კონკურსში მონაწილეობის მიღება შეუძლია ნებისმიერ მომხმარებელს რომელიც რეგისტრირებულია ან დარეგისტრირდება ვიდეოპორტალ MyVideo.Ge -ზე.

საკონკურსოდ მიიღება ნებისმიერი ტექნიკური საშუალებით (კამერა, ტელეფონი, ვებ-კამერა) გადაღებული ვიდეორგოლი, რომლის ხანგძლივობა არ აღემატება 3 წთ-ს და ხარისხი უნდა იყოს HD.

კონკურსში მონაწილეობა შეუძლიათ 14 წლიდან 115 წლამდე ადამიანებს. შესაძლებელია როგორც ინდივიდუალური, ასევე 2-3 კაციანი გუნდების რეგისტრაცია.

სიუჟეტში დაცული უნდა იყოს ეთიკის ნორმები და მისი შინაარსი არ უნდა ხელყოფდეს პიროვნების პირად ცხოვრებას.

უპირატესობა მიენიჭება კრეატიულ სიუჟეტებს.

ვიდეოს ატვირთვით კონკურსის მონაწილე ადასტურებს, რომ მის მიერ საკონკურსოდ წარდგენილი ვიდეო არის უფლებრივად უნაკლო და ვიდეოში მყოფი პირები თანახმა არიან საავტორო და მომიჯნავე უფლებები აღნიშნულ ვიდეოზე გადასცენ MyVideo.Ge -სა და ახალგაზრდული ინოვაციების ცენტრს.

საკონკურსო ვიდეორგოლი შეიძლება:

ა) შექმნილი იყოს სპეციალურად კონკურისათვის;

ბ) წარმოადგენდეს კონკურსის მონაწილის ვიდეოს პირადი არქივიდან;

იმ შემთხვევაში, თუ კონკურსზე წარდგენილი ვიდეო არღვევს მესამე მხარის საავტორო უფლებებს, შესაძლო დავაზე მთელი პასუხისმგებლობა ეკისრება კონკურსის მონაწილეს.

საკონკურსოდ ატვირთული ყველა ვიდეო გამოქვეყნებამდე გადის სპეციალურ შერჩევას.

იმ შემთხვევაში, თუ წარმოდგენილი ვიდეო ეწინააღმდეგება ან არ აკმაყოფილებს საკონკურსო პირობებს , ჟიურის ვიდეოს ავტორთან შეუთანხმებლად - ყოველგვარი განმარტების გარეშე აქვს უფლება არ გამოაქვეყნოს ან ამოაგდოს კონკურსიდან აღნიშნული ვიდეორგოლი.

გამარჯვების შემთხვევაში 18 წელზე უმცროსი ასაკის მომხმარებელი პრიზის მისაღებად უნდა გამოცხადდეს კანონიერი მეურვის თანხლებით;

ადმინისტრაცია უფლებას იტოვებს, კონკურსიდან ყოველგვარი ახსნა-განმარტების გარეშე მოხსნას მონაცემების თაღლითური გზით მომატებაში შემჩნეული კონკურსანტები;

ადმინისტრაცია უფლებას იტოვებს, კონკურსის მონაწილე, რომელიც შემჩნეული იქნება ხმების, ნახვების ან Like-ების არაკეთილსინდისიერ დაგროვებაში (მაგალითად: რამდენიმე account-ით ერთი IP-მისამართიდან, Facebook-ის არარეალური პროფილებიდან და ა.შ.) გაფრთხილების გარეშე მოხსნას კონკურსიდან.

ავტორს არ აქვს საკონკურსოდ განთავსებული ვიდეოს წაშლის ან კონკურსიდან ამოღების უფლება.

„ახალგაზრდული ინოვაციების ცენტრი“ უფლებას იტოვებს გამოიყენოს საკონკურსო ვიდეოები მომავალში საკუთარი მიზნებისათვის ავტორისათვის დამატებითი ჰონორარის გადახდის გარეშე.

კონკურსის წესები შესაძლოა შეიცვალოს მომხმარებლების გაფრთხილების გარეშე.

• კონკურსის დაწყების თარიღი: მარტი 10, 2014
• დასრულების თარიღი: აპრილი 26, 2014