#პოსტკრიპტუმი "პოსტ სკრიპტუმში" ბავშვთა პრობლემებს მთელი წლის მანძილზე ვაშუქებდით. სოციალურად დაუცველები, მზრუნველობას მოკლებულები, ზაფხულობით ზღვის სანაპიროებზე მომუშავეები თუ უბრალოდ, ქუჩაში დარჩენილები. ჩვენ ასევე გამოვეხმაურეთ რამდენიმე სერიოზულ კვლევას ამ მიმართულებით და ვცდილობდით, რომ არც ერთი ასეთი პრობლემა უყურადღებოდ არ დაგვეტოვებინა. ანანო ბაკურაძე, ნიკა
#პოსტრკრიპტუმი #რუსთავი2 - თავდაცვის სამინისტრო პაუზას იღებს, სანამ მოიერიშე ავიაციაზე უარს ოფიციალურად განაცხადებდეს. ახალი მინისტრი და გენშტაბის ახალი ხელმძღვანელობა თვლიან, რომ 2017 წლის ბიუჯეტით სუ-25-ებს ვეღარ შეინახავენ და, სანამ ყველა თვითმფრინავი გამოვა მწყობრიდან, მათი გაყიდვა სჯობს. დაზოგილ ფულს არმია შვეულმფრენების პარკსა და საჰაერო თავდაცვას მოახმარს. სახმელეთო ჯარების წვრთნასა და აღჭურვას კი პენტაგონის საკუთარ თავზე იღებს - ამერიკელი ინსტრუქტორები საქართველოში 3-წლიან პროგრამას იწყებენ. თენგიზ გოგოტიშვილი, გიორგი დულარიძე
#პოსტკრიპტუმი #რუსთავი2 იდეალური პარამეტრებით, გამორჩეული გარეგნობით -- ანა შელია მსოფლიო მოდის ინდუსტრიაში მნიშვნელოვან ნაბიჯებს დგამს. კიდევ ერთი ქართველი მოდელი წარმატების გზაზე. გაიცანით 19 წლის გოგონა, რომელიც პარიზში ქალის თეთრეულის ცნობილი ბრენდის ჩვენებაზე მსოფლიოს ტოპმოდელების გვერდით გამოვიდა. თაკო მესხი, ლევან აბულაძე
#პოსტკრიპტუმი #რუსთავი2 20 წლიანი უცვლელი წამყვანის შემდეგ გადაცემა პოსტსკრიპტუმს პირდაპირ ეთერში ახალი სატელევიზიო სეზონიდან ჟურნალისტი გიორგი გაბუნია წარადგენს. დავით კიკალიშვილმა ესტაფეტა დღეს გიორგი გაბუნიას პირდაპირ ეთერში გადააბარა. კიკალიშვილი საცხოვრებლად უცხოეთში მიემგზავრება და დღეს მისი ბოლო პოსტსკრიპტუმი იყო. „პირადი ხასიათის მიზეზის გამო მე პოსტსკრიპტ
#პოსტკრიპტუმი #რუსთავი2 - თბილისის საკრებულოს იურიდიული კომისიის ხელმძღვანელი კიდევ ერთ სკანდალში ეხვევა. თედო კობახიძეს საკრებულოს მოქმედი თანამშრომლები უპირისპირდებიან და ზეწოლასა და დისკრიმინაციაში სდებენ ბრალს. სკანდალური ფაქტები საკრებულოდან. ხდება თუ არა ადამიანების ფიქტიურად სამსახურში აყვანა და მათთვის ხელფასების გადახდა მაშინ, როდესაც ისინი რეალურად სამუშაოს არ ასრულებენ. ნოდარ მელაძე, აკა ჯორბენაძე
#პოსტკრიპტუმი #რუსთავი2 76 მილიონი ლარის დავალიანება და 2600-ზე მეტი დაზარალებული. სასამართლომ დღეს საფინანსო კომპანია საქართველოს მენეჯმენტისთვის აღკვეთის ღონისძიებაზე იმსჯელა. დირექტორი და მმართველი წინასწარ პატიმრობაში რჩებიან, თმცა დანაშაულს არ აღიარებენ და პრობლემების შექმნაში ეროვნულ ბანკს ადანაშაულებენ. სხდომა ხმაურისა და დაპირისპირების ფონზე წარიმართა. ხვალ კი ფ
#პოსტკრიპტუმი #რუსთავი2 უკვე ცხრა თვეა ეკონომიკის სამინისტრო ოფისს ქირაობს და თვეში 75000 $-ს იხდის. ქირის თანხის დასაზოგად სამინისტროს ახალი ნაგებობა უნდა აეშენებინა, მაგრამ ქირავნობის ხელშეკრულებას ვადა ორ კვირაში ეწურება და სამინისტროში არ განმარტავენ, კიდევ რამდენ ხანს დარჩებიან ქირით. ლაშა კვესელაძე, ზურაბ სირბილაშვილი, ეკა ბუცხრიკიძე
#პოსტკრიპტუმი #რუსთავი2 გაუფასურებული ლარი, გაღარიბებული მოსახლეობა და დაცემული ეკონომიკა. ნახეთ "პოსტსკრიპტუმში" ბღუჯა ფულის თეორია ქართულ რეალობაში. ვის და რატომ აჟრიალებს ფულის დანახვისას. მიხეილ სესიაშვილი, იოსებ წიკლაური
#პოსტკრიპტუმი #რუსთავი2 - დღეისათვის მსოფლიოს ყველაზე ცხელი წერტილი ქალაქი ალეპოა. კადრებმა სათაურით "როდესაც იმედი პანიკად იქცევა" მსოფლიო საინფორმაციო საშუალებები მოიარა. სროლა მაშინ დაიწყო, როდესაც დევნილები ალეპოს აღმოსავლეთ ნაწილიდან გასვლას ცდილობდნენ. ცეცხლის შეწყვეტის შეთანხმება აქ უკვე რამდენჯერმე ჩაიშალა. სირიის სამთავრობო ძალებმა რუსეთის ავიაციისა და ირანელი შიიტების მხარდაჭერით, პრაქტიკულად, მთლიანად აიღეს ქალაქი. ამბოხებულები, მათი ოჯახების წევრები და მშვიდობიანი მცხოვრებლები განადგურებული ალეპოდან გასვლას ცდილობენ. პაატა იაკობაშვილი, გიორგი ბოჟაძე
#პოსტკრიპტუმი #რუსთავი2 #დეკრიმინალიზაცია 2000 წლიდან მოძრაობების თუ პოლიტიკური პარტიების სახით სხვადასხვა აქტივისტი ნარკოტიკის მოხმარების დეკრიმინალიზაციისთვის იბრძვის. ეს ბრძოლა ნელ-ნელა დასასრულს უახლოვდება. წლების განმავლობაში განვლილი გზა კრიმინალიზაციიდან დეკრიმინალიზაციამდე . ანანო ბაკურაძე, ალექსანდრე თვარაძე
#პოსტსკრიპტუმი - სტამბოლში ტერაქტის შედეგად დაღუპულებს გლოვობენ. დღეს ბეშიქტაშის სტადიონთან ასობით ადამიანი შეიკრიბა. მათ აფეთქების შედეგად გარდაცვლილ პოლიციელებსა და მშვიდობიან მოქალაქეებს პატივი მიაგეს. აქციის მონაწილეებმა ხელისუფლებას უსაფრთხოების ზომების გაძლიერებისკენ მოუწოდეს. ტერაქტის შედეგად დაღუპულებსა და დაშავებულებს შორის საქართველოს მოქალაქეები არ არიან. პასუხისმგებლობა ტერაქტზე არც ერთ დაჯგუფებას არ აუღია. სტამბოლში მომხდარი ტერაქტის საქმეზე გამოძიებას ამ დროისთვის 13 ადამიანი ჰყავს დაკავებული.
#პოსტსკრიპტუმი - პირადი ცხოვრების ამსახველი ფარული კადრების გავრცელების საქმეზე დაკავებული ხუთი პიროვნებიდან ოთხი თავისუფალია. 9 თვის თავზე მათთვის ციხის კარი გაიღო. ინტერვიუ იმ ადამიანებთან, რომლებიც უმძიმესი ბრალდებით გისოსებს მიღმა აღმოჩნდნენ, რას ყვება ის, ვინც ამბობდა, რომ პროკურატურის მძევალია და ის, ვინც აღიარებს, რომ პირადი ცხოვრების ამსახველ ვიდეომასალას ავრცელებდა. ნახეთ სკანდალურ საქმეზე ბრალდებულები და სკანდალური საქმით დაზარალებულები.
#პოსტსკრიპტუმი - როგორ ცხოვრობენ ქართული მთის სოფლებში ბედის ანაბარა დარჩენილი ადამიანები, რა აწუხებთ და რა ახარებთ მარტოხელა მოხუცებს, რომლებსაც თვალი მუდამ გზისკენ უჭირავთ. რატომ ცარიელდება ულამაზესი ადგილები და არის თუ არა მიგრაციის პროცესის შეჩერების რეალური შანსი? "პოსტსკრიპტუმი" თოვლიან გუდამაყარს კიდევ ერთხელ ეწვია და ლუთხუბელი კეთილი ადამიანების სევდა ბარში ჩამოიტანა.
#პოსტსკრიპტუმი - უსაფრთხოა თუ არა სათამაშოები, რომლებსაც ჩვენი შვილებისთვის ვყიდულობთ? აღმოჩნდა, რომ შემოწმებული 10 თოჯინიდან 9 ჯანმრთელობისთვის საფრთხის შემცველ ქიმიურ ნივთიერებას შეიცავს. საქართველოში არ არსებობს არც კანონი, არც საკანონმდებლო ორგანო და არც აკრედიტებული ლაბორატორია, რომელიც სათამაშოებში ქიმიური ნივთიერებების შემადგენლობას გააკონტროლებს.
#პოსტსკრიპტუმი - სპორტის სასახლის მიმდებარე ტერიორიაზე, ალექსიძის ქუჩაზე, მცხოვრები მოსახლეობა ახალ მშენებლობას აპროტესტებს. რამდენიმე ხნის წინ გაიგეს, რომ ამ ე.წ ბეტონის ჯუნგლებს ახალი შენობა შეემატება. მერიაში კი კიდევ ერთი განაშენიანების გეგმა მოიწონეს, რომლის მიხედვითაც ამავე ტერიტორიაზე რამდენიმე კორპუსი უნდა აშენდეს.
#პოსტსკრიპტუმი - ერთი ოჯახის 4 შვილი 1.5 წელია, სკოლაში აღარ დადის. შავაძეებს ამისთვის ბევრი მიზეზი აქვთ - ამბობენ, რომ მასწავლებლები მათ შვილებს ნიშნებს აკლებენ, „ჩამშვებებს“ უწოდებენ და სხვა მოსწავლეებს აპირისპირებენ. ოჯახის მამა არ იღლება საჩივრების წერით და საქმეში ჩართული ჰყავს ყველა - ომბუდსმენი, განათლების სამინისტრო, სოციალური მომსახურების სააგენტო, პოლიცია, პროკურატურა და სასამართლო.
#პოსტსკრიპტუმი - ღვიძლის ტრანსპლანტაციის პირველი ოპერაცია ბათუმში ზუსტად 2 წლის წინ ჩატარდა, საოპერაციო ბლოკში ექიმებმა ცეროზით დაავადებულ ანასტასია მეგრელიშვილს ძმის ჯანმრთელი ღვიძლი გადაუნერგეს, ასე დაიწყო ღვიძლის ტრანსპლანტაციის წარმატებული ისტორია საქართველოში. რამდენიმე დღეში სამედიცინო კორპორაცია "ევექსისის" ბათუმის რეფერალურ ჰოსპიტალში კი ღვიძლის გადანერგვის მე-10 ოპერაცია ჩატარდება.
#პოსტსკრიპტუმი - 22 ოქტომბერს სოფელ პატარა მეჯვრისხევის სკოლის დემონტაჟთან დაკავშირებით აუქციონი ჩატარდა. გამარჯვებულმა აუქციონის ბიჯი 100 ლარად შეიძინა. შენობა ისტორიული და მხატვრული ღირებულებისაა. სკოლის ქვეშ დავით სარაჯიშვილის მიერ დაფინანსებული მარანია, რომლის მსგავსი საქართველოში ერთი ან ორი შემორჩა.
#პოსტსკრიპტუმი - ერთი ახალგაზრდის შიშველ ფოტოში იმაზე მეტი ჩანს, ვიდრე ჯანსაღი სხეული და სვანური კოშკებია. აქეთ - ტრადიციების შერყვნით აღშფოთებულები, იქით - მათი აღშფოთებით აღშფოთებულები. სარცხვინელზე ხელის აფარება უფრო მარტივი გამოდგა, ვიდრე ამდენი პრობლემის დამნახავ თვალებზე ხელის აფარება. შეიძლება თუ არა ადამიანს ერთდროულად ევროპელად მიაჩნდეს თავი და სვანური კოშკების საკრალობისა სჯეროდეს - ეს წყევლაკრულვიანი საკითხავი კვირის თემად იქცა.