სერიალის მოქმედება მეცხრამეტე საუკუნის საქართველოში ხდება. ბატონ-ყმობის გადავადნის შემდეგ თავადები გავლენების სფეროებს ინაწილებენ – ვაჭრობენ ადამიანებით, აკონტროლებენ სავაჭრო გზას და ატერორებენ ხალხს. მათ წინააღმდეგ ტყეში გავარდნილი ყაჩაღები მოქმედებენ. ეს დაპირისპირება ტფილისში ინაცვლებს – ფანტასტიკურ ქალაქში, სადაც ირევიან მოგზაურები, ვაჭრები, აშუღები, ყარაჩოღელები, კინტოები და სხვადასხვა ჯურის ავაზაკები…
სავაჭრო ცენტრ ქარვასლაში ლუვრიდან ჩამოტანილი ბრილიანტია გამოფენილი, ამ დროს ქარვასლაში იმყოფებიან შუა ქალაქის გმირებიც. ისინი აქ სხვადასხვა მიზნით მოვიდნენ, მაგრამ ყველას ერთად მოუწევს ბრილიანტის გადარჩენა რომელსაც ბოროტმოქმედები გაიტაცებენ. ამ თავგადასავალის დროს დათო ახალ სიყვარულს იპოვნის.
ფილმი და–ძმის,ანოსა და ვანოს საზაფხულო თავგადასავალს მოგვითხრობს. დასაწყისში ირკვევა, რომ საქართველოს სახელმწიფო მუზეუმში ჩამოტანილი ყველა დროის მსოფლიოს ხალხების ზღაპრების წიგნი გაუჩინარდა. ამ მოვლენის შემდეგ ყველა ზღაპრის წიგნიდან ქრება ნახატები, ნაწერები და ჩნდება ცალთვალა ბოროტი პერსონაჟის პორტრეტი. სწორედ ამ დროს,იწყება სოფელში დასასვენებლად წასული ანოსა და ვანოს ზღაპრული მოგზაურობა ფანტასტიკურ სამყაროში, რომლებსაც მეგზურობას ოჩოპინტრე გაუწევს.
თუკი სასიყვარულო ოცნება ახალი წლის ღამეს არ ახდება, ნუ იდარდებთ, წინ ვალენტინობის დღესასწაულია!
ამ მარტივ ჭეშმარიტებაში ადვილად დაგარწმუნებთ სანდროსა და ნინის სიყვარულის ისტორია,
რომელიც თანამედროვე თბილისის ერთ ერთ ღამის კლუბში გათამაშდება.
საქართველოს დეზინფექციის მინისტრი მიემგზავრება ინდოეთში, საქართველოს პრეზიდენტის საიდუმლო დავალებით, ქეთევან დედოფლის საფლავის მოსაძებნად. მინისტრს თან მიჰყავს მოადგილე და აეროპორტში გაცნობილი ქალი, ქართველებს ინდოეთში უთვალთვალებენ რუსეთის და სომხეთის სპეცსამსახურების აგენტები.
ფილმი, რომელშიც მსახიობებზე მეტად რეჟისორები ჩანან. 12 რეჟისორის თვალით დანახული ერთი მარტივი თბილისური ამბავი, რომელსაც იწყებს ერთი და ამთავრებს მეთორმეტე რეჟისორი. იცვლებიან რეჟისორები და მსახიობები, იცვლება ჟანრი. რამდენი მსახიობიც არის, იმდენი მთავარი როლია. ფილმში ჩართულნი არიან აგრეთვე სხვადასხვა პროფესიის ადამიანები, რომლებიც ქართული საზოგადოების სახეს ქმნიან.