გურამ კაშიას მხარდასაჭერი აქცია რამდენიმე დღის წინ დაიგეგმა, მას შემდეგ, რაც ფეხბურთელი კიდევ ერთხელ იქცა შეურაცხყოფისა და აგრესიის ობიექტად. საქართველოს ნაკრების ვიცეკაპიტანს უეფამ თანასწორობის ჯილდო გადასცა, ამას კი საქართველოში გარკვეული ჯგუფების მხრიდან აგრესიული გამოხმაურება და გურამ კაშიას მისამართით მუქარის შემცველი განცხადებები მოჰყვა. სწორედ ამ წუთიდან მისმა ქომაგებმა დაიწყეს ფიქრი, როგორ გამოეხატათ საკუთარი სიმპათია გურამისთვის და ეთქვათ სათქმელი საერთაშორისო საზოგადოებისთვის. რუსუდან გიორგაძე, ნიკა ლებანიძე
#პოლიტიკა - ხმაური ქებურიას დასახლებაში 2 წელია გრძელდება. რა გახდა მეზობლების დაპირისპირების მიზეზი? რა მოთხოვნები აქვთ კონფლიქტის მხარეებს და როგორ აპირებს გამგეობა პრობლემის მოგვარებას? ნანა სისვაძე, ალექსანდრე თვარაძე
2018 წლის 16 ივლისს დედამიწის ორი პოლიტიკური პოლუსი ფინეთის დედაქალაქ ჰელსინკიში გადაიკვეთება. ამერიკისა და რუსეთის პრეზიდენტების რიგით მესამე და ისტორიული შეხვედრა იქნება. უკვე ცნობილია, რომ ამერიკა-რუსეთის ბუნდოვანი ურთიერთობების ახალი რაუნდის სასაუბრო თემა ორი ქვეყნის საგარეო პოლიტიკა, რუსეთისთვის დაწესებული სანქციები, სირიისა და უკრაინის კონფლიქტია. ამერიკული და რუსული მედიის მიერ გავრცელებულ ინფორმაციაში არ არის საქართველო. ასეთი მაღალი დონის შეხვედრის ოფიციალურ ნაწილში საქართველოს დეოკუპაციასა და ტერიტორიულ მთლიანობაზე საუბარი არ იქნება. თეა ადეიშვილი, გიორგი დულარიძე
ქართული გემის პირველი საერთაშორისო მოგზაურობა თუ დიდი პიარგაუგებრობა? 25 ივნისს ბათუმიდან ქართული სასწავლო ხომალდი ახალმა პრემიერ-მინისტრმა საზეიმოდ გააცილა შორეულ ნაოსნობაში, თუმცა აღმოჩნდა, რომ ამ საერთაშორისო მოგზაურობის დანიშნულების ადგილი სარფის სანაპირო და საქართველოს აკვატორიული წყლები იყო. შემთხვევა ალბათ კურიოზად დარჩებოდა, რომ არა ერთი დეტალი. ზარ-ზეიმით დაწყებული მოგზაურობით ხომალდმა საერთაშორისო ნაოსნობის წესებიც დააღვია და საქართველოს საზღვაო კოდექსიც. რატომ დაუშვა გამონაკლისი საზღვაო ადმინისტრაციამ ხომალდ ”კადეტისთვის” და ამართლებს თუ არა მიზანი საშუალებას, როცა მთავარი მიზანი მაინც პიარია? მიშა სესიაშვილი, ავთანდილ მესხი, გიორგი ბოჟაძე
სომხეთში დაახლოებით ის ხდება, რაც საქართველოში ხდებოდა 15 წლის წინ. ახალმა ხელისუფლებამ გამოაცხადა ბრძოლა კორუფციასთან და ამით პოპულარობას ინარჩუნებს. ოღონდ არის სპეციფიკა, რაც საქართველოში ჯერ არ ყოფილა - სომეხ კორუმპირებულებს სახლში კერძო ზოოპარკები აქვთ, სადაც წითელ წიგნში შეყვანილ ცხოველებს ინახავენ და მათ სამხედროებისთვის მოპარულ საკვებს აჭმევენ. რა პოლიტიკური დატვირთვა აქვს არასომხურ სიტყვებს "ტუშონკა" და "სგუშჩონკა" ნიკოლ პაშინიანის სომხეთში? თენგიზ გოგოტიშვილი, ნოდარ ჭადაშვილი
#პოლიტიკა - დეპუტატები შინაურ ცხოველებს სქესობრივი ურთიერთობების თავისუფლებას უზღუდავენ. როგორ უნდა გააკონტროლონ პატრონებმა კატებისა და ძაღლების გამრავლების სიხშირე და რა ფორმით დაისჯებიან ისინი თუ წესებს დაარღვევენ? მაია ლომიძე, ლევან აბულაძე, სოფო ჭულუხაძე, ზაზა ბესელია
სოსო გაჩეჩილაძე დედასთან ერთად ქარელის მუნიციპალიტეტში, სოფელ აბისისთავში, ცხოვრობს. 4 წლის წინ დედა-შვილს სოციალური დახმარება მოეხსნა. სოსოს დიუშენის პროგრესირებადი კუნთოვანი დისტროფია აქვს. წლებია, საწოლიდან ვერ დგება. თანასოფლელებთან ერთად სოციალური შემწეობა მესამე წელია 76 წლის ლიანა ლურსმანაშვილსაც მოუხსნეს. 25 წლის წინ დაქვრივებულს, 2 ვაჟი დაეღუპა, უფროსმა სიცოცხლე თვითმკვლობით დაასრულა, მეორე კი 3 წლის წინ ცეროზით გარდაიცვალა. დარჩა ერთადერთი შვილი, რომელსაც ასევე ჯანმრთელობის პრობლემები აქვს. სიუჟეტი სოციალურად დაუცველ დედებზეა, რომლებიც საკუთარი შვილებისთვის მუდამ იბრძვიან. თაკო მესხი, აკა ჯორბენაძე
ნაფარეულში ევროკავშირმა ადრეული განვითარების ცენტრი 20 ათასი ლარით დააფინანსა. თელავში მცხოვრებ ბავშვებს სპეციალური პედაგოგები შემეცნებითი და მოტორული უნარების განვითარებაში ეხმარებიან. ნანა სისვაძე, აკა ჯორბენაძე
გასულ კვირას საქართველოს ცნობილი ფრანგი მწერალი სტუმრობდა. სკანდალური, პროვოკაციული და მუდმივად ყურადღების ცენტრში მყოფი მიშელ უელბეკი ფრანკფურტის წიგნის ბაზრობის პროგრამის ფარგლებში ჩამოვიდა. სამდღიანი ვიზიტის დროს მან მკითხველთან რამდენიმე შეხვედრა და ყაზბეგის დათვალიერება მოასწრო. როგორ ახასიათებს მწერალი თავად საკუთარ თავს? - ექსკლუზიური ინტერვიუ მწერალთან "პოსტ სკრიპტუმმა" ჩაწერა. გვანცა სუთიძე, გიორგი დულარიძე, ავთანდილ მესხი, ნონა მიქიაშვილი
გაიცანით ბავშვები, რომელთაც სკოლის შემდეგ სწავლა მსოფლიოს ყველაზე პრესტიჟულ სასწავლებლებში გადაწყვიტეს. რა რჩევებს აძლევენ ისინი საზღვარგარეთ სწავლის მსურველებს და რა აუცილებელი თვისებებია საჭირო პრესტიჟულ უმაღლეს სასწავლებელში მოსახვედრად? რუსუდან გიორგაძე, იაგო გოგილაშვილი
#კურიოზი
საქართველოს გზები ევროპაში ყველაზე უფრო საშიშია - ყოველწლიურად საგზაო შემთხვევების შედეგად ჩვენი ქვეყნის 600-მდე მოქალაქე იღუპება, თუმცა ამ საგანგაშო სტატისტიკასთან სახელმწიფო, წლებია, უძლურია. დაჯარიმებული მძღოლების 25% ჯარიმას საერთოდ არ იხდის და თუ იხდის, მეორე დღეს ისევ ნასვამი ჯდება საჭესთან. რას ვერ აკეთებს სახელმწიფო, სად სცოდავენ მძღოლები და რატომ პროგნოზირებენ ექსპ
ქართველი მსოფლიო ჩემპიონი 40 წლით ამერიკის ციხეში - ასეთია პერსპექტივა, რომელიც ცნობილ მოკრივეს, ავთანდილ ხურციძეს ემუქრება. რამდენიმე დღის წინ ამერიკელმა ნაფიცმა მსაჯულებმა ვერდიქტი გამოიტანეს და ქართველი სპორტსმენი დამნაშავედ ცნეს. მას ბრალად ედება დანაშაულებრივი დაჯგუფების წევრობა, ადამიანების დარეკეტება და ძალადობა ქონების წართმევის მიზნით. მოისმინეთ ინტერვიუ ბრუკლინის ციხეში მჯდომ ყოფილ ქართველ ჩემპიონთან. "პოსტ სკრიპტუმის" ჟურნალისტი თენგიზ გოგოტიშვილი მას ტელეფონით ესაუბრა. ავთანდილ ხურციძე ამბობს, რომ უდანაშაულოა და სინამდვილეში ეს საქმე შეუკერეს იმიტომ, რომ კრივის მოქმედი ჩემპიონი არ დაემარცხებინა. ხურციძეს ჩემპიონის დროებითი წოდება ჰქონდა და მას მხოლოდ ერთი ორთაბრძოლა რჩებოდა საბოლოო პირველობისთვის. თენგიზ გოგოტიშვილი, ალექსანდრე თავარაძე, ნონა მიქიაშვილი
წარდგენა ამ ადამიანს არ სჭირდება - არც მის პიროვნებას, არც მის საქმიანობას და არც მის დამსახურებებს. არ სჭირდებათ წარდგენა არც მისი ოჯახის ძალიან ცნობილ წევრებს. და ეს ადამიანი თვითონ მოვიდა რუსთავი 2-ში.
რეკეტის კლასიკური სქემა. როგორ ართმევენ ქონებას თბილისში და რას აკეთებს გამოძიება მოძალადე კრიმინალების შესაჩერებლად? ისტორია 36 წლის ბიზნესმენისა, რომელიც რუსეთიდან საქართველოში ბიზნესის საკეთებლად ჩამოვიდა. ნახეთ წამების, შანტაჟის, ცემისა და სიცოცხლის მუქარის ჯერაც გამოუძიებელი საქმის ხმაურიანი დეტალები და რეკეტში ჩართული მოქმედი პოლიციელი. დავით ქაშიაშვილი, ავთანდილ მესხი, ეკა ბუცხრიმიძე, იოსებ წიკლაური
რას ედავებიან მოქალაქეები თეა წულუკიანის ერთ-ერთ უწყებას? თაღლითობის უპრეცენდენტო შემთხვევა თუ კარგად მოფიქრებული აფერა, რომელშიც, სავარაუდოდ, საჯარო რეესტრის თანამშრომლები არიან გარეული. როგორ დაკარგეს მოქალაეებმა თბილისის ცენტრალურ უბნებში მდებარე ძვირადღირებული ბინები? რა სქემით მოქმედებდნენ თაღლითები, რომლებმაც ნაქირავები ბინები მიითვისეს? ვინ უნდა აგოს პასუხი სახელმწიფო მოხელის მიერ ჩადენილ დანაშაულზე და გარანტირებულია თუ არა ის უფლებები, რომლებიც ქვეყნის კონსტიტუციაში შავით თეთრზე წერია? ნახეთ ქონებაწართმეული პატიოსანი მოქალაქეების პროტესტი. გიორგი გვიშიანი, გიორგი დულარიძე
სამი შვილის დედა „რუსთავი 2 - ში“ უსამართლობის განცდამ მოიყვანა. 24 წლის ახალგაზრდა ქალი მეზობელ მამაკაცს, რომელიც მისი მეუღლის მეგობარიც იყო, გაუპატიურების მცდელობაში ადანაშაულებს, თუმცა სამართალდამცავებს ეჭვმიტანილისთვის ბრალი გაცილებით მსუბუქი მუხლით აქვთ წარდგენილი. ამ საქმის წინასწარი განხილვა ბოლნისის რაიონულ სასამართლოში 13 ივლისს დაიწყება. პროცესების მიმდინარეობისას დაზარალებული მხარე საქმისთვის კვალიფიკაციის შეცვლას და დანაშაულის დამძიმებას აუცილებლად მოითხოვს, დაცვის მხარე კი დარწმუნებულია, რომ ძალადობაში ეჭვმიტანილის მიმართ მტკიცებულებები არ არსებობს და ის სასამართლოს დარბაზიდან გათავისუფლდება. გიორგი გვიშიანი, იოსებ წიკლაური , ნოდარ ჭადაშვილი
ქართულ სუფრას, ღვინოსა და ტრადიციებს ამერიკაში პოპულარიზაციას ჯონათან ნელმსი უწევს. ვაშინგტონში საკუთარ რესტორანში სახელწოდებით "სუფრა" ჯონათანი სტუმრებს საქართველოს აცნობს. ხინკალი, კუპატი, ფხალეული, აჭარული ხაჭაპური ძირითადად ამერიკაში იმპორტირებული ქართული პროდუქტებით მზადდება. მასპინძელი ქართულ ღვინოს და ტრადიციულ კერძებს საქართველოში ეცნობა და ამერიკაში დაბრუნებული ქართული ტრადიციებისა და სამზარეულოს არაოფიციალურ ელჩად იქცევა. გაიცანით საქართველოს ერთგული მეგობარი ამერიკიდან. თაკო მესხი, გვანცა სუთიძე, ავთანდილ მესხი
რატომ და რა საქმეს ურჩევს სახელმწიფო უსაფრთხოების სამსახურის უფროსის მოადგილე იოსებ გოგაშვილი მოძრაობა "დაიცავი საქართველოს" ეპატაჟურ ლიდერს კახა მიქაიას? ოცდახუთწუთიანი სატელეფონო ჩანაწერი, რომელიც სკანდალურია როგორც მისი შინაარსის, ასევე ამ საუბრის ფიგურანტების სტატუსის გამო. ვინ აგვარებს ერთი სატელეფონო ზარით სასამართლოში საქმეებს და ვინ ჰპირდება ბიზნესში დახმარებას ყოფილი მთავრობის მაღალჩინოსნების წინააღმდეგ მიცემული ჩვენების სანაცვლოდ? ნახეთ სკანდალური სატელეფონო საუბრის ყველაზე მნიშვნელოვანი დეტალები. გიორგი გვიშიანი, ავთანდილ მესხი, ვახტანგ გახოკიძე, ნოდარ ჭადაშვილი
რამდენიმე თვის განმავლობაში მღეროდა მხოლოდ ქართულად. მის მიერ შესრულებულმა სიმღერებმა მსმენელის გული მალევე დაიპყრო და უკვე თამამად შეიძლება ითქვას, რომ თითოეული კომპოზიცია ნამდვილ ჰიტად იქცა. "რუსთავი 2-ის" მუსიკალური მეგაპროექტის გამო აღებული პაუზის შემდეგ სოფო ბათილაშვილი კლასიკური ვოკალის გაკვეთილს პირველად ესწრება. სოფო სოპრანოა და კლასიკური ვოკალის განხრით სწავლობს. "მხოლოდ ქართულში" გამარჯვებამ პრესტიჟულ ტიტულთან ერთად არაერთი ჯილდოც მოუტანა. სოფო ახლა უკვე ფლობს საკუთარ ბინას თბილისში, გაემგზავრება ბიონსესა და ჯეიზის კონცერტზე და, რაც მთავარია, ხუთი კვირის განმავლობაში ბერკლის სამუსიკო სკოლაში ისწავლის. "მხოლოდ ქართულამდე" სიმღერის ინგლისურენოვან ტექსტებს წერდა. სოფომ პირველ ქართულ კომპოზიციაზე მუშაობა უკვე დაიწყო და შემოქმედების გაგრძელებასაც ამ მიმართულებით აპირებს. რუსუდან გიორგაძე, აკა ჯორბენაძე
#პოლიტიკა #სტიქია - წყნეთი-ბეთანიის გზა, რომელიც 13 ივნისს უნდა გახსნილიყო, ისევ ჩაკეტილია. სამი წლის წინ მომხდარი ტრაგედიის შემდეგ თბილისში სპეციალური სენსორებით სრულყოფილად ოცდაორი მდინარიდან მხოლოდ ერთი, ვერე, კონტროლდება. მზად არის თუ არა ახლადშექმნილი საგანგებო სიტუაციების მართვის სამსახური ზაფხულში მოსალოდნელი გართულებებისთვის? ლაშა კვესელაძე, ლევან აბულაძე
#პოლიტიკა - თეთრიწყაროში ევროკავშირი ადგილობრივების დასაქმების პროგრამას ახორციელებს. უმუშევარი მოსახლეობა ახლა სპეციალური ტრენინგების დახმარებით სამსახურის ძიების ახალ ტექნოლოგიებს ეუფლება. სამთვიანი კურსის გავლის შემდეგ უკვე 10 ადამიანი დასაქმდა. RDFG-ს პროექტი „სოფლის მდგრადი განვითარება თეთრიწყაროს მუნიციპალიტეტში“ დასაქმების პროგრამა ENPARD -ის ფინანსური მხარდაჭერი
#პოლიტიკა - ორი კვირის წინ კვირიკაშვილი პრეზიდენტობის კანდიდატობის კანდიდატად ითვლებოდა. დღეს ის ყოფილი პრემიერია, რომელიც თანამდებობიდან გათავისუფლებისთვის იქით უხდის მადლობას ივანიშვილს. ხმები "ქართული ოცნების" თათბირის დახურულ კარს მიღმა და ქვეყანა, რომელიც ისევ კულისებიდან იმართება. თენგიზ გოგოტიშვილი, ნონა მიქიაშვილი, იოსებ წიკლაური, გიორგი ჩიკვილაძე
ანგარიში, რომელზეც ხელისუფლებას ნამდვილად უნდა ემსჯელა. გაეროს ბავშვთა ფონდი ”იუნისეფის” კვლევამ აჩვენა, რომ წინა წლებთან შედარებით 2017 წელს საქართველოში სიღარიბის მაჩვენებელი გაიზარდა. ოფიციალური მონაცემებით, სიღარიბის ზღვარს ქვემოთ ანუ უკიდურეს გაჭირვებაში დღეს უფრო მეტი ოჯახი ცხოვრობს, ვიდრე 2013-2015 წლებში. საგანგაშო ანგარიშში დადებით ტენდენციებზეცაა საუბარი. გაიცანით ოჯახები, რომელთა მდგომარეობა ვერც კეთილი ადამიანების დახმარებით შეიცვალა. თეა ადეიშვილი, იაგო გოგილაშვილი, ეკა ბუცხრიკიძე
#პოლიტიკა - რა კორუფციული ინტერესები გაუხსენეს აწ უკვე ყოფილ პრემიერ-მინისტრს გიორგი კვირიკაშვილს? რა სქემების დალაგებაში ადანაშაულებენ ყოფილ პრემიერს და ახლა უკვე ახალ პრემიერ-მინისტრობის კანდიდატს და რა ეჭვები აქვს ოპოზიციას? მიშა სესიაშვილი, გიორგი დულარიძე
ეგზარქოსი ჯერ არ ჰქვია, მაგრამ რუსეთის საპატრიარქოს წარმომადგენელი უკვე თბილისშია. წვრთნაც უკვე გავლილი აქვს - "რუსთავი 2-ს" ინტერვიუს არ აძლევს და კამერის წინ გამოჩენას თავს არიდებს. მაგრამ "პოსტ სკრიპტუმში" დეკანოზ ალექსანდროვის გარეშეც ჩანს მრავალი პრობლემა, რომლებიც მის ჩამოსვლას უძღოდა წინ და მოჰყვება ამიერიდან. ნახეთ სიუჟეტი ერთმორწმუნე მტრობასა და მეგობრობაზე. თენგიზ გოგოტიშვილი, აკა ჯორბენაძე #რელიგია #საპატრიარქო #ოკუპაცია
კულტურის მინისტრის მიხეილ გიორგაძის მიერ დაფუძნებული კომპანია დღესაც მართავს თბილისის დიდ საკონცერტო დარბაზს, მაგრამ კონტრაქტით გათვალისწინებულ იჯარას არ იხდის. რვაწლიანი დავალიანება ორ მილიონ ლარს აჭარბებს. კომპანია ამბობს, რომ იჯარას ვერც გადაიხდის, იმიტომ, რომ მას ეს თანხა არ აქვს. სამაგიეროდ, იგივე კომპანია ყველაფერს აკეთებს იმისთვის, რომ "ქართუ ბანკის" მიმართ არსებული ვალდებულებები დაფაროს და კრედიტით გათვალისწინებული თანხები სისტემატურად შეაქვს ბანკში. მიშა სესიაშვილი, იოსებ წიკლაური, ნონა მიქიაშვილი
რა შედეგით დასრულდა დამოუკიდებელი საქართველოს ისტორიაში უპრეცენდენტო გაფიცვა, რომელმაც რამდენიმე დღით თბილისის სატრანსპორტო მიმოსვლის პარალიზება გამოიწვია? რამდენად სამართლიანი იყო მეტროს მემანქანეების პროტესტი და რა არგუმენტები დაუპირისპირა მერიამ მუშათა მოთხოვნებს? იყო თუ არა სასამართლოს მიერ გამოტანილი გადაწყვეტილება სამუშაო საათებში გაფიცვის აკრძალვის თაობაზე კანონიერი და როგორ მოახერხეს მემანქანეებმა გაფიცულიყვნენ ისე, რომ კანონი არ დაერღვიათ? გიორგი გვიშიანი, გიორგი დულარიძე
ერთი კვირის წინ ტყიბულში ღია კანიონზე ორი მეშახტე დაიღუპა. სანამ გამოძიება ფატალური სიკვდილის მიზეზებს დაადგენს, "პოსტ სკრიპტუმი" ერთ-ერთ დაღუპულს, 27 წლის სანდრო ბუცხრიკიძეს, გაგაცნობთ. ტყიბულის თეატრის მსახიობი, როგორც კოლეგები და მეგობრები იხსენებენ, შახტაში თავისუფალ დროს მუშაობდა, გამომუშავებული ანაზღაურებით კი გაჭირვებულ ადამიანებს ეხმარებოდა. უანგაროდ ისტუმრებდა სხვების ვალებს, ყოველდღიურად ცხელი საკვები მოხუცებისთვის კათარზისიდან დაჰქონდა, წმენდდა მიტოვებულ საფლავებს და უსასყიდლოდ ამეცადინებდა ბავშვებს. ჩვენი დროის გმირი, რომლის კეთილი საქმეები მთელ ტყიბულს ახსოვს. თაკო მესხი, ავთანდილ მესხი, ეკა ბუცხრიკიძე
#აქცია #ნუმომკლავ
#აქცია #ნუმომკლავ
#აქცია #პოლიტიკა ორი კონტრაქცია რუსთაველზე. აქციები მრგვალ ბაღსა და ვაკის პარკში და გაუთავებელი კონტრაქციები სამთავრობო მედიაში, ფეისბუქზე, შინაგან საქმეთა თუ საპატრიარქოს განცხადებებში. ნახეთ ქუჩაში სამართლის საძებნელად გამოსულებთან ბრძოლის მეთოდები და გმირთა და ანტიგმირთა სახეები - 2018 წლის პოლიტიკური გაზაფხულის სეზონის მოკლე რეტროსპექტივა. თენგიზ გოგოტიშვილი, ნონა მიქიაშვილი
ქართული ოცნების შტაბში არსებული ჯგუფი, რომელიც აგროვებს, ამონტაჟებს და სოციალურ სივრცეში ასაჯაროებს ყველაფერს, რაც ემსახურება მათი მოწინააღმდეგეების დაცინვას. მოუსმინეთ იმ ადამიანებს, რომლებიც ასრულებდნენ კოკა ყანდიაშვილის დაკვეთებს, ვისზე და რა ფორმით უნდა განხორციელებულიყო ანტიპიარი. დავით ქაშიაშვილი, გიორგი ჩიკვილაძე
აქციების განმავლობაში უამრავი მოსაზრება მოვისმინეთ ტრიბუნიდან, ტელევიზიებიდან, სოციალური ქსელებიდან. ამ სიუჟეტში შევეცადეთ მოგვესმინა ხმა იქ მდგომი უბრალო მოქალაქეებისა, რომლებიც, უამინდობის მიუხედავად, მყარად იდგნენ აქციებზე. რა არის მათი სათქმელი, რატომ გამოვიდნენ ქუჩაში, რაში ხედავენ გამოსავალს, რას ნიშნავს მათთვის სამართლიანობისთვის ბრძოლა და სამოქალაქო საზოგადოების პასუხიმგებლობა? თაკო მესხი, ნანა სისვაძე, ლევან აბულაძე, ეკა ბუცხრიკიძე
როგორ დაიწყო და როგორ ვითარდებოდა ხორავას ქუჩის სისხლიანი გარჩევის ისტორია ექვსი თვის განმავლობაში? რა გამოიძია პროკურატურამ და რატომ მოითხოვს გარდაცვლილი მოზარდის დავით სარალიძის მამა ორზე მეტი დამნაშავის დასჯას? საპროტესტო აქციის ფონზე საქმეზე ახალი დეტალები ხდება ცნობილი. გარჩევის კიდევ ერთი მონაწილე, რომელიც ამ საქმეში მოწმეა, სასულიერო პირის შვილია. ლაშა კვესელაძე, ნოდარ ჭადაშვილი
#პოსტსკრიპტუმი -
თუ თქვენ არ იცით, სად შეიქმნა პირველი კორპორატიული სამართალი, სად იპოვით ეკლესიის კედლებზე მიწერილ "ვეფხისტყაოსანს", სად ერწყმის ერთმანეთს ბუნება და არქიტექტურა -ნახეთ რეპორტაჟი "ვანის ქვაბებიდან". "პოსტ სკტრიპტუმმა" იმოგზაურა მესხეთში, სადაც ისტორიული ძეგლები სავალალო მდგომარეობაშია და წინა საუკუნეში დაწყებული ტურისტების უკონტროლო ვანდალიზმი დღესაც გრძელდება. თეა ადეიშვილი , ავთანდილ მესხი, ეკა ბუცხრიკიძე, ნანა სისვაძე
#აქცია - "პოსტ სკრიპტუმის" პირდაპირ ეთერში ჟურნალისტ დავით ქაშიაშვილის ჩართვა რუსთაველის გამზირიდან, სადაც მიმდინარეობს აქცია. იქ შეკრებილი უამრავი ადამიანი თბილისში, ხორავას ქუჩაზე, მოკლული ერთ-ერთი მოზარდის დავით სარალიძის მამას უდგას გვერდში და მასთან ერთად გამოძიების ობიექტურად ჩატარებას მოითხოვს.
"პოსტ სკრიპტუმმა" ციანიდის გასაიდუმლოებული საქმის მასალები მოიპოვა. დოკუმენტების გაანალიზების შემდეგ დეკანოზმა გიორგი მამალაძემ ჩვენს კრიტიკულ შეკითხვებს სასჯელაღსრულების დაწესებულებიდან სატელეფონო ინტერვიუს მეშვეობით უპასუხა. რატომ საუბრობს ის ციანიდის შეძენაზე, საწამლავის ადამიანის ორგანიზმზე მოქმედების თვისებებზე და რატომ კითხულობდა ის ინტერნეტში ნატრიუმის ციანიდისა და პატრიარქის არჩევის წესის შესახებ ჩანაწერებს ერთდროულად? ლაშა კვესელაძე, თამთა ჩიტიშვილი, ლევან აბულაძე, იაგო გოგილაშვილი
საქართველოს პირველი დამოუკიდებელი რესპუბლიკის 100 წლის იუბილე ქართულ დიასპორასთან ერთად ჩვენი ქვეყნის უცხოელმა მეგობრებმა და გულშემატკივრებმა ინგლისში, სევენოუკ კენტშიც, აღნიშნეს. ოლივერ უორდროპისა და მისი დის მარჯორი უორდროპის სასაფლაოზე "პოსტ სკრიპტუმის" გუნდი მათ შთამომავლებს შეხვდა. ინგლისელი დიპლომატი საქართველოს დამოუკიდებლობის ერთ-ერთი პირველი გულშემატკივარია. მისი და მარჯორი კი პირველი იყო, ვინც "ვეფხისტყაოსანი" ქართულიდან ინგისურად თარგმნა. ქართული ლიტერატურისა და კულტურის პოპულარიზების საქმეში უორდროპების როლს ოქსფორდის ბიბლიოთეკის საცავში არსებული და-ძმის კოლექცია და პირადი წერილები კიდევ უფრო ამაღელვებელსა და საინტერესოს ხდის. საიუბილეო თარიღის აღასანიშნავად ოქსფორდის საცავები ქართველი მკვლევრისთვის გაიღო და ნიკოლოზ ალექსიძემ უორდროპების კოლექციაზე დაყრდნობით წიგნი გამოსცა. პირადი წერილები და მნიშვნელოვანი დოკუმენტები "პოსტ სკრიპტუმის" კამერამ ოქსფორდში გადაიღო. თაკო მესხი მოგითხრობთ ამაღელვებელ ამბავს ინგლისელი დიპლომატისა და მისი დის , რომლებმაც საქართველოს სიყვარულით მნიშვნელოვანი არქივი და ისტორია დატოვეს. თაკო მესხი, ალექსანდრე თვარაძე
ეკლესიის რეიტინგი ეცემა. ეკლესია სტატისტიკას ყურადღების ღირსად არ ცნობს, მაგრამ, ყოველი შემთხვევისთვის, დამნაშავეები უკვე ნაპოვნი ჰყავს. თუნდაც მედია, რომელიც საპატრიარქოს შიგნით არსებულ პრობლემებზე ღიად მსჯელობს. რატომ ენდობიან ადამიანები ნაკლებად სასულიერო პირებს და ვისგან იცავს თავს ეკლესია? თენგიზ გოგოტიშვილი, ნონა მიქიაშვილი
#პოლიტიკა - "პოსტ სკრიპტუმის " ჟურნალისტის თეა ადეიშვილის ჩართვა პირდაპირ ეთერში წინა კვირას "პოსტ სკრიპტუმში" გასულმა სიუჟეტმა მსოფლიო პატრიარქის მხარდამჭერი წერილის შესახებ სასულიერო პირების გაღიზიანება გამოიწვია. საპატრიარქოში განაცხადეს, რომ ეს ასე არ იყო და ჩვენმა ჟურნალისტმა, თეა ადეიშვილმა, იცრუა.
„ ... იესო ქრისტე ჩემიც არის, მე გავიზარდე მასთან ერთად, ის ჩემთვის ძალიან ძვირფასია და მე მაქვს უფლება, მქონდეს მასთან ჩემებური ურთიერთობა, თუნდაც ეს ვიღაცისთვის მიუღებელი იყოს. მე მაქვს უფლება, ვუყურებდე მას, როგორც ჩემს მეგობარს და ვლაპარაკობდე მასზე, როგორც ადამიანზე. მე არ ვიცი და ვერც მეცოდინება, როგორია ქრისტე, როგორც ღმერთი, მაგრამ მე შემიძლია წარმოვიდგინო ის, როგორც ადამიანი... “
ანონში "თამბაქოს კონტროლის შესახებ" შეტანილი ახალი ცვლილებები 1-ლი მაისიდან ამოქმედდა. რატომ გახდა აუცილებელი ამ კანონპროექტის მიღება? ვის შეეხო რეგულაციები და სად აიკრძალა სიგარეტის მოწევა? რა შენიშვნები აქვთ ბიზნესმენებს ამ კანონის მიმართ და რას ფიქრობენ ის ადამიანები, რომლებიც თამბაქოს მოწევაზე კონტროლის გამკაცრებას წლებია, ითხოვენ? ზრუნვა მოსახლეობის ჯანმრთელობასა და ხანგრძლივი ცხოვრების უზრუნველყოფაზე თუ რეგულაციები, რომლებმაც, შესაძლოა, გამოხატვის თავისუფლებას საფრთხე შეუქმნას? ნახეთ, როგორ მუშაობს ახალი კანონი და როგორ ხვდება გამკაცრებულ რეგულაციებს მოსახლეობა. გიორგი გვიშიანი, გიორგი ჩიკვილაძე, ვახტანგ გახოკიძე
სად, როგორ და რა ვითარებაში იყიდება ნარკოტიკი, რომელიც კლავს? "პოსტ სკრიპტუმის" სკანდალური ექსპერიმენტი, რითიც ჟურნალისტებმა დაამტკიცეს, რომ გამოცხადებული სიკვდილი იმაზე უფრო ხელმისაწვდომია, ვიდრე ეს ვინმეს წარმოუდგენია. ნახეთ სახიფათო ჟურნალისტური გამოძიება და ნარკოტიკების შავი ბაზარი. მიშა სესიაშვილი, იაგო გოგილაშვილი
#პოლიტიკა - ოცნების უმრავლესობა ზეიმობს - მარგველაშვილი მის ბრალდებებს გაექცა. მეოთხე და უკანასკნელი სიტყვა პარლამენტში სკანდალით დასრულდა. უფრო ხმაურიანი სკანდალებით სრულდება მარგველაშვილის პრეზიდენტობა. "პოსტ სკრიპტუმში" - შეწყალებების, შესაძლო კორუფციისა და გამოუყენებელი შანსების ქრონიკები. თენგიზ გოგოტიშვილი, გიორგი დულარიძე, ეკა ბუცხრიკიძე
2018 წლის 26 მაისამდე თბილისის საკრებულომ უნდა მოასწროს გადაარქვას სახელი "ვარდების მოედანს", საიდანაც 15 წლის წინ სქართველოს უახლესი ისტორიის ყველაზე ხალხმრავალი პროტესტი დაიწყო და ვარდების რევოლუციით დასრულდა. რევანში და ისტორიის გადაწერის მცდელობა, რომელიც ვარდების რევოლუციის მნიშვნელობას ვერ დააკნინებს, - ასე აღიქვეს საზოგადოებაში "ქართული ოცნების" ინიციატივა. თეა ადეიშვილი, ავთანდილ მესხი, ნოდარ ჭადაშვილი
#პოლიტიკა - თურქეთში ჩაის კრეფის სეზონი დაიწყო და საქართველოდან უამრავი ადამიანი მიდის სამუშაოდ. სარფის საბაჟოზე წასვლის მსურველთა ნაკადი არ წყდება. ჩაის საკრეფად მიდიან არასრულწლოვნებიც, რომლებსაც დღეში 12 საათი რთულ პირობებში უწევთ მუშაობა. ზოგიერთს გაჭირვების გამო სწავლის მიტოვებაც მოუხდა. გვანცა სუთიძე, ავთანდილ მესხი, ნონა მიქიაშვილი
ფსონები ბავშვების სიკვდილის თარიღზე! შვილმკვდარი დედის ხმაურიანი განცხადება. ნანა ბერძენიშვილის შვილის ფატალურად დასრულებული სიცოცხლის საქმე. რას მიაგნო სუიციდის საქმის გამოძიებამ> ნახეთ ფსიქოლოგების შემაშფოთებელი სტატისტიკა დავით ქაშიაშვილი, ლევან აბულაძე