ტომი ლი ჯონსი

Tommy Lee Jones

  • დაბადების თარიღი: 1946-09-15

ტომი ლი ჯონსი 1946 წლის 15 სექტემბერს დაიბადა ტეხასის შტატში, ქალაქ სან-საბაში. თვით ჯონსს არ უყვარს საუბარი თავის რთულ ბავშვობაზე. იგი ბიჭების ელიტარულ სკოლაში სწავლობდა, დალასში. ტომი ლი ფეხბურთის გუნდში ერთ-ერთი საუკეთესო მოთამაშე გახდა. ჰარვარდში მოხვედრა, მსახიობის ფეხბურთში წარმატებებმა განაპირობა. მან შესძლო საჭირო სტიპენდიაც მიეღო. უნივერსიტეტში ტომი ლი სწავლობდა სამსახიობო ხელოვნებას, ინგლისურ ენასა და ლიტერატურას. 1969 წელს მან ჰარვარდი დაამთავრა და ნიუ-იორკში გადავიდა. მან პირველი როლი მიიღო სპექტაკლში „იცხოვრო ერთი ცხოვრება“. ამ როლმა ცნობილი პროდიუსერების და აგენტების ყურადღება მიიქცია. მომდევნო 3 წლის მანძილზე ჯონსი თამაშობდა თეატრებში და მოღვაწეობდა ტელევიზიაში. ტომი ლის დებიუტი დიდ ეკრანზე 1970 წელს შედგა არტურ ჰილერის ფილმში „სიყვარულის ისტორია“. მაგრამ არც ამ როლმა და არც სხვა პატარა როლებმა 1978 წლმდე მსახიობს წარმატება არ მოუტანა. ჯონსისთვის პირველი წარმატებული პროექტი იყო „ლაურა მარსის თვალები“ (1978), სადაც ჯონსმა პოლიციელის როლი შეასრულა. 4 წლის შემდეგ მსახიობმა მიიღო „ემის“ პრემია ფილმისთვის „The Executioner's Song“. როლისთვის ფილმში „JFK: გასროლა დალასში“ (1991), ტომი ლი „ოსკარზე“ იყო წარდგენილი. „ოსკარი“ და „ოქროს გლობუსი“ მსახიობმა ორი წლის შემდეგ მიიღო ფილმისთვის „გაქცეული“. მომდევნო პროექტებიც წარმატებული აღმოჩნდა მსახიობისთვის: „Blown Away“ (1994), „კლიენტი“ (1994) და „დაბადებულნი მკვლელებად“ (1994). 1995 წელს მსხიობმა მიიღო მონაწილეობა პროექტ „ბეტმენი სამუდამოდ“-ში, ორი წლის შემდეგ კი „ადამიანები შავებში“ (1997). 2002 წელს ამ ფილმის მეორე სერიაც გამოდის ტომი ლის მონაწილეობით. „ადამიანები შავებში“-ს მეორე სერიის შემდეგ, ძმები კოენების ფილმის „ხანდაზმულები არ დაიშვებიან“ გარდა, არც ერთი ფილმი ჯონსის მონაწილეობით არ გამხდარა ჰიტი.

ვრცლად
ფილმოგრაფია
ადგილობრივი The Homesman
წელი: 2014 IMDB: 6.9

ფილმი მოგვითხრობს სასოწარკვეთილი ქალის ძალისხმევაზე, გადაურჩეს გაუსაძლის პირობებს, ქალები გაგიჟებასა და სიკვდილს გადაარჩინოს და გადალახოს ტერიტორიები, რომელთა გავლაც თითქმის შეუძლებელია…

შეზღუდული დაისი The Sunset Limited
წელი: 2011

ფილმი ადამიანზეა, რომელმაც უცნობი გადაარჩინა სიკვდილისაგან. ამის შემდეგ ისინი იწყებენ ურთიერთობას და ბჭობენ, თუ რამდენად მნიშვნეოლოვანია ადამიანის სიცოცხლე...

სამი საფლავი The Three Burials of Melquiades Estrada
წელი: 2005

უდაბნოში ტეხასის დასავლეთში დამარხეს ახალი მოკლული ადამიანის გვამი. ცოტახანში გვამი იპოვეს და ქალაქ ვან ჰორის სასაფლაოზე დაკრძალეს. პიტ პერკინსმა კი მესაზღვრე გაიტაცა და აიძულა ამოეთხარა მიცვალებული. ახლა მძელავთან და მიცვალებულთან ერთად სახიფათო მოგზაურობაში მექსიკისკენ მიემგზავრება იმ მიზნით, რომ გვამი სათანადოთ დაკრძალოს და მკვლელობას საიდულო ფარდა ახადოს...