#ახალიამბები #მთავარი #მთავარიარხი
#ახალიამბები #მთავარი #მთავარიარხი
ისტორია იმის შესახებ, თუ როგორ დააჯარიმა პოლიციამ გურული პენსიონერი მამაკაცი იმის გამო, რომ საკუთარი სახლის წინ დანით ვაშლს ჭრიდა, მხოლოდ დასაწყისი აღმოჩნდა იმ აბსურდისა, რომელსაც ბოლო დღეებია თბილისის თუ სხვა ქალაქების ქუჩებში ვხედავთ. კანონმდებლობაში შეტანილი ცვლილებებით, ნებისმიერი დანის ტარება, თუნდაც მოლაშქრის ზურგჩანთის მიყრუებულ ჯიბეში იდოს, ან ავტომობილის საბარგულში, 500 ლარით დასჯადია. ამ ჯარიმაზე მონადირე სამართალდამცველები კი თბილისის ქუჩებში რეიდებს აწყობენ და ზურგჩანთიან მამაკაცებს ჩხრეკენ. ამ ყველაფრის გამართლებას ხელისუფალი დანაშაულთან ბრძოლის მოტივით ხსნის, არგუმენტების ძიების ნაცვლად კი საზოგადოებას იმგვარ აბსურდს სთავაზობს, რომლის მიხედვით ისტორიული იარაღის გამოფენაც კი დანაშაულის ტოლფასი ხდება. #ახალიამბები #მთავარი #მთავარიარხი
უკრაინის ყველაზე ლამაზი ქალაქის ისტორიული ნაწილი რუსულმა ჭურვებმა გაანადგურა. ოდესაზე გუშინ მიტანილი იერიშის შედეგად კულტურული მემკვიდრეობის სტატუსის მქონე 25 არქიტექტურული ძეგლია დაზიანებული ან აღდგენის მიღმა განადგურებული. მათ შორის დანგრეულია იუნესკოს დაცვის ქვეშ მყოფი ოდესის ფერისცვალების ტაძარი. ნიშანდობლივია, რომ ერთმორწმუნე რუსებმა არა მხოლოდ უკრაინულ ძეგლებს დაუშინეს რაკეტები, არამედ იმ ტაძარსაც კი რომელიც დღემდე იურიდიულად მოსკოვის საპატრიარქოს დაქვემდებარებაში რჩება. ასეთი იყო სწორედ ფერისცვალების ტაძარი, რომელიც რუსული ნეოიმპერიალიზმისთვის განსაკუთრებით ძვირფასი უნდა ყოფილიყო იმის გამოც, რომ იქ მიხეილ ვორონცოვია დამარხული, რომლის სახელსაც უკავშირდება კრემლის პროპაგანდის მიერ ხშირად გამოყენებული ტერმინი ნოვორასია. გუშინდელმა სასტიკმა ღამემ კიდევ ერთხელ აჩვენა, რომ ქრისტიანობის კრემლისეულ გაგებას საერთო არაფერი აქვს ღმერთთან, უფრო პირიქით. #ახალიამბები #მთავარი #მთავარიარხი
13 თვიანი უკანონო პატიმრობის შემდეგ ნიკა გვარამია საერთაშორისო ტრიბუნასთან ერთ-ერთი მთავარი სპიკერი აღმოჩნდა, რომელიც საქართველოს დღევანდელ პრობლემებსა და მათი დაძლევის გზებზე საუბრობს. ქართული ოცნების უკვე ყოფილ პოლიტპატიმარს ევროპული და უკრაინული მედია განსაკუთრებული ინტერესით ეკითხება კიდევ ერთი პოლიტპატიმრის, მიხეილ სააკაშვილის შესახებაც. სწორედ მესამე პრეზიდენტის პატიმრობამ და ჯანმრთელობის მძიმე მდგომარეობამ ნიკა გვარამია კიევში ჩაიყვანა, სადაც სააკაშვილის თავისუფლების საერთაშორისო მოძრაობა დაფუძნდა. #ახალიამბები #მთავარი #მთავარიარხი
ლარსის ხეობის გავლით, საქართველოსკენ რუსეთმა დე ფაქტო ახალი სამხედრო გზა უკვე გამოჭრა და საკუთარ ექსპანსიონიზმს აღარც კი მალავს. გასაგებია, რომ განსხვავებით 19-ე საუკუნის დასაწყისში გაყვანილი თავდაპირველი სამხედრო გზისა, ამ მაგისტრალზე ტანკების ნაცვლად ტრაილერები, და კომერციული ტვირთები, მათ შორის სანქცირებული საქონელი და რუსეთის მოქალაქეები იმოძრავებენ, მაგრამ ამ ყველა ინსტრუმენტს დღეს რუსეთის ნეოიმპერიული იდეოლოგია სწორედ იარაღად და საკუთარი მიზნების მიღწევის საშუალებად იყენებს. ტანკების ამ ახალ მაგისტრალზე შემოგრუხუნების საჭიროება ოკუპანტებს არც აქვთ, დიდ ხანია ეს ტანკები შიდა ქართლის მინდვრებსა და ენგურის მიდამოებთან ჰყავთ ჩაყენებული. რუსული პროპაგანდისტული მედიაც და ჩრდილოელი ჩინოვნიკებიც ბევრს საუბრობენ ლარსის მნიშვნელობაზე სანქციების ალყაში მოქცეული რუსული ეკონომიკისთვის. ამასობაში კი დასავლეთში უკვე ალაპარაკდნენ მეორად სანქციებზე, რომელიც ამ ეტაპზე ყირგიზეთს ემუქრება. მიზეზი სანქცირებული ტვირთების რუსეთში ექსპორტ-იმპორტია. საინტერესო კი ის არის, რომ საქართველო არა მხოლოდ რუსეთთან ზრდის ვაჭრობას, არამედ უკრაინაში ომის დაწყების დღიდან ნახტომისებური ზრდა ფიქსირდება ყირგიზეთთან ვაჭრობაშიც. ეს კი მხოლოდ ამძაფრებს ეჭვებს, რომ სანქციებისთვის თავის ასარიდებლად საქართველოსაც იყენებენ, რაც ერთიორად ზრდის რისკს, რომ დასანქცირებული ქვეყნების ჩამონათვალში საქართველოც მოხვდეს. #ახალიამბები #მთავარი #მთავარიარხი
#ახალიამბები #მთავარი #მთავარიარხი