17 016 575
ნახვა
8 085
ვიდეო
კურიერი 3 საათზე
5:40
გუგუტიანთკარში ოკუპაციის მასშტაბები ფართოვდება - ოკუპანტები ახალ მავთულხლართებს და რკინის კონსტრუქციებს ამონტაჟებენ
3 153 ნახვა აგვისტო 19, 2019

გუგუტიანთკარში ოკუპაციის მასშტაბები ფართოვდება - ამ წუთებში, საოკუპაციო რეჟიმის წარმომადგენლები რკინის ბოძების მონტაჟს დილიდან განაგრძობენ. შეიარაღებული, ნიღბიანი ჯარისკაცები, საინჟინრო ტექნიკით ამონტაჟებენ რკინის კონსტრუქციებს, სადაც ახალ რუსულ მავთულხლართებს და ბადეებს გაავლებენ. სამშენებლო მასალა და რკინის ბოძები ოკუპანტებმა სატვირთო მანქანებით დღეს დილით, დაახლოებით 11:00 საათზე მიიტანეს. ახალი მავთულხლართებს მიღმა უკვე მოექცა ერთ-ერთი ადგილობრივის, თინა ბერძენიშვილის ხეხილის ბაღი მოექცა. ადგილობრივები მედიასთან დეტალებზე არ საუბრობენ და ჟურნალისტებთან კომუნიკაციისგან თავს იკავებენ. ადგილზე იმყოფებიან ევროკავშირის სადამკვირვებლო მისიის წარმომადგენლები. გუგუტიანთკარში ჩავიდა გორის მერიც. კონსტანტინე თავზარაშვილი ე.წ. საზღვრის აღმნიშვნელ ბანერებთან მივიდა და რუს ჯარისკაცებთან გასაუბრება სცადა. როგორც მან ჟურნალისტებს განუცხადა, ჰკითხა რუს სამხედროებს სამუშაო გეგმების შესახებ, თუმცა გორის მერის თქმით, რუსმა ოკუპანტებმა უთხრეს მხოლოდ ის, რომ ბრძანებას ასრულებენ. გუგუტიანთკარში, სადაც რუსმა ოკუპანტებმა უკანონო ბორდერიზაციის პროცესი განაახლეს, ევროპარლამენტის დეპუტატი მარკეტს გრეგოროვა და ფონდ "თავისუფალი რუსეთი" წარმომადგენელი, იგორ კუროპტევი ​ჩავიდნენ. ისინი შექმნილ ვითარებას ადგილზე გაეცნენ.

1:45
1:52
დავით კირკიტაძე პატიმრობიდან განათავისუფლეს
11 027 ნახვა მაისი 31, 2019

„ნაციონალური მოძრაობის“ ერთ-ერთი ლიდერი დავით კირკიტაძე გაათავისუფლეს.გადაწყვეტილება გურჯაანის რაიონული სასამართლოს მოსამართლემ გამოაცხადა. პროკურატურამ მას საპროცესო შეთანხმება გაუფორმა. ბრალდების მხარემ გურჯაანის სასამართლოს მიმართა შუამდგომლობით, რომ კირკიტაძე იქნეს დამნაშავედ მიჩნეული და სასჯელის სახით შეეფარდოს 2-წლიანი პირობითი სასჯელი. საპროცესო გარიგების პირობებს დაეთანხმა ბრალდებული და მისი უფლებადამცველი. დავით კირკიტაძეს 16 დეკემბერს ველისციხის ინციდენტის დროს პოლიციელზე თავდასხმას, წინააღმდეგობის გაწევასა და შსს-ს კუთვნილი ტექნიკის დაზიანებას ედავებიან. დავით კირკიტაძის სასამართლო სხდომა ადვოკატების შუამდგომლობის საფუძველზე გაიხსნა. სასამართლოზე მოწმის სახით ჩვენება მისცა ბრალდებულმა. კირკიტაძის გამოკითხვა ბრალდების მხარის შუამდგომლობით მოხდა. პროკურორის კითხვაზე, აღიარებს თუ არა ის წარდგენილ ბრალდებას, დავით კირკიტაძემ უპასუხა, რომ ბრალს აღიარებს.

0:30
ავარია თბილისში - მარშალ გელოვანის აღმართზე 10-მდე ავტომობილი ერთმანეთს შეეჯახა
2 232 ნახვა თებერვალი 20, 2019

მარშალ გელოვანის აღმართზე 10-მდე ავტომობილი ერთმანეთს შეეჯახა. ერთ-ერთ მათგანს მოძარაობისას უკნიდან მეორე ავტომობილი დაეჯახა, რასაც მოჰყვა სხვა მანქანების შეჯახებაც. რამდენიმე ავტომანქანა ძლიერად დაზიანდა, თუმცა არავინ დაშავებულა. შემთხვევის ადგილზე საპატრულო პოლიციის რამდენიმე ეკიპაჟი იყო მობილიზებული.

1:08
მამაკაცი, რომელმაც ახალგაზრდა ქალი ელექტროშოკით გათიშა და შემდეგ გააუპატიურა, ბრალს აღიარებს
2 968 ნახვა იანვარი 11, 2019

მამაკაცი, რომელმაც მუხიანში ახალგაზრდა ქალი ელექტროშოკით გათიშა და იძალადა, დანაშაულს აღიარებს. 25 წლის რობი ალადაშვილს ბრალი გაუპატიურებასთან ერთად ელექტროშოკის გამოყენების გამო წაუყენეს. ძალადობის ფაქტზე დაკავებული პირი ველისციხის მკვიდრია. ოჯახის ინფორმაციით, ის დედაქალაქში ქირით ცხოვრობდა, თუმცა, დანაშაულის მიზეზებსა და მოტივზე ისინი არ საუბრობენ. მომხდარის დეტალებს იხსენებს თავად დაზარალებულიც. ახალგაზრდა ქალი ყვება, რომ უცნობმა პირმა, რომელიც მას ქუჩაში ღამით აედევნა, ელექტროშოკის ოთხი დარტყმით გათიშა და შემდეგ გააუპატიურა. „ზურგიდან თავს დამესხა და მარჯვენა მხარეს კისერზე ელექტროშიკი დარტყმა მომაყენა,. დავეცი მუხლებით, ხელების პარალიზება მოახდინა და სუნთქვა შემეკრა. გამათრია შენობასთან, რომელიც ბილიკზეა. ვუთხარი ხმას არ ამოვიღებ, არაფერი დამიშავოთქო, მაგრამ ზედიზედ კიდევ ორჯერ კიდევ მომაყენა დარტყმა და იძალადა. ძალადობის შემდეგ ვიგრძენი ფეხის ხმით, რომ გავიდა ცოტა ხნით ალბათ და უცბად წამოვხტი, მხოლოდ ხელები მქონდა პარალიზებული და გამოვიქეცი ბილიკისკენ, შველის სათხოვნელად. შემომხვდა გოგო და ვთხოვე დაერეკა 112-ში და ეს პიროვნება ამ დროს გაიქცა გლდანისკენ ქვევით,“ - ამბობს დაზარალებული. ახალგაზრდა ქალს ექსპერტიზა უკვე ჩაუტარდა. მის სხეულზე ძალადობის კვალია. დაზარალებული მოქალაქეებს სიფრთხილისკენ მოუწოდებს. შსს-ს ინფორმაციით, კი პოლიციამ ბრალდებული დანაშაულიდან რამდენიმე საათში დააკავა. სამართალდამცველებმა მისი საცხოვრებელი სახლის ჩხრეკისას ელექტრო შოკი და სხვა ნივთმტკიცებები ამოიღეს.

0:25
ავტოსაგზაო შემთხვევა ჭავჭავაძეზე - სასწრაფო დახმარების მძღოლს 5 ათასლარიანი გირაო შეეფარდა
1 698 ნახვა იანვარი 11, 2019

ავტოსაგზაო შემთხვევა ჭავჭავაძეზე - სასწრაფო დახმარების მძღოლს 5 ათასლარიანი გირაო შეეფარდა. მას გამოძიება სისხლის სამართლის კოდექსის 276-ე მუხლით გათვალისწინებულ დანაშაულს ედავებოდა, რომელიც სატრანსპორტო უსაფრთხოების ნორმების დარღვევას გულისხმობს, რამაც სიცოცხლის მოსპობა გამოიწვია. დანაშაული 4-დან 7 წლამდე პატიმრობას ითვალისწინებს. თუმცა, წარდგენილ ბრალს არ ეთანხმება ადვოკატი. მისი თქმით, აუცილებელია დამატებითი ექსპერტიზების ჩატარება. ავტოსაგზაო შემთხვევა ჭავჭავაძეზე რამდენიმე დღის წინ მოხდა. სასწრაფო დახმარების მანქანა, რომელსაც კლინიკაში პაციენტი გადაჰყავდა, გზის სავალი ნაწილიდან გადავიდა და მშენებლობაზე დასაქმებულებს შეეჯახა. დარტყმა იმდენად ძლიერი აღმოჩნდა, რომ ერთი ახალგაზრდა ადგილზევე გარდაიცვალა, ხოლო 12-მა სხეულის მძიმე დაზიანება მიიღო, მათ შორის მედპერსონალმაც.

4:41
ქვეყანაში გრიპის ვირუსს 15 ადამიანი ემსხვერპლა - H1N1 ვირუსით გარდაცვლილთა რიცხვი გაიზარდა - ვირუსს დღეს კიდევ ორი ადამიანი ემსხვერპლა
1 730 ნახვა იანვარი 11, 2019

ე.წ ღორის გრიპის კიდევ ერთი მსხვერპლი - H1N1 შტამის ვირუსით 28 წლის ჩოხატაურელი მამაკაცი გუშინ გარდაიცვალა. როგორც ცნობილია, ის ქუთაისის კლინიკაში 9 დღის განმავლობაში მართვით სუნთქვაზე იმყოფებოდა, თუმცა ექიმებმა მისი გადარჩენა ვერ შეძლეს. გარდაცვლილი ბიჭის მამა, გია ბერძენიშვილი "რუსთავი 2"-თან საუბრისას ამბობს, რომ ექიმებმა H1N1 შტამის ვირუსით გარდაცვალება დაადასტურეს. მისი თქმით, ვირუსი თანმდევი დაავადების გამო გართულდა, რადგან მის შვილს ეპილეფსია ჰქონდა. გარდაცვლილის მამის განცხადებით, როგორც კი მისი შვილი შეუძლოდ გახდა, ჩოხატაურიდან ქუთაისის კლინიკაში გადაიყვანეს, თუმცა მკურნალობის მიუხედავად, მისი გადარჩენა მედიკოსებმა ვეღარ შეძლეს. "მისი ფეხით ჩავიყვანე. ბავშვს ეპილეფსია ჰქონდა და მოერია ეს დაავადება. რეანიმაციაში იწვა პირველივე დღიდან. ექიმებს რაც შეეძლოთ, ყველაფერი გააკეთეს, ახალგაზრდა ბიჭები იყვნენ და თან გადაგვყვნენ. პრეტენზია მე არ მაქვს,"- განაცხადა გარდაცვლილის მამამ, გია ბერძენიშვილმა. დღეს დილით H1N1 ვირუსით შუახნის მამაკაცი გარდაიცვალა ბათუმშიც. შუახნის პაციენტი ბათუმის რეფერალურ საავადმყოფოში ლანჩხუთიდან გადაიყვანეს, თუმცა ექიმებმა მისი გადარჩენა ვერ შეძლეს. დეკემბრის თვიდან დღემდე H1N1-ით გარდაცვალების 15 შემთხვევა დადასტურდა. ფაქტი დღეს დაავადებათა კონტროლის სამსახურის ხელმძღვანელმა ოფიციალურად დაადასტურა.

2:48
''ახლა თქვენ, რომ მასწავლით ადამიანის უფლებებს, დაიქცა ეს ქვეყანა'' - ბესელია კილაძის დაპირისპირება
7 502 ნახვა დეკემბერი 27, 2018

შელაპარაკება ეკა ბესელიასა და სოფო კილაძეს შორის - ადამიანის უფლებების კომიტეტს თავმჯდომარემ ეკა ბესელიას უსაყვედურა, რომ ის კოლეგებს საუბრის საშუალებას არ აძლევს. „ახლა გავიგე რატომ გავიდა სალომე სამადაშვილი ამ კომიტეტიდან, რომ ამ კომიტეტის თავმჯდომარე არ აძლევს ხალხს ლაპარაკის უფლებას რიგის მიხედვით. ჩვენ მოგვწონს თუ არ მოგვწონს ადამიანის მოსაზრება, ადამიანის უფლებების კომიტეტში ასე არის თითოეულ ადამიანს ეძლევა აზრის გამოთქმის საშუალება,“-განაცხადა სოფო კილაძემ. ეკა ბესელიამ კი სოფო კილაძეს ურჩია ნუ ასწავლის მას ადამიანის უფლებების დაცვას. „კარგია ერთ პოზიციაზე, რომ ხართ თქვენ და სამადაშვილი მე ეს ძალიან მახარებს. ახლა თქვენ, რომ მასწავლით ადამიანის უფლებებს, დაიქცა ეს ქვეყანა“-განაცხადა ეკა ბესელიამ სოფო კილაძის განცხადებით, მისთვის გაუგებარია რატომ დაუკავშირეს ეკა ბესელიას იურიდიული კომიტეტის თავმჯდომარის თანამდებობიდან გადადგომა მოსამართლეთა შერჩევის პროცესს. მისი თქმით, ეკა ბესელიას წასვლის შესახებ მედია გაცილებით ადრე ლაპარაკობდა. „მოსამართლეების თემას რაც შეეხება, ჩვენ არ გვიმსჯელია გუნდში და არანაირი გადაწყვეტილება ამაზე არ არის. არ ყოფილა არანაირი სხდომა და ეს საკითხები ჩვენ არ განგვიხილია. რატომ ხდება წარმოჩენა ისე თითქოს ჩვენ რაღაც გადაწყვეტილება მივიღეთ და ამ გადაწყვეტილებას ვითომ ვაპარებთ საზოგადოებას. ეს არის აბსოლუტური ტყუილი. და კიდევ ერთი, ეკა ბესელიას თანამდებობიდან წასვლის თემაზე ჯერ კიდევ ჟურნალისტები მეკითხებოდნენ ორი -სამი თვის წინ და შეგიძლიათ დასერჩოთ Google-ში და ეგრევე ამოაგდებს სხვადასხვა სტატიებს. რატომ ხდება ამ საკითხის დაკავშირება მოსამართლეების თემასთან ეს გაუგებარია. ძალიან ნათელი არის ამ კონკრეტული თემების უკან რაც დგას,“-განაცხადა სოფო კილაძემ, რის შემდეგაც მან კომიტეტის სხდომა დატოვა. ეკა ბესელია კი კოლეგას იმ საკითხების გაჟღერებით დაემუქრა, რომელზეც ამ ეტაპამდე არ საუბრობდა. „ე.ი. შევედით ისეთ საინტერესო ფაზაში, რომ მე მეორე ეტაპს ძალიან ნაადრევად დავიწყებ და რაღაცეების მოყოლას დავიწყებ ახლა. რაც ახლა ცხადდებოდა და რაც ახლა გამჟღავნდა ხომ არ არის დაკავშირებული ამ პროცესთან ამაზე დავიწყოთ ლაპარაკები. და ეს როგორც ჩანს

4:38
წმინდა სინოდის სხდომა დასრულდა - უკრაინის ავტოკეფალიის საკითხზე გადაწყვეტილება ისევ არ არის მიღებული
2 523 ნახვა დეკემბერი 27, 2018

წმინდა სინოდის სამსაათიანი სხდომა დასრულდა. მთავარი თემა უკრაინის ავტოკეფალია და საქართველოს ეკლესიის პოზიცია იყო. სინოდის წევრების პოზიცია ორად არის გაყოფილი, ნაწილი მხარს უჭერს უკრაინის ეკლესიის ავტოკეფალიას, ნაწილი კი ამ საკითხს არ ეთანხმება. დღეს საბოლოო გადაწყვეტილება სინოდს არ მიუღია, საქართველოს ეკლესია მსოფლიო პატრიარქის განცხადებას ელოდება. „სინოდი სიფრთხილით მოეკიდა და მოვლენებს დაველოდებით. ეკლესია აუცილებლად დაუჭერს მხარს ყველა სამართლიან გადაწყვეტილებას და უკრაინელი ხალხის სწორ მოთხოვნას. იყო აზრთა სხვადასხვაობა. ამ თემაზე ვიმსჯელეთ,“- განაცხადა მეუფე ჭყონდიდის მიტროპოლიტმა, მეუფე პეტრე ცაავამ. წალკისა და დუშეთის მთავარეპისკოპოსის, მეუფე ზოსიმეს თქმით, ინავარში მსოფლიო პატრიარქის დადგენილება გამოქვეყნდება და შემდეგ საქართველოს საპატრიარქო რეაგირებას მოახდენს.

8:35
5 წელი და 3 თვე - ბუტა რობაქიძის საქმეზე გურამ დონაძეს პატიმრობა მიესაჯა
5 269 ნახვა დეკემბერი 18, 2018

სასამართლოს გადაწყვეტილებიტ, შს სამინისტროს პრესსამსახურის ყოფილ უფროსს პატიმრობა 5 წლითად და სამი თვით მიუსაჯეს. დონაძე სასამართლო დარბაზიში დააკავებენ. საქალაქო სასამართლომ გაიზიარა პროკურატურის პოზიცია და ჩათვალა, რომ შინაგან საქმეთა სამინისტროს საზოგადოებასთან ურთიერთობის სამსახურის ყოფილმა უფროსმა ბუტა რობაქიძის საქმესთან დაკავშირებით საკუთარ უფლებამოსილე

არხის ვიდეოების ძებნა