნდა გააკეთოს ახალგაზრდა ქალმა, საყვარელი მამაკაცის სიცოცხლის შესანარჩუნებლად? რა მსხვერპლი უნდა გაიღოს? ეს ფილმი, იმის მიუხედავად, მოგწონთ ეს თქვენ თუ არა, მოქმედებს, როგორც ნარკოტიკი, და თქვენ ბევრი დრო დაგჭირდებად, იმისათვის რომ აზრზე მოხვიდეთ მისი ემოციონალური ზემოქმედებისგან. ის თითქმის გადაატრიალებს თქვენ სულს...