ევროპა ლიგის 1/16 ფინალში "ნიცა" მოსკოვში "ლოკომოტივს" ეთამაშება და შესაბამისად, რუსეთის დედაქალაქში მარიო ბალოტელიც იმყოფება. იტალიელმა წითელ მოედანზე გაისეირნა და ვლადიმირ პუტინის ძებნაც დაიწყო...
#სპორტი #DailySport #Sport
#სპორტი #DailySport #Sport
საინტერესოა, როგორ შეიძლება მივიზიდოთ მომხმარებლის თვალი ისეთი პროდუქტისკენ, როგორიც სამგზავრო ჩემოდანია? American Tourister-მა სარეკლამო კამპანიაში კრიშტიანუ რონალდუს ჩართვა გადაწყვიტა და ცნობილი ფეხბურთელის დახმარებით მიიქცია ყურადღება. სიუჟეტის თანახმად, კრიშტიანუ რონალდუ თავის ყვითელ, მიმზიდველ ჩემოდანთან განშორებას, თვითმფრინავის საბარგულით მგზავრობას ამჯობინებს. კომპანიამ თავისი პროდუქციის ვიდეორგოლი სააგენტო TBWA-სთან თანამშრომლებით მოამზადა.
#სპორტი #DailySport #Sport
#სპორტი #DailySport #Sport
#სპორტი #DailySport #Sport
#სპორტი #DailySport #Sport
ყაზახური ”ტობოლი” თურქეთში, მოსამზადებელ ეტაპზე რუსეთის პრემიერლიგელ მახაჭყალის ”ანჟის” შეხვდა და 0:1 თამაშის დასასრულს მოედანზე ჩხუბი მოხდა, რომლის მთავარი გმირიც ჯაბა კანკავა იყო. საქართველოს ნაკრების კაპიტანს ”ანჟის” ფეხბურთელთან, არსენ ხუბულოვთან კონფლიქტი მოუვიდა, რომელმაც ქართველს შეურაცხყოფა მიაყენა, კანკავამ კი თავი ვერ შეიკავა და სახეში მუშტი ჩაარტყა. საინტერესოა, რომ ამ დროს სტადიონზე საქართველოს ნაკრების სამი წევრი იმყოფებოდა – ”ანჟის” სასტარტო შემადგენლობაშჳ ითამაშა გიორგი ლორიამ, ნიკა კვეკვესკირმა კი ”ტობოლში” – ორივე მოჩხუბართა გაშველებას ცდილობდა და კონფლიქტი მალე ჩააცხრა, თუმცა კანკავა და ხუბულოვი მოედნიდან გააძევეს.
რაგბის ზელანდიელი ვარსკვლავი სონი ბილი შვილს ქართულად "დედას" დაძახებას ასწავლის
#სპორტი #DailySport #Sport
ბელორუს ჩოგბურთელ ქალს ავსტრალიელმა მაყურებელმა კვნესაში გასცინა. Australian Open-ის მატჩზე არინა სობოლენკო ეშლი ბარტის წინააღმდეგ ასპარეზობდა, რა დროსაც პაროდიის "მსხვერპლი" გახდა.
ესპანური საფეხბურთო კლუბ "ლუგოს" მეკარემ საკუთარი ნახევრიდან, დაახლოებით 65-70 მეტრის მანძილიდან ხიხონის "სპორტინგს" ულამაზესი გოლი გაუტანა. "ლუგომ" მეტოქე 3-1 დაამარცხა.
ლეგენდარულმა ფეხბურთელმა რონალდინიომ კარიერა დაასრულა. ბოლო პერიოდში ის თავისუფალი აგენტი იყო და საბოლოოდ ბუცების კედელზე დაკიდება გადაწყვიტა. ამ ფაქტთან დაკავშირებით MARCA რონალდინიოს ერთ-ერთ ძველ ვიდეოს იხსენებს. 2005 წელს ის Nike-მა რეკლამაში გადაიღო და ვიდეო ახლადგახსნილ ვებგვერდზე, Youtube.com-ზეც ატვირთა. გაცნობებთ, რომ Youtube-ს ისტორიაში რონალდინიოს რეკლამა პირველი ვიდეოა, რომელმაც 1 მილიონი ნახვა დააგროვა.
"გოლდენ სტეიტისა" და "ჩიკაგოს" შეხვედრაში ერთი უცნაური ეპიზოდი დაფიქსირდა, "ჩიკაგოს" კალათბურთელმა ლარი მარკანენმა სტეფ კარის ბურთი დაუფარა და პირდაპირ თავში მოარტყა.
პირველად ინგლისის ფეხბურთის ისტორიაში "ლესტერის" და "ფლესტვუდის" დაპირისპირების დროს ვიდეო რეფერი გამოიყენეს, რა დროსაც "მელიების" მიერ გატანილი გოლი ჩაითვალა. თავდაპირველად, გვერდითმა მსაჯმა თამაშგარის ალამი ასწია, რის გამოც გოლი არ ჩაითვალა, ხოლო მატჩის მთავარმა არბიტრმა ეპიზოდის გადამოწმება ვიდეო რეფერის სთხოვა, რომელმაც გოლი დაადასტურა.
"პსჟ-მ" "დიჟონი" 8-0 დაამარცხა, ნეიმარმა შეხვედრაში პოკერი შეასრულა, ბრაზილიელი ფეხბურთელის განსაკუთრებით ლამაზი მესამე გატანილი გოლი გამოვიდა.ვიდეოში გთავაზობთ ნეიმარის ოთხივე გოლს, მესამე გოლი იხილეთ 01:00 წუთიდან
გასულ უქმეებზე ქართველმა ლეგიონერებმა მორიგი მატჩები გამართეს. გატანილი გოლით გამოირჩა ავთანდილ ებრალიძე, რომელიც ქართველი ლეგიონერებისთვის 2018 წელს პირველი აღმოჩნდა. ქართველმა ფორვარდმა "აკადემიკას" კარი მე-13 წუთზე აიღო და საკუთარი გუნდი დააწინაურა.
#სპორტი #DailySport #Sport
ლა ლიგას მე-19 ტურში "რეალი" "ვილიარეალთან" დამარცხდა 0:1. აღსანიშნავია, რომ ამ გუნდთან "სანტიაგო ბერნაბეუზე", პრიმერაზე თამაში ბლანკოსს აქამდე არასოდეს არ წაუგია (15-ჯერ მოუგო და 5 შეხვედრა ფრედ დასრულდა) და 2009 წლის შემდეგ პირველად განიცადა ჩემპიონატზე საკუთარ მოედანზე ზედიზედ 2 მარცხი. გასულ სეზონში "სამეფო გუნდი" ხშირად სძლევდა ისეთ მეტოქეებს, რომლებიც წაგებას არ იმსახურებდნენ. უმართლებდა კიდეც, თუმცა როგორც იტყვიან, უმართლებს უძლიერესს. ახლა ყველაფერი სხვაგვარადაა, "რეალი" ვეღარ ვარგობს და ფორტუნამაც ზურგი აქცია. ყოველ შემთხვევაში, "ვილიარეალთან" შეხვედრა - ეს ფატალური უიღბლობაა. პირველ ტაიმში რონალდომ ოთხი მომენტი გააცუდა, თითო-თითო მარსელომ და ბეილმა. "ყვითელი სუბმარინა" ოდენ მორცხვი კონტრშეტევებით პასუხობდა. მოკლედ, შესვენებაზე გუნდები ალოგიკური ანგარიშით - 0:0 გავიდნენ. მეორე ტაიმი პირველის ალი-კვალი იყო. კროოსმა ვერ გამოიყენა შანსი, ორჯერ რონალდომ, მოდრიჩმაც და 87-ე წუთზე სტუმრებმა გამარჯვების გოლი გაიტანეს. ბლანკოსის მწვრთნელის ზინედინ ზიდანის გამომეტყველება მადრიდის ამინდის შესაბამისი იყო - თითქოს ფორტუნასთან ერთად ბუნებამაც გადაწყვეტა დაეცინა მისთვის და მისი გუნდისთვის. აშკარაა, გასული სეზონის საუკეთესო გუნდს ფეხბურთის ღმერთებიც აღარ სწყალობენ და უფრო ალბათ, თავად ვერ ვარგობს. ეს უკვე კატასტროფაა, ამას უეჭველად რაღაც მოჰყვება.
ინტერნეტსივრცეში პოპულარული გახდა "ბარსელონასა" და "რეალის" მატჩის დამონტაჟებული ვიდეო, სადაც "სამეფო კლუბი" კატალონიელებსანგარიშით 0-10 ანადგურებს
დეკემბრის თვის ევროლიგის "ოსკარი" თორნიკე შენგელიას გადაეცა. "ბასკონიას" ქართველმა კალათბურთელმა 2017 წლის ბოლო თვეში შესანიშნავად იასპარეზა. ის შეხვედრაში საშუალოდ 15,3 ქულას, 6 მოხსნას და 1,8 პასს აგროვებდა.აღსანიშნავია, რომ შენგელიამ კიდევ უფრო გააუმჯობესა შედეგები და ბოლო მონაცემებით, ის უკვე საშუალოდ, 18,4 ქულას და 7,4 მოხსნას აგროვებს.აქვე გეტყვით, რომ თორნიკე შენგელიას გუნდი დღეს ევროლიგის მე-17 ტურში "ოლიმპიაკოსს" უმასპინძლებს. მასალის გამოყენების პირობები
#სპორტი #DailySport #Sport
#სპორტი #DailySport #Sport
#სპორტი #DailySport #Sport
#სპორტი #DailySport #Sport
#სპორტი #DailySport #Sport