WTA-ის ოფიციალური ვებ-გვერდის ცნობით, ზედიზედ მე-4 წელია, პოლონელი ჩოგბურთელი აგნეშკა რადვანსკა წლის საუკეთესო დარტყმის ავტორი ხდება. რადვანსკამ წლის საუკეთესო დარტყმის შესრულება "ინდიან-უელსის" ტურნირზე მონიკა ნიკულესკუსთან მოახერხა. 2016 წლის საუკეთესო დარტყმის ავტორი გამოკითხვამ გამოავლინა. რადვანსკამ ხმათა 62% მიიღო, სიმონა ჰალეპმა 21%, კირსტენ ფლიპკენსმა 10%, ხოლო კაროლინა ვოზნიაცკიმ 7%. www.europe-bet.com #სპორტი
ფეხბურთის ლეგენდა, არგენტინელი დიეგო მარადონა, ზაგრებში გამართულ "დევისის თასის" ფინალს დაესწრო. მატჩის მსვლელობისას მარადონა ემოციებს ვერ იკავებდა და არგენტინელ ჩოგბურთელებს მხურვალედ ამხნევებდა. შეგახსენებთ რომ ზაგრებში გამართულ "დევისის თასის" ფინალში გამარჯვება არგენტინელებმა, დაძაბულ ორთაბრძოლაში 3:2 იზეიმეს. www.europe-bet.com #სპორტი
ზაგრებში გამართულ "დევისის თასის" ფინალში, თითქოსდა განწირულმა არგენტინის ნაკრებმა რომელიც ხორვატებთან 2:1 აგებდნენ "ქამბექის" შესრულება და ისტორიაში პირველი მსოფლიო თასის მოპოვება შეძლო. ხუან მარტინ დელ პოტროსა და მარინ ჩილიჩის დაპირისპირება არგენტინელებისთვის მძიმე დაიწყო. სამხრეთ ამერიკელმა ზედიზედ 2 წაგებული სეტის შემდგომ, გამოფხიზლება და მატჩის შემობრუნება შეძლო და საბოლოო ანგარიში 6-7(4), 2-6, 7-5, 6-4, 6-3 დააფიქსირა. 2:2. "დევისის თასის" გამარჯვებულის გამოსავლენად კორტზე ფედერიკო დელბონისი და ივო კარლოვიჩი გავიდნენ. სტატისტიკიდან გამომდინარე უპირატესობა ხორვატის მხარეს იყო, პლიუს ამას "სახლის და გულშემატკივრების" ფაქტორიც, მაგრამ ყველასთვის მოულოდნელად არგენტინელმა ჩოგბურთელმა ძალიან მარტივად, სამ სეტში 6-3, 6-4, 6-2 დაამარცხა ივო კარლოვიჩი, რის საფუძველზეც სამხრეთ ამერიკელები ისტორიაში პირველ "დევისის თასს" დაეუფლნენ. www.europe-bet.com #სპორტი
ლონდონში წლის შემაჯამებელი ტურნირის გამარჯვებული ბრიტანელი ენდი მარეი გახდა, რომელმაც ნოვაკ ჯოკოვიჩის 30 უნებლიე შეცდომის დამსახურებით, ადვილად ორსეტიან ორთაბრძოლაში, 6:3 - 6:4 სძლია მეტოქეს. ენდიმ კარიერაში 44-ე ტიტული მოიპოვა. ამ გამარჯვებით მარეიმ 2 391 000$ გამოიმუშავა, ჯოკოვიჩმა – 1 261 000. მარეი 12 410 ქულით რეიტინგის სათავეში იმყოფება, ნოლე 11 780 ქულით მეორე ადგილზეა. #სპორტი
ლონდონში მიმდინარე წლის შემაჯამებელი ტურნირის ბ ჯგუფში მე-2 ადგილი კანადელმა მილოშ რაონიჩმა დაიკავა, რომელმაც ორსეტიან ორთაბრძოლაში 7:6 - 6:3 ავსტრიელი დომინიკ ტიმი დაამარცხა. მატჩი 1 საათსა და 32 წუთს გაგრძელდა. ნახევარფინალურ შეხვედრაში მილოშ რაონიჩი ა ჯგუფის პირველადგილოსანს შეხვდება, რომელიც დიდი ალბათობით ბრიტანელი ენდი მარეი იქნება. #სპორტი
ლონდონში მიმდინარე წლის შემაჯამებელი ტურნირის, ბ ჯგუფის, მე-2 ტურის შეხვედრაში, ავსტრიელმა დომინიკ ტიმმა, ფრანგ გაელ მონფილს, დაძაბულ სამსეტიან ორთაბრძოლაში 6:3 - 1:6 - 6:4 სძლია და ნახევარფინალში გასვლის შანსი შეინარჩუნა. შეგახსენებთ რომ ბ ჯგუფიდან პირველი ნახევარფინალური საგზური ნოვაკ ჯოკოვიჩმა უკვე გაინაღდა, მე-2 საგზურსის მფლობელს კი ავსტრიელ დომინიკ ტიმსა და კანადელ მილოშ რაონიჩს შორის გამარჯვებული გამოავლენს. მატჩი, ხვალ, 17 ნოემბერს, ღამის 00:00 საათზეა ჩანიშნული. #სპორტი
წლის შემაჯამებელი ტურნირის, ბ ჯგუფის მე-2 მატჩში, მსოფლიო რეიტინგის მეორე ჩოგანმა, ნოვაკ ჯოკოვიჩმა კანადელი მილოშ რაონიჩი დაძაბულ ორსეტიან ორთაბრძოლაში, 7:6 - 7:6 დაამარცხა და ნახევარფინალის საგზური გაინაღდა. ბოლო, მე-3 ტურში, ნოვაკ ჯოკოვიჩის მეტოქე გაელ მონფილსი იქნება, ხოლო ბ ჯგუფის მე-2 ადგილოსნის ბედი დომინიკ ტიმისა და მილოშ რაონიჩის შეხვედრაში გადაწყდება. #სპორტი
მსოფლიო რეიტინგის ახალმა ლიდერმა, ენდი მარეიმ ლონდონში მიმდინარე წლის შემაჯამებელი ტურნირი ხორვატ მარინ ჩილიჩთან გამარჯვებით დაიწყო. გამოცდილმა ბრიტანელმა, ხორვატი მეტოქე ორ სეტში 6:3, 6:2 დაამარცხა და ზედიზედ მე-20 გამარჯვება იზეიმა. შეგახსენებთ, რომ ATP-ის წლის შემაჯამებელი ტურნირის საპრიზო ფონდი 7 500 000 დოლარს შეადგენს. #სპორტი
ლონდონში მიმდინარე წლის შემაჯამებელი ტურნირი A ჯგუფის შეხვედრებით გაგრძელდა. იაპონელ კეი ნიშიკორისა და შვეიცარიელი სტენ ვავრინკას შორის გამარჯვებული ორ სეტში გამოვლინდა. ნიშიკორიმ ადვილად, 6:2, 6:3, დაამარცხა მეტოქე და ჯგუფიდან გასასვლელად მყარი ნაბიჯი გადადგა. #სპორტი
ზედიზედ მესამე წელია "ფედერაციის თასს" ჩეხეთის ქალთა ნაკრები იგებს. სტრასბურგში გამართულ ფინალში, ჩეხეთის ნაკრებმა მასპინძელი საფრანგეთის ნაკრები 2:3 დაამარცხეს. გამარჯვებულის გამოსავლენად ორი დღე გახდა საჭირო. 2:2-ზე გადამწყვეტ მეხუთე შეხვედრაში ერთმანეთს კრისტინა მლადენოვიჩი-კაროლინა გარსიას ფრანგული წყვილი საჰლაჰოვა-სტრიკოვა-კარლონია პლისკოვას დუეტს დაუპირისპირდა. მატჩი ჩეხებმა 7:5, 7:5 მოიგეს. ჩეხეთის ნაკრები "ფედერაციის თასს" ზედიზედ მესამედ, ხოლო ისტორიაში მეათედ დაეუფლა. #სპორტი
ლონდონში მიმდინარე წლის შემაჯამებელი ტურნირის, B ჯგუფის მე-2 შეხვედრაში, ფრანგი გაელ მონფილსი კანადელ მილოშ რაონიჩს დაუპირისპირდა. ორსეტიან (3:6 - 4:6) ორთაბრძოლაში გამარჯვება კანადელს დარჩა, რომელიც ამ სიტუაციისთვის ჯგუფში პირველ ადგილზე მოექცა, რადგან ნოვაკ ჯოკოვიჩმა დომინიკ ტიმთან სეტი წააგო. B ჯგუფი: ნოვაკ ჯოკოვიჩი - დომინიკ ტიმი 2:1 გაელ მონფილსი - მილოშ რაონიჩი 0:2 1. მილოშ რაონიჩი 2. ნოვაკ ჯოკოვიჩი 3. დომინიკ ტიმი 4. გაელ მონფილსი B ჯგუფის მომდევნო შეხვედრები, ხვალ 15 ნოემბერს შედგება. ჯოკოვიჩი კანადელ რაონიჩს დაუპირისპირდება, შესაბამისად დომინიკ ტიმს წინააღმდეგობას ფრანგი გაელ მონფილსი გაუწევს. #სპორტი
ლონდონში წლის შემაჯამებელი ტურნირი, მსოფლიოს მე-2 ჩოგან ნოვაკ ჯოკოვიჩისა და დებიუტანტ დომინიკ ტიმის შეხვედრით დაიწყო. მატჩის გამარჯვებულის გამოვლენას 2 საათი და 5 წუთი დაჭირდა. პირველ სეტში, ტაიბრეიკზე განცდილი მარცხის შემდგომ, სერბმა ჩოგბურთელმა ძალები მოიკრიბა და ახალგაზრდა ტიმი უშანსოდ 6:7(10), 6:0, 6:3 დაამარცხა. #სპორტი
ბრიტანელი ენდი მარეი კარიერაში პირველად მსოფლიო პირველი ჩოგბურთელი გახდა. ენდის გაპირველების უმთავრესი მიზეზი, პარიზის მასტერსიდან მსოფლიო ყოფილი პირველი ჩოგბურთელის ნოვაკ ჯოკოვიჩის 1/4 ფინალური შეხვედრიდან გამოვარდნა გახლდათ. სერბი ჩოგბურთელი აღნიშნული ტურნირის შარშანდელი ჩემპიონი გახლდათ და მოპოვებული 1000 ქულა დასაცავი ჰქონდა. რაც ნოვაკმა ვერ მოახერხა, ის მარეიმ შეძლო და მოიგო პარიზის მასტერსი. ბრიტანელმა ჩოგბურთელმა ამერიკელი ჯონ ისნერი 6:3, 6:7, 6:4 დაამარცხა.ამ დროისთვის ენდი 11 185 ქულით პირველ ადგილზეა, ხოლო ნოვაკს 10 780 ქულა აქვს. აღსანიშნავია რომ ენდი მარეიმ პარიზის ტურნირის მოგება კარიერაში პირველად შეძლო. ბრიტანელმა ჩოგბურთელმა კარიერაში 14-ე მასტერსს მოუყარა თავი. #სპორტი
"პარიზის მასტერსის" 1/32 ფინალში, ესპანელ ფერნანდო ვერდასკოს მე-2 სეტში, ჰოლანდიელმა მეტოქემ, რობინ ჰაასიმ მატჩი გადაღლილობის გამო შეუწყვიტა. პირველი სეტი ვერდასკოს გამარჯვებით 6:3 დასრულდა, ხოლო მე-2 სეტში როდესაც ანგარიში ესპანელის სასარგებლოდ 3:2 იყო, ჰოლანდიელმა ჩოგბურთელმა მატჩის გაგრძელება ვეღარ შეძლო. #სპორტი
ბაზელში მიმდინარე "Swiss Indoor Open"-ის გათამაშების ფინალში, ხორვატმა მარინ ჩილიჩმა, ორსეტიან ორთაბრძოლაში, 6:1 - 7:6 დაამარცხა იაპონელი კეი ნიშიკორი რითაც ATP-ის რეიტინგის ათეულში შეაბიჯა. მარინ ჩილიჩმა კარიერაში მე-16, ხოლო მიმდინარე სეზონში მე-2 ტიტულის მოგება შეძლო. შეგახსენებთ რომ ორი თვის უკან, ხორვატმა სპორტსმენმა, ცინცინატის ღია პირველობის ფინალში შოტლანდიელი ენდი მარეი დაამარცხა. აქამდე ATP-ის რეიტინგის მე-10 პოზიციას, ტომაშ ბერდიხი იკავებდა, მაგრამ ნიკოლოზ ბასილაშვილთან განცდილი მარცხის შემდგომ გერმანელმა ადგილი ხორვატ სპორტსმენს დაუთმო. მარინ ჩილიჩმა ბაზელის ტურნირის მოგებით 500 სარეიტინგო ქულისა და 387100 ევროს გამომუშავება შეძლო. #სპორტი
ენდი მარეიმ ვენის ტურნირის ფინალში ჟო–ვილფრიდ ცონგას 6:3, 7:6 მოუგო. აღსანიშნავია რომ შოტლანდიელმა სპორტსმენმა ერთმანეთის მიყოლებით მე-3 ტურნირის მოგება შეძლო. მარეისა და ცონგას დაპირისპირება 1 საათსა და 50 წუთს გაგრძელდა. მარეიმ საჩოგბურთო კარიერის განმავლობაში 42-ე ტიტულის მოგება შეძლო. ვენაში გამარჯვებით კი 500 სარეიტინგო ქულა და 428 800 დოლარი გამოიმუშავა #სპორტი
ჟილ სიმონთან მატჩის მიმდინარეობისას, ბრიტანელმა ჩოგბურთელმა ენდი მარიმ თავის ჩაწოდებაზე ეისი გააკეთა. კორტიდან ასხლეტილი ბურთი პირველ რიგში მჯდომ გულშემატკივარს მოხვდა. მარი ძალიან შეწუხდა, მთელი კორტი გადაიარა, ტრიბუნასთან მივიდა და გულშემატკივარს ბოდიში პირადად მოუხადა. #სპორტი
ბაზელში მიმდინარე „Swiss Indoors”-ის ტურნირის 1/8 ფინალში, მსოფლიო რეიტინგის მე-3 ჩოგანმა, ტურნირის მასპინძელმა, შვეიცარიელმა სტენ ვავრინკამ დაძაბულ სამსეტიან ორთაბრძოლაში, 7:6 - 6:7 - 6:4 დაამარცხა ამერიკელი, მსოფლიო რეიტინგის 83 ჩოგანი დონალდ იანგი. 1/4 ფინალში, ბაზელში მიმდინარე ტურნირზე პირველ ნომრად განთესილი ვავრინკა, გერმანელ მიშა ზვერევს შეხვდება, რომელმაც თავის მხრივ 1/8 ფინალში გუიდო პელას ორსეტიან ორთაბრძოლაში სძლია. მატჩი დღეს, 28 ოქტომბერს, თბილისის დროით 21:00 საათზეა ჩანიშნული, მაგრამ დაწყების დრო შეიძლება შეიცვალოს. #სპორტი
ბაზელში მიმდინარე „Swiss Indoors”-ის ტურნირის 1/8 ფინალში, მსოფლიო რეიტინგის მე-5 ჩოგანმა, იაპონელმა კეი ნიშიკორიმ, ადვილად, ორსეტიან ორთაბრძოლაში 7:6 - 6:2 დაამარცხა იტალიელი, მსოფლიო რეიტინგის 35-ე ჩოგანი პაოლო ლორენცი. იაპონელი ჩოგბურთელი 1/4 ფინალში, დევიდ გოფინსა და ხუან მარტინ დელ პოტროს შორის გამარჯვებულს დაუპირისპირდება. #სპორტი
ბაზელში მიმდინარე „Swiss Indoors”-ის ტურნირის 1/16 ფინალში, შვეიცარიული დაპირისპირება შედგა. სტენ ვავრინკამ წაგებული პირველი სეტის შემდგომ შეძლო და ზედიზედ ორი სეტი მოუგო მარკო ჩიუდინელის და საბოლოო შედეგი 6:7 - 6:1 - 6:4 დააფიქსირა. 1/8 ფინალურ შეხვედრაში, სტენ ვავრინკას მეტოქე ამერიკელი დონალდ იანგი იქნება, რომელმაც თავის მხრივ უკრაინელ ილია მარჩენკოს ადვილად, ორსეტიან ორთაბრძოლაში ძლია. #სპორტი
ავსტრიის დედაქალაქ ვენაში მიმდინარე "Erste Bank Open"-ის 1/16 ფინალურ შეხვედრაში, საქართველოს პირველმა ჩოგანმა - ნიკოლოზ ბასილაშვილმა მსოფლიო რეიტინგის მე-10 ჩოგანი, გერმანელი ტომაშ ბერდიხი დაძაბულ სამსეტიან ორთაბრძოლაში 6:4 – 6-7 – 7:5 დაამარცხა და ისტორიული გამარჯვება იზეიმა. ქართველმა სპორტსმენმა, პირველად კარიერაში, 2 საათსა და 36-წუთიან ორთაბრძოლაში, ტოპ 10-ის ჩოგბურთელი დაამარცხა. 1/8 ფინალში გასვლით ნიკოლოზმა უკვე შეძლო 45 სარეიტინგო გულის მოპოვება, ხოლო თუკი ¼ ფინალში გავა, 90 სარეიტინგო ქულასაც მოუყრის თავს. 1/8 ფინალში ბასილაშვილის მეტოქე რუსი კარენ ხაჩანოვი იქნება, რომელთანაც ჩვენს თანამემამულეს დადებითი სტატისტიკა აქვს, ორი ჩატარებული შეხვედრიდან - ორივე მოგებული. მატჩი 27 ოქტომბერს, თბილისის დროით 13:00 საათზეა ჩანიშნული, მაგრამ სრულებით შესაძლებელია რომ დაწყების დრო შეიცვალოს. #სპორტი
ბელგიაში, ანტვერპში მიმდინარე ევროპის პირველობის ATP რანგის 250-ქულიანი ტურნირის გამარჯვებული ფრანგი რიშარ გასკე გახდა, რომელმაც ორსეტიან ორთაბრძოლაში 7:6 – 6:1 დაამარცხა არგენტინელი დიეგო შვარცმანი. ფრანგმა ჩოგბურთელმა კარიერაში მე-14, ხოლო მიმდინარე წელს მე-2 ATP-ს რანგის ტურნირის მოგება შეძლო. შეგახსენებთ, რომ რიშარ გასკემ მიმდინარე წლის თებერვალში მონპელიეს ტურნირის მოგებაც შეძლო. #სპორტი
პაბლო კარენო ბუსტამ ტრამვა მოიშუშა და მოსკოვში მიმდინარე „ვითიბი კრემლის თასის“ ფინალში, იტალიელი ფაბიო ფონინის სამსეტიან დაძაბულ ორთაბრძოლაში დამარცხებით, კარიერაში მე-2 ATP-ს რანგის ტიტულის მოგება შეძლო. აღსანიშნავია რომ 25 წლის ესპანელმა სპორტსმენმა, რომელიც ბარსელონაშია დაბადებული, კარიერაში მოპოვებული ორივე ATP-ს რანგის ტიტულის მოგება მიმდინარე სეზონში შეძლო. შეგახსენებთ, რომ აგვისტოს თვეში, კარენო ბუსტამ თანამემამულე ბაუტისტა აგუტის დამარცხებით „უინსტონ-სალემ ოუფენის“ ტიტულის მოგებაც შეძლო. პაბლო კარენო ბუსტა მე-3 ესპანელი ჩოგბურთელი გახდა, რომელმაც მიმდინარე სეზონში ორი ტიტულის მოგება შეძლო. მის მსგავსად, 2016 წელს, ესპანელი გულშემატკივრების გახარება ორი ტიტულით რაფაელ ნადალმა (მონტე-კარლო, ბარსელონა) და ბაუტისტა აგუტმა (ოკლენდი, სოფია) შეძლეს. მიმდინარე სეზონში, ესპანელებმა საერთო ჯამში 10 ტიტულის მოგება შეძლეს, რაც სხვა ეროვნების სპორტსმენების მიერ მოპოვებულ ტიტულებს აღემატება. #სპორტი
ხანგძლივი, 33-თვიანი პაუზის შემდეგ, არგენტინელმა ხუან მარტინ დელ პოტრომ კარიერაში მე-19 ტიტულის მოგება სტოკჰოლმში, ამერიკელი ჯეკ სოკის ორსეტიან ორთაბრძოლაში - 7:5 – 6:1 დამარცხებით შეძლო. #სპორტი
ბაზელში მიმდინარე „Swiss Indoors”-ის ტურნირის 1/16 ფინალში, ხორვატმა მარინ ჩილიჩმა რუს მიხაილ იუჟნის, ადვილად, ორსეტიან ორთაბრძოლაში 6:4 – 6:2 მოუგო. ხორვატი სპორტსმენი 1/8 ფინალურ შეხვედრაში ესპანელ ფერნანდო ვერდასკოსა და მის თანამემამულე პაბლო კარენო ბუსტას შორის გამარჯვებულს შეხვდება. ესპანელების პაექრობა 26 ოქტომბერს, თბილისის დროით 14:00 საათზეა ჩანიშნული, მაგრამ სრულებით შესაძლებელი,ა რომ დაწყების დრომ გადაიწიოს. #სპორტი
"შანხაი როლექს მასტერსის" 2016 წლის გათამაშების გამარჯვებული ბრიტანელი, მსოფლიო რეიტინგის მე-2 ჩოგანი ენდი მარეი გახდა, რომელმაც კარიერაში 41-ე და მასტერსის მე-13 ტურნირი მოიგო. ენდიმ ფინალში რობერტო ბაუტისტა-აგუტი ორ სეტში, საკმაოდ ადვილად 7-6, 6-1 დაამარცხა. ბრიტანელმა შანხაის მასტერსის მოგება, კარიერაში მე-3 შეძლო (2010, 2011, 2016). მ გამარჯვებით ბრიტანელმა 1000 სარეიტინგო ქულა და 1 043 375 ამერიკული დოლარი მოიპოვა. #სპორტი
„შანხაი როლექს მასტერსის“ 1/8 ფინალში, მსოფლიოს მე-2 ჩოგანმა, ბრიტანელმა ენდი მარეიმ, ადვილად ორსეტიან ორთაბრძოლაში 6:1 – 6:3 დაამარცხა ფრანგი ლუკას პუილი. ¼ ფინალში ენდი მარეი ბელგიელ, მსოფლიოს მე-12 ჩოგანს დევიდ გოფინს შეხვდება, რომელმაც სამსეტიან ორთაბრძოლაში 1:2 დაამარცხცა გაელ მონფილსი. #სპორტი
„შანხაი როლექს მასტერსის“ ¼ ფინალურ შეხვედრაში ესპანელმა ბაუტისტა-აგუტმა, ფრანგ ჯო-ვილფრიდ ცონგას ორსეტიან ორთაბრძოლაში 6:3 – 6:4 მოუგო. „შანხაი როლექს მასტერსის“ ნახევარფინალურ შეხვედრაში ესპანელი ჩოგბურთელი სერბ, მსოფლიოს პირველ ჩოგანს ნოვაკ ჯოკოვიჩს შეხვდება. #სპორტი
"შანხაი როლექს მასტერსის" 1/16 ფინალურ დაპირისპირებაში სადაც ერთმანეთს კანადელი ვასეკ პოსპიშილი და ბულგარელი გრიგორ დიმიტროვი ხვდებოდნენ ბურთის მომწოდებელი ჩინელი ბიჭუნა დაშავდა. პოსპიშილის უძლიერესი ჩაწოდება ბიჭუნას მუცლის არეში მოხვდა, მან ტირილი დაიწყო, გრიგორმა მატჩი გააჩერა, ბიჭუნასთან მიირბინა, "მანჟეტი" საჩუქრად გადასცა და გაამხნევა. #სპორტი
"შანხაი როლექს მასტერსის" 1/16 ფინალურ შეხვედრაში, ბრიტანელმა, მსოფლიო რეიტინგის მე-2 ჩოგანმა, ენდი მარეიმ, ამერიკელ სტივ ჯონსონს ადვილად ორ სეტიან ორთაბრძოლაში 6:3 - 6:2 მოუგო. #სპორტი
"შანხაი როლექს მასტერსის" 1/8 ფინალურ შეხვედრაში ფრანგმა ჯო-ვილფრიდ ცონგამ, გერმანელ ალექსანდრე ზვერევს, დაძაბულ სამსეტიან ორთაბრძოლაში 6:7 - 6:2 - 7:5 მოუგო. ფრანგ სპორტსმენს მეოთხედფინალში ესპანელი ბაუტისტა აგუტი დაუპირისპირდება რომელმაც თავის მხრივ ორსეტიან ორთაბრძოლაში სერბ ვიქტორ ტროიცკის მოუგო. #სპორტი
"შანხაი როლექს მასტერსის" 1/16 ფინალურ მატჩში დღის პირველი სენსაცია ავსტრალიელი ნიკ კირგიოსის, გერმანელ მიშა ზვერევთან ორსეტიან ორთაბრძოლაში, 3:6 - 1:6 მარცხი გახლდათ. მიუხედავად მარცხისა კირგიოსმა არაერთი ეფექტური ეპიზოდით დაგვამახსოვრა თავი. მიშა ზვერევის მეტოქე 1/8 ფინალურ შეხვედრაში ესპანელი გრანოლერს-პუიოლი იქნება, რომელმაც აგრეთვე ყველასთვის მოულოდნელად ტომაშ ბერდიხი დაამარცხა. #სპორტი
ჩინეთში, კერძოდ შანხაიში სტარტი აიღო "შანხაი როლექს მასტერსის" 1000 სარეიტინგო ქულიანმა საჩოგბურთო ტურნირმა. მსოფლიოს ნომერ პირველმა ჩოგანმა, ნოვაკ ჯოკოვიჩმა ადვილად, ორ სეტიან ორთაბრძოლაში, 6:3 - 6:3 დაამარცხა იტალიელი ფაბიო ფონინი. მიუხედავად განცდილი მარცხისა, მსოფლიო რეიტინგის 50-ე ჩოგანმა არაერთი ლამაზი ეპიზოდით დაგვამახსოვრა თავი. #სპორტი
"შანხაი როლექს მასტერსის| 1/16 ფინალურ შეხვედრაში ერთმანეთს გერმანელი ალექსანდერ ზვერევი და მარიან ჩილიჩი დაუპირისპირდნენ. მიუხედავად პირველ სეტში განცდილი მარცხისა, გერმანელმა სპორტსმენმა ძალები მოიკრიბა და ზედიზედ ორი სეტი მოუგო ხორვატს, რითაც საბოლოო ანგარიში 3:6 - 6:3 - 6:2 დააფიქსირა. 1/8 ფინალურ შეხვედრაში ალექსანდრე ზვერევის მეტოქე ფრანგი, მსოფლიო რეიტინგის მე-13 ჩოგანი, ცონგა იქნება, რომელმაც ორსეტიან ორთაბრძოლაში იანკო ტიპსარევიჩი დაამარცხა. #სპორტი
"შანხაი როლექს მასტერსის" 2016 წლის გათამაშების 1/16 ფინალურ დაპირისპირებაში, ამერიკელმა ჯეკ სოკმა, სამსეტიან დაძაბულ ორთაბრძოლაში 3:6 - 6:4 - 4:6 დაამარცხა ესპანელი ფელისიანო ლოპესი. 1/8 ფინალურ დაპირისპირებაში ამერიკელ სპორტსმენს კანადელი, მსოფლიო რეიტინგის მე-6 ჩოგანი, მილოშ რაონიჩი დაუხვდება, რომელმაც იტალიელი პაოლო ლორენცი დაამარცხა 6:2 - 6:4. #სპორტი
"შანხაი როლექს მასტერსის" 2016 წლის გათამაშების 1/16 ფინალურ მატჩში, შვეიცარიელმა, მსოფლიო რეიტინგის მე-3 ჩოგანმა, სტენ ვავრინკამ, ორსეტიან ორთაბრძოლაში, 6:3 - 6:4 დაამარცხა ბრიტანელი კაილ ედმუნდი. ვავრინკას მეტოქე 1/8 ფინალურ შეხვედრაში ფრანგი გაელ სიმონი იქნება, რომელმაც ჩინელი დი ვუ ორსეტიან ორთაბრძოლაში გამოთიშა ასპარეზობას. #სპორტი
ამერიკის ღია პირველობის წლევანდელი გამარჯვებული სტენ ვავრინკა გახდა. შვეიცარიელმა ჩოგბურთელმა ფინალურ შეხვედრაში ნოვაკ ჯოკოვიჩი დაამარცხა.
5 - ანჟელიკა კერბერი 4 - კაროლინ გარსია/კრისტინა მლადენოვიჩი 3 - სერენა უილიამსი 2 - ანჟელიკა კერბერი 1 - ნიკოლა მაჰუ/პიერ-ჰიუგეს ჰერბერტი
5 - კაროლინა პლისკოვა 4 - სიმონა ჰალეპი 3 - კეი ნიშიკორი 2 - სერენა უილიამსი 1 - ხუან მარტინ დელ პოტრო
ამერიკის ღია პირველობის მეოთხედფინალური ეტაპი საკმაოდ სანახაობრივი გამოდგა. 5 საუკეთესო გათამაშებაში მოხვდნენ გაელ მონფილსი, ანჟელიკა კერბერი, ლუკას პუილე და ნოვაკ ჯოკოვიჩი.
ამერიკის ღია პირველობა გადამწყვეტ ფაზაში შედის. მერვედფინალური შეხვედრების 5 ტოპ-გათამაშების მთავარი გმირები არიან: 5 - კარლა სუარეზ ნავარო 4 - ივო კარლოვიჩი 3 - კაროლინა პლისკოვა 2 - სიმონა ჰალეპი 1 - ენდი მარი
გრძელდება ამერიკის ღია პირველობა. წინსვლას აგრძელებენ ლიდერები - ნადალი, ჯოკოვიჩი, მონფილსი და სხვები. ჩემპიონატი სანახაობრივადაც ძალიან საინტერესოა.
გაელ მონფილსმა ამერიკის ღია პირველობის მორიგი ტურის მატჩში მორიგი შოუ აჩვენა.
ამერიკის ღია პირველობის პირველი ტურის შეხვედრის მიმდინარეობისას, სადაც გაელ მონფილსი ჯილ მიულერს ეთამაშებოდა, თამაშის ეშხში შესულმა მონფილსმა ვერ მოზომა - ჯერ კორტისა და ტრიბუნის გამყოფ კედელს შეასკდა, მერე კი, კორტზე დამონტაჟებული საათი დალეწა. საათი ნაწილებად დაიშალა. მონფილსმა თამაში 4 სეტში მოიგო.
ამერიკის ღია პირველობა დაიწყო. საინტერესოდ ჩაიარა პირველმა სათამაშო დღემ. ლიდერებმა დაგეგმილი გამარჯვებები მოიპოვეს.
ცინცინატში მიმდინარე Western And Southern Open-ის მასტერსის ნახევარფინალში ხორვატმა მარინ ჩილიჩმა, ბულგარელი გრიგორ დიმიტროვი დაძაბულ სამ სეტიან ორთაბრძოლაში 4:6, 6:3, 7:5 დაამარცხა. ხორვატი სპორტსმენი ფინალში რიოს 2016 წლის ოლიმპიადის ოქროს მედალოსან და მსოფლიო რეიტინგის მე-2 ჩოგანს ენდი მარეის შეხვდება. ურთიერთშეხვედრებში უპირატესობა ბრიტანელის მხარესაა 11-3. მატჩი თბილისის დროით 00:00 საათზე დაიწყება.
Western and Southern Open-ის მასტერსის ორ გზის ჩემპიონმა (2008 - 2011) ბრიტანელმა ენდი მარეიმ, კანადელი მილოშ რაონიჩი ორ სეტიან ორთაბრძოლაში 6:3, 6:3 დაამარცხა. მიუხედავად იმისა რომ მილოშ რაონიჩს სამი ბრექპოინტი ჰქონდა, ენდიმ ის მაინც უშანსოდ დატოვა და გამარჯვება იზეიმა. ოლიმპიური ოქროს მედლის მფლობელ მარეის ფინალში მარინ ჩილიჩი შეხვდება, რომელმაც დაძაბულ სამ სეტიან ორთაბრძოლაში, 4:6, 6:3, 7:5 დაამარცხა გრიგორ დიმიტროვი. ენდი მეარი და მილოშ რაონიჩი აქამდე 14-ჯერ შეხვდნენ ერთმანეთს, აქიდან 11 გამარჯვება ბრიტანელმა იზეიმა, ხოლო 3 ხორვატმა. ფინალური შეხვედრა თბილისის დროით 00:00 საათზე დაიწყება.
ცინცინატში მიმდინარე Western And Southern Open-ის მასტერსის ნახევარფინალში, მსოფლიო რეიტინგის მე-2 ჩოგანმა, ანჟელიკა კერბერმა, მსოფლიო რეიტინგის მე-4 ჩოგანი, სიმონა ჰალეპი ორ სეტიან ორთაბრძოლაში 6:3, 6:4 დაამარცხა. გერმანელი სპორტსმენის მეტოქე, Western And Southern Open-ის ფინალში ჩეხი, მსოფლიო რეიტინგის მე-17 ჩოგანი, კაროლინა პლისკოვა იქნება. თუკი კერბერი შეძლებს პლისკოვას დამარცხებას, ის 1000 სარეიტინგო ქულის გამომუშავებას შეძლებს, რითაც გადაასწრებს სერენა უილიამს და მსოფლიო რეიტინგის პირველი ჩოგანი გახდება. ფინალური მატჩი თბილისის დროით 22:00 საათზე დაიწყება.