სერია 88შოთიკო კალანდაძის 1 წუთიანი ფილმების ''კინო ლექსების'' [ ''კინო ლექსი'' წარმოადგენს 88შოთიკო კალანდაძის ახალ კინო მიმდინარეობას ]
ეს "კინოლექსი" წარმოადგენს შოთა კალანდაძის თვალით დანახულ გურანდა გაბუნიას საღამოს ქუთაისში
რიგითი ჯარისკაცი ფრონტის ხაზზე თანამებრძოლებს საკვებით ამარაგებს. ერთ დღესაც, მგავრობისას მანქანიდან გადმოსული რიგითი მინაზე აბიჯებს ფეხს...
თუკი სასიყვარულო ოცნება ახალი წლის ღამეს არ ახდება, ნუ იდარდებთ, წინ ვალენტინობის დღესასწაულია!
ამ მარტივ ჭეშმარიტებაში ადვილად დაგარწმუნებთ სანდროსა და ნინის სიყვარულის ისტორია,
რომელიც თანამედროვე თბილისის ერთ ერთ ღამის კლუბში გათამაშდება.
როდესაც ადამიანი წარმატებას ადრეულ ასაკში მიაღწევს, აქვს ძალიან ბევრი ფული, შესაშური კარიერა, იცნობენ საზოგადოების მაღალ წრეებში და პატივს სცემენ მას, ეს ყველაფერი ძალიან კარგია. მაგრამ ამას მარტო ერთი მხარე არ აქვს. მაგალითად, გიორგი თავს წარმატებული ადამიანის სიმბოლოდ მიიჩნევს, მთელს დროს საქმეს უთმობს. უყურადღებოდ რჩება მეუღლე ნინი, ცუდად ექცევა თანაშემწეს, მძღოლს ადამიანად არ თვლის. არ აღიარებს არცერთ ღირებულებას, რასაც შემოსავალი არ მოაქვს, ამიტომ სიღნაღში მდებარე პირველ ქართულ საბავშვო თეატრსაც კი დახურავს, რუსული რესტორანი უფრო პრიორიტეტულად მიაჩნია. რა მოხდება მაშინ, როცა გიორგი ყოველი იმ ადამიანის სხეულში იმოგზაურებს, ვისაც უსამართლოდ მოექცა? როგორი მძღოლი იქნება იგი საკუთარი თავისთის, ან თანაშემწე, თანაშემწის ცოლი, რომელთანაც სიღნაღში პაემანი აქვს, როგორ იგრძნობს თავს თეატრის დირექტორის როლში? კარგია ძაღლად ყოფნა, რომლის დაჭერასაც შენივე მითითებით ცდილობენ? გამოიტანს თუ არა სწორ დასკვნებს, შეიცვლება გიორგი? ამას ნახავთ თუ უყურებთ ამ საოცარ, ცოტა ფანტასტიკურ და ძალიან სასაცილო ფილმს.
საქართველოს დეზინფექციის მინისტრი მიემგზავრება ინდოეთში, საქართველოს პრეზიდენტის საიდუმლო დავალებით, ქეთევან დედოფლის საფლავის მოსაძებნად. მინისტრს თან მიჰყავს მოადგილე და აეროპორტში გაცნობილი ქალი, ქართველებს ინდოეთში უთვალთვალებენ რუსეთის და სომხეთის სპეცსამსახურების აგენტები.
პროვინციელი მოქანდაკე აგული ერისთავი მასწავლებლის ნაჩუქარი მარმარილოს ქვისგან არაჩვეულებრივი მონუმენტის შექმნაზე ოცნებობს. მაგრამ ფრონტიდან დაბრუნების შემდეგ მხოლოდ დაკვეთით მუშაობს – მიცვალებულთა ბიუსტებს აკეთებს, რადგან დიდი ოჯახი ჰყავს სარჩენი. ერთ დღეს სკოლის ამხანაგებთან შეხვედრიდან შინ მიმავალი შექეიფიანებული აგული ცოლთან ერთად სასაფლაოზე – თავის “პერსონალურ გამოფენაზე” – აღმოჩნდება და სევდანარევი იუმორით აღიარებს, რომ ნიჭი ტყუილუბრალოდ გაფლანგა. ოცნების მარმარილოს კი თავის მოწაფეს გადაულოცავს…
ერთაოზს, მამის გარდაცვალების შემდეგ, სოფელში აღარაფერი დარჩენია, რადგან რაც კი ებადა მამისეულ ვალებში დაარიგა და ამიტომაც, ახლობლის რჩევით (ისიდორე ბაბუა) ბედის საძიებლად ქალაქში მიდის. შემთხვევით მემანქანე ტრიფონის მეუღლეს, მარგალიტას გაიცნობს, რომელიც ქმრის არყოფნით სარგებლობს და თაყვანისმცემლებს მასპინძლობს. მარგალიტაზე ერთიშეხედვით შეყვარებული ერთაოზი, მას ციხის უფროსის „ცხედრის“ თავიდან მოშორებაში დაეხმარება.
სახელმწიფო დეზინფექციის მინისტრი სასტუმროში თავის საყვარელს ხვდება. სასტუმროს ოთახში წყვილი გვამს აღმოაჩენს- ეს საყვარლის ქმრის დაქირავებული დეტექტივია...
ზაზუნას იყენებენ ახალგაზრდები კრიმინალურ საქმიანობაში.მთელი ქალაქი ზაზუნაზე საუბრობს.
ქართველ დედექტივებს ამერიკიდან გადმოსროლილი ულამაზესი FBI-ის აგენტი ეხმარება საქმის გახსნაში.
სული რომელიც ორ სამყაროს შორის,კონკრეტულად კი საბურთალოზე დაბოდიალობს გაიგეთ ვინ უფო საშიშია მიხეილ მესხი, უმუშევარი ზაზა თუ ზაზაუნა სამლიტრიანი ქილიდან. ეშინია თუ არა მოროშკინას ქათმების, რაზე საუბრობენ სამთავრობო სხდომაზე, დეტექტივები კი შერლოკ ჰომს და აგატა კრისტის საფლავში ატრიალებენ ეს ყველაფერი მხატვრულ ფილმში „დაgoogლე ზაზუ“.
ახალი ქართული კრიმინალური კომედია
ფილმი იმერული სოფლის ყოფას ასახავს. სიუჟეტი ნოველებისა და მინიატურებისგან შედგება, რომლებსაც ფილმის მთავარი გმირი მარიამი აერთიანებს. მარიამმა შრომაში განვლო წუთისოფელი, შვილები და შვილიშვილები დაზარდა, მშობლიური კერა შეინარჩუნა.
1957 წლის ქართული საბჭოთა ფილმი. რეჟისორი შოთა მანაგაძე. პირველი ჩვენება საკავშირო ეკრანებზე შედგა 1958 წლის 7 ივლისს. .
ხევსურეთში ფილმს იღებენ. მთიელთა ჩვევებს უკეთ რომ ეზიაროს, მთავარი როლის შემსრულებელი, ესტრადის პოპულარული მომღერალი, ლალი მინდელი სოფელში ხევსურულად გადაცმული, ცხენზე ამხედრებული დადის. იგი შემთხვევით ინჟინერ ვახტანგს შეეჩეხება და თავს ხევსურ მზევინარად გააცნობს. როლში შესული, ვახტანგს დაარწმუნებს, რომ ლალი მინდელი მისი ტყუპი დაა... მზევინარით მოხიბლული ვახტანგი მზად არის მისი გულისთვის ხევსურეთში გადასახლდეს. ლალი მიხვდება, რომ ორმაგ თამაშში სახიფათოდ შესტოპა, მას თავის კონცერტზე დაპატიჟებს და სცენაზე მზევინარად გადაცმული გამოვა. ვახტანგი მიხვდება, რომ ნიჭიერი მსახიობი, ლალი მინდელი შეჰყვარებია და თავის გულუბრყვილობაზე გაეღიმება.
ფეოლა ბავშვების ფეხბურთის გუნდის მწვრთნელია, თავიდან მას არ ანაღვლებს გუნდის წარმატება, თუმცა მისი შეხედულება მალე იცვლება.
იმღერებითა და იუმორით აღსავსე ფილმი ახლად სკოლადამთავრებულ სოფლელ გოგონაზე მოგვითხრობს, რომელსაც სწავლასა და შრომას სიმღერა და თამაში ურჩევნია. იგი დიდად არც მისაღებ გამოცდებზე ჩაჭრას განიცდის, რადგან შეყვარებულია. მაგრამ ერთი გაუგებრობა ყველაფერს თავდაყირა აყენებს.
ფილმი საქართველოში ფეხბურთის პირველ ენთუზიაზისტებზე მოგვითხრობს, რომლებმაც ერთად იწვნიეს პირველი თამაშების დამარცხებისა თუ იმედის გაცრუების სიმწარე;თანამოქალაქეთა დაცინვის, მატერიალური უსახსრობისა და დამარცხებათა მიუხედავად მოთმინებით, გამბედაობით, ოპტიმიზმით აღსავსენი თავგამოდებით იღწვიან ფეხბურთის პოპულარიზაციისათვის.
ფილმი შექმნილია თინეიჯერების ცხოვრებაზე უძრაობის პერიოდში გართობის მიზნით გადაწყვიტავენ თითქოს ერთერთს ცოლის მოყვანა უნდა.სიუჟეტი ისე განვითარდება რომ ის ნამდვილად შექმნის ოჯახს.