ფიზიკური დაპირისპირება ფონიჭალის პოლიციაში: გატაცებული გოგონას ახლობლები შენობიდან ძალის გამოყენებით გამოიყვანეს. 17 წლის ფონიჭალელი გოგონას გატაცების საქმე ჯერ კიდევ ბურუსითაა მოცული. ახლობლები სამართალდამცველებისგან ქმედითი ზომების მიღებას ითხოვენ. ამ მიზნით მათ რუსთავი-თბილისის გზაც გადაკეტეს და პოლიციის შენობაში შეჭრა სცადეს. როგორც გაატაცებული გოგონას ბიძა აცხადებს, 17 წლის სამირა ბაირამოვამ მას დაურეკა და დახმარება ითხოვა. ახლობლების ინფორმაციით, გოგონა პარლამენტის მიმდებარე ტერიტორიას ასახელებდა. ამის გამო გატაცებული გოგონას ახლობლებმა პოლიციის შენობაში შეჭრა ხელმეორედ სცადეს, რის გამოც პოლიციას მათი ძალის გამოყენებით გამოყვანა მოუწია.
სამხრეთ ბათუმის ოლქში, კერძოდ ართვინში, ქართველები თურქულ პოლიციას დაუპირისპირდნენ. 3000 -მდე ქართველი ართვინის ცენტრისკენ გარღვევას ცდილობს, ქართველებმა ბარიკადები აღმართეს და საბურავებს წვავენ, თურქული პოლიცია მათ წინააღმდეგ ცრემლსადენ გაზს იყენებს. ქართველები ართვინში ტყის გაჩეხვას აპროტესტებენ, სადაც ტერიტორიას ოქროს საბადოს გასახსნელად ამზადებენ. რიზე – ერზრუმის ტრასები პარალიზებულია. მდგომარეობის გამწვავება 17 თებერვალს დაიწყო, ქართველებმა გადაკეტეს გზები და მძიმე ტექნიკას არ უშვებენ ოქროს საბადოს ტერიტორიაზე.
#გირჩი #ხაჩიძე #ახალიპოლიტიკურიცენტრი #Girchi
ანრი ბიბინეიშვილისა და მისი მეგობრის ცეკვა ქუჩაში ყველა რეკორდს ხსნის
ბაქოს ცენტრში ემბრიონები აღმოაჩინეს. აღნიშნულ ინფორმაციას აზერბაიჯანული მედია ავრცელებს. მათი ინფორმაციით, ბაქოს ცენტრში, გზის პირას მდებარე ნაგვის ყუთთან ორი ემბრიონი იპოვეს. ემბრიონები ქუჩაზე მიმავალმა ექიმმა შემთხვევით აღმოაჩინა, რომელმაც ფოტოები გადაიღო და სამართალდამცავ ორგანოებს გადაუგზავნა.თვითმხილველი ექიმის განცხადებით, ემბრიონები 2-3 თვის ასაკის, 10-15 სანტიმეტრის ზომისაა. ისინი ნაგვის ყუთში სავარაუდოდ, მიმდებარე ტერიტორიაზე არსებული სამედიცინო დაწესებულებიდან მოხვდა, რაც უტილიზაციის წესების დარღვევაა. აღნიშნული ფაქტს შესაბამისი ორგანოები უკვე სწავლობენ. „შესაძლოა, ეს ემბრიონები არალეგალური აბორტების მსხვერპლნი არიან“, - აღნიშნულია ინფორმაციაში. როგორც ინფორმაციაშია აღნიშნული, B კლასის სამედიცინო-ბიოლოგიური ნარჩენები სპეციალურ ტერიტორიაზე იმარხება ან სამედიცინო დაწესებულებებში არსებულ მინიკრემატორიუმებში ხდება დაწვა.
გიორგი შერმაზანაშვილის თვალთ დანახული საქართველო
დერბენტსკის რაიონში მომხდარი ტერაქტის დროს დაშავებულმა 18 წლის რაისატმა მოახერხა და გამოიყვანა ცეცხლიდან მძიმედ დაჭრილი მამა. ვიდეოში ჩანს, როგორ ცდილობს გოგონა მამის ცეცხლწაკიდებული არედან შორს გათრევას. მალე მას ორი ადამიანი მიეხმარა და ერთობლივი ძალებით აფეთქების ადგილიდან მამაკაცი მოშორებით გაიყვანეს. 54 წლის ნაზიმ კადიევი და მისი შვილი დაღესტნის საავადმყოფოში გადაიყვანეს. მამაკაცი მძიმე მდგომარეობაშია, მას ფეხის ამპუტაცია გაუკეთეს. გოგომ ხელის და სახის დამწვრობა მიიღო.
მწერალ დათო ტურაშვილის განცხადებით, ევროპის ეშინია მას, ვისაც კონკურენციის ეშინია. როგორც ტურაშვილმა გადაცემა „სხვა შუადღეში“ განაცხადა, სამარცხვინო პროფესია არ არსებობს და სწორედაც, უნდა, რომ მისი შვილები ოფიციანტები და იმ პროფესიის ადამიანები იყვნენ, რომელშიც პროფესიონალები იქნებიან. მისი თქმით, ვინც იცის თუ რა არის ევროპული ცივილიზაცია, იცის, რომ ჩვენი ისტორიული სახლი სწორედ იქ არის. „მოვისმინე, რომ თითქოს ევროპასთან დაახლოება მოგვიტანს იმას, რომ ჩვენი შვილები იქნებიან ოფიციანტები. მინდა მივმართო იმ ქართველებს, ვისაც სიახლოვის ეშინია ამის გამო, მე მინდა ჩემი შვილები იყვნენ ოფიციანტები, იმ პროფესიის ადამიანები, რომლებსაც ისინი აირჩევენ და რომელშიც ისინი იქნებიან პროფესიონალები, მინდა რომ ჩემმა შვილებმა და ყველას შვილებმა იცოდნენ, რომ არ არსებობს სამარცხვინო პროფესია“, - განაცხადა ტურაშვილმა. ამასთან, ტურაშვილმა ერთსქესიანთა ქორწინებაზეც ისაუბრა და აღნიშნა, რომ საქართველოს ხელისუფლებას არავინ აიძულებს, რომ ერთსქესიანთა ქორწინება დააკანონოს.
#GDSON #GDS GD #პედია-ს ჟურნალისტებისგან გავიგებთ: ● როგორ შექმნა ადამიანმა კაცობრიობის ისტორიაში 2 ყველაზე სახიფათო, ატომური და წყალბადის იარაღი? ● საიდან იღებს ენერგიას ადამიანი? ბიოველის და ენერგეტიკული სისტემის საიდუმლოებები.
#PALITRA #PalitraTV #PalitraNews #News #პალიტრა
ავღანეთში მებრძოლი ქართველი ჯარისკაცი მეუღლეს პირდაპირ ეთერში სთხოვს ხელს. ჩანაწერი GDS-ის გადაცემა "შუადღიდან", რომელიც ეთერში 2014 წელს გავიდა, დღეს ინტერნეტმომხმარებლებს თავდაცვის მინისტრმა თინა ხიდაშელმა შეახსენა. "დილა და კვირა პოზიტიურად, სიყვარულით დავიწყოთ. აუცილებლად უყურეთ. ლამაზი, თბილი, ბედნიერი წუთნახევარია. მთელი კვირა გაგყვებათ", - წერს მინისტრი "ფეისბუქზე".
„ტელეიმედის“ გადაცემა „პოლიტიკაში“ რუსული ემიგრაციის წარმომადგენელი საქართველოში, მამა ბესარიონ ტუღუშსა და არქიმანდრიტ ანთიმოზს შორის სიტყვიერი დაპირისპირება მოხდა. გადაცემა „პოლიტიკის“ სტუმრები რელიგიური გრძნობების შეურაცხყოფისთვის ადმინისტრაციული სახდელის შემოღებასთან დაკავშირებულ კანონპროექტზე მსჯელობდნენ. საუბარია დეპუტატ სოსო ჯაჭვლიანის მიერ მომზადებულ საკანონმდებლო ცვლილებებზე, რომელსაც პარლამენტი იხილავს. კანონპროექტის მიხედვით, რელიგიური სიწმინდეების, რელიგიური ორგანიზაციის, ღვთისმსახურის და მორწმუნის მიმართ სიძულვილის საჯაროდ გამოხატვა ან ისეთი მასალის გამოქვეყნება, ჩვენება, რაც მიზნად ისახავს მორწმუნეთა გრძნობების შეურაცხყოფას, გამოიწვევს დაჯარიმებას 300 ლარის ოდენობით. იგივე ქმედება, ჩადენილი განმეორებით, გამოიწვევს დაჯარიმებას 600 ლარის ოდენობით. პარლამენტის ადამიანის უფლებათა დაცვისა და სამოქალაქო ინტეგრაციის კომიტეტმა ცვლილებებს პირველი მოსმენით მხარი დაუჭირა.
ბენჟამენ იაგო ბრიტანელია, თუმცა ჰოლანდიაში ცხოვრობს და ქართულ სიმღერებს შესანიშნავად ასრულებს. საქართველოსა და ქართული კულტურის სიყვარულით, ბენჟამენმა ქართულიც ისწავლა და ქართული სიმღერებიც შეიყვარა. სადაც არ უნდა იყოს, ყველგან სვანური ქუდით დადის და საქართველოს პოპულარიზაციას ეწევა. ჰონალდიის მოქალაქე ქართული კერძების დასაგემოვნებლად, ჰააგაში მდებარე ქართულ რესტორან „სოხუმში“ ხშირად დადის. რესტრონის მფლობელმა იზოლდა კვიციანმა ქართული საღამოების მოსაწყობად პიანინო ახლახანს შეიძინა, რომელზეც პირველმა, ქართული სიმღერა სწორედ იაგომ შეასრულა. აღნიშნული ვიდეოკადრები სწორედ რესტორან „სოხუმშია“ გადაღებული, რომელიც სოციალურ ქსელში, რესტორნის გვერდზე გავრცელდა.
ტელეკომპანია "რუსთავი 2"-ის გადაცემა "პროფილის" შესახებ, რომლის ერთ-ერთი თემა ბავშვთა სუიციდი უნდა ყოფილიყო, ფართო განხილვის საგანი გახდა. ამის თაობაზე პარლამენტის ჯანდაცვისა და სოციალურ საკითხთა კომიტეტის თავმჯდომარემ დიმიტრი ხუნდაძემ სპეციალური განცხადება გაავრცელა და თხოვნით მიმართა "რუსთავი 2"-ს, არ გაეშვა ეთერში ბავშვთა სუიციდის შესახებ მომზადებული გადაცემა. მიუხედავად ამისა, ტელეკომპანიამ და გადაცემის ავტორმა მაინც გადაწყვიტეს ეთერში გასვლა. ამის შესახებ მაია ასათიანმა "კურიერში" საგანგებო განცხადებაც კი გააკეთა. როგორც გადაცემის წამყვანმა ხაზგასმით აღნიშნა, გადაცემა ეძღვნება სუიციდის პრევენციას და გადაცემის მომზადების დროს მისმა გუნდმა არაერთი კონსულტაცია გაიარა სპეციალისტებთან. ამასთან, მაია ასათიანმა ოპონენტებისგან ბოდიშის მოხდა მოითხოვა.
''თქვენ გგონიათ, მხოლოდ გამგეობები მღერიან? გეგონოთ. აი კორპორატივზე კიდევ ერთი შესრულება. ოღონდ ეს უბრალო ხალხი არ გეგონოთ, შსს მეშვიდე განყოფილება ქეიფობს, ეგრეთწოდებული "ნარუჟკა", ანუ, ის გოგო-ბიჭები, ქვეყნის მტრების ნაცვლად დღენიადაგ ჩვენ რომ დაგვყვებიან Wolksvgen Golf-ებით, გვითვალთვალებენ:) ვერაფერს იტყვი, შეუმჩნევლად მუშაობენ, ისე, როგორც სიმღერაშია:)'' - თარგამაძე
ბათუმში, ნურიგელის ტბა გაიყინა. 6 მაისის პარკში არსებული ტბის ზედაპირზე რამდენიმესანტიმეტრიანი ყინულია. მეტეოროლოგების ცნობით, ნურიგელის ტბის გაყინვის ფაქტი მხოლოდ გასულ საუკუნეებში დაფიქსირდა, როცა ჰაერის ტემპერატურა ბათუმში - 5, - 7 გრადუსამდე დაეცა. ეს ბუნებრივი წარმოშობის ტბაა და მისი გაყინვის ფაქტი იშვიათობაა. არსებული მონაცემებით, ძლიერი ყინვის შედეგად, ტბა ოთხჯერ 1911, 1928, 1949, 1985 წლებში გაიყინა.
სოციალურ ქსელში აქტიურად განიხილავენ სერობ აჯემიანის სიმღერას HAYASTAN, რომლის მელოდიაც ცნობილ ქართულ სიმღერას „ყვავილების ქვეყანას“ ძალიან გავს. ვიდეო მომღერლის იუთუბგვერდზე გასული წლის ზაფხულშია ატვირთული და აღნიშნულია, რომ მუსიკა მ. ხაჩატრიანს ეკუთვნის.
გორის მუნიციპალიტეტის გამგეობის თანამშრომლებმა მუნიციპალიტეტის გამგებელს დავით ონიაშვილს სიმღერა მიუძღვნეს. ამის ამსახველი ვიდეომასალა შიდა ქართლის საინფორმაციო ცენტრს მიაწოდეს. ვიდეო 2016 წლის 15 იანვარს რესტორან ,,ნაჭარმაგევშია" გადაღებული. მუნიციპალიტეტის გამგეობა სრული შემადგენლობით ბედობას აღნიშნავდა. 2015 წლის დეკემბრის პრემიებიდან სულ ორი კვირაა გასული. ქეიფს მაჟორიტარი დეპუტატი, პარლამენტარი სოსო ვახტანგაშვილიც შეუერთდა. დარბაზში შესვლისას ფეხზე წამოუდგნენ. წყაროს ცნობით, ვახტანგაშვილმა მუნიციპალიტეტის გამგებელი დავით ონიაშვილი წარმატებული საქმიანობის გამო, შეაქო. ეს მაშინ, როდესაც 2015 წელს მუნიციპალიტეტის გამგეობამ 5 მლნ ლარზე მეტი ვერ აითვისა, ხოლო დამატებით ერთი მილიონი ლარი შემოსავლის სახით ზედმეტად გაუხარჯავი დარჩათ. რაც შეეხება სიმღერას, შინაარსი ასე გამოიყურება: ,,ბატონო გამგებელო ჩვენს გარეშე ძნელია როგორ როგორ როგორ ავაყვავოთ სოფელი? ეს ხომ ჩვენი მიზანია და ოცნება ცისფერი ჩვენო დიდი კარგო გამგეობის თავკაცო და გამგებლის მოადგილევ არასდროს არ დაივიწყო რომ კულტურის სამსახური სიმღერასაც გიმღერებთ სოფლის აშენებას სიმღერა სჭირდება ჰო და, ჩვენც გიმღერებთ"