გოგა ოსეფაშვილი

Goga Osepashvili

  • დაბადების თარიღი: 1994-01-31

როდესაც პირველად ვიდეო კამერა ავიღე ხელში, ალბათ არცკი მქონდა წარმოდგენილი რომ ეს სფერო დამაინტერესებდა და დღეს (როგორც ჩემს თავს ვეძახი) Filmmaker–ი გავხდებოდი. როდესაც ფილმის გადაღება დავაპირე, ოპერატორობასთან ერთად რეჟისორის, ვიდეოგრაფიკოსის, პროდიუსერის და გამნათებლის სტატუსიც შევითავსე. ეს დიდი ნაბიჯი ნამდვილად წარმატებული გახდა ჩემთვის, მრავალ ფესტივალზე ავიღე ჯილდოები და დიპლომები, საქართველოს რამოდენიმე ქალაქში American Corner-ის პროგამით ჩავატარე ვორკშოპები და ჩემი კინოსადმი სიყვარულით რამდენჯერმე საქართველოს საზღვრებსაც მომიწია გაცდენა.

ფილმოგრაფია
ფრენკი Frenkie
წელი: 2014

ამ გოგოს ნახვა ჩემი აუტანელი რუტინის ერთადერთი ნათელი წერტილია.
თითქოს ჩემს ცხოვრებას აზრი მიეცა... უცნაური რაღაც ხდება-ადამიანი მიყვარდება.
ყოველ დილას უჩვეულო სიხარულით ვიღვიძებ. ვიცი,რომ მას ვნახავ და კვლავ გამიღიმებს...

აგნოსტიკი Agnostic
წელი: 2014

ორი განსხვავებული ადამიანი და ორი განსხვავებული შეხედულება. საზოგადოებისთვის ძალიან ფაქიზი, ზოგჯერ კი ძალზე მტკივნეული თემა. ღმერთს მართლა მხოლოდ გული გრძნობს თუ გონებაც? რისთვის მოვედით ამქვეყნად? ეს ის კითხვებია, რომლებიც ადამიანს მთელი სიცოცხლის მანძლზე აწუხებს.

მგონი, დღესაც არ გვექნება სექსი Seems like today we aren't going to have sex again
წელი: 2014

რიგითი ტიპური ქართული ოჯახი, უბრალო და ჩვეულებრივი მოთხოვნილებებით. პრინციპი ''თუ მასიამოვნებ, მეც გასიამოვნებ'' უფრო იკრებს ძალებს. ფილმი ამ ყველაფრის ნათელი ილუსტრაციაა

კვირა Sunday
წელი: 2014

არ არის ადვილი, იყო მშობელი და აღზარდო შვილი. განსაკუთრებით რთული კი მაშინაა, როცა მარტოხელა მშობელი ხარ. ყველანაირად ცდილობ შვილი მატერიალურად უზრუნველყო, მაგრამ ხშირად გავიწყდება, რომ მთავარი სხვა რამაა. ზოგჯერ სულ ცოტა სითბო და ყურადღებაა საჭირო.

აღარ მიყვარხარ i don't love you any more
წელი: 2014

"ძვირფასო, სანამ ამ მესიჯს გამოვაგზავნი რომელიც გუშინ ღამე ჩაძინებამდე დავწერე, "კურიერს" ვუყურებ და კიდევ ერთხელ დავიზაფრები, მერე საშუალოდ ცხელ ყავას შავ შკოლადს შევუხამებ, ან სულაც გახუხულ პურს ნაკლები კალორიებით, მერე ახალ ნაყიდ სამოსს მოვიზომავ... F.B გვერდზე ვნახავ რას (მ)წერენ და კიდევ ერთხელ გავიფიქრებ, რომ სულ გადაირია სამყარო, როცა სხვისი ცხოვრებით დაღლილი საზოგადოება ხან სერიალებში, ხან ერთმანეთის თუ უცხოების სიძულვილში, ხანაც ჭორაობაში კარგავს თუ კლავს საკუთარ თავს. მერე კი გონება ყველა ჩემი დაკარგულ დროს და შენს მოკლე სინქრონებს კადრებად გადმომიგორებს,....და შენ გეტყვი
"აღარ მიყვარხარ!"

ორიგამი ORIGAMI
წელი: 2013

ძალიან ბევრჯერ გვიფიქრია წარსულის და მომავლის ფენომენზე. მათ შორის მსგავსებასა და განსხვავებაზე, უხილავ თუ ხილულ კავშირზე.
ალბათ ადამიანის გონება ბოლომდე მაინც ვერასდროს ვერ ჩაწვდება ამის არსს..
არც არის საჭირო, რომ ბოლომდე გაისიგრძეგანოს. მთავარია შეძლოს და ფეხი აუწყოს მიმდინარე პროცესებს, შეძლოს და ნაყოფიერად გამოიყენოს ყოველი წუთი, თორემ თვალის დახამხამებასაც კი ვერ მოასწრებს ისე იქცევა მისი აწმყო წარსულად და უფრო გაუჭირდება ახალი აწმყოს გამოყენება.
ორიგამი ქაღალდისაგან სხვადასხვა ფიგურების ან სხვა საგნების გაკეთების იაპონური ხელოვნებაა. როგორც ამბობენ მას ბედნიერება და იღბალი მოაქვს.
ტრაგიკული შემთხვევის შემდეგ სწორედ ორიგამის წერო ხდება სიმბოლო ფილმის მთავარი გმირებისთვის რომ ეს საბედისწერო დღე და წუთი რამენაირად შეცვალონ.
მათ უწევთ წარსულში დაბრუნება და მომავლის სათავისოდ შეცვლა.

თევზი Fish
წელი: 2013 IMDB: 8.0

დეტექტივი, რომლის როლსაც მსახიობი ზუზუ ბეჟაშვილი ასრულებს, ფარდას ხდის იმ მთავარ მისტიკას, რაც დიდი იდუმალებითაა მოცული.
დაიკარგა პატარა გოგონა სახელად ტასო, რომლის საქმესაც დეტექტივი იძიებს. როდესაც გადაწყვეტს რომ გოგონას სახლში მასალები მოიპოვოს, იქ ტასოს დედა ხვდება იმ მტკიცებულებით რომ გოგონა არსად დაკარგულა და ის მათ სახლშია როგორც უწინ.
დეტექტივი არარეალურ სამყაროში ჰყოფს თავს და ცდილობს რეალობისკენ გზის გაკვლევას, მაგრამ ამაოდ. რამოდენიმე დღეში ტასოს დედას მეორე დეტექტივი ეწვევა კარს, რომელიც წინა დეტექტივის გაუჩინარებას იძიებს.