საქართველოს საფეხბურთო ნაკრები 2026 წელს ორი ამხანაგური შეხვედრით იწყებს. დღეს ჯვაროსნები ისრაელის ეროვნულ ნაკრებს მიხეილ მესხის სტადიონზე დაუპირისპირდებიან, ხოლო 29 მარტს კაუნასში ლიეტუვას ნაკრები მიგვიღებს. შედეგების თვალსაზრისით კატასტროფული 2025 წლის შემდეგ ჩვენი ნაკრები ხასიათის გამოკეთებას ისრაელთან და ლიეტუვასთან დაპირისპირებებში ეცდება, რომელიც თავის მხრივ შემოდგომისთვის ოფიციალური თამაშებისთვის მოსამზადებელ ციკლადაც უნდა გამოიყენონ. #ახალიამბები #BusinessMediaGeorgia
Microsoft-იდან NBA-მდე - სტივ ბალმერის ფინანსური სტრატეგია #ახალიამბები #BusinessMediaGeorgia
ევროპული ფეხბურთის ისტორიაში ერთ-ერთი ყველაზე პრესტიჟული ტურნირი უეფას ჩემპიონთა ლიგა დღეს მილიონობით გულშემატკივარს აერთიანებს. მისი ერთ-ერთი ყველაზე მნიშვნელოვანი გარდატეხა რებრენდინგი იყო, რომელმაც ტურნირი სრულიად ახალ დონეზე აიყვანა. 1992 წელს UEFA-მ მიიღო გადაწყვეტილება, „ევროპის ჩემპიონთა თასი“ გარდაექმნა ახალ, უფრო თანამედროვე ფორმატად. სწორედ მაშინ შეიქმნა ჩემპიონთა ლიგა – ახალი სახელით, ახალი ლოგოთი და სრულიად განსხვავებული კონცეფციით. რებრენდინგის მთავარი მიზანი იყო: ტურნირის გლობალურ ბრენდად ჩამოყალიბება, მისი კომერციული პოტენციალის გაზრდა და მაყურებლისთვის უფრო სანახაობრივი პროდუქტის შეთავაზება. შეიქმნა ლეგენდარული ვარსკვლავებით გაფორმებული ლოგო და დაუვიწყარი ჰიმნი, რომელიც დღეს უკვე ფეხბურთის სიმბოლოდ ითვლება. ასევე, შეიცვალა ტურნირის ფორმატიც – დაემატა ჯგუფური ეტაპი, რაც უფრო მეტ დიდ კლუბს აძლევდა მონაწილეობის შანსს. ამ ნაბიჯებმა ჩემპიონთა ლიგა აქცია არა მხოლოდ სპორტულ შეჯიბრებად, არამედ გლობალურ შოუდ სადაც ფეხბურთი, ბიზნესი და ემოცია ერთიანდება. #ახალიამბები #BusinessMediaGeorgia
ზაფხულში აშშ-ში, მექსიკასა და კანადაში მსოფლიო ჩემპიონატი გაიმართება. თუ ოდესმე ფინალზე მოხვედრაზე გიოცნებიათ მოემზადეთ, რადგან ფასებმა შეიძლება შოკში ჩაგაგდოთ. ყველაზე იაფი ბილეთი ნიუ-ჯერსიში გასამართ მატჩზე 4 000 დოლარზე მეტი ღირს. დიახ, ეს მინიმუმია. უბრალოდ სტადიონზე შესვლა და არცთუ საუკეთესო ადგილები. მეორე კატეგორია 5 500 დოლარი დაგიჯდებათ. პირველი — 8 500. და ასეთ ფასადაც კი ბილეთი გარანტირებული არ არის. მსურველთა რაოდენობა ძალიან დიდია, ამიტომ FIFA ლატარიებს ატარებს. პარალელურად მუშაობს მეორადი ბაზარიც, სადაც ფასები საერთოდ კოსმოსურია. რამ გამოიწვია ბილეთების ფასების ასეთი ზრდა და რას ამბობენ ამ ყველაფერზე მსოფლიო ფეხბურთის მმართველ ორგანიზაციაში? #ახალიამბები #BusinessMediaGeorgia
ახლო აღმოსავლეთში მიმდინარე ომმა, ცხადია ამერიკასა და ირანს შორის ურთიერთობა კიდევ უფრო დაძაბა და საქმე იქამდეც კი მივიდა, რომ ირანელები აშშ-ში ჩასატარებელი მსოფლიო ჩემპიონატის ბოიკოტირებასაც კი აპირებენ. ირანის ეროვნული საფეხბურთო ნაკრები ბოლო წლების განმავლობაში აზიის ერთ-ერთი ყველაზე სტაბილური და კონკურენტუნარიანი გუნდია. მათ გარეშე მსოფლიო პირველობა დაკარგავს დიდ გეოპოლიტიკურ და კულტურულ ფონს, რომელიც ხშირად სცდება მოედანს. მსოფლიო ჩემპიონატი მხოლოდ სპორტი არ არის. ეს გლობალური პლატფორმაა, სადაც ქვეყნები საკუთარ იმიჯს წარმოაჩენენ. ირანის გარეშე ტურნირი შეიძლება იქცეს კიდევ ერთ სიმბოლოდ საერთაშორისო დაძაბულობისა. ასე რომ, ერთი გუნდის გამოკლება მხოლოდ ცარიელი ადგილი არ არის სატურნირო ცხრილში — ეს არის სპორტული, ეკონომიკური და პოლიტიკური დომინოს ეფექტი, რომლის შედეგებიც მთელ მსოფლიოს შეეხება. რა გეგმები აქვს ფიფას და რა პოზიცია უჭირავს ირანის ფეხბურთის ფედერაციას? #ახალიამბები #BusinessMediaGeorgia
2026 წლის ზამთრის სატრანსფერო ფანჯარა გამორჩეული აღმოჩნდა არა მხოლოდ ტრანსფერების რაოდენობით, არამედ გრანდიოზული თანხებითაც. ევროპული გრანდები გაძლიერებისთვის მილიონებს არ იშურებდნენ, განსაკუთრებით კი ეს ინგლისურ პრემიერ ლიგასა და კონკრეტულად მანჩესტერ სიტიზე უნდა ითქვას. ადგილობრივი კლუბები კვლავ ლიდერობენ ხარჯვითი პოლიტიკით, თუმცა სოლიდური ინვესტიციები განახორციელეს იტალიურმა და გერმანულმა გუნდებმაც. რამდენიმე ტრანსფერმა კი ცხადყო, რომ არაბული ლიგებიც სერიოზულ კონკურენციას უწევენ ევროპულ ფეხბურთს. ვინ გახდნენ 2026 წლის ზამთრის ფანჯრის ყველაზე ძვირად გაყიდული ფეხბურთელები? რა თანხებზეა საუბარი და როგორ შეიძლება ამ ტრანსფერებმა შეცვალოს სეზონის ბალანსი? #ახალიამბები #BusinessMediaGeorgia
დოპინგ სკანდალი ქართულ რაგბიში - სანქცირებულია ნაკრების 6 მოთამაშე #ახალიამბები #BusinessMediaGeorgia
14 მარტს თბილისის სპორტის სასახლეში MMA ორგანიზაცია რკენას მეორე ღონისძიება შედგა, სადაც მაყურებელმა არაერთი დასამახსოვრებელი ბრძოლა იხილა. უნდა ითქვას ისიც, რომ შოუ ქართველი მებრძოლების სრული დომინირებით წარიმართა და რვიდან შვიდ შეხვედრაში სწორედ ჩვენებურმა მებრძოლებმა გაიმარჯვეს. #ახალიამბები #BusinessMediaGeorgia
თანამედროვე სპორტში ფეხბურთი მხოლოდ თამაში აღარ არის, ის გლობალური ბიზნესია, სადაც მილიარდობით დოლარი ტრიალებს. სწორედ ამიტომ სულ უფრო ხშირად ვხედავთ, რომ სუპერვარსკვლავები არა მხოლოდ მოედანზე, არამედ საფეხბურთო კლუბების მფლობელთა სიაშიც ჩნდებიან.რატომ იქცა ფეხბურთი ვარსკვლავების საყვარელ საინვესტიციო პლატფორმად და რა სარგებელს იღებენ ისინი კლუბების მფლობელობით? #ახალიამბები #BusinessMediaGeorgia
მსოფლიო ფეხბურთში წარმატება მხოლოდ ნიჭზე არ დგას, ის დამოკიდებულია გარემოზე, ტაქტიკაზე, მენტალიტეტსა და სწორ დროს მიღებულ გადაწყვეტილებებზე. ისტორიამ არაერთხელ გვაჩვენა, რომ ვარსკვლავური სტატუსი ერთ ქვეყანაში ავტომატურად არ ნიშნავს იმავე წარმატებას საფეხბურთო ტოპ ლიგებში, სადაც მაღალი ტემპი, სათამაშო ხარისხი, ან უბრალოდ განსხვავებული გარემოებებია რატომ ვერ ამართლებს ზოგჯერ დიდი ტრანსფერი? არის ეს ტაქტიკის ბრალი, ფსიქოლოგიური წნეხი თუ კლუბის არასწორი მოლოდინი? დღევანდელ სიუჟეტში გავაანალიზებთ ტოპ ფეხბურთელებს, რომლებმაც საფეხბურთო ელიტაში საკუთარი თავი ვერ სრულად წარმოაჩინეს და ვეცდებით გავიგოთ, რატომ ვერ იქცა ყველა დიდი ტრანსფერი დიდ წარმატებად. #ახალიამბები #BusinessMediaGeorgia
ირანის ფეხბურთის ფედერაციის პრეზიდენტმა, მეჰდი ტაჯმა, აშშ-სა და ისრაელთან კონფლიქტის გამწვავების ფონზე, ეროვნული ნაკრების 2026 წლის მსოფლიო ჩემპიონატზე მონაწილეობის შესახებ კომენტარი გააკეთა. მიზეზი ის გახლავთ რომ ირანის ნაკრებს მუნდიალის ჯგუფური ეტაპის სამივე მატჩი სწორედ აშშ-ში აქვს ჩანიშნული: 15 ივნისს ახალ ზელანდიასთან (ლოს-ანჯელესი), 21 ივნისს ბელგიასთან (ლოს-ანჯელესი) და 26 ივნისს ეგვიპტესთან (სიეტლი). უკვე არსებული სცენარით, ირანი და აშშ შესაძლოა პლეი-ოფის პირველივე რაუნდში შეხვდნენ ერთმანეთს. #ახალიამბები #BusinessMediaGeorgia
ევროპული და მსოფლიო მნიშვნელობის თუ ცნობადობის ბრენდი "პუმას" სახით გადავიდა ჩინურ მფლობელობაში: სპორტული ტანსაცმლის მწარმოებელი ჩინური გიგანტი Anta Sports-ი გერმანული ბრენდის, Puma-ს უმსხვილესი აქციონერი ხდება. როგორც ცნობილია, ჩინურმა კომპანიამ წარმატებით მიაღწია შეთანხმებას ფრანგულ საინვესტიციო ჯგუფ Artemis-თან, რომლის ფარგლებშიც ის 1.8 მილიარდ დოლარად Puma-ს 29%-იან წილს შეიძენს. და მიუხედავად იმისა რომ: ჩინური Anta უმსხვილესი აქციონერი ხდება და სამეთვალყურეო საბჭოში სტრატეგიულ ადგილებს დაიკავებს, კომპანიაში აცხადებენ, რომ ამ ეტაპზე Puma-ს სრულიად გამოსყიდვას არ გეგმავენ და ბრენდი დამოუკიდებლად განაგრძობს ოპერირებას. #ახალიამბები #BusinessMediaGeorgia
პიერლუიჯი კოლინა ადამიანი, რომელიც ფეხბურთის ისტორიაში მხოლოდ მსაჯობასა და განსჯასთან კი არა, ავტორიტეტთან, სიმკაცრესა და სამართლიანობასთან ასოცირდება. მინდორზე მისი გამოჩენა ყოველთვის განსაკუთრებულ ატმოსფეროს ქმნიდა – გამორჩეული გარეგნობა, მკაცრი მზერა და შეუვალი ხასიათი კოლინას ერთგვარ ბრენდად აქცევდა. ის იყო არბიტრი, რომელსაც ფეხბურთელები პატივს სცემდნენ, გულშემატკივრები კი ენდობოდნენ. კოლინამ იმსაჯა მსოფლიო ჩემპიონატის ფინალში, ჩემპიონთა ლიგის გადამწყვეტ მატჩში, ევროპის ჩემპიონატზე – ყველა იმ სცენაზე, სადაც შეცდომას შეიძლება ისტორია შეეცვალა. თუმცა მისი მთავარი ძალა არა მხოლოდ წესების ცოდნა, არამედ თამაშის მართვის უნარი იყო – ემოციის კონტროლი, კონფლიქტის განმუხტვა და ავტორიტეტის შენარჩუნება ყველაზე დაძაბულ მომენტებშიც კი. ის ექვსჯერ დასახელდა მსოფლიოს საუკეთესო მსაჯად და დღემდე რჩება არბიტრის ეტალონად. #ახალიამბები #BusinessMediaGeorgia
გერმანულ ფეხბურთში არსებობს ერთი სიმბოლო, რომელიც წლებია სტაბილურობას, ძალას და გამარჯვების კულტურას ნიშნავს მიუნხენის „ბაიერნი“- რატომ არის „ბაიერნი“ გერმანიაში შეუჩერებელი ძალა? პასუხი მხოლოდ ტიტულებში არ იმალება. ეს არის კლუბი, რომელმაც შექმნა მმართველობის უნიკალური მოდელი. შედეგი? ათწლეულების განმავლობაში დომინირება ბუნდესლიგაში და მუდმივი კონკურენტუნარიანობა ევროპაში. „ბაიერნმა“ იცის, როგორ შეინარჩუნოს გამარჯვების მენტალიტეტი თაობიდან თაობამდე. ამასთან, მიუნხენში ფეხბურთი მხოლოდ სპორტი არ არის ეს არის იდენტობა. რა ქმნის ამ შეუჩერებლობას ფული, მენეჯმენტი, მენტალიტეტი თუ ისტორია? #ახალიამბები #BusinessMediaGeorgia
ნორვეგიის ჩრდილოეთში, პოლარული წრის სიახლოვეს მდებარეობს პატარა ქალაქი ბოდო და ადგილობრივი საფეხბურთო კლუბი, რომელმაც ევროპული ფეხბურთის წესები თავდაყირა დააყენა. ჩემპიონთა ლიგის პლეი ინში ნორვეგიელებმა გასული სეზონის ვიცე ჩემპიონი მილანის ინტერი გამოთიშეს ასპარეზობას და დიდი სენსაციაც მოახდინეს. როგორ მოახერხა მოკრძალებული ბიუჯეტის მქონე ნორვეგიულმა კლუბმა ისეთი შედეგების ჩვენება, რომლებიც კონტინენტის ელიტას აფრთხობს? ეს არ არის უბრალოდ წარმატებული სეზონი ეს არის კარგად დაგეგმილი პროექტის შედეგი: ახალგაზრდებზე ორიენტირებული პოლიტიკა, სწორი სატრანსფერო სტრატეგია და თამამი სათამაშო იდეოლოგია. პატარა ქალაქის გუნდი ამტკიცებს, რომ ევროპულ ფეხბურთში ბიუჯეტი ყოველთვის გადამწყვეტი არ არის. როგორ ანადგურებს ჩრდილოეთის მოკრძალებული კლუბი ევროპის ელიტას და რა არის მათი წარმატების საიდუმლო? #ახალიამბები #BusinessMediaGeorgia
EA Sports-ის ოფიციალურ ვებგვერდზე ესპანური ლა ლიგის თებერვლის თვის საუკეთესო მოთამაშის შესარჩევად გამოკითხვა მიმდინარეობდა, რომელშიც ქართველმა ფორვარდმა, გიორგი მიქაუტაძემ კონკურენტებს - ფედერიკო ვალვერდეს (“რეალი”), ლუის მილიას (“ხეტაფე”), ტომა ლემარს (“ჟირონა”) და აბდე ეზალზულის აჯობა და ჯილდოც დამსახურებულად მიიღო. გამოკითხვა გუშინ დასრულდა და ოფიციალური შედეგები ჯერ არ გამოცხადებულა, თუმცა შედეგების შესახებ ნაადრევი ინფორმაცია EA FC UT-თან დაკავშირებულ გავლენიან პორტალ Fut Sheriff-ზე გავრცელდა.აქედან გამომდინარე გარდა იმისა, რომ მიქაუტაძე თვის საუკეთესო ფეხბურთელის ჯილდოს ჩაიბარებს, ცნობილ საფეხბურთო სიმულატორ EA FC 26-ში, კერძოდ კი Ultimate Team-ში გიორგი მიქაუტაძის სპეციალური, POTM ქარდიც გამოვა. თებერვალში ქართველმა შემტევმა სამი გოლი გაიტანა - 9 თებერვალს “ესპანიოლთან“, 14 თებერვალს “ხეტაფესთან“ და 18 თებერვალს “ლევანტესთან“. მიქაუტაძის გოლების სერია ლა ლიგის გასულ ტურში, “ვალენსიას“ წინააღმდეგ შეწყდა, თებერვალში კი “ვილიარეალი“ კიდევ ერთ მატჩს 28 თებერვალს, სტუმრად, “ბარსელონას“ წინააღმდეგ გამართავს. #ახალიამბები #BusinessMediaGeorgia
ზამთრის ოლიმპიურ თამაშებს წელს იტალიურმა ქალაქებმა მილანმა და კორტინა დ’ამპეცომ უმასპინძლეს. თუმცა საინტერესოა რა დაუჯდა ეს ყველაფერი ქვეყანას? 2026 წლის ზამთრის ოლიმპიური თამაშები-ის ორგანიზებისთვის იტალიამ მილიარდობით ევრო გამოყო. მნიშვნელოვანია, რომ იტალიამ არჩევანი გააკეთა არსებული ინფრასტრუქტურის მაქსიმალურად გამოყენებაზე. ორგანიზატორებმა ამ მოდელს „მდგრად ოლიმპიადას“ უწოდეს. სახელმწიფოსთვის მთავარი გამოწვევა ბალანსი აღმოჩნდა: ერთის მხრივ გლობალური ყურადღება, ტურიზმის ზრდა და ეკონომიკური სტიმული; მეორეს მხრივ ბიუჯეტური ტვირთი. რა შედეგი მოიტანა ინვესტიციამ გრძელვადიან პერსპექტივაში, რა თანხები გამოიყო ღონისძიებისთვის და როგორი იქნება მისი ეკონომიკური ეფექტი? #ახალიამბები #BusinessMediaGeorgia
ინგლისური ფეხბურთი კიდევ ერთხელ ამტკიცებს, რომ სპორტი უკვე დიდი ხანია მხოლოდ თამაში აღარ არის, ეს გლობალური ბიზნესია, მილიარდიანი ბრუნვითა და უპრეცედენტო ინტერესით. პრემიერ ლიგამ ისტორიული ნაბიჯი გადადგა და მორიგი სარეკორდო მედია გარიგება გააფორმა. შეთანხმება, რომელიც მილიარდობით გირვანქას მოიცავს, კიდევ ერთხელ უსვამს ხაზს იმას, რომ პრემიერ ლიგა დღეს მსოფლიოს ყველაზე მოთხოვნადი და კომერციულად წარმატებული საფეხბურთო ჩემპიონატია. ახალი კონტრაქტი მოიცავს როგორც შიდა სატელევიზიო უფლებებს, ისე საერთაშორისო ბაზარს, სადაც ინგლისური კლუბების მატჩებს მილიარდზე მეტი მაყურებელი ადევნებს თვალს. ანალიტიკოსების შეფასებით, გარიგება არა მხოლოდ ფინანსურ სტაბილურობას უზრუნველყოფს, არამედ კიდევ უფრო გაზრდის კონკურენციას, რადგან სატელევიზიო შემოსავლების განაწილების მოდელი ლიგაში შედარებით თანაბარია. რა ნიშნავს ეს შეთანხმება კლუბებისთვის? როგორ აისახება ის ტრანსფერებზე, მოთამაშეთა ხელფასებზე და მთლიანად ევროპულ საფეხბურთო ბაზარზე? და შეძლებს თუ არა სხვა ჩემპიონატი კონკურენცია გაუწიოს ინგლისურ მოდელს? როგორ იქცა პრემიერ ლიგა მედია სივრცის აბსოლუტურ ლიდერად და რა გავლენა ექნება ამ სარეკორდო გარიგებას მსოფლიო ფეხბურთის მომავალზე? #ახალიამბები #BusinessMediaGeorgia
საფეხბურთო სამყაროში არაერთი ვარსკვლავი გამოიმუშავებს ასობით მილიონ დოლარს, თუმცა მილიარდერის სტატუსამდე მხოლოდ ერთმა მიაღწია — კრიშტიანუ რონალდუმ. როგორ მოახერხა მან ის, რაც სხვებისთვის ჯერ კიდევ მიუღწეველია? რონალდუს ფინანსური წარმატება მხოლოდ მოედანზე მიღწეულ შედეგებს არ ეფუძნება. მთავარი ფაქტორი მხოლოდ ხელფასი არ არის. რონალდუ ერთ-ერთი ყველაზე კომერციულად წარმატებული სპორტსმენია ისტორიაში. მრავალწლიანი პარტნიორობა Nike-თან, საკუთარი ბრენდი CR7, სასტუმროებისა და სხვადასხვა ბიზნესის ქსელი — ეს ყველაფერი სპორტსმენის სტატუსს სცილდება და მას გლობალურ ბიზნეს-ფიგურად აქცევს. განსხვავებით ბევრი ფეხბურთელისგან, რონალდუმ საკუთარი სახელი ბრენდად აქცია. სოციალური ქსელების რეკორდული აუდიტორია, მარკეტინგული გავლენა და მუდმივი კომერციული აქტიურობა — სწორედ ეს კომბინაცია ქმნის იმ ფინანსურ იმპერიას, რომელმაც ის ფეხბურთის ისტორიაში ერთადერთ მოქმედ მილიარდერად აქცია. რა დგას ამ წარმატების უკან — შრომა, სტრატეგია თუ სწორი დრო სწორ ადგილზე? #ახალიამბები #BusinessMediaGeorgia
პირველი მედალი ზამთრის ოლიმპიადაზე - როგორ მივიდა საქართველო გამარჯვებამდე? #ახალიამბები #BusinessMediaGeorgia
ოდესღაც ჭადრაკი მხოლოდ ადამიანური ინტელექტის არენა იყო. მსოფლიო ჩემპიონები, როგორებიც არიან გარი კასპაროვი და მოქმედი ჩემპიონი მაგნუს კარლსენი, თამაშს შემოქმედებითობას, ინტუიციასა და ფსიქოლოგიურ ომს ამატებდნენ. მაგრამ ტექნოლოგიურმა ეპოქამ ყველაფერი შეცვალა. 1997 წელს კომპიუტერმა პირველად დაამარცხა მსოფლიო ჩემპიონი, კერძოდ – IBM-ის სუპერკომპიუტერმა Deep Blue-მ გარი კასპაროვს სძლია და ისტორია გადაწერა. დღეს კი ხელოვნური ინტელექტის სისტემები, როგორიცაა Stockfish და AlphaZero, ადამიანზე გაცილებით მაღალ დონეზე თამაშობენ და წამებში ითვლიან იმ ვარიანტებს, რასაც დიდოსტატები საათებს ანდომებენ. დღევანდელ სიუჟეტში მიმოვიხილავთ ადამიანისა და კომპიუტერის საჭადრაკო პაექრობის მთელ ისტორიას და გაიგებთ პასუხს კითხვაზე თუ რა ეტაპზეა ჩვენი ანუ ადამიანების და კომპიუტერების კონკურენცია სპორტის ამ სახეობაში? #ახალიამბები #BusinessMediaGeorgia
2026 წლის ზამთრის ოლიმპიური თამაშები მხოლოდ სპორტული წარმატებების არენა არ არის - ეს არის დიდი ბიზნესიც. მსოფლიოს წამყვანი სპორტსმენები ოლიმპიადაზე არა მხოლოდ მედლებისთვის, არამედ მილიონიანი კონტრაქტებისთვის გამოდიან. სარეკლამო შეთანხმებები, სპონსორობა, პერსონალური ბრენდები და სოციალური მედიის გავლენა - სწორედ ამ ფაქტორებმა აქცია ზამთრის თამაშებზე მონაწილე სპორტსმენები ერთ-ერთი ყველაზე შემოსავლიანები. ვინ არიან სპორტსმენები, რომლებიც 2026 წლის ზამთრის ოლიმპიურ თამაშებზე ყველაზე მეტს გამოიმუშავებენ და რა დგას მათი ფინანსური წარმატების უკან? #ახალიამბები #BusinessMediaGeorgia
ზამთრის ოლიმპიური თამაშები მხოლოდ სპორტული დიდების სცენა არ არის — ეს არის ადგილი, სადაც გამარჯვება ზოგ ქვეყანაში პირდაპირ სოლიდურ ფინანსურ ჯილდოდაც იქცევა.მინიმუმ 37 ქვეყანა თავის სპორტსმენებს მედლების მოპოვებისთვის ფულად ბონუსებს სთავაზობს. ინდივიდუალურ სპორტში ოქროს მედლისთვის განკუთვნილი ჯილდო მერყეობს დაახლოებით $3,000-დან $800,000-მდე. ჯამში, 13 ქვეყანა და ტერიტორია მზად არის თითოეულ ინდივიდუალურ ოლიმპიურ ჩემპიონს $100,000-ზე მეტი გადაუხადოს. ეს ბონუსები ემატება სხვა მხარდაჭერასაც გრანტებს და სხვადასხვა სარგებელს, როგორიცაა სტიპენდიები და სამედიცინო დაზღვევა.ზოგიერთ ქვეყანაში ანაზღაურება ვრცელდება იმ სპორტსმენებზეც კი, ვინც პოდიუმს მიღმა რჩება. მაშ რომელი ქვეყნები უხდიან საკუთარ ჩემპიონებს 100 ათას დოლარზე მეტს და რა ბენეფიტებით სარგებლობენ პრიზიორი სპორტსმენები? #ახალიამბები #BusinessMediaGeorgia
დღეს 12 თებერვალია, რაც იმას ნიშნავს, რომ იმ ქართველი ფეხბურთელის დაბადების დღეა, რომელმაც ქართულ ფეხბურთს ახალი სუნთქვა დაუბრუნა და ევროპას საკუთარი ტალანტით თავი შეაყვარა. ცხადია საუბარი გვაქვს ხვიჩა კვარაცხელიაზე, რომელმაც ახალგაზრდულ ასაკში დაწყებული დიდი გზა დღეს უკვე მსოფლიო ყურადღების ცენტრში მოაქცია. დინამო ბათუმიდან და რუსთავიდან დაწყებული კარიერა, რუსეთსა და იტალიაში გაგრძელდა, სადაც „ნაპოლიში“ მისი თამაში ნამდვილ ფენომენად იქცა. ამას მოჰყვა ტრანსფერი პსჟ-ში, სადაც ქართველმა ერთ კალენდარულ წელიწადში 6 ტიტულის მოგება შეძლო და ისტორიაში საუკეთესო ქართული ინდივიდუალური სეზონი შემოგვთავაზა. ხვიჩას ვულოცავთ 25 წლის შესრულებას და უამრავ წარმატებას ვუსურვებთ. #ახალიამბები #BusinessMediaGeorgia
„ამერიკული ფეხბურთის ერთ-ერთი ყველაზე მნიშვნელოვანი და საყოველთაოდ თვალსაჩინო მოვლენა, სუპერბოული, მესამოცე ღონისძიებით დაბრუნდა. მილიონობით გულშემატკივარი მთელი მსოფლიოდან თვალს ადევნებდა, რათა ყოფილიყო ნაწილი ყველაზე ყურებადი ამერიკული შოუსი. თანაც წელს ისტორიაში პირველად შესვენების შოუზე სრულად ესპანურენოვანი პერფორმანსი ვიხილეთ პუერტო რიკოელი არტისტ ბედ ბანისგან. ცხადია მის გამოსვლას ამერიკელი კონსერვატორებისა და დონალდ ტრამპისგან კრიტიკის მთელი ქარცეცხლი დაატყდა, თუმცა ამან ოდნავადაც ვერ მიაყენა ჩრდილი მომღერალს. #ახალიამბები #BusinessMediaGeorgia
ზაზა ფაჩულია იუბილარია - ყველაზე წარმატებული კალათბურთელი საქართველოს ისტორიაში #ახალიამბები #BusinessMediaGeorgia
რუსეთის წინააღმდეგ დაწესებულმა საერთაშორისო სანქციებმა სპორტის სამყაროში უპრეცედენტო ცვლილებები გამოიწვია და აქედან გამომდინარე რუსი სპორტსმენების სტატუსი სხვადასხვა სახეობაში ერთმანეთისგან რადიკალურად განსხვავდება. დღეს ერთ ერთი სპორტის სახეობაში მათ საერთაშორისო ტურნირებზე მონაწილეობა სრულად ეკრძალებათ, სხვაგან - ნეიტრალური სტატუსით, დროშისა და ჰიმნის გარეშე უშვებენ, ხოლო ზოგ ფედერაციაში შეზღუდვები ეტაპობრივად იხსნება. სპორტის რომელ სახეობებში აქვთ რუს სპორტსმენებს ასპარეზობის უფლება, სად რჩება აკრძალვა ძალაში, რა პირობებით ბრუნდებიან საერთაშორისო შეჯიბრებებზე და როგორ იცვლება სპორტული რუკა გლობალური გადაწყვეტილებების ფონზე? #ახალიამბები #BusinessMediaGeorgia
რუსეთის წინააღმდეგ დაწესებულმა საერთაშორისო სანქციებმა სპორტის სამყაროში უპრეცედენტო ცვლილებები გამოიწვია და აქედან გამომდინარე რუსი სპორტსმენების სტატუსი სხვადასხვა სახეობაში ერთმანეთისგან რადიკალურად განსხვავდება. დღეს ერთ ერთი სპორტის სახეობაში მათ საერთაშორისო ტურნირებზე მონაწილეობა სრულად ეკრძალებათ, სხვაგან — ნეიტრალური სტატუსით, დროშისა და ჰიმნის გარეშე უშვებენ, ხოლო ზოგ ფედერაციაში შეზღუდვები ეტაპობრივად იხსნება. ირაკლი მოდებაძე სიუჟეტიდან გვიყვება, სპორტის რომელ სახეობებში აქვთ რუს სპორტსმენებს ასპარეზობის უფლება, სად რჩება აკრძალვა ძალაში, რა პირობებით ბრუნდებიან საერთაშორისო შეჯიბრებებზე და როგორ იცვლება სპორტული რუკა გლობალური გადაწყვეტილებების ფონზე. #ახალიამბები #BusinessMediaGeorgia
2025 წელი საფეხბურთო სამყაროში ნამდვილი მოულოდნელობების წელი აღმოჩნდა. სკანდალური გადაწყვეტილებები, მოულოდნელი სცენარები და მატჩები, რომლებმაც გულშემატკივრებს სუნთქვა შეუკრა. რატომ შევა 2025 წელი საფეხბურთო ქრონიკებში, როგორც ერთ-ერთი ყველაზე ხმაურიანი წელი და რით გავიხსენებთ მას? #ახალიამბები #BusinessMediaGeorgia
2025 წელი საფეხბურთო სამყაროში ნამდვილი მოულოდნელობების წელი აღმოჩნდა. სკანდალური გადაწყვეტილებები, მოულოდნელი სცენარები და მატჩები, რომლებმაც გულშემატკივრებს სუნთქვა შეუკრა.სტადიონებზე ვნებები დუღდა, კულისებში კი ამ დროს გადაწყვეტილებებს იღებდნენ, რომლებმაც მთელი სეზონი თავდაყირა დააყენა.რატომ შევა 2025 წელი საფეხბურთო ქრონიკებში, როგორც ერთ-ერთი ყველაზე ხმაურიანი წელი და რით გავიხსენებთ მას? #ახალიამბები #BusinessMediaGeorgia
სულ რამდენიმე კვირის წინ შვედეთის ერთი მიყრუებული სოფლის ალევიკის საფეხბურთო კლუბი მიალბიუ ადგილობრივი ჩემპიონატის გამარჯვებული გახდა და მალმიოს, ჰამარბიუსა თუ გიოტერბოგის მსგავსი გრანდების ჰეგემონია დაამხო. ეს მოახერხა გუნდმა, რომლის სტადიონზეც უმანქანოდ ვერ მიხვალ და რომლის სტადიონის ტევადობა სოფლის მაცხოვრებელთა ოდენობას ოთხჯერ აღემატება. ეს წარმატება შეიძლება შევადაროთ 2016 წლის ლესტერის ჩემპიონობას, რომელმაც ინგლისური ფეხბურთის გრანდები მანჩესტერ სიტი, ლივერპული, ჩელსი და სხვები უკან მოიტოვა და საუკუნის სენსაცია გამოაცხო. ამ ყველაფრის შემყურე გადავწყვიტეთ გაგვეხსენებინა მსგავსი შემთხვევები საფეხბურთო წარსულიდან და თქვენამდე მოგვეტანა. #ახალიამბები #BusinessMediaGeorgia
21 იანვარი ქართული სპორტისთვის მნიშვნელოვანი თარიღია, რადგან დღევანდელ დღეს სამყაროს, მსოფლიო MMA-ის მთავარი სახე, ილია თოფურია მოევლინა. მებრძოლი, რომელმაც ოქტაგონი არა მხოლოდ ბრძოლით, არამედ ხასიათითა და შეუვალი მენტალიტეტით დაიპყრო. ქართველი სპორტსმენი, რომელმაც მსოფლიო ჩემპიონობის ორ წონის ტიტული მოიპოვა და MMA-ის გლობალურ რუკაზე ახალი ეპოქა გახსნა. როგორ იქცა ილია თოფურია სპორტის ერთ-ერთ მთავარ სიმბოლოდ და რატომ საუბრობს დღეს მთელი მსოფლიო მასზე? #ახალიამბები #BusinessMediaGeorgia
2025 წელი საფეხბურთო სამყაროში მხოლოდ რეკორდებითა და ტრანსფერებით არ დაგვამახსოვრდა. ეს იყო სეზონი, რომელმაც ბევრ ვარსკვლავს ბაზრის რეალობა მთელი სიმკაცრით შეახსენა. ტრავმები, არასტაბილური ფორმა, მწვრთნელების ცვლილება და წარუმატებელი გადაწყვეტილებები ყველაფერი აისახა იმაზე, რაც ფეხბურთში ერთ-ერთ მთავარ ინდიკატორად ითვლება: საბაზრო ღირებულებაზე. Transfermarkt-ის განახლებულ მონაცემებში მკაფიოდ ჩანს, რომ 2025 წელს არაერთმა ტოპ ფეხბურთელმა ფასში სერიოზული ვარდნა განიცადა. მოთამაშეები, რომლებიც ცოტა ხნის წინ ასეულ მილიონებად ფასობდნენ, დღეს ბევრად იაფად არიან შეფასებულნი. ზოგისთვის ფასის შემცირება ტრავმების შედეგი აღმოჩნდა, ზოგისთვის სათამაშო დროის დაკარგვა, ზოგისთვის კი ასაკმა და კონკურენციამ თავისი გაიტანა. თანამედროვე ფეხბურთში ღირებულება მხოლოდ ნიჭს აღარ ეფუძნება ის ფორმის, სტაბილურობისა და შედეგების ერთობლივი ანარეკლია. სიუჟეტი იმ ფეხბურთელებს ეძღვნებათ, რომელთაც 2025 წელს ყველაზე დიდი ფინანსური ვარდნა განიცადეს. ეს არის ამბები მოლოდინებსა და რეალობას შორის, სადაც ციფრები უფრო ხმამაღლა ლაპარაკობენ, ვიდრე ტიტულები და ხმაურიანი სახელები. #ახალიამბები #BusinessMediaGeorgia
რა იყო მთავარი საფეხბურთო მოვლენები 2025-ში? #ახალიამბები #BusinessMediaGeorgia
ზამთრის სატრანსფერო ფანჯარა განსაკუთრებული სპეციფიკით ხასიათდება. სეზონის შუაში მოთამაშეების გაშვება კლუბებისთვის რთულია, ამიტომ ზამთარში ბაზარზე მოთხოვნა მაღალია, მიწოდება კი შეზღუდული. ეს გარემოება ხშირად იწვევს ფასების ზრდას და რთულ მოლაპარაკებებს. კიდევ ერთი თავისებურება არის ადაპტაციის მცირე დრო. ახალ მოთამაშეს სეზონის შუაში უწევს უკვე ჩამოყალიბებულ გუნდში ჩართვა, მაღალი წნეხისა და მყისიერი შედეგის მოთხოვნის პირობებში. მიუხედავად ამისა, წარმატებული ზამთრის ტრანსფერი ხშირად გადამწყვეტ როლს თამაშობს და შეუძლია მთლიანად შეცვალოს გუნდის სეზონი. მიუხედავად იმისა, რომ იანვრის ტრანსფერები რაოდენობრივად იშვიათია, ისტორია არაერთ გარიგებას გვთავაზობს, რომელმაც არა მხოლოდ კლუბების ბედი, არამედ მთელი საფეხბურთო ბაზრის ფასები შეცვალა. რომელია ზამთრის სატრანსფერო ფანჯრის ყველა დროის ყველაზე ძვირად ღირებული ტრანსფერები? #ახალიამბები #BusinessMediaGeorgia
საფეხბურთო კლუბი „ბარსელონა“ წლების განმავლობაში ფინანსურ კრიზისში იმყოფებოდა - კლუბს მილიარდიან ვალებთან გამკლავება უწევდა. თუმცა დღეს სიტუაცია ეტაპობრივად იცვლება და ამაში ერთ-ერთი გადამწყვეტი როლი განახლებულ კამპ ნოუს უკავია, რომელმაც ფინანსები სხვადასხვა გზით მოიზიდა. როგორ იქცა განახლებული „კამპ ნოუ“ არა მხოლოდ საფეხბურთო სიმბოლოდ, არამედ ფინანსურ გადამრჩენელად? რა როლი ითამაშა ახალმა სტადიონმა ვალების შემცირებაში და რამდენად რეალურია „ბარსელონას“ ფინანსური აღდგენა? #ახალიამბები #BusinessMediaGeorgia
სპორტული ფრენჩაიზები დღეს უკვე აღარ არიან არ არის მხოლოდ გუნდები, რომლებიც მოედანზე ასპარეზობენ. ისინი რეალურად მრავალმილიონიანი, ზოგჯერ კი მილიარდიანი ბიზნესის სადგურებია, რომლებიც არა მხოლოდ თამაშით, არამედ ბრენდებით, მედია კონტრაქტებით და მარკეტინგითაც ქმნიან დაუჯერებელ ღირებულებას. 21-ე საუკუნეში, როდესაც სპორტი გლობალიზაციით, სატელევიზიო კონტრაქტებითა და სოციალური მედიის გავლენით სწრაფად განვითარდა, რამდენიმე ფრენჩაიზმა შექმნა შთამბეჭდავი ზრდის ისტორია. #ახალიამბები #BusinessMediaGeorgia
2025 წლის უკანასკნელ გადაცემაში ჩვენ წარმოგიდგინეთ წლის უმთავრესი სპორტული მოვლენები საქართველოს ფარგლებში. დღეს კი გადავწყვიტეთ გლობალურად საფეხბურთო წელი შევაჯამოთ და გაგახსენოთ 5 უმთავრესი საფეხბურთო მოვლენა, რითაც 2025 წელი გაგვახსენდება. პსჟ-ს დომინაციით დაწყებული, მსოფლიოს ჩემპიონატზე მოულოდნელი გასვლებით დამთავრებული გასულ წელს ბევრი საინტერესო ფაქტი დაფიქსირდა #ახალიამბები #BusinessMediaGeorgia
სულ რამდენიმე კვირის წინ შვედეთის ერთი მიყრუებული სოფლის ალევიკის საფეხბურთო კლუბი მიალბიუ ადგილობრივი ჩემპიონატის გამარჯვებული გახდა და მალმიოს, ჰამარბიუსა თუ გიოტერბოგის მსგავსი გრანდების ჰეგემონია დაამხო. ეს მოახერხა გუნდმა, რომლის სტადიონზეც უმანქანოდ ვერ მიხვალ და რომლის სტადიონის ტევადობა სოფლის მაცხოვრებელთა ოდენობას ოთხჯერ აღემატება. ეს წარმატება შეიძლება შევადაროთ 2016 წლის ლესტერის ჩემპიონობას, რომელმაც ინგლისური ფეხბურთის გრანდები მანჩესტერ სიტი, ლივერპული, ჩელსი და სხვები უკან მოიტოვა და საუკუნის სენსაცია გამოაცხო. ამ ყველაფრის შემყურე გადავწყვიტეთ გაგვეხსენებინა მსგავსი შემთხვევები საფეხბურთო წარსულიდან და თქვენამდე მოგვეტანა. #ახალიამბები #BusinessMediaGeorgia
შევაჯამოთ გასული 2025 წელი ქართული სპორტისთვის ცხადია იყო ტრიუმფებიც და იმედგაცრუებებიც, მაგრამ მთავარი ისაა, რომ ქართული სპორტი აღარ მისდევს პროცესს — ის თავად ქმნის მას. თუკი საფეხბურთო კუთხით ევროპის ჩემპიონატის შემდეგ აშკარა რეგრესი გვაქვს და სატრაბახო შედეგებს ვეღარ ვაჩვენებთ, იგივეს ვერ ვიტყვით კალათბურთელებზე, რომლებმაც ისტორიაში პირველად იასპარეზეს ევროპის ჩემპიონატის მეოთხედფინალში. აღარაფერია სათქმელი ჩვენს ძიუდოისტებზე, რომლებმაც ერთი შეხედვით შეუძლებელი შეძლეს და გუნდურ შეჯიბრებაში მსოფლიოს ჩემპიონის ტიტული მოიპოვეს. #ახალიამბები #BusinessMediaGeorgia
2025 წელი ქართული MMA-ისთვის თუ წარმატებული იყო ეს პირველ რიგში მერაბ დვალიშვილის დამსახურებაა, რომელიც გაუგონარ, უპრეცედენტო დავალებას შეეჭიდა, რაც წელიწადში ოთხჯერ ქამრის დაცვას გულისხმობს და ამ მცდელობას სამწუხაროდ თავად ქამარი შესწირა. დვალიშვილმა გაიარა უმარ ნურმაგომედოვი, შონ ომალი, კორი სენდჰეგენი და ამდენი წონის კლებისგან დაუძლურებული ბოლოს პიოტრ იანთან დამარცხდა. ცხადია მომავალ წელს ქართველი მებრძოლისგან ტიტულის დაბრუნებას ველოდებით, თუმცა მანამდე მოდით ერთად გავიხსენოთ დვალიშვილის ლეგენდარული 2025 წელი, რაც წლის საუკეთესო მებრძოლის სტატუსით დაგვირგვინდა. #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
როსონერის 126 წლის იუბილეზე დღეს მოგიყვებით ანუ როგორ დაარსდა ერთ-ერთი ყველაზე ლეგენდარული საფეხბურთო კლუბი “მილანი“. გუნდი, რომლის წითელ-შავ ფერებს საუკუნეზე მეტი ხნის ისტორია, ტრადიცია და დიდი გამარჯვებები ახლავს. საიდან დაიწყო მილანმა და სადამდე მივიდა, როგორია კლუბის კაპიტალიზაცია დღეს, როგორ გარდაქმნა სილვიო ბერლუსკონიმ კლუბი და როგორ გადაიქცა ეს პატარა იდეა მსოფლიო ფეხბურთის გრანდად. #ახალიამბები #BusinessMediaGeorgia
ამ სეზონიდან შევდივართ ეპოქაში, სადაც მანქანები უფრო მსუბუქი, უფრო ენერგოეფექტური და გაცილებით უფრო ციფრულად კონტროლირებადი გახდება. ანუ მომავალი სეზონიდან ბოლიდზე მეტად წარმატება მესაჭის უნარებზე, სტრატეგიასა და რეაქციაზე იქნება დამოკიდებული. სიუჟეტში გიამბობთ იმ ხუთ ყველაზე მნიშვნელოვან ცვლილებაზე, რომელსაც 2026 წლის სეზონი გვპირდება: რა ბედი ელის ძრავებს, როგორ იცვლება აეროდინამიკა, რატომ გვეცვლება მანქანების ზომები, რას შემატებს რბოლებს ახალი მონაწილე კადილაკი და როგორ აისახება ახალი წესები სპორტულ ბრძოლასა და გუნდების სტრატეგიებზე. #ახალიამბები #BusinessMediaGeorgia
გავლენიანმა ამერიკულმა გამოცემა ESPN-მა სპორტული სამყაროს ახალი თაობის ვარსკვლავები გამოავლინა. გამოცემამ გამოაქვეყნა რეიტინგი, რომელიც საუკეთესო 30 წლამდე მებრძოლებს აერთიანებს. სია ასახავს იმ სპორტსმენებს, რომლებიც დღეს უკვე განსაზღვრავენ ყველაზე პოპულარული საბრძოლო ხელოვნების MMA-ს მომავალს. ვინ მოგვევლინა ახალი ეპოქის ლიდერად და რომელ ამომავალ ტალანტებს უწინასწარმეტყველებენ სუპერვარსკვლავურ კარიერას? #ახალიამბები #BusinessMediaGeorgia
რაში დებს ფულს კრიშტიანუ რონალდუ? - ბოლო ინვესტიცია - perplexity AI #ახალიამბები #BusinessMediaGeorgia
UFC 323-ზე მერაბ დვალიშვილი რეკორდული რიგით მეოთხე სატიტულო ქამრის დაცვისთვის უმძიმეს ბრძოლაში პიოტრ იანთან დამარცხდა. ქართველმა მებრძოლმა მთელი მსოფლიო დაარწმუნა, რომ ის თავისი წონითი კატეგორიის ყველა დროის საუკეთესო მებრძოლია, რომ გაჩერებას არ აპირებს და 2026 წელს დაკარგული ქამრის დაბრუნებას შეეცდება. #ახალიამბები #BusinessMediaGeorgia
ჰოკეი დღეს გლობალური სპორტია, მაგრამ მისი ყველაზე გავლენიანი ლიგა – NHL – 1917 წელს მონრეალში არსებული ბნელი დარბაზებიდან დაიწყო. ოთხმა გუნდმა ახალ წესებზე დაყრდნობით შექმნა ლიგა, რომელმაც მიზნად დაისახა ჰოკეის პროფესიონალიზმი და სპორტის მომავლის შეცვლა. პირველი სეზონები ქაოსით, ფინანსური კრიზისებითა და გუნდების მუდმივი ცვლილებებით იყო სავსე, თუმცა NHL-ს ერთი რამ აერთიანებდა – ამბიცია გამხდარიყო ჰოკეის სტანდარტი. დროსთან ერთად ლიგამ გადალახა დიდი დეპრესია, ომები და ბაზრების გაფართოების რთული ეპოქა. და დღეს NHL მხოლოდ ლიგა აღარ არის. ეს არის ბრენდი, ბიზნესი, კულტურა და ჰოკეის უმაღლესი სტანდარტი. როგორ დაიწყო ყველაფერი და როგორ ჩამოყალიბდა ჰოკეის გიგანტი? #ახალიამბები #BusinessMediaGeorgia
საქართველოს ფეხბურთის ფედერაციისა და ნიდერლანდურ კლუბ არნემის “ვიტესის” ყოფილი პრეზიდენტი მერაბ ჟორდანია, ქართულ ფეხბურთში დაბრუნდა. კერძოდ ჟორდანია ლანჩხუთის “გურიას” სტაფში იმუშავებს, ხოლო გუნდის მთავარი მმართველი მისი ვაჟი კახი ჟორდანია იქნება. ინფორმაცია მერაბ ჟორდანიამ გადაცემაში “სპორტი იმედზე” სტუმრობისას გაავრცელა. მისი თქმით “გურიას” ყველა ფინანსური დავალიანება დაიფარება და შექმნის ბიუჯეტს, რისი საშუალებითაც კლუბი Crystalbet ეროვნულ ლიგაში დაწინაურდება. რა გეგმებით არის წარმოდგენილი მამა შვილი ჟორდანია და რა ხდება ლანჩხუთის გურიას თავს? #ახალიამბები #BusinessMediaGeorgia