დასრულდა კიდევ ერთი დრამატული საღამო მიმდინარე მსოფლიო ჩემპიონატზე, რომელმაც კიდევ ორი მერვედფინალური წყვილი გამოავლინა. სანქტ-პეტერბურგის სტადიონზე ერთმანეთს ნიგერიისა და არგენტინის ნაკრებები დაუპირისპირდნენ.აფრიკელები მხოლოდ საკუთარ თავზე იყვნენ დამოკიდებულნი და ამ მატჩის მოგების შემთხვევაში მერვედფინალში გადიოდნენ. რაც შეეხება არგენტინას, მასაც მხოლოდ მოგება აძლევდა ხელს, ოღონდ იმ შემთხვევაში, თუ ისლანდია ხორვატიას ვერ მოუგებდა. ანგარიში პირველი ტაიმის მე-14 წუთზე გაიხსნა, მას შემდეგ რაც ლიონელ მესიმ ევერ ბანეგას შესანიშნავი პასი შეირგო და ნიგერიელთა მეკარეს შორეულ კუთხეში გაუტანა. პირველი ტაიმი ამ ანგარიშით დასრულდა, მეორეში კი ნიგერიელებმა ანგარიშის გათანაბრება მოახერხეს. თურქი მსაჯის მიერ დანიშნული პენალტი ვიქტორ მოზესმა უშეცდომოდ შეასრულა – 1-1. ამ ანგარიშით არგენტინა ვერავითარ შემთხვევაში ვერ გადიოდა მომდევნო ეტაპზე, ამიტომ სამხრეთამერიკელებმა დიდი ძალებით შეუტიეს მეტოქეს და ძირითადი დროის დასრულებამდე ხუთიოდე წუთით ადრე მარცხენა ფლანგიდან ჩაწოდებული ბურთი კარში მარკოს როხომ გადაგზავნა. იმის გამო, რომ პარალელურ თამაშში ხორვატიამ ისლანდია დაამარცხა, მომდევნო ეტაპზე არგენტინის ნაკრები გავიდა. ლიონელ მესი და კომპანია მერვედფინალში საფრანგეთს შეხვდებიან.
მესიმ ნიგერიასთან გოლი თილისმით შეაგდო | ჟურნალისტის ნაჩუქარი ამულეტის ამბავი არგენტინის ნაკრების კაპიტანი ლიონელ მესი მსოფლიოს ჩემპიონატის გადამწყვეტ მატჩში ნიგერიასთან (2:1) წარმატების მომტანი ამულეტით თამაშობდა, რომელიც მანამდე რეპორტიორმა უსახსოვრა. 31 წლის ფორვარდს, რომელმაც ტურნირზე პირველი გოლი სწორედ მესამე მატჩში შეაგდო, მარცხენა ფეხზე წითელი ლენტი თამაშის შემდეგაც ეკეთა. ‘მერვედფინალი ღმერთმა გვაჩუქა!’ მესი, როგორც მარადონა და ბატისტუტა როგორც ირკვევა, მუნდიალზე ისლანდიასთან არცთუ წარმატებული შეხვედრის (1:1) შემდეგ, სამხრეთამერიკელმა რეპორტიორმა რამა პანტოროტომ მესის იღბლიანი ამულეტი უსახსოვრა, რომელიც ჟურნალისტს დედამ გამოატანა. ნიგერიასთან მატჩის დასრულების შემდეგ კი პანტოროტომ ლეოს ამულეტის თაობაზე ჰკითხა. ამ უკანაკსნელმა კი ის თავის მარცხენა ფეხზე უჩვენა.
დიეგო მარადონა არგენტინისა და ნიგერიის ნაკრებების თამაშის შემდეგ შეუძლოდ გახდა
არასწრულწლოვანი მოროკოელი გოგონა, რომლის გამოც კარიმ ბენზემამ და ფრენკ რიბერიმ სანაკრებო კარიერა გაინადგურეს - ნახეთ როგორ გამოიყურება ზაჰია დეჰარი
მესი, ნეიმარი, რონალდუ... - შესაძლოა, ბევრი ადამიანებისთვის მათ სუპერშესაძლებლობები აქვთ, თუმცა, ადამიანური გრძნობები არც ამ ვარსკვლავებისთვისაა უცხო. ვიდეოში გთავაზობთ ცნობილი ფეხბურთელების ყველაზე ემოციურ მომენტებს.
ჯგუფი ლენინგრადი და სემენ სლეპაკოვი: ჩემპიონები! Семен Слепаков и Ленинград - Чемпионы როგორც ჩანს, მსოფლიოს ჩემპიონატზე რუსეთის ნაკრების ასეთ წარმატებულ სტარტს არავინ ელოდა, მათ შორის არც რუსეთში. სტანისლავ ჩერჩესოვის გუნდს აკრიტიკებდნენ და ხშირად, შეურაცხმყოფელი ეპითეტებით ამკობდნენ. რუსული მედიის წარმომადგენლებს და რუსეთის ნაკრების გულშემატკივრებს ჰქონდათ კრიტიკის საფუძველი, რადგან მუნდიალის დაწყებამდე ჩერჩესოვის გუნდს 7 თამაში არ ჰქონდა მოგებული. სწორედ ამ თემას მიეძღვნა ცნობილი რუსული მუსიკალური ჯგუფის, ლენინგრადის ახალი სიმღერა და კლიპი, რომელმაც რუსეთში დიდი აჟიოტაჟი გამოიწვია. გულშემატკივრებს მიაჩნიათ, რომ სიმღერის ტექსტი რუსეთის ნაკრებს შეურაცხყოფს, რაც ასეთ დროს, უბრალოდ დაუშვებელია.
#სპორტი