შონ კონერი

Sean Connery

  • დაბადების თარიღი: 1930-08-25

ტომას შონ კონერი 1930 წელს დაიბადა ედინბურგში. სცენაზე გამოჩენამდე შონი სხვადასხვა ადგილას მუშაობდა. ათლეტურმა აღნაგობამ მსახიობს საშუალება მისცა 1953 წელს „მისტერ მსოფლიოში“ მიეღო მონაწილეობა, სადაც მესამე ადგილი დაიკავა. თავდაპირველად კონერი უმნიშვნელო როლებში მონაწილეობდა. 1956 წელს შედგა შონის დებიუტი ტელევიზიაში, 50-იანი წლების ბოლოს კი მოაწერა ხელი კონტრაქტს MGM-თან. 1962 წელს კონერიმ მიიღო პირველი მნიშვნელოვანი როლი - აგენტი 007-ის. ახლაც კი თვლიან, რომ შონ კონერი ჯეიმს ბონდის გმირის ერთ-ერთი საუკეთესო შემსრულებელია. ფილმის მეოთხე სერიის შემდეგ, მსახიობმა უარი განაცხადა როლზე, მაგრამ უკვე 1983 წელს იგი კვლავ გამოჩნდა ჯეიმს ბონდის მორიგ სერიაში „არასოდეს თქვა არასოდროს“. შონ კონერიმ წლების განმავლობაში უამრავ პროექტში მიიღო მონაწილეობა. იგი თანამშრომლობდა ალფრედ ჰიჩკოკთან - „მარნი“ (1964), სინდი ლიუმეტთან „მკვლელობა აღმოსავლეთის ექსპრესში“. შონისთვის კიდევ ერთი მნიშვნელოვანი პროექტი იყო ჟან-ჟაკ ანოს ფილმი „ვარდის სახელი“. ჯიმ მალოუინის პროექტში 'შეუხებელნი“, შონმა მეორეხარისხოვანი როლი შეასრულა, მაგრამ მსახიობმა თავისი თამაშით დაჩრდილა ერთ-ერთი მთავარი როლის შემსრულებელი ქევინ კოსტნერი. ამ პროექტისთვის კონერიმ „ოსკარი“ მიიღო. მსახიობის მომდევნო პროექტებიდან აღსანიშნავია „ნადირობა 'წითელ ოქტომბერზე“ და „ამომავალი მზე“, სადაც შონი პირველად წარსდგა პროდიუსერის ამპლუაში. კონერისთვის ასევე აღსანიშნავია მთავარი გმირის მამის როლი „ინდიანა ჯონსი“-ს ერთ-ერთ სერიაში. მსახიობს უამრავი ეპიზოდური როლი აქვს შესრულებული: „რობინ ჰუდი“, „პირველი მხედარი“, სადაც კონერი ასრულებს მეფე არტურის როლს. მოგვიანებით მსახიობმა მთავარი როლი შეასრულა მძაფრსიუჟეტიან თრილერში „კლდე“. შონის ხმით ლაპარაკობს გველეშაპი ფილმში „გველეშაპის გული“. მსახიობს სულ აქვს შემოთავაზებები და დღესაც იგი უამრავ პროექტში იღებს მონაწილეობას.

ვრცლად
ფილმოგრაფია
იპოვო ფორესტერი Finding Forrester
წელი: 2000 IMDB: 7.2

მწერალმა უილიამ ფორესტერმა უამრავი წლის განმავლობაში სამყაროსგან ჩაკეტილად იცხოვრა თავისი ნებით. ბოლოს მასზე გაიგეს ორმოცი წლის წინ, როდესაც მან გამოაქვეყნა შესანიშნავი რომანი, რომელმაც მას პულიტცერის პრემია მოუტანა. მაგრამ იმ დროიდან ვერავინ შედიოდა მისი სახლის კარში. თუმცა 16 წლის ბიჭმა სახელად ჯამალ უოლესი შეძლებს ცოცხალი ლეგენდის საცხოვრებელში შეღწევას და აალაპარაკებს მოხუცს. ეს შემთხვევითი შეხვედრა საბედისწერო აღმოჩნდება. ამ შეხვედრის შედეგად საკუთარ თავში ჩაკეტილი ფორესტერი კვლავ გაიგებს სიცოცხლის გემოს .ჯამალი კი, ნიჭიერი კალათბურთელია, რომელსაც წინ ბრწყინვალე სპორტული კარიერა ელის, აღმოაჩენს, რომ მისი ნამდვილი მოწოდება – ლიტერატურული ხელოვნებაა..

ხაფანგი Entrapment
წელი: 1999

რობერტ მაკდუგალი, უკვე ხანში შესული, მაგრამ ჯერ კიდევ ძლიერი მამაკაცია, - წარმატებული ქურდი მსოფლიო მაშტაბის. რემბრანტის ტილოს მოპარვის დროს ბედი მას მშვენიერ კონკურენტს ვირჯინიას ახვედრებს, ისიც დიდი ნიჭის მქონე ყაჩაღია. ის სადაზღვეო კომპანიის გამომძიებელია.

შურისმაძიებლები The Avengers
წელი: 1998

ელეგანტური ჯონ სიდი ქუდში და კატასავით გრაციოზული ემა პილი. ისინი სცდილობენ შეაჩერონ ცბიერი ბოროტმოქმედი სერ ავგუსტ დე ვინტერი, რომელმაც ამინდის მართვის საიდუმლო იცის. ..

სიყვარულის შეცდომები Playing by Heart
წელი: 1998

ორი ქლაბერი, რომელიც შეხვდა ერთმანეთს ღამის კლუბში. მოხუცებულთა წყვილი, რომლებიც თავიდან აძლევენ ერთმანეთს აღთქმას. ანტისოციალური ქალი, რომელიც იღებს უცნობი მამაკაცის მიწვევას პაემანზე. ახალგაზრდა კაცი, რომელიც კვდება შიდსისგან და დედა, რომელმაც აიძულა თავი მიიღოს შვილი. წყვილი, რომელსაც გაეწელა რომანი. და მამაკაცი, რომელიც დახეტიალობს ბარებში და ჰყვება თავის ცხოვრებაზე. ექვსი აბსოლუტურად განსხვავებული და დაუკავშირებელი ისტორია თანდათანობით იხლართება ერთმანეთში...

კლდე The Rock
წელი: 1996 IMDB: 7.3

აშშ–ს ელიტური დივერსიული სპეცძალების გენერალი, რომლის ზურგს უკან თითქმის პლანეტის მთელი ომების გამოცდილება დგას, გაიტაცებს თავის საუკეთესო ხელქვეითებთან ერთად სასიკვდილო გაზის მატარებელ რაკეტებს და მძევლად აიყვანს "ალკატრასის" ყოფილ ციხეში მყოფ ტურისტებს.

სამართლიანი საქმე Just Cause
წელი: 1995

ფლორიდის მახლობლად მდებარე ჭაობში პოულობენ სასტიკად მოკლულ პატარა გოგონას. მკვლელობაში ბრალი ედება ბობი ერლ ფერგიუსონს. სანამ ბობი, რომელსაც ემუქრება ელექტრონულ სკამზე სიკვდილი, ზის სიკვდილმისჯილთა საკანში. ჰარვარდის პროფესორი პოლ ამსტრონგი ცდილობს კიდევ ერთხელ გამოიკვლიოს ეს მკვლელობა. პროფესორი ძალიან მალე ხვდება, რომ სიმართლე ბევრად საშინელია ვიდრე მისი ყველაზე ცუდი ვარაუდები...

პირველი რაინდი First Knight
წელი: 1995

ლანსელოტი, მებრძლი, რომელმაც არ იცის რას ნიშნავს შიში, ჩამოვიდა ოქროს სასახლეში კამელოტში იმისათვის, რომ მეფე არტურს ემსახუროს. მათ მოუწევთ მნიშვნელოვანი ბრძოლები, ღირსების დაცვა და გამარჯვება.თუმცა კამელოტში ის იპოვის ქალს, რომლის გარეშეც ცხოვრება არ შეუძლია, მაგრამ რომელიც მისი ვერ გახდება – მშვენიერი გუინევერა ლიონესკაია. ის – მეფე არტურის შეყვარებულია, რომელიც იცავს მის პატარა სამეფოს შავი რაინდის მალაგანტის ჯარებისგან..

ამომავალი მზე Rising Sun
წელი: 1993

მსხვილი იაპონური კორპორაციის დირექტორთა საბჭოს სხდომის დარბაზში იპოვეს დახრჩობილი მეძავი. ამ მკვლელობის გამოძება დაავალეს დეტექტივს, რომელიც ერკვევა იაპონურ კულტურაში და ლოს–ანჟელესელ ოფიცერს.ცოტა ხანში გაირკვევა, რომ გარდაცვლილი გოგონა მხოლოდ აისბერგის მწვერვალია... ამ თავსატეხის გამოსაძიებლად, ისინი უახლოვეს ტექნოლოგიების და ძველებური ტრადიციების სამყაროში ჩაიძირებიან...

ექიმბაში Medicine Man
წელი: 1992

ნიჭიერი მეცნიერი მთელი ცხოვრება ეძებს კიბოს საწინააღმდეგო წამალს. ამისათვის ის ამაზონის ჯუნგლებშიც კი მიდის. გარე სამყაროს მოწყვეტილი ექიმბაში გაუვალ ტყეში პანაცეაზე ნადირობს. ამ დროს კომპანია, რომელიც მის საქმიანობას აფინანსებს აგზავნის ბრაზილიაში თავის წარმომადგენელს, რომელიც ადგილზე უნდა გაერკვიოს ყველაფერში. მათი მტრული ურთიერთობა ცოტახანში რომანტიულ გრძნობაში გადაიზრდება. მაგრამ როდესაც ისინი თითქმის მიუახლოვდნენ სანატრელ პასუხს, მათ გზაზე სასტიკი საქმოსნები დგებიან.

მთიელი 2 Highlander II: The Quickening
წელი: 1991

1999 წელი: ოზონოს ხვრელის გადიდებასთან დაკავშირებით დედამიწა საშიში ხდება ადამიანებისთვის. კონორ მაკლაუდი სათავეში უდგება გიგანტური ფარის მშენებლობას დედამიწის დასაცავად.2034 წელი: ძლევამოსილი კორპორაციის მიერ ფარის გამოყენება დედამიწას უქადის ეკოლოგიურ კატასტროფას. კონორ მაკლაუდი ჩვეულებრივი მოკვდავის ცხოვრებით ცხოვრობს. მაგრამ ცოტახანში ის ისევ მაგიურ ძალებს იკრებს. იწყება გადამწყვეტი ბრძოლა...

რუსული სახლი The Russia House
წელი: 1990 IMDB: 5.9

ახალგაზრდა მიმზიდველი რუსი კატია ლიტერატურული რედაქტორია. ის ცდილობს გადასცეს ბრიტანელ გამომცემელს ბარლი ბლეირს ცნობილი რუსი მეცნიერის ხელნაწერი. კატია თავისდაუნებურად ორივეს გარევს საერთათაშორისო შპიონაჟში...

ნადირობა 'წითელ ოქტომბერზე' The Hunt for Red October
წელი: 1990

უახლესს საბჭოთა ბირთულ წყალქვეშა ნავს – "წითელ ოქტომბერს" შეუძლია დაარღვიოს სტრატეგიული ბალანსი აშშ–ს და საბჭოთა კავშირს შორის. მისი კაპიტანი რამირუსი გადაწყვეტს სუბმარინის ამერიკელებისთვის გადაცემას...

ინდიანა ჯონსი და უკანასკნელი ჯვაროსნული ლაშქრობა Indiana Jones and the Last Crusade
წელი: 1989

ცნობილი არქეოლოგის და თავგადასავლები მაძიებელის ინდიანა ჯონსის დაუჯერებელი მოგზაურობების მესამე ნაწილი. ამ ჯერად უშიშარი ინდიანა კაცობრიობის ისტორიის ყველაზე იდუმალ რელიქვიის - წმინდა გრაალის ძებნითაა დაკავებული. ამაში არქეოლოგს მამამისი ეხმარება - პროფესორი ჯონსი უფროსი. ეხლა თავისი მამის მეთვალყურეობის ქვეშ და თავისი ერთგული თილისმების დახმარებით, ინდიანას მოუწევს უამრავი კეთილშობილური საქციელების და საოცარი აღმოჩენების გაკეთება. ახალ მოგზაურობის დროს მამაცი არქეოლოგი სასმის მოიპოვებს, რომელიც ხელში იესო ქრისტეას ეკავა და მიიღოს ავტოგრაფი... თვით ადოლფ გიტლერისაგან.

შეუხებელნი The Untouchables
წელი: 1987 IMDB: 8.0

სიუჟეტის საფუძველში დევს – პოლიციის ბრძოლა კრიმინალური სამყაროს მეფესთან, ცნობილ განგსტერთან სახელად ალ კაპონე, რომლის ციხეში ჩასმა შეძლეს, მხოლოდ როგორც ადამიანის, რომელიც გადასახადებს არ იხდის. ჩიკაგოში 1931 წელს კრიმინალები განსაკუთრებულად თავისუფლად გრძნობდნენ თავს. დაუნდობელი ალ კაპონეს შესაჩერებლად, ხელისუფლება სპეციალური "შეუხებელნების" გუნდს შექმნის. რობერტ დე ნიროს და შონ კონერის გმირები სასიკვდილო ბრძოლას იწყებენ...

ვარდის სახელი Der Name der Rose
წელი: 1986

1327 წელი. ახალგაზრდა მორჩილი ადსოს საზოგადოებაში ფრანცისკანელი ბერი ვილიამ ბასკერვილი იძიებს ბერების ტრაგიკულ სიკვდილებს იტალიის ჩრდილოეთ ნაწილას განლაგებულ ბენედიქტის მონასტერში. ამ სიკვდილების უკან საშინელი საიდუმლო ინახება...

მთიელი Highlander
წელი: 1986 IMDB: 7.2

შოტლანდიელი კონორ მაკლაუდი მოკლეს ბრძოლაში 1536 წელს. მაგრამ რაღაც მისტიური ძალებით ის გაცოცხლდა, მისმა კლანმა კი ის აღარ მიიღო. მაკლაუდის მასწავლებელი გახდა ესპანელი დიდგვაროვანი, რომელმაც აუხსნა მას, რომ ის მიეკუთვნება უკვდავ მებრძოლთა რასას, რომელთა მოკვლა შესაძლებელია მხოლოდ ხმლით თავის მოკვეთისას...

არასოდეს თქვა არასოდეს Never Say Never Again
წელი: 1983 IMDB: 6.1

აგენტი 007 მიუწვდომელი იარაღის ნაკრების გამოყენებით გაანადგურებს მისი უდიდებულესობის მტრებს. მაგრამ როდესაც მშვენიერი ტყვე 007 დანას გაუყრის მუცელში, სუპერშპიონის აგენტი გადაწყვეტს, რომ მის საუკეთესო აგენტს დაუდგა დრო თავისი ცოდნის და ჩვევების დასახვეწად. და აი ჯეიმს ბონდი სამკურნალოდ გაემგზავრება კურორტზე...

დროის მძარცველები Time Bandits
წელი: 1981

ერთხელ, ღამით პატარა კევინის საძინებელში გაიღო შავი კარი, იქიდან 6 ჯუჯა გამოვიდა და ის დროში სამოგზაუროდ წაიყვანეს...

ხიდი ძალიან შორს არის A Bridge Too Far
წელი: 1977

ფილმი გვიყვება ნამდვილ ამბავს საბრძოლო ოპერაციაზე, რომელიც მეორე მსოფლიო ომის დროს იყო ჩატარებული. ამ ოპერაციამ უამრავი სიცოცხლე იმსხვერპლა, მაგრამ თითქმის არანაირი შედეგი არ გამოუტანია ომის მსვლელობისას. ფელდმარშალმა მონტგომერიმ და გენერალმა ეიზენხაუერმა დაგეგმეს ჩაუშვან ჰოლანდიის მოკავშირე 35000 ჯარისკაცი

ადამიანი,რომელიც მეფე იქნებოდა The Man Who Would Be King
წელი: 1975 IMDB: 7.9

ეს მხიარული სათავგადასავლო–პაროდიული ლენტა ორ თაღლითზე მოგვითხრობს, რომლებიც ძალაუფლების მწვერვალზე აღმოჩნდებიან კაფირისტანში. ისინი აგგილობრივ მაცხოვრებლებს დაარწმუნებენ, რომ ღვთიური წარმოშობის არიან.

ზარდოზი Zardoz
წელი: 1974 IMDB: 5.7

2293 წლისთვის კაცობრიობა გაიყო ორ დაჯგუფებად. ელიტა ცხოვრობს ფუფუნებაში, კომფორტსა და სიმშვიდეში. მას იცავენ მაღალტექნოლოგიური დაცვის სისტემები. პლანეტის დანარჩენი მოსახლეობა კი იტანჯება სიღარიბეში და თაყვანს სცემს ბოროტ წარმართულ ღვთაებას ზარდოზს.

ბრილიანტები სამუდამოდ Diamonds Are Forever
წელი: 1971 IMDB: 6.7

ამჯერად ჯეიმს ბონდმა უნდა შეასრულოს მისია, რომელშიც უნდა გამოიძიოს უზარმაზარი სამხრეთ აფრიკული ბრილიანტების გატაცება. ამ რთული საქმის გახსნის დროს ბონდი გამოდის თავისი დაუძინებელი მტრის ბლიუფელდის კვალზე. აღმოჩნდება, რომ ბრილიანტები მას დასჭირდა თავისი გიგანტური კოსმიური ლაზერის გასაძლიერებლად

მარნი Marnie
წელი: 1964

ფილმის მთავარი გმირი მარნი ედგარი სხვადასხვა ფირმაში სხვისი სახელით მოეწყობა სამუშაოდ და, ცოტა ხანში, გაუჩინარდება კომპანიის ფულთან ერთად ყველანაირი კვალის გარეშე. მისი დაჭერა შეუძლებელია, რადგან ის სულ არამარტო სახელებს იცვლის, არამედ გარეგნობასაც...

გოლდფინგერი Goldfinger
წელი: 1964

ამჯერად ჯეიმს ბონდი ებრძვის ბოროტებას საერთაშორისო ბოროტმოქმედის გოლდფინგერის სახით. არამზადა გეგმავს გაანადგუროს აშშ–ს ოქროს მარაგი, და ასე ქაოსში მოაქციოს მთელი კაპიტალისტური საზოგადოება. ამ თავხედური გეგმების ჩაშლა შეუძლია მხოლოდ ერთ ადამიანს. რამოდენიმე მშვენიერი ქალის და უამრავი ეშმაკური ხელსაწყოს დახმარებით აგენტი 007 გააუვნებლებს ბოროტმოქმედს და გაანადგურებს მთელი სახელმწიფოს გაკოტრების საშიშროებას.

რუსეთიდან დიდი სიყვარულით From Russia with Love
წელი: 1963 IMDB: 7.5

ჯეიმს ბონდის მეორე დავალებაა გადაარჩინოს და გაიყვანოს სოციალისტური ქვეყნიდან რუსი აგენტი, ლამაზმანი, რომელმაც საიდუმლო შიფრული აპარატის – ლექტორის საიდუმლო იცის, ასევე თვითონ აპარატიც. საქმეში შეიჭრება ამ დრომდე უცნობი სპექტრის №1 აგენტი, ერნესტ სტავრო ბლოფელდი. მისი ამოცანაა არა მარტო გააფუჭოს დიდი ბრიტანეთსა და რუსეთს შორის ურთიერთობები, არამედ დაუბრუნოს რუსეთს ლექტორი

ექიმი ნოუ Dr. No
წელი: 1962 IMDB: 8.6

ბონდს მისცეს დავალება გაარკვიოს რა არის ელექტრონული ხარვეზების წარმოქმნის წყარო. აგენტური მონაცემებით მტრული ძალების ცენტრი იამაიკაზე მდებარეობს. ბონდი დაუყონებლივ მიემართება იქ. გამოძების დროს მას მოუწევს ძლიერ სტრუქტურასთან – სპეკტრთან და მის წარმომადგენელთან დოქტორ ნოუსთან შეჯახება, რომელიც ყველაფერზეა წამსვლელი ძალაუფლების ხელებში ჩასაგდებად.